鉄人旨花

營業中

休息中

在眾多日本料理當中，鉄板燒是最具欣賞價值的料理之一。因為你可以坐在師傅面前，近距離欣賞師傅的巧手功架，又可以一面欣賞美食。吃鉄板燒無論在味覺、視覺或聽覺都是一大享受，因為師傅拿起兩把鑊鏟，鏗鏘的聲音已令客人有種滿心期待的感覺。師傅熟練的手藝，加上精緻細心的擺盤，將每一道菜式都擺設得美侖美奐，亦可以看得出師傅鉄漢柔情的一面。伊勢海老鉄板燒 （$2088/2人）手作前菜-野菜沙律/火炙凡立具配三文魚子👍👍👍👍前菜是野菜沙律 - 爽脆的野菜和清新的醬汁，為我們先開開胃口。火炙凡立貝配三文魚子 - 㣲微炙燒的凡立貝配上新鮮三文魚子，還加上特製的 wasabi 醬汁，味道醒胃又怡人。汁煑東星斑👍👍👍👍👍師傅先用平底鑊把洋蔥絲炒至金黃，再把東星斑放在鉄板上煎。當魚塊煎至微黃時，師傅會將魚皮與魚肉分離，把魚肉煎至剛熟透，令魚肉入口鮮嫰；魚皮則煎至金黃，入口香脆，令客人可以感受到兩種不同口感。另外加入食用溫室玫瑰和菊花，不但美觀還加添花的香氣。海膽汁煑伊勢龍蝦👍👍👍👍👍新鮮生猛的伊勢龍蝦，一分為二。龍蝦煎至半熟時，把肉取出，然後加入海膽和龍蝦膏煮成的醬汁，令味增添甘香。爽彈的龍蝦肉味道鮮甜，醬汁亦令味

蒲燒鰻魚一尾配珍珠飯跟味噌湯 ($188)超級大條鰻魚!!烤得好香 肉質嫩滑 配上鰻魚燒汁送飯更一流😋😋.份量好多, 一個人食唔晒的, 所以記得要開心SHARE 啦~ 每款定食會送一客味噌湯, 雖然係送的, 但味道及用料並不馬虎的. 湯的味道剛好的, 有白蘿蔔、海帶! 厚燒牛舌 ($78/串)沒有加太多調味料, 正正因為咁令牛舌更加原汁原味, 而且燒的時間剛好, 好Juicy, 兩個字 “好食”! 油甘魚手卷 ($38) 油甘魚新鮮, 但不太特別。 本來點了油甘魚鮫, 但恰巧當天無貨。店員推介三文魚鮫, 本沒有期望, 反而有驚喜。魚鮫很大件, 而且好多肉, 魚皮燒得香脆。食落好重魚汁, 不油膩之餘而且沒有腥味。肉質亦好嫩滑! 總括而言, 依間餐廳及食物質素都好好, 下次一定會再encore!!

好耐無同朋友一齊食鐵板燒，今晚終於訂到位食出名的鉄人旨花。地點方便，位於銅鑼灣最熱鬧的街道。餐廳入面有分開兩邊，一半位置係鐵板燒，一半係食Omakase.今晚特登揀咗鱈場蟹鐵板燒餐，二人前，$2088, 包有好豐富的菜式。前菜，煎帶子配魚籽，帶子好厚身鮮甜，微微煎過更帶香味，魚籽一咬多汁清甜。汁煮東星斑，魚肉肉質軟稔，魚香味濃，醬汁有少少惹味，可以帶出魚的鮮甜。清酒焗鱈場蟹，蟹腳超大隻，好粗身，入面的蟹肉好飽满，蟹絲軟稔，蟹味濃郁，加有清酒調味，食落好好味。熊本縣產A5和王牛，可以欣賞師傅係前面煮野，功架十足，伴碟有香脆的蒜蓉片，燒大雞脾菇同南瓜。和牛肉質鮮甜嫩滑，燒到五成熟，入面呈嫩粉紅色，外皮香脆， 香氣散發，咬落有嚼勁，多汁惹味，牛肉味濃郁。清酒煮蜆，蔥粒份量多，湯底清甜，蜆肉好嫩滑鮮甜。蟹膏炒飯，用日本產米，米粒飽满大粒，蟹膏濃味，熱辣辣而美味。食到咁飽食埋個甜品，黒糖脆米雪糕，好鬆軟奶滑，味道清清地而滋味。

