鍋先生海鮮火鍋菜館 (已結業)

六點幾黎到，安排左張二人檯，張檯好鬼大張叫左任食火鍋刺身麻辣魚頭鍋，小辣個湯底都幾鹹，又唔香唔係好食的湯底仲有生日送左隻冰鎮鮑魚再黎牛肉盤，海鮮盤，刺身盤牛肉好食的海鮮盤好少海鮮，四粒蜆仔，兩隻蝦仔，兩條聖子，兩粒細到嘔的螺仔睇落都已經唔吸引刺身就幾新鮮，三文魚夠厚叫左幾次黎食，唔錯再加多籃蔬菜盤，唔太明點解要比蔬菜盤任食果張紙已經可以剔菜類，自已鐘意食咩就食咩，呢個蔬菜盤有D多餘再剔左其他野食，廣島蠔未溶雪的芝士獅子狗呢到有喎好好味，哈哈，中蝦幾新鮮其餘果D都無咩特別，叫左四罐汽水，埋單每人$340左右好一般的刺身火鍋另外環境好嘈，不過員工友善有禮的

服務：我們訂座了8位，但到達餐廳後，餐廳只提供六人枱給我們，店員叫我們坐親密一點便可，但由於太逼，故我們要求換枱，可是侍應說訂座已滿，沒有其他大枱可以提供給我們，正值星期五晚，我們一行八人也不容易更換其他餐廳，故此我們只好無奈接受。環境：座位狹窄而且非常嘈吵。食物：任食火鍋有各式各樣鍋底可以選擇，我們點了鮑魚雞鍋和麻辣雞煲，份量多但味道一般。上了鍋底後，餐廳會按照人數提供第一輪特定火鍋配料及刺身，第一輪的款式較豐富，如果不夠飽可以加單，但加單款式跟特定款定款式有所不同。 例如第一輪特定款式有帶子刺身、牡丹蝦刺身、蟶子、大蜆等等，這些都不能追加。加單紙食物款式種類繁多，共分有8大類：肉類：雪花肥牛，以任食火鍋的質素來說算不錯，肉質夠嫩而且有牛味。海鮮：中蝦夠新鮮，生蠔要等溶雪手打丸+餃子類：沒有柯打，所以沒有評論。麵類：沒有柯打，所以沒有評論。其他：炸響鈴、冰豆腐、花枝片小食：辣味泰式蝦（即生蝦刺身）醬汁味道不錯，但生蝦不夠新鮮。蔬菜類：竟然有秋葵提供。刺身：後加刺身選擇不夠吸引，我們只加了三文魚和北寄貝，刺身尚算新鮮。汽水：同樣任飲。注意事項：因為常有漏單/售罄食物，但侍應不會前來告知

難得遇上咁有質素的海鮮火鍋和小菜！雖然在下只看食評從不留言，怕人多知道餐廳質素keep 唔到，但試過幾次後不得不share...因為呢間餐廳實在係物有所值，食物質素高，價錢公道，老闆服務貼心，唔似得其他出名野只為賺到盡🤑俾埋啲🤮客人食！屋企人和朋友煮海鮮什有要求，所以出街食都唔會有太多驚喜和👍🏻👍🏻👍🏻但有次和友人聚會，尖沙咀某火鍋full 哂，誤打誤撞book 左呢間試下，竟然中獎喎！😃$298/人 （食過2次）剌身+海鮮火鍋所有配料冇得彈，係鍾意打高汁邊邊朋友的一級選擇！鮑魚雞煲好入味不咸不味精，送的海鮮籃童首無欺，有蟶子王大蜆大蝦，完全搵唔到有唔新鮮的食材，朋友老公最鍾意食cheap野（即係丸丫丸丫同丸丫嗰啲啦，成日俾我地笑/小佢）但佢地啲丸都係堅野！芝士獅子狗係日本夾層嗰隻，AEON賣$23/6粒，實在太過份...的好有heart 丫大哥！（顧住食無影相，自己睇其他post d pic la) 嗱，唔好同我講話任吃邊邊包乜包物啤酒任飲都係$158，喂📞你唔啱睇我呢篇share!Bye!4大1小食海鮮菜：～冰鎮鮑魚～油泡鮮魷～涼瓜蟶子炸米粉底👍🏻😋～霸王雞～酸菜海班鍋❤️👍🏻😋（👆

