釜山商會

韓菜正宗超級部隊鍋 尖沙咀金巴利道 韓國餐廳林立 好多選擇 😎我哋揀咗釜山商會 餐廳面積好大 好似係韓國人開嘅 裝修簡潔且特別 配有色彩繽紛嘅霓虹燈 坐得舒服🥰 好多人喺度飲酒傾偈 喺呢度真係好放鬆😉 佢啲前菜都好吸引 番薯甜腍 泡菜好酸辣爽脆 好地道 薯仔絲唔辣 啱我 仲少有地用黑豆做前菜👍 我哋兩個人就揀咗部隊鍋😋 特殊部隊鍋$488超大份 有腩肉 午餐肉 腸仔 芝士 洋蔥 京蔥 椰菜 韓式年糕 泡菜 雲吞 粉條 好豐富🥰食韓菜最好就係有Oppa幫我哋喺我哋面前煮呢個部隊鍋 好細心 慢慢幫我哋做呢個料理 🤩 煮熟後溫柔地叫我哋享用 咁多食材 味道互相影響 好入味 熱辣辣 真係超正😋😋 一個鍋就足夠兩至三人份量 下次要試其他 尤其是佢哋嘅韓式炸雞 好想食😍🤣 釜山商會 (尖沙咀)尖沙咀金巴利道79-81號金栢閣地下A-C號舖

同個friend喺尖沙咀逛完，誤打誤撞發現呢間韓風十足嘅「釜山商會」！門口個仿韓屋設計勁IG-able📸，入到去仲有種穿越咗去韓國嘅feel~ 明明減緊肥，但見到menu即刻破功🤣🌟前菜六小福泡菜｜青瓜｜魚糕｜土豆絲｜黑豆｜牛蒡私心大推煙韌黑豆同爽脆牛蒡！雖然辣到噴火🌶️但係個魔性口感真係停唔到口！😜🍜甜辣冷拌麵 $98驚喜位係啲豬肉片肥瘦啱啱好，紫菜+蛋黃撈埋個辣醬，麵條咬落「嗦嗦聲」超彈牙！辣度可以自選，建議初試揀小辣先～🍗半半炸雞槌 ▶️ 辣雞沙律味：沙律醬似混咗辣椒粉，辣中帶甜好過癮！😋▶️ 香蒜醬油味：醬油香爆炸💥！脆皮夠薄，咬落「咔嚓」聲仲有肉汁爆出嚟（貼士：一定要趁熱食！但係凍咗都keep到脆度果下勁！👍🏻）晚餐時間太早已經食唔落，唯有bookmark咗先，下次試埋個部隊鍋！佢仲有個勁抵酒精放題！百零蚊飲到你反艇都得，啱晒我班酒鬼friends ，下次吹雞嚟劈過！！🥂🍻🍶唔使飛韓國都食到咁正宗嘅味道，侍應小鮮肉仲好熱情教我哋點食最地道～ 臨走仲提我地記得follow 社交平台就可以攞個鎖嚟畫，呢個價錢真係抵！

1鍋6款泡菜，韓國風味一次滿足！部隊鍋控的天堂！滿滿韓國道地食材，湯濃料足6款人氣泡菜一次配齊，怎麼吃都好搭！最特別係蕃薯，香甜可口，好好味。🌶️ 部隊鍋材料好豐富，有豚肉，腸仔，鮮菌，年糕和米粉等，辣到過癮，鮮到停不下來！湯頭濃郁，配料豐富，越煮越香，越吃越上癮！別再錯過！🍜 香辣湯底、豐富配料，瞬間治癒味蕾🥬 6款人氣泡菜，搭什麼都絕配😎吃過的朋友都說：這味道，正👉 快來試試，韓流美食新體驗

