鋿晶館

營業中

休息中

前排聽朋友講沙咀道開咗間新式點心店唔錯師傅仲喺米芝蓮酒店同大型連鎖酒樓集團做過相當有經驗 梗係要帶埋媽媽黎試試新野啦一入餐廳就俾「飲啖茶食個包」霓虹燈吸引住抬頭再望見吊燈上嘅麻雀裝飾 真係地道又盞鬼 餐廳係自家製品牌 只此一家 主打手作點心全部點心都係現場即叫即做 送到黎熱辣辣出哂煙試咗幾款點心都好高質 下次試埋蒸飯同燉湯先得齒頰留香脆蘿蔔腸 ($30) 必點推介!!!腸粉皮包住一層酥酥薄脆 中間係滿滿嘅香甜蘿蔔絲真係冇改錯名 口感有層次得黎味道好夾 食多多都唔夠 浦江春鮮竹牛肉球 ($16)牛肉球好紮實 牛肉好新鮮 唔會過多調味啖啖食倒莞茜同馬蹄 沾埋喼汁好開胃 鮮蝦菜苗餃 ($26)菜苗餃粒粒都好飽滿 皮薄餡靚 菜苗好嫩 鮮蝦亦都幾大粒馳名南昌小籠包 ($26)其實點心店食小籠包中伏機會都幾高呢度嘅小籠包真係有上海風味 皮薄多汁咱家秘製叉燒包 ($16)叉燒餡料充實 唔會紅卜卜得pat醬食落味道天然 仲會食倒一粒粒叉燒添糯香麻蓉煎堆仔 ($22)煎堆仔外面沾滿黑白芝麻 咬開好有驚喜 裡面包住又香又甜嘅流心黑白芝麻蓉 好好味

收工次次經親呢間鋪，咁啱想食點心野 今次就試下佢先。 飲啖茶食個包歎歎下~裝潢幾靚，食個點心都有得打卡😆 炸鮮奶 ~ 熱辣辣 超正!👍🏻推介 啲野即點即做先有咁正 大家知嘅啦啲炸野凍左唔好味架。重點黎喇~黑鬆露燒麥~又幾夾wor~似新派點心。 後尾同老闆娘吹水先知呢間餐廳係自家製品牌，個師傅曾就職於日本東京富麗華多年，專為高管達人和明星服務，回港後在多間米芝蓮酒店做主管。唔怪得有啲創新。蝦餃啲蝦睇落幾新鮮，個蝦脆口嘅。可簡（兩粒）幾貼心😆 百吃不厭鹹水角，不得不讚下個外皮炸得色澤金黃，食落外脆內軟，咸中帶甜 。點可以少左馬拉糕~ 氣泡綿密，好鬆軟，有傳統味道🤤

同先生專登嚟香車街街市食米線，最後都係不敵人龍，決定轉戰附近呢間開咗冇耐嘅點心小館，主打現場即做嘅手作點心。茶位5蚊位，雖然只有鐵觀音同普洱兩款選擇，但勝在價錢貼地，我哋揀嘅鐵觀音濃淡適中，質素可以，喜歡茗茶嘅亦可以加錢揀碧螺春、人蔘烏龍同桂花苦蕎等靚茶慢慢嘆。蝦餃加入少量翠玉瓜粒，鮮味之餘唔油膩，仲可以嗌一籠兩粒，兩個人嘆茶就啱哂。鮮蝦菜苗餃非常新鮮，皮薄餡多，蝦肉比例亦算高。鮮竹牛肉球大大粒，底下嘅腐竹亦落得大方，牛肉球食落唔會有好重粉感，質素唔錯。鮮竹卷用上湯浸住，味道鮮甜，感覺比一般嘅蠔油鮮竹卷更能夠食得出腐竹嘅豆香。脆蘿蔔腸一份六件，簡單食材配上鹹淡適中嘅甜豉油，已經非常美味，係我非常欣賞嘅一道。蔥花除咗佈滿表面嘅腸粉之外，脆網入面亦包住唔少蔥白，口感豐富，非常推薦！炸鮮奶唔係每間茶樓或者點心店都能夠做得好，呢度嘅炸鮮奶即叫即做，炸漿又薄又脆，鮮奶味道香濃，而且唔會太甜，我同先生都非常喜歡。椒鹽豆腐份量唔少，粒粒外脆內滑，加入五味粉更加香口惹味。流沙包係另一道必點推薦，樸素嘅外表冇過多嘅修飾，賣嘅係真材實料。咬開鬆軟嘅外皮，流沙效果明顯，帶住濃濃嘅鹹蛋香，食多兩個都唔會膩。蒸