這間鐵板燒已光顧過數次，食物質素高，水準又穩定，環境又安靜舒適，而且媽媽愛吃日本料理，所以每逢大時大節請媽媽吃飯，都幾乎會選擇這間。今天母親節我們叫了個二人套餐和數件壽司手作前菜有沙律和三文魚籽配香煎帶子。沙律菜和車厘茄十分新鮮，蘆筍十分爽嫩，拌了酸酸甜甜的沙律醬十分開胃清新。而帶子鮮甜，煎得剛剛好，不會太老，所以口感彈牙，連同三文魚籽一起吃的話，鮮味更重，一點也不會腥。汁煮東星斑的擺盤很漂亮呢一旁有些黃黃紅紅的花瓣，看著就令人心動魚皮煎得香脆，咬落去有魚油香。將魚肉連洋葱一起夾著吃，口感層次更豐富。魚肉肉質雖鮮，可惜烹調時間久了點，有點鞋，肉很實。這道鱈場蟹的擺盤也是非常美，那片金黃色的葉子令這道菜感覺更高水準🤣不過師傅沒有將所有蟹腳剪開，所以我們另外要了剪刀剪開蟹腳，有點麻煩。而蟹肉味道雖然鮮甜，但肉質也是有點鞋和乾身，不夠嫩。擠點檸檬汁或蘸一點一旁的奶油汁，味道層次更豐富。和牛啊我最鐘意食肉肉點餐時侍應會問你想要幾成熟。我們要了七成熟。和牛份量不算太多，但見每一塊都煎得很漂亮，中間是粉紅色的。夾一塊放入口，牛的油脂香氣在口腔中四溢，富有肉汁，超級幸福蘸少許岩鹽吃，更增添一份鹹香。

黎到呢間餐廳，就要做一個決定，究竟係食鐵板燒好，定係壽司刺身好，最後兩者之中，我地揀咗廚師發辦壽司刺身~先黎嘅係一啲小食，但係絶對不容睇少，分別有螢光魷魚、酒盜芝士同和牛海膽。先試螢光魷魚，唔會好腥，口感幾好；之後試酒盜芝士，其實即係一啲魚嘅內臟整成嘅醬，再配上牛奶軟芝士，鹹醃嘅酒盜帶少少嚼口，而芝士可以平衡下鹹味，送酒一流~好戲緊係在後頭啦，中等厚度嘅和牛片，包裹住海膽，最後用火槍燒一燒表面，肉質好軟淋，而牛汁都充滿牛香，估唔到同海膽嘅鮮甜味幾夾，兩者唔會搶過另一邊嘅風頭跟住師傅拎出一大隻新鮮又生猛嘅龍蝦，佢話係美國龍蝦黎，而佢將會整成龍蝦刺身，真係唔係度度有得食，十分鐘左右，龍蝦刺身就上場喇，為咗顯示出佢幾咁新鮮，師傅用龍蝦頭黎做伴碟，你係可以見到龍蝦頭對眼同啲鬚都仲會微微郁動。一粒粒龍蝦肉刺身望落有少少似龍眼肉，食時點一點醬油同芥末，講真其實佢本身係無咩味道，只係口感好爽口，微微鮮甜，感覺煎香嘅龍蝦味道會好啲接著係三款刺身，師傅係呢道菜到挽留番我嘅胃，先有魚配上松露醬同海膽，再有吞拿魚配魚眼肉蓉，最後就係新鮮赤貝。值得一讚係馬糞海膽，好鮮甜，唔會有討厭嘅腥臭味；其次係魚眼肉蓉，師