[✨尖沙咀釜山商會 ]#尖沙咀 #釜山商會🥢韓式前菜六款免費韓式前菜，有泡菜、醃青瓜、黑豆、蘿蔔絲、南瓜等等，好清爽開胃，不失為一份唔錯嘅前菜！🥢一口泡菜煎餅 $128煎餅金黃酥脆，入口食得出酸辣嘅泡菜同蔬菜清香，搭配醬汁完全唔會有咩膩感。🥢炸豬肉條配糖醋肉醬 $230豬肉條有醃制過，炸粉唔厚得嚟又脆口，糖醋肉醬酸甜度亦好搭配，唔錯！📍釜山商會🏠尖沙咀金巴利道79-81號金栢閣地下A-C號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #尖沙咀 #佐敦 #佐敦美食 #佐敦好去處 #佐敦餐廳 #尖沙咀美食 #尖沙咀好去處 #尖沙咀餐廳 #釜山商會 #韓國菜 #韓國 @busansanghoe_hk

金巴利道🎊有小韓國🇰🇷嘅稱號， 日間🌞同晚上🌛， 氣氛係完全唔同喎。 今日約🧑‍🦰食韓菜， 咁緊係响呢到多啲選擇，今日嚟呢間餐廳環境優， 面積又大啲， 佈置完全充滿街頭韓味， 最重要嘅係有致愛嘅章魚🪼系菜式， 今晚有啲悶悶地，所以㨂咗辣炒😜。🍭韓式辣炒章魚🪼可能係章魚🐙菜式中最惹味之一， 雖然係叫辣炒， 但佢嘅辣味係温柔😙嘅辣， 係辣中帶甜😋， 滿滿嘅章魚🐙有鮮又Q彈， 再伴海量嘅菜蔬🍄‍🟫🥒🥦🥬， 啖啖Q彈爽脆。🍭海鮮🦀🦑🦐韭菜煎餅呢個煎餅香脆但又軟糯喎，口感好多元層次喎👍， 雖有配鮮味沾醬， 但總覺得原味係正宗啲好味啲。總括黎講， 呢度環境好，食物性價比高，最適合同一大班老best, 親友消遣～

近排好想食韓國野，餐廳裝飾有我推既名，好有緣😍一坐底即刻有豐富既小菜，足足有9格咁多，每一格份量都唔少，而且係好食既！魚片同南瓜都有驚喜～泡菜炒飯粒乾身又彈牙，泡菜酸甜微辣，仲帶少少爽脆，加埋流心太陽蛋同大量紫菜，撈勻一齊食，好正！ 😋煙燻五花肉肉質肥瘦分明，外層微微焦脆，入口即化，油脂香濃但完全唔會覺得油膩。可以跟傳統韓式食法，用生菜包住，再加蒜片同韓式辣醬，口感層次豐富，真係食到停唔到口！ 餐廳門口仲有個布景，Follow佢哋社交平台，就可以拎到一個匙扣，寫完野可以鎖掛喺果度，好有儀式感～

不嬲都知尖沙咀特別多韓國餐廳，今次經過見到呢間餐廳裝潢好有特色，配埋霓虹燈光，真係氛圍感十足。行入餐廳已經見到有一面掛滿心型鎖既燈牌，好似去左南山塔咁，問左餐廳職員，原來只要follow左餐廳ig, 就可以免費拎到心型鎖，寫埋野就可以親手掛上去，體驗感滿分。食物方面選擇好多，而且特別地道，今次就揀左一個魚糕湯同埋一個白切肉。✨ 魚糕湯：一上枱就比個陣勢嚇親，成串唔同款式嘅魚糕插住竹籤浸喺湯入面，仲有蔥段、金菇等配料睇落已經覺得好豐富。湯底飲落鮮甜得嚟帶少少海鮮嘅鹹香，完全唔會腥！魚糕有齊唔同形狀，有啲厚切有啲粒狀有d薄片，每款口感都唔同，但全部都好特別，索晒湯精華，十分鮮甜。✨釜山白切肉：一上枱就見到五花肉片排到靚靚，肥瘦層次分明，重點係個肉煮得啱啱好，皮爽肉嫩，一啲都唔柴！夾起一片蘸少少韓式大醬，再加啲生蒜片、青椒圈，用新鮮生菜包住一啖咬落去...嘩！個口感豐富到爆燈。肥肉部分入口即化，瘦肉又夠juicy，配埋爽脆生菜同濃郁醬料，完全唔覺膩！如果生菜可以再refill就完美。前菜方面有六款，但我個人最鍾意嘅都係泡菜，同魚糕湯白切肉夾埋一齊食更加開胃。

