鋿晶館

營業中

休息中

燉湯好飲，點心都ok，蝦蒸飯一般，蝦雪藏味好勁，蒜都遮唔到佢浸味，見餐牌姜汁雙皮奶好吸引，心諗一定係好正宗嘅，點知............雙皮奶係沖劑嚟，好失望 。

飲夜茶 熱食點心&飯的確唔錯，甜品真係唔叫好啲 $133/位。茶芥$5/位正常，茶味唔差。點心都夠熱新鮮同幾款點心味道好食😋。腸粉堅滑，蝦普通，尖椒差唔多$32得幾條有啲貴幸好夠熱新鮮，腐皮卷幾脆唔油，粉果足料皮薄。蒸飯要班腩唔太多肉幾滑，飯吸了荷葉味唔錯，不過底部比較多油，送油菜這價錢都可以。甜品叫3款，芝麻糕最可以。炸鮮奶皮勁厚身。雙皮奶冇雙皮不過$18食吓價錢可以。六點幾嚟冇人但一到七點已滿座 @ 星期日晚上 #荃灣飲茶 鋿晶館 。

2021年12月26日 今日專誠去荃灣試吓呢間點心店「鋿晶館」，聽講係前得獎大師傅現場炮製，點心款式都幾多，除咗有各種點心，仲有蒸飯丶燉湯丶甜品。餐廳環境整潔丶乾淨企理，店員服務態度好，當日點左八款點心，有脆炸北海道牛奶丶薑汁雙皮奶丶脆皮蝦多士丶蒜香蝦春卷丶蝦腸丶月半彎晶瑩鮮蝦餃丶鮮蝦豆苗餃丶上湯鮮竹卷。個人認為脆皮蝦多士唔係太好食，好油膩，有d後悔。其他點心全部都新鮮熱辣，好好味。期待下次再試其他款式點心。逢星期一至五，下午茶時段（1400-1630）有85折優惠。

❤️‍🔥黑松露北姑燒賣皇(2粒）$18燒賣肉質新鮮彈牙，黑松露會鋪少少係燒賣上面做點綴，但係亦都有黑松露味，唔會淨係得個樣，需要一試。👍🏻四寶滑雞扎 $30用上靚雞脾肉，肉質嫩滑彈牙夠大件，另外豬皮都唔會話淋哂，仲好有咬口，芋頭唔會話食落口就好粉，個人本身唔鍾意食芋頭都覺得可以接受。👍🏻上湯鮮竹卷 $28鮮竹卷成舊索滿哂湯，一咬落去啲湯汁泌哂入口，濃濃既上湯包埋佢入面唔錯既食材，值得一試。👍🏻月半彎晶瑩鮮蝦餃(2粒) $20蝦餃新鮮彈牙大大隻，皮夠薄但係唔會一夾就爛。👍🏻馳名南翔小籠包 $28小籠包一樣皮薄，但係夾第一隻果陣穿左溜哂啲湯出黎，好唔開心，但係啲湯味好香濃。👍🏻籠仔蒸飯套餐（全日供應）-蒜香虎蝦蒸飯 $85附送時令養生靚湯及時令蔬菜一份蒜蓉味夠香，但係虎蝦食落就正常，新鮮味道落哂啲飯度，食飯果陣鮮味出眾，下次我會試埋第二款。👍🏻法蘭西焦糖燉蛋$18 焦糖燒到面頭好香唔會太甜，燉蛋夠滑味道香濃，意想不到好味。👍🏻大良薑汁雙皮奶 $18奶味香濃，放入口滑到直入喉嚨，估唔到甜品都做得一流。❤️‍🔥脆炸北海道牛奶 $28炸粉好薄，咬落去香脆，奶味濃郁香滑，必定要試。📍 鋿晶館荃灣沙咀道

難得去荃灣食嘢🙈朋友介紹呢一間點心店，所以就去試一試佢😎嗰日有鐵觀音同埋普洱兩款茶選擇，我揀咗鐵觀音，但味道偏淡。鳳爪味道唔錯，好入味菜苗餃都幾大舊，餡料十足👍🏼皮薄，餡料唔算濃味，鍾意較清淡嘅人必選脆蘿蔔腸朋友話呢個蘿蔔腸係必食之選👍🏼果然真係好好食😋 內脆外軟，正！另外，仲食左流沙包同蝦春卷，不過顧住食冇影到相😅一搣開流沙包好多汁流出嚟！好香蛋黃味，值得一試！蝦春卷新鮮熱辣，脆卜卜，都好好味！整體點心都好好食，不過茶就淡左啲，絕對會再食！

同老公行荃灣，誤打誤撞之下搵到間飲茶既餐廳。門面裝修冇咩特別似茶餐廳。舖頭裡面裝修新潮，侍應阿姐都好熱情招待，同客人打成一片，好有親切感。兩條友叫左6樣點心由細到大必叫點心蒸鳳爪，鳳爪軟腍，醬汁濃郁美味。生剝鮮蝦腸原粒鮮蝦，爽口彈牙，皮夠滑，只係覺得皮可以再薄少少就好。潮州蒸粉果皮薄餡靚，材料滿滿，三粒都唔夠食。招牌流沙包又係我飲茶必叫點心，超流沙，好好味。蝦餃大大粒，超有口感，皮夠薄。燒賣黑松露燒賣，好香黑松露，無咩肥豬肉，一啲都唔覺得油膩。其實仲有好多點心仲想食，唯有下次再黎過。呢間小店點心真係高汁。