餐廳裡佈置精緻，掛滿了很多花，得女士心。空間寬敞，感覺乾淨清新。服務還是不錯。食材很新鮮，味道也非常到位。吃鐵板燒是另外一邊的。完全沒有味道，空氣清新。已經來過幾次了。

鉄人旨花位於銅鑼灣謝斐道， 由地鐵站出來不算太遠， 大概五至八分鐘就已經可以到。 餐廳環境很有格調, 除了 有幾個 開放式的鐵板燒外，也有廂房式的鐵板燒， 除此之外，餐廳還提供廚師發辨， 可以和師傅有更 親切的交流。 而且餐廳的抽風設備也做得非常足， 吃完不會一身油煙味。 今次選擇來這裏吃鐵板燒，是因為媽媽即將大壽，當然要好好孝敬她老人家。讓她一路吃之餘，也可一路享受廚師於料理.。前菜有2款，有柚子醋沙律和鮮煮帶子， 柚子醋沙律清新爽脆又開胃，而鮮煮帶子，帶子厚肉不在話下，加上魚子與忌廉汁，口感幼細不錯吃。海膽汁煮龍蝦新鮮龍蝦生猛又大隻, 其本上是生拆龍蝦肉, 龍蝦在鐵板上還是在動, 師傳把龍蝦煎封後起肉, 啖啖鮮味厚肉的龍蝦, 味道鮮味甘香, 並把海膽和龍蝦汁煮成香濃醬汁, 同時嚐到鮮甜的海膽味汁煮東星斑廚師先把東星斑起皮, 把魚皮煎至焦脆, 有點像燒肉皮, 魚肉厚實鮮甜, 配上同樣多汁甜美的牛油洋蔥汁, 能夠提起鮮香味，每一口都鮮濃。唯一美中不足的是魚肉有丁點過熟以至肉不夠滑, 但不失其味道鮮美的本質。熊本縣產A5和王牛首嘗連續5年得獎的熊本縣和王牛。A5和牛雪花紋多，入口油份足而

鐵板上飄花，旨米上如畫。「鐵」人「鮨」花分別以刺身壽司及鐵板燒作主打。難得於鐵板燒店內看到有獨立空間，朋友或家庭聚會均可致電訂房。師傅井井有條把不同客人食物排序，安排妥當。熟練手法處理海鮮、蔬菜、米飯，火喉掌握妥善，味道烹調合適，把鮮味鎖住。乾淨俐落令人開心又放心。鱈場蟹鐵板二人前Hkd2088三文魚籽炙燒帶子三文魚籽粒粒飽滿，入口魚油溢出，帆立貝柱肉軟滑富彈性，貝柱肉咬下絲絲分明，新鮮鮮甜。雜菜沙律清爽雜菜配上酸甜汁，異常開胃。汁煮東星斑師傅將魚燒至半熟再汁煮，魚肉質感結實爽滑，入口魚味濃郁不腥，吸附醬汁，再以花瓣點綴，雅緻好味。清酒焗鱈場蟹三文魚籽作擺設碟邊，整碟鱈場蟹份量很足，每支豐厚肥美，肉質細嫩絲絲入扣，鎖住水份。味道天然海水味，帶點咸，嚐過原味後可以沾點芥末醬，別有一番風味。熊本縣產A5和牛大啡菇、蘆筍、南瓜、蒜片作配菜，襯上A5和牛。燒烤時已經散發出陣陣香氣，令人食慾大增。大啡菇肉質軟腍富彈性，充滿水份。五成熟和牛脂分布平均，入口肉嫩彈牙，咬下肉汁滲出，香滑惹味。蟹膏炒飯店家採用日本產米以蔥花及一大件蟹膏作佐料，飯粒粒粒分明，軟硬適中，味道香濃而不咸，帶點膏粒，富層次感。