一班舊同事慶祝生日飯：第一次到，去到地方雖然唔算大，但係食品及服務態度一流。我們因為有三個人是生日月份，我們可以用$100去買支日本清酒（ 1.8L）。當晚我們滿載而歸，亦感到非常開心。老闆特別親切，為我們介紹有什麼好的東西食。我們選擇任食：我們首先叫咗個鮑魚雞煲、仲有刺身、海鮮、肥牛.....太多野選擇有機會我們一定會再來

話說今日侄女生日，所以成家人去呢度慶祝食飯，弟婦話佢同事介紹呢間小菜好好食，所以決定會一會佢！呢間d小菜整體都唔錯，但服務員好差，一黎到已經有服務員向我地推介食火鍋or小菜，開頭都覺得服務ok，慢慢就覺得好煩，因為一個向我地講完，接著又一個向我地推介，跟著仲黎多個人又推介，好hard sell！好啦，我地決定叫小菜，差不多食完，有個服務員突然間走過來同我地講話每人有最低消費340，黎果陣又無同我地講，跟著又講切餅費收30，book果陣都無講有切餅費。黎到又轉哂口風，於是跟老闆講了，老闆知道後就免了我們切餅費。我們覺得d服務員濫收費咁，任他們開價，感覺好差，特別係個女經理，d服務態度真係好差！我地完全對呢間d服務好失望！

我同男朋友非常鍾意呢間餐廳，雖然價錢係中價位，但係我地之後都一定會繼續嚟😎第一樣要讚嘅 - 抵食！ 一餐飯竟然可以由刺身、食到去雞煲、再打埋邊爐，簡直係一餐飯滿足你三個願望🙈第二係味道，平時打邊爐掛住同人傾計，食咗啲咩都未必會知，今次雖然都好專心咁傾計，但係食物嘅好味程度係會catch返你attention，令你突然之間留意「咦呢粒魚蛋咁好食嘅😍」「喂呢塊肥牛鮮喎😱」，係我完全未試過嘅體驗😭第三就係服務態度，老細同員工一樣咁落力，同老細吹左兩句水之後覺得佢簡直係一個柔情鐵漢，仲要係外表冷酷但內裏細心嗰種，大家如果去食嘢就會知道我講緊乜🤤 總括而言，物超所值，極度極度極度推薦😋

所有的食物都超水準，而且價錢公道，海鮮亦非常新鮮，交通方便，服務周到以後不用長途跋涉去到鯉魚門，三聖邨或者西貢吃海鮮。任吃的火鍋非常超值，小菜也非常出色，款式種類非常多

今次選擇食放題，唔駛講一定新鮮因為知道老闆做海鮮的又帶d新朋友嚟食下頭盤生日送冰鎮鮑魚，好感謝鍋底要咗鮑魚雞鍋鮑魚同雞既味道都好好，服務超好如果食唔切可以盛起轉鍋食其他嘢先，根住就嚟咗魚生、牛肉、海鮮、四寶丸、雜菜……其實見到都飽咗，但係食下食下又想加嘢，因為食材真係好好，所以再點了d魚生刺身、墨魚丸、韮菜餃、雲吞、牛拍葉……等等都忘了叫咗咩其後既嘢當然又忘了影相啦最緊要朋友食完都話好唔係生日都要嚟，生日就一定要嚟

食物方面非常新鮮服務侍應非常有又夠細心整體非常滿意！首先講個雞煲..佢嘅味道唔會太咸..啱啱好！刺身未到嘅時候，唔係得太多，因為怕太飽，但係食幾塊已經感覺到佢嘅新鮮！之後再食佢哋嘅火鍋🍲⋯⋯配菜及所有配料都非常新鮮！

服務質素超好，食物好新鮮， 任食 火鍋咁好的質數超抵食。牛肉方面 送的質素非常好有三種口感， 而任食的肥牛質素好好。 任食的鮮蝦好新鮮 好爽口。所有刺身都好新鮮。火鍋湯底好多款式 ，值得推介鮑魚雞鍋，櫻花蝦冬瓜湯底。環境不太嘈吵， 環境清潔。雖然款式不太多，但樣樣都好新鮮會再去幫襯。如在當月生日仲可減100元。服務員個個都好親切好有禮貌。每次落單都好快送來不用等。不過如果加添一些雪糕雪條等甜品更加好， 汽水都有幾種款式。