一盅兩件又到飲茶時間😉鋿晶館既點心係自家製品牌，全手工製作，即點即做，點心師傅仲好猛料添，曾經係日本東京富麗華就職多年，專為高管達人、明星服務，返黎香港後係多間米芝蓮酒店、大型連鎖酒樓集團做主管，經驗咁豐富，點心一定有保證la😉依度茶芥$5/位，仲全日免收加一，好抵食😋~半肥不瘦叉燒腸🥘 $30腸粉好滑，入面叉燒肥瘦均勻，好juicy有肉汁唔會硬😋~月半彎晶瑩鮮蝦餃🥟 $20(2粒)蝦餃好飽滿，有大大隻蝦好彈牙又爽🤤~黑松露北菇燒賣皇🍲 $18(2粒)黑松露味香，燒賣勁彈牙，肉味加埋菇味一流🤤~鮮蝦菜苗餃🥟 $27菜苗剁得夠碎，混埋新鮮蝦，味道清新又正🥰~香麻蓉煎堆仔🧆 $24一咬煎堆仔，入面香濃芝麻味湧入口，外皮好香脆😋~咱家秘製叉燒包🫓 $18包軟熟，入面叉燒餡好足料，叉燒好靚，甜甜地好好味😋

✨月半彎晶瑩鮮蝦餃蝦餃好似係呢間餐廳嘅招牌菜之一！蝦餃皮夠晒皮薄、都幾晶瑩剔透！入邊有好多隻蝦✌🏻✨黑松露北菇燒賣皇黑松露香到離遠都聞到！蝦膠同埋豬肉嘅比例好好! 燒賣皇裏面唔多肥豬肉最抵讚！😋😋😋✨濟寧蒜香蝦春卷春卷炸得好脆！而且係即叫即炸嘅！夠晒熱辣辣😚😚春卷好足料，食到啖啖蝦肉！而且春卷表皮一啲都唔油膩🤣✨自家製叉燒包包嗰個包嘅質地做得好軟身，一食落去就食到好豐富嘅叉燒餡料🤪🤪✨手作腸粉-活剝鮮蝦腸一層滑嘟嘟嘅腸粉皮包住好多鮮蝦😚都幾足料🤟🏻樓面阿姐仲同我講點心師傅係之前喺日本東京富麗華做咗好多年，返咗嚟香港後又係好多間米芝蓮酒店同埋大型連鎖酒樓集團做主管，背景果然好猛料🤪

今日同屋企人諗住去飲茶，途經鋿晶館見到有咁多人喺門口等位，就俾佢吸引咗，等咗大概20分鐘左右就可以入去，同平時茶樓差唔多嘅點心紙，選擇唔算話好多，不過啲嘢食係高水準。問一問先知原來廚師係米芝蓮餐廳度做過，唔怪之得啲嘢食咁好食，而且個價錢唔貴，cp值高！如果早少少過嚟嘅話，大概10點幾左右就應該唔會好多人，咁啱我撞咗lunch時間，所以先要等一陣，佢哋鹹水角好好食，入面都坐得舒服，唔會好似一般酒樓咁嘈。

平日路過這間店總會看到人頭湧湧，心想一定要試一試，今天心血來潮終於試了，在門口看餐牌時有點兒猶豫，隔離的陌生人對我說：「試一試吧，很好吃的，我常常來。」於是，大踏步打開門進入店舖。點了蒜蓉石斑蒸飯套餐，套餐包一碗燉湯和一碟菜。石斑新鮮美味，魚肉彈牙，吃下去時肉汁在口裏溢出，魚肉精華滲入飯裏，每粒飯都充滿魚肉香味，簡直是人間極品。燉湯用料上乘，分量充足，沒有味精，有新鮮的排骨、杞子、冬菇和雪耳等材料，每喝一口，都感受到廚師的用心，非常好喝！健康之選！椒鹽魷魚香脆可口，脆卜卜脆醬將包着香噴噴的魷魚，煙煙韌韌，美味可口，是我吃過最好吃的椒鹽魷魚。另外點了鱔魚蒸飯套餐 ，新鮮的鱔魚，配上蔥花，雖然是簡單的材料，卻能令人回味無窮。難怪每次路過都人頭湧湧，果然是高質素的店舖。

餐廳係大館附近，影完靚相可以試下呢間點心☺️裝修幾靚，雖然比較多老人家幫襯，但比人嘅感覺依然好乾淨好舒服，有別於一般嘅點心店☺️每款點心都好好食，樣樣真材實料🥳.🥟精選點心 $2x - $4x小編特別推薦鮮蝦菜苗餃、鮮蝦餃、黑松露北菇燒賣同埋香蝦春卷😆每一樣都非常足料，鮮蝦好大隻好彈牙，而且價位都好親民😋.💰人均消費: ~$150.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