住荃灣的老友約我去新開張的點心店，佢話點心是即叫即做，師傅是米芝蓮酒店及大型連鎖酒樓集團的主管，經驗豐富。我們點左咱家秘製叉燒包$16，用瘦叉燒夠健康，包滿餡料和醬汁，味道不錯👍👍👍北菇滑雞金鳳飯$28，雞肉很嫩滑去皮，飯粒分明很甘香。浦江春鮮牛肉球$26，很香滑，有肉味。糯香蔴蓉煎堆仔$22，蔴蓉味香，但餡油太多了，有些膩，都香脆可口。紫金名醬蒸鳳爪$26，醬汁足很夠入味，吃完碟底很多油。瀏陽豉蒜蒸排骨$26，半肥瘦排骨，好腍滑。鋿晶館地址：荃灣沙咀道130號地下

呢間點心店嘅點心全部都係自家製，點心師傅之前係米芝蓮酒店做過主管，好有經驗嫁🤓點心係即叫即做，所以落左單之後都要等一段時間先有得食😌**********<濟寧蒜香蝦春卷> $28見到好多人推介佢地嘅春卷，所以叫左一份試下🤔每舊春卷都釀左成隻蝦，仲加左椰菜絲食落好清新，蒜香味都幾明顯，有別於平時酒樓食嘅炸春卷，果然無介紹錯啊🍤**********<馳名南翔小籠包> $26咬開小籠包會有湯汁流出黎，如果一啖一隻嘅話就要小心燙咀🔥**********<鮮蝦菜苗餃> $26平時都去酒樓好鍾意叫菜苗餃，呢度嘅菜苗餃脹卜卜好飽滿，菜苗夠多之餘仲有好大隻鮮蝦🥬🥟**********<黑松露北菇燒賣皇(2粒)> $17燒賣可以揀要兩粒或四粒，每粒嘅size都幾大，係平時嘅一粒半，黑松露味道算幾明顯🥢

這家餐廳的點心是自家製品牌，所有點心🧆🥧是現場即點即做的手作點心，雖然時間可能會等得多少少，但手工野就係咁樣😊。跟店員傾談時知道師傅👨‍🍳曾就職於日本東京富麗華多年，專為高管達人👩‍💼🕴🧑‍💼👨🏻‍💼和明星服務，回港後在多間米芝蓮酒店🏨及大型連鎖酒樓集團做主管，經驗豐富。我最鍾意食係佢嘅牛肉球，再配埋自家條調製嘅喼汁，唔太酸，恰如其分地吊出牛肉嘅香味；牛肉球啲肉冇壓到實晒，反而鬆鬆軟軟，加上勁多芫荽，適合我呢類芫茜控🥰之後個黑椒金錢肚亦都想一讚，平時食嘅金錢肚，都會食到大量嘅味精，因為要黑椒汁香嘅話，唔少餐廳都會用到味精佢調味；但呢度個黑椒汁唔會令我好口乾；黑椒汁好香之餘，金錢肚亦都唔會好軔，軟軟的質感令到醬汁可以入口時爆開。黑松露燒賣有大大粒菇同蝦，用料豐富，但幾類野合併埋一齊之後，每一個味道食得都唔會太出，可以再調整一下。之後就係百吃不厭嘅鹹水角，餐廳對這點心都幾自豪，我食落嘅時候，第一種感覺就似係一個炸粉果，裏面每一樣食材都配搭得唔錯。最後就係叉燒腸粉，皮簿，食落去嘅時候有煙煙銀銀的感覺，這也是新鮮製作的好處，內裏食材的比例跟外皮大約係9:1，控制得非常好。