之前食過火鍋放題，都覺得好抵同埋質素都好好今次要試下海鮮,小菜，一樣正中虾煎米粉，酸菜魚，冰鎮鮑魚，朋友第一次嚟都話好，要再嚟掛住食令外d小吃都忘記影相，下次去要食多d影多d

人愈大食野愈嘴刁 對上一次食任食都已經唔記得係幾時既事 因為通常任食都冇乜質素可言 情願重質不重量 臨放工同兩位朋友都想打邊爐 友人提議鍋先生 本身對任食沒好感 但見哩個價錢應該都ok掛 便膽粗粗打去book位試下 $298 加$10茶芥 加一 當我地諗緊點野食既時間 侍應(定老闆娘😁)體貼地同我地講：幫你上左個煲 刺身拼盤 海鮮拼盤先 食唔哂再點 點唔緊要 最緊要食哂 唔好嘥野阿下🤣我地簡左鮑魚雞煲 有3隻鮑魚應該係跟人頭 鮑魚好林 都有鮮味 ok合格👍🏻雞本身8成熟 要煮一陣先食 味道唔算太濃 雞煲黎講略嫌唔夠野味 但勝在雞件夠滑仲有豬皮反而好入味 好厚好爽 本身唔太好豬皮既我都覺得幾好味刺身拼盤 有劍魚腩 三文魚 甜蝦 北寄貝 玻璃蝦 帆立貝 意料之外地好食🤤 新鮮 甜 特別係劍魚腩同帆立貝 屬於高質刺身👍🏻好可惜帆立貝並不提供任食😭哩一個老闆話係浸左花雕酒既牛肉 都係冇得任食既 好好好好食到不得了 濃濃既花雕味 冇諗過可以咁入味 想encore都冇😭 一試難忘 絕對會為哩個牛再黎食多次！另外所有火鍋配料都屬於中上位 好滿足 午餐肉 西洋菜餃 魚皮餃 蠔 肥牛都好好食海鮮拼盤有大

任食火鍋推介坐埋位，店員會先上魚生刺身做頭盤，選好湯底再送上海鮮拼盤俾你打邊爐！店員推介鮑魚雞煲，先食雞後打邊爐：個雞煲確實不錯仲可以選擇大中小辣，不過雞件切得略為大件少少但口感鮮嫩～仲有鮑魚雖然係任飲任食火鍋，但食材食鮮好味👍🏻而且選擇多同特別滿足哂我地呢班大胃王老闆推介花雕牛肉，確實超正個牛肉，好香酒味但又不失牛味！海鮮拼盤仲有蠔食，脹卜卜而且店員服務細心友善老闆同老闆娘健談一定會再次食過呀！

天气熱到爆,日日陽光普照三十幾度,但都要食飯㗎!ㄧ班老友每月飯局,食乜好!諗起"鍋先生"最近做埋小菜!唔理咁多,book間房到時再決定小菜定火鍋啦...上到去,超涼冷汽,火鍋都好喎!老板介紹我地叫咗個冬瓜櫻花蝦鍋,清甜無比,重有夜香花,十足十冬瓜中咁正,我地叫咗ㄧ客手切肥牛,兩客黑豚肉,海蝦,桶𧐢,四宝丸.....食物刚刚好.個人特别介紹歺前小吃,椒鹽淮山,超好味,重有黄金魚片頭,實在太好味!未影相就比人食晒...配上冰凍Sake...自己去試啦!6人埋單唔洗三千.這埋放提亦好正,唔洗三佰!最重要係湯底非常正,絶对誠意出品!

幾個朋友約埋想請我食生日飯、問我想食乜、幾個老友鬼鬼、其食最緊要想坐埋傾計、傾計食火鍋拾下拾下是最好嘅選擇😁這間火鍋店雖然不太大間、但係坐得好舒服、不經不覺好快過左幾個鐘、這間鍋先火鍋店、生日者出示身分證九點半前減100、九點半後只收100、真係咁大隻蛤乸隨街跳、下次會再來仲有生日個位送一隻冰鎮鮑魚、最尾還有自制甜品送😋正