🤩一入去已經FEEL到濃濃韓國味因為門口真係有OPPA嚟迎接架😍😍不過唔識韓文都無問題，可以講英文🆗而且餐廳會不停LOOP住K-POP🎵裝修設計係彩色🌈工業風令人即刻覺得好精神好HIGH💪另外環境同座位都好舒適就算坐滿人都唔會覺得好迫👍而且可以用手機落單~啱哂ℹ️人🔻食評時間🔻🇰🇷釜山商會豬肉湯飯🍚係呢度既招牌菜👍湯頭好濃郁🐷豬肉軟嫩另外仲可以自行加配料調味，風味十足😋😋🍢魚糕湯🍲大大碗好足料👍鮮甜嘅湯底同煙韌既年糕好夾😀

今天要介紹的餐廳位於尖沙咀，是一家專注於釜山風味的韓國餐廳。尖沙咀一帶有許多韓國餐廳，這間由釜山人經營的店特別引人注目。餐廳環境寬敞，水泥牆配上藍紫色霓虹燈，營造出輕工業風和夢幻氛圍。店內播放著韓國潮流音樂，氣氛熱鬧。而且，而家只需關注他們的 社交平台，就可以免費獲得一個愛情鎖，寫上心願後扣在店內的欄上，既有特色又適合打卡！此外，餐廳提供每人 $139 的優惠，180 分鐘無限暢飲韓國燒酒和啤酒。前菜 提供六款前菜，包括薯仔絲、醃茄子、黑豆、泡菜、青椒和白蘿蔔絲，酸酸辣辣，足夠開胃，吃完還可以再添！韓式玫瑰醬炒年糕 這道菜包含大量韓式炒年糕、腸仔、魚糕和蔬菜，微辣中帶有芝士和奶油的香味，湯越煮越入味。炒年糕韌性十足，咬口很好，配料也非常豐富。韓式排骨餃子 每份有八隻，金黃色的外皮炸得鬆脆，咬下去充滿肉汁。釜山商會 地址：金巴利道79-81號金栢閣地下 A-C號舖 交通：港鐵佐敦站 D 出口，步行約8分鐘

回頭指數：⭐️⭐️⭐️食物質素：🌮🌮🌮服務質素：☺️☺️☺️消費指數：💰💰（TTL $403，人均消費$201.5）環境質素：☘️☘️☘️
尖沙咀韓國街相信大家都聽過去過，經過見到一間主打韓國釜山食物既韓國餐廳，空間夠大，好岩一班人尼聚餐，仲要只要follow餐廳社交平台，就可以免費有個情人鎖掛係餐廳招牌架，都幾多人有掛🙈我當然唔輸蝕都有整一個。石板烤五花肉($240) 份量都幾多，表面有少少焦香，而且味道鹹鹹地，五花肉既脂肪有潤滑既口感，肥瘦既部份都好有咬口，配埋生菜食會比較好。泡菜炒飯($118) 即使係同泡菜炒埋，都唔會太辣，可能因為旁邊有較多既紫菜碎 &芝士 &蛋，中和左唔少辣味

去完韓國，真係好掛住🥰d前菜同韓式美食🍽️係尖沙咀韓國街，花多眼亂呢間餐廳，環境大～～真係有多位어빠侍應，服務又好食物味道👅正宗👍🏻👍🏻✨六款前菜小食有我最愛😻既魚糕🍥泡菜，青瓜🥒，薯仔醬煮黑豆，辣八爪魚🐙✨釜山商會辣「章三蝦」一人鍋🌶️佢既泡菜香辣鮮海底，超正🤩即刻想飲多幾啖湯～～鍋入面有一隻大大原隻八爪魚🐙大大隻但又好軟熟，超容易咬開入面仲有泡菜，五花腩，鮮蝦🍤✨釜山商會風味炸雞脾🍗佢地既雞脾肥厚，勁大大隻 雞肉外皮香脆，入面肉質嫩滑又勁多肉汁，調味好惹味～～