食點心都有得打卡⁉️ 荃灣呢間點心館逆市開張 裝潢好靚 選擇夠多 價錢都只係$16up🤑▪️8/10▫️<< 黑松露北菇燒賣皇 >> $17 燒賣控必食！蒸至鬆軟 咬落爆多肉汁💦 松露加香菇味好香濃 大大粒啖啖肉~▪️8/10▫️<< 脆炸北海道牛奶 >> $18 外脆內軟 有好重椰香味 比一般炸鮮奶特別 質感滑溜 奶味濃厚亦唔膩🍼 推‼️▪️8/10▫️<< 濟寧蒜香蝦春卷 >> $28 皮脆餡料多 蒜香味好重 好香口🧄 椰菜清甜爽口 令春卷口感更豐富▪️7.5/10▫️<< 煎蛋牛肉金鳯飯 >> $28 大大碗😮 牛肉餅加咗芫荽吊味 咬落有Q感 有啲似牛肉球 好餸得飯🤟🏻▪️7.5/10▫️<< 椒鹽魷魚 >> $42 份量多 炸粉較厚 炸到脆卜卜 重油香 魷魚🦑新鮮爽甜 配合七味辣粉更香口▪️7.5/10▫️<< 好姐潮州蒸粉果 >> $16 皮薄 質感超軟糯😍 餡料豐富 豬肉同花生粒較多 味道正宗👍🏻🌿店舖有唔少打卡

齒頰留香脆蘿蔔腸蘿蔔絲酥餅包入腸粉入面第一次食，上菜時仍然保持新鮮脆口，食落有一條條蘿蔔絲，又夠鬆化，唔會焗到冧晒。黑松露北菇燒賣皇燒賣呢度加咗黑松露，感覺變得高尚，食落黑松露味出，又食到蝦肉嘅彈牙！馳名南翔小籠包裏面嘅湯頭好多，唔會穿，皮又夠薄，熱食冇得輸！鮮蝦菜苗餃菜嘅比例好多，大大件，好足料。月半彎晶瑩鮮蝦餃蝦餃蝦肉彈牙，皮薄濕潤，比例啱啱好。北菇滑雞金鳳飯雞件嫩滑唔鞋口，不過略嫌飯粒太乾！老爺子古法馬拉糕味道唔會太甜，熱食有奶香！脆炸北海道牛奶而家已經好少地方有炸牛奶食，因為製作麻煩！呢度嘅炸牛奶味道甜得來又有奶味，而且夠軟棉，不過炸粉略嫌多咗d。

荃灣沙咀道愛心點心小店鋿晶館， 之前外婆獲贈愛心燉湯卷一張，偷了一口來喝， 嘩！超有誠意的日，燉湯 真材實料，補身養體。這晚正好經過荃灣，不想 流連在大商場搵食，想起那碗湯，一於就去鋿晶館。小店地方不大， 但裝修整潔雅緻， 飲啖茶食個包， 乾乾淨淨不花太多的錢在裝修上，I like it. 點心種類繁多各款蝦餃燒賣清點即叫即蒸, 各款蒸飯燉湯, 甚至連法式燉蛋也有, 超強的。齒頰留香脆蘿蔔腸腸粉裏頭包著的是即叫即炸的 蘿蔔絲酥卷， 外軟內酥化， 一絲絲的蘿蔔非常清甜 ，腸粉皮有米味，不會蒸得過削，兩者夾埋一齊， 完全沒有違和感。百吃不厭鹹水角鹹水角即叫即炸， 粒粒炸得金黃 脹卜卜，肉碎、蝦米、冬菇、沙葛都滿滿的，食落口感煙韌， 果真讓人百吃不厭。濟寧蒜香蝦春捲春卷 炸至金黃一咬落去 即食得出鮮蝦的爽彈 ， 入口味道甘香可口咱家秘製叉燒包係京式叉燒包包法。 叉燒包熱騰騰的蒸出來， 外皮鬆軟唔會黐牙， 餡料醬汁飽滿 ，叉燒也吃得出 肥瘦有致，不會全部都是肥肉。鮮蝦菜苗餃外皮薄，咬落唔感不錯，蝦肉與 菜苗都給包得滿滿的 ， 蝦肉夠爽口， 菜苗也鮮甜，好食。姬松茸雪耳燉雞湯一揭開蓋已經飄來陣陣