好多年無食過鉄板燒了 數數手指應該都有五六年最近先知銅鑼灣#鉄人旨花 分店專食海鮮鉄板同#Omakase今日就做下廿四孝女帶爸爸黎食個伊勢海老鉄板燒二人前$2088 由前菜 到主菜 到炒飯 到小食 至甜品廚師係面前即煮 感覺上性價比拍得住同價的Omakase前菜係柚子醋沙律同帶子三文魚籽 清清地開下胃就準備接招了首先係汁煮東星斑 以洋蔥放最底吸晒汁的精華東星斑大份啖啖肉 仲有一片煎到脆卜卜的魚皮 一改魚皮的質感之後係海膽汁煮龍蝦 原隻龍蝦起肉煎香 剛熟肉嫩海膽汁以龍蝦膏海膽忌廉加牛油煮成 鮮味十足再上就係熊本縣產A5和牛 飼養26個月就食得🐮油脂含量十分旺盛 咬落去油香滿溢 牛味十分濃厚每人有三厚件 唔好眼闊肚窄以為得好少 食完你就會知有幾滯😂個人最中意沾少少岩鹽食 可以吊出牛味食完魚龍蝦同和牛已經飽左八成 係呢個時候大廚手起刀落開始整個黑毛和牛炒飯 我地係呆左再滯左一人一大碗炒飯 雖然好飽但最後都食晒喎因為食下食下又幾好味喎 粒粒分明炒得好乾身 仲有好多和牛粒！最後係清酒煮蜆 眼前上演一場極浮誇的大火燒眉毛一倒左清酒「咋」一聲熊熊大火 大廚無用咩去煮個湯所以即使酒精揮發左都仲有陣酒香

最近工作比較辛苦，係時候要獎勵一下自己，食個tapanyaki!同朋友決定去鐵人旨花食餐好嘅。一入到餐廳就感受到貴賓式嘅款待，侍應貼心地攞兩個籃俾我地放低重擔，又幫我放好把遮。之後侍應就介紹餐牌上嘅唔同餐點，經過一番掙扎之後，我地決定要伊勢海老鐵板燒二人前！前菜有沙律，同熟帶子。沙律好清新，果醋好開胃呀！至於帶子，好新鮮，配合有少少芥辣嘅醬汁同埋三文魚子，又幾好食喎。食完前菜之後，個胃已經開咗喇！準備好迎接海老同和牛喇！生猛龍蝦出場，擋開咗都仲郁架！貓師傅首先將龍蝦觸鬚燒一燒，好快就由藍綠色轉做橙色。然後就將生猛龍蝦放上鐵板，連殻燒一燒之後，就將龍蝦肉脱殻燒，見到半生熟，晶瑩剔透嘅龍蝦肉已經流晒口水喇，等龍蝦熟嘅時候，貓師傅就開始擺盤喇，先放少少龍蝦膏海膽汁喺碟邊，然後就放龍蝦喇，最後就放上觸鬚同細細朵玫瑰花。侍應將食物眼前，擺盤已經好吸引。試一啖龍蝦，熟度恰到好處，食到龍蝦嘅鮮味。再試下點埋個龍蝦膏海膽汁，成個味道即時提升！個汁好香濃，同龍蝦好夾，令我一再回味呀！貓師傅緊接就處理下一道菜喇，汁煮東星斑。貓師傅首先好小心咁將魚肉同魚皮分開，將魚皮壓煎到香脆就放埋鐵板嘅一邊，再處理洋蔥同