依間餐廳係公司附近，lunch time 過嚟食都好方便☺️佢嘅點心係自家制，同出面其他酒樓好唔同！樣樣點心都係現場即叫即做，熱辣辣新鮮出爐👍齒頰留香脆蘿蔔腸$32腸粉皮薄餡靚， 入邊有炸過嘅蘿蔔絲， 口感香脆！百吃不厭鹹水角$22鹹水角外脆內軟，食落唔會好油膩！鮮蝦菜苗餃$27菜苗餃好新鮮，啖啖都係菜，好清新！ 平時唔鍾意食菜苗餃嘅我都一次食咗兩隻～咱家秘製叉燒包$18叉燒包口感鬆軟，叉燒餡肥瘦適中，加上蜜汁，甜甜地幾好味👍月半彎晶瑩鮮蝦餃$20滿滿嘅鮮蝦餡，食落爽口彈牙，好食！黑松露北菇燒賣王$18燒賣非常足料，個面仲有黑松露，帶出燒賣嘅香味原來餐廳師傳係做過多間米芝蓮酒店及大型連鎖酒樓集團嘅主管，唔怪得可以做出咁好嘅點心

除咗西餐日本餐🤤 間唔中我都會好想飲茶😋😋😋 因為番工實在太忙都唔可以去酒樓慢慢嘆茶🥲 所以我好喜歡點心店， 而呢一間鋿晶館聽講佢地點心師父大有來頭🤩 收工就去試試😍六點半左右，已經8成滿座🤭🤭 我地坐低後更加要排隊Tim 😳齒頰留香脆蘿蔔腸$32呢一款香脆蘿蔔腸睇落好似炸兩😝 但係味道就好唔同， 幼滑既腸粉包住香脆既網絲🤩🤩 中間再夾雜住白蘿蔔絲， 口感十分豐富月半彎晶瑩鮮蝦餃（2粒）$20蝦餃皮半透明，肉餡隱約可見🤩🤩口感爽滑清鮮，內面既蝦肉爽口彈牙 好姐潮州蒸粉果$19粉果皮薄肉厚，餡料豐富， 配上辣椒油 🌶 十分美味濟寧蒜香蝦春卷$30蝦春卷炸得非常香脆， 餡料嘅份量好足🤩 紫金明將蒸鳳爪$26鳳爪蒸得軟淋，配上濃郁嘅醬汁，非常惹味黑松露北菇燒賣皇（2粒）$18咬落去非常之彈牙，肉汁豐富，黑松露令到整個燒賣味道更突出普洱茗茶/座位費$5位

心血來潮夜晚想食點心，好彩屋企附近都有啲選擇，據說呢度嘅點心師傅曾任職多間米芝蓮酒店，經驗咁豐富整出嚟嘅點心應該都有質素，平日夜晚嚟都幾多街坊幫襯，全場滿座好厲害!! 🔘叉燒手作腸粉🔘叉燒包唔覺意叫咗兩個有叉燒嘅點心，腸粉皮薄有少少煙韌，叉燒餡料無論係腸粉定包都幾多!! 🔘黑松露北菇燒賣皇🔘晶瑩鮮蝦餃蝦餃燒賣都可以兩粒上，咁都幾好，蝦肉彈牙，蝦餃皮薄，但自己覺得燒賣好味啲，而且黑松露嘅味道都好出!! 🔘蒸鳳爪🔘百吃不厭鹹水角呢兩個點心就發揮正常，鹹水角新鮮炸起上枱嘅時候仲係熱辣辣!! 夜晚想食點心嘅話會再嚟食呀!!

今日同朋友約左係荃灣行街一到步即刻搵個地方醫肚先🤩因為好耐冇飲過茶啦想同朋友飲杯茶嘆返一盅兩件😋行過荃灣廣場附近見到有一間裝修幾有香港味道既新式點心價錢又幾親民 就決定入去試下啦！老爺鮮蝦腐皮卷入口十分香脆 啖啖鮮蝦肉食落又唔會太油膩 好食！齒頰留香脆蘿蔔腸腸粉皮白滑 皮夠薄餡料又足腸粉包住炸得香口既油炸鬼同蘿蔔粒配埋豉油令人忍唔住一口接一口～月半彎晶瑩蝦餃蝦餃真係好大粒入面仲要包住好多新鮮蝦肉即刻想ancall多兩粒黑松露北菇燒賣皇(兩粒)中意食黑松露既朋友就唔好錯過啦雖然唔係加左好多黑松露但以呢個價錢黎講 真係好底食-黑椒醬皇金錢肚食落有濃郁既黑椒味入口軟硬適中 仲要有好多舊正！咱家密製叉燒包熱辣辣香噴噴既叉燒包食落覺得味道幾特別同平時係酒樓食既唔同有種特別既香味總結：餐廳裝修充滿港式風格嘅味道霓虹燈特色牆用黎影相打卡一流服務員友善有禮 價錢亦唔會太貴下次會再推介俾其他朋友💯