在荃灣的邊邊位置，在某家馬拉名店帶動之下，這邊也開始熱鬧起來，而這家點心館就是其中之一這家小店說小也不算，數十個座位間隔分明，裝潢在燈火通明之下，牆上貼著港式點心的一幅幅黑白照，很有新瓶舊酒的感覺點心選擇不少，除了點心紙之外，牆上也有一些選擇食物：蝦餃：蝦仁彈牙之餘，皮厚度適中，當中竟加入了翠玉瓜！非常爽脆叉燒腸：腸粉皮薄餡多，而且傾向不肥膩，加入醬油很是好吃大良炸鮮奶：熱辣辣！炸得非常鮮！黑松露燒賣：黑松露醬惹味當中，豬肉跟蝦肉的比例剛好，而且沒有豬羶味，質素不俗雞湯底的鮮竹卷，肉質鮮而且不肥膩，腐皮夠軟，不錯超薄皮的潮州粉果！裡面的料不會太油，好吃！豆沙煎堆仔，這個雖然略略油了點，但微甜的豆沙餡的煎堆口感真的很有層次！咸中帶甜的流沙奶黃包也是吸引，不俗！鳳爪排骨飯排骨也是半肥半瘦，鳳爪入味也不會太稔，飯粒分明，很好吃！

夜晚有鋪茶癮，又不想去酒樓食散菜，想和朋友飲啖茶，傾吓偈，食件點心。剛好朋友是荃灣地膽，她推介了一間點心鋪，深受荃灣街坊歡迎，說要帶我去嚐一嚐。這間點心店叫「鋿晶館」，位於荃灣沙咀道，比較近荃灣西地鐵站。如果你以為晚上沒有太多人會想食點心的話，那真的是大錯特錯，我們未到7點時入座，不用10-15 分鐘已經全院滿座。看到有不少食客都是與店員熟落的，應該都是荃灣街坊，可見鋿晶館一定有它的吸引之處，能夠吸納着熟客。別看鋿晶館細細間，提供的點心與大酒樓的都是不相伯仲，應有盡有。我其實比較偏好於點心小店，因為其點心一定是即叫即蒸，保證熱盪盪的。我們每人劃三款點心，看看大家的口味如何。⊛ 1. 百吃不厭鹹水角熱辣辣的鹹水角，炸得色澤金黃，其鹹水角的外皮處理得相當不錯，一咬落去口感外脆內軟，加上內裡的豬肉、蔥頭、冬菇等等夾集的味道，是咸中又帶有一絲絲甜味。⊛ 2. 黑椒醬皇金錢肚金錢肚富有彈性，其肉質亦厚實飽滿。加上非常香濃的黑椒醬後，使得金錢肚軟熟入味，口感和味道一流。⊛ 3. 黑松露北菇燒賣皇燒賣可以點兩粒，方便二人享用。燒賣皇上面鋪了一層黑松露，材料用上大大粒北菇及厚實的入味豬肉，食落非常彈牙

飲茶不外乎吃點心、斟斟茶、吹下水。收工心血來潮想吃點心，在這裏二人飲茶都不會奇怪🫖還可吃到平民價點心😋😋二人開了壺鐵觀音，不錯濟寧蒜香蝦春卷 是剛剛炸好的，非常香脆，蝦肉厚實彈牙，沒吃到蒜味但也是很好吃的春卷月半彎晶瑩鮮蝦餃(2粒)名副其實的皮薄餡靚，大大粒蝦肉鮮蝦菜苗餃，翠綠的菜苖很好吃😋艇頭三寶煎蘿蔔糕 邊皮帶點焦脆，吃得到有一條條蘿蔔，蘸甜辣醬更惹味黑松露北菇燒賣皇(2粒) 同樣毫不吝嗇厚實的蝦肉，大大粒燒賣皇，以黑松露作點綴，感覺更豪氣