尖沙咀霓虹燈特色韓國🇰🇷菜，$139 無限暢飲釜山商會 (尖沙咀)地址：尖沙咀金巴利道79-81號金栢閣地下A-C號舖🍗 半半炸雞鎚 黑蒜+辣雞 ($108)一盤有兩款味，超值！😍 一邊係2x辣雞沙律炸雞鎚，雞鎚炸到金黃香脆，外層辣醬帶點甜，辣度啱啱好，咬落 juicy 得黎又惹味！🌶️ 另一邊係2x黑蒜醬油炸雞鎚，黑蒜嘅濃香同醬油混搭，咸香得黎有回甘，食完一啖仲想再一啖！🍖 兩款味道一次過滿足你，岩晒同朋友 share 住食！😜🍜 釜山商會甜辣冷拌麵 ($138)麵條彈牙冰涼❄️，拌上甜辣醬汁，酸酸甜甜又帶點微辣，食落好似置身釜山街頭！😝 仲有叉燒🥓片、爽脆黃瓜絲提味，啖啖都係享受！🌊🍴 熱辣辣嘅天氣食呢碗冷麵，爽到飛起！🔥 follow佢哋IG 仲可以送愛心鎖一個掛起你的心願 ❤️

今晚同朋友約食飯。 我哋梗係放工一齊衝去尖沙咀，夜晚燈火通明，釜山商會韓國菜香氣四溢，入邊仲好闊落， 大家都分坐得比較開。方便自己同自己朋友傾偈， 好好， 朋友笑聲不絕，好chill！😋釜山商會辣「章三蝦」一人鍋湯底辣中帶鮮，章魚超彈牙，蝦肉鮮甜，三層肉片油香又唔膩，拉麵吸晒湯底精華，啖啖都好惹味！配埋泡菜同蘿蔔！ 釜山商會風味炸雞髀外皮炸到超酥脆，雞皮香口帶油香，雞肉嫩滑又多汁，咬落去啖啖肉，完全唔嚡。

餐廳空間寬敞，座位闊落，適合三五知己聚餐。平日晚市人流都唔錯，氣氛熱鬧但唔嘈雜，店員都係OPPA，主要以英文溝通。餐前附上經典韓式小菜，包括泡菜、辣蘿蔔、黑豆、魚糕、蜜糖蕃薯、麻油薯仔絲🍽️ (新) 一口海鮮韭菜煎餅 $138餐廳新出Mini size，連menu都未有，一碟有7件。煎餅外皮香脆，內餡足料，每啖都食到韭菜香同海鮮，配埋韓式醬油更提鮮。雖然叫一口，但其實每件都唔細，適合2-3人分享。🍽️韓式辣炒章魚 $288辣度較平庸，醬汁甜辣惹味，配搭章魚同魷魚，都幾入味，好啱送酒。餐廳仲會有鎖匙扣俾你寫願望掛係門口位，都幾有儀式感，有少少返咗去韓國嘅感覺!

營業至凌晨2點的熱鬧小店，每桌附贈六款韓式小菜，適合三五好友下班暢聚✨煙燻五花肉（$248）厚切豬腩先蒸後燻，烤至表皮焦脆如脆片，煙熏味突出，包著生菜和和小菜吃，油潤與清爽交錯，完全不會膩哦✨釜山商會辣‘章三蝦’一人鍋（$138）小鍋沸騰上桌，鮮章魚、蝦仁浸在韓式辣醬湯中，章魚彈嫩不橡皮，湯底辛香帶海鮮甜味，韓式拉麵和粉絲吸滿湯汁✨一口海鮮韭菜煎餅（$138）麵糊煎得薄脆，韭菜清香主導不嗆喉，邊緣焦香，蘸鰹魚醬油提鮮恰到好處🪄Saero Soju荔枝味（$75）