老友升職加薪,當然要食餐好慶祝下, 食得好又要豪, 日式鐵板燒應該係一個不錯的選擇吧.其實之前喺openrice search 港島區日本菜, 都留意到鈇人旨花一直都人氣高企, 眼見佢有幾百個好評, 真係豪無懸念地選擇咗佢.我同老友去食飯當日係星期二晚上, 餐廳位於銅鑼灣中心地帶, 位置好容易就搵到.餐廳喺肇明大廈2樓, 需要上樓, 但正正因為上咗樓, 好適合做呢一類高級日式鐵板燒, 因為夠晒寧靜, 可以俾客人慢慢, 靜靜地享受一餐晚飯.入到餐廳見到一張長長嘅bar枱. 應該係食廚師發辦omakase 時用嘅長枱. 行入少少轉一個彎就嚟到食鐵板燒嘅位置. 總共有三張食鐵板燒嘅半圓形枱, 每張枱各有一個廚師即場煮食, 坐滿的話大約一枱坐到7-8個人.我哋被安排坐到最入面的一張枱, 負責廚師係貓師傅. 師傅好有禮貌又好笑容, 我仲覺得佢好親切. 後來我發現佢有少少似TVB個藝人李龍基, 不過係瘦版!!!我哋Order 左個伊勢海老鐵板燒二人前, 套餐食品都好豐富好有睇頭架. 有兩款前菜啦,五款主菜仲加個甜品.前菜呢分別係wasabi 酸汁沙律同埋燒半熟帶子. 個沙律外表睇落普通, 都係常

上網見到個個都食伊勢海老鉄板燒 所以決定一試呢個餐伊勢海老鉄板燒 二人前 $2088+10%手作前菜海膽汁煮龍蝦熊本縣產A5和王牛汁煮東星斑和牛炒飯清酒煮蜆甜品食鉄板燒前, 食個前菜沙律開胃 菜好新鮮海膽汁煮龍蝦 係隔離望住司傅燒 隻龍蝦真係好大隻 好足料  食材都好貴 加埋海膽一齊整個汁  真係食到停唔到條魚煎到好嫩 煮得岩岩好  賣相都好靚真係好滑  個汁同條魚好夾 平時唔太食魚的我 今次成條晒熊本縣產A5和王牛 和牛要五成熟  真係入口即融  好有牛味  乜都唔洗點已經有味  A5 和牛如果唔識整 真係浪費左食材  好彩司傅真係整得好好食和牛炒飯 其實食完上面兩樣野都飽飽地 但男仔可能未飽  個炒飯炒到粒粒分別  乾身  味道控制得好好清酒煮蜆 臨尾飲埋個硯湯 個硯好鮮甜  一碗都有好多隻硯甜品 要左柚子雪芭  淡淡柚子味  好FRESH 可以清左個口陣油膩感

铁人旨花位於銅鑼灣地鐵站附近，由sogo 行過去也不會太遠，大概五分鐘就到 。這間餐廳特式之處， 就是所有的菜式都是廚師在你前面即席揮毫，有omakase 也有鐵板燒， 是醫肚的餐廳，也是藝術的一種。這晚來這裡的原因，是妹妹趁升了職， 說要帶我去吃一些好的。餐廳 面積頗大 ， 有幾張鐵板燒的爐與檯， 也有一列的檯凳 讓人吃omakase。今晚叫了伊勢海老鐵板燒二人前，有幾道菜式：前菜：先來的是前菜有沙律和厚煎帶子配 三文魚籽沙律菜新鮮爽脆，配上沙律醋夠晒開胃，帆立貝夠厚身先甜，配上忌廉汁三文魚籽是不錯的前菜。2. 海膽汁煮龍蝦海膽汁煮龍蝦， 廚師在食客面前把龍蝦拆殼起肉， 看得出龍蝦是在顧客order以後才即撈即煎的， 這樣新鮮的龍蝦肉質當然非常彈牙 ，味道鮮甜之餘，配上用海膽做成的醬汁，讓龍蝦鮮味得以提升。3. 汁煮東星斑其實在還未吃龍蝦之前，廚師已經著手把東星斑的皮在鐵板上煎煎煎， 務求讓魚皮去乾所有水份， 這是鐵板燒特別之處。魚皮像燒肉皮一樣煎得香脆當然不在話下，東星班肉質鮮嫩，佐以簡單的洋蔥汁，美味不已。4. 熊本A5和王牛a5 油花細緻均勻，廚師 會詢問客人想要幾多成熟 ，