多數的後生都唔係好鐘意去酒樓食點心，因為太嘈太逼。點心店就唔同，一般都比較新式乾淨。今次去左呢間位於荃灣沙咀道新開嘅點心餐廳食啦。香脆蘿蔔腸見到個名都覺得好特別，就叫咗來試吓。佢包住蘿蔔絲，外層軟內層又點脆 最內層又有蘿蔔絲的香，口感層次好好。月半灣晶瑩鮮蝦餃 & 黑松露北菇燒賣皇佢呢度可以叫兩粒來試吓，啱晒人少但想試多啲嘢嘅我哋，佢嘅燒賣有黑松露，味道比起一般嘅會豐富啲。餡料充足，蝦內好彈牙。蝦餃都做得皮薄餡靚，絕對係唔錯。百吃不厭鹹水角鹹水角好脆，餡料都唔少，唔錯，平時都係必點。黑椒醬皇金錢肚金錢肚好入味，同埋有D 蘿蔔做或 好吸味。咱家秘製叉燒包朋友鐘意食叉燒包，我就普通。不過食落都唔錯，不過不失。濟寧蒜香蝦春卷佢係打咗啲蝦滑入去春卷做餡，春卷皮炸得香脆，點上喼汁，唔只賣相唔錯而且非常好食，喺其他地方未見到有咁嘅春卷，所以誠意推介。北菇滑雞金鳳飯佢嘅雞真係幾滑，另外想講吓佢啲米，比起其他點心餐廳或者酒樓都香，事後睇返原來呢隻叫做金鳳米。

一入門口就見到霓虹光管嘅情懷燈光「飲啖茶食個包」💡💡餐廳光猛企理，座位又寬敞！一坐底斟杯茶先，茶壺好鬼重...原來係黑鐵壺😂難怪啦！點心款式好多，牆上一個個木牌寫各式各樣點心令我選擇困難症復發😅好姐潮州蒸粉果：唔知係咪因為套粵語長片成日賣粉果果啲人都叫好姐呢？雞冠形嘅外表，粉果皮晶瑩剔透👍🏽半肥不瘦叉燒腸：燒味嚟講半肥叉真係無敵！用嚟做腸粉就更加無朋友！腸粉又白又滑👍🏽鮮蝦菜苗餃：晶瑩剔透佢攞滿分💯菜苗嫩，蝦夠爽咬落”索索"聲👍🏽黑椒醬皇金錢肚：醬汁惹味，蘿白好入味，牛肚好淋身👍🏽脆炸北海道牛奶：睇得出係用心製作十分別緻！外表全部芝麻勁香脆🤤鮮奶內軟，入口即溶👍🏽和風老虎咬豬：呢味好fusion將傳統嘅刈包，配香軟豬扒，再加入一啲和風味道，好有新鮮感👍🏽

餐廳佈置好特色， 牆紙印上落懷舊的香港景色和點心， 七彩霓虹燈寫上「飲啖茶食個包」， 十分鬼馬和奪目 ， 天花板的雀籠可愛趣緻， 好有心思。齒頰留香脆蘿蔔腸 $30金沙脆皮銀蘿腸粉，腸粉皮白滑、 薄身， 晶瑩通透， 餡料 豐富，包裹脆卜卜的油炸鬼及香甜的蘿蔔絲， 口感一流， 再沾上甜甜的豉油， 令人停不了口。月半灣晶瑩鮮蝦餃兩粒$19 雪白的鮮蝦餃， 外形飽滿很像 一彎明月， 蝦餃皮煙煙靭靭 ， 包裹著滿滿鮮蝦，爽口彈牙， 是我飲茶的至愛點心。鮮蝦菜苗餃$26飽滿的鮮蝦菜苗餃， 晶瑩的 餃皮煙煙韌韌，爽口的鮮蝦加上鮮甜的菜苗， 口感特別清爽。黑松露北菇燒賣皇兩粒$17黑松露放在燒賣上， 變得矜貴 ，色澤明亮，口感爽彈， 配上北菇粒， 增添鮮香。蒲崗春鮮竹牛肉球$26 鮮竹牛肉球，肉質嫩滑， 加上毫不吝嗇的芫茜， 散發著誘人的芫茜香氣， 令人口舌生香。北菇滑雞金鳳飯$28 北菇滑雞飯， 滑溜的北菇配上嫩滑的雞肉， 用上金鳳白米， 粒粒分明， 充滿米香， 蒸起的雞汁滲透底層米飯，拌勻白飯一起吃， 每口米飯濕潤且帶雞油香味。香噴噴招牌流沙包$26鬆軟的流沙包，大口咬下去， 金黃色的奶黃，