金鶴拉麵 (利民大廈)

營業中

休息中

一直都好想試朋友推介嘅呢間拉麵店，嗰日經過見人少少就即刻衝咗入去😬 聽說小店係香港嘅拉麵品牌，主打雞白湯拉麵同多款特色口味，除此之外更有小食同酒提供！餐廳環境乾淨企理，配以柔和嘅燈光，俾人感覺幾舒適😚 北海道蟹湯拉麵係小店嘅招牌，材料係由日本北海道直送嘅～ 花咲蟹湯底幾濃厚而且每一啖都飲到蟹嘅精華，蟹肉份量十足，鮮甜美味，啖啖肉好幸福呀🦀️ 拉麵軟硬度適中，搭配溏心蛋、豚肉叉燒、紫菜等，令到整體口感更加豐富👍🏻店員推介雞白湯拉麵，湯底味道濃郁，入口順滑，感覺無味精，飲完都唔會覺得口乾🤪 配以低溫慢煮嘅雞肉同豚肉叉燒，肉質軟腍，唔乾柴而且食落都唔油膩！旁邊更有新鮮炸起嘅牛蒡添！呢個配搭絕對係女仔天然嘅護膚品補品呀，健康得嚟又美顏😚 推！

今日去咗食金鶴拉麵之前已經係試過佐敦分店而家旺角開咗更加方便仲有會員卡優惠添我哋一行二人點咗兩個拉麵我嗌咗極濃雞白湯拉麵拉麵頂有好多咋牛蒡絲就咁食好脆口點上雞白湯汁就更好味呢款拉麵嘅雞肉用慢煮方式處理所以雞肉好嫩口湯底都好濃郁 質地比較杰身雖然濃郁但又唔會好漏反而更keep 到湯嘅熱度份量好大碗 男人食都冇問題另一款係蟹湯拉麵呢款拉麵係佢哋嘅重點推介湯底勁有蟹嘅甜味 仲有好大羹蟹肉除咗蟹肉 仲有好大塊豚肉配搭豚肉配上蟹嘅鮮甜湯底 好match呢碗嘅份量就俾雞白湯拉麵細少少女士會比較適合而家呢間金鶴拉麵仲有外賣服務適合唔想堂袋嘅人

呢晚帶咗朋友去旺角食我好鍾意食嘅拉麵🥰～北海道-蟹湯拉麵（$138）湯底用咗由北海道直送到店嘅花咲蟹湯，每一啖都充滿蟹嘅鮮甜味🦀🤤，食拉麵之前不妨先飲啖蟹湯感受一下～拉麵上面仲有一座蟹肉山🦀🍜，蟹味十足；拉麵好彈牙，掛滿蟹湯👍🏻極濃雞白湯拉麵（$138）已經第二次食呢碗拉麵☺️，湯底係用咗原隻雞烹煮8小時以上嘅濃厚雞白湯，充滿嘅骨膠原🥰～炸牛蒡香脆清甜，雞胸肉夠嫰滑🐥，每碗拉麵有半隻流心蛋🥚，唔夠喉😅，下次要加錢要多隻😋

金鶴拉麵，旺角分店，裝修以黑色為主調，拉麵店黎講佢非常闊落，座位好舒服😌餐牌啲相好吸引，主打雞白湯拉麵，加入不同特色，如蟹湯、蝦湯，拉麵外仲有鰻魚飯、大量串燒，啲串燒、小食價錢仲幾相宜😍北海道蟹湯拉麵，上枱已經聞到蟹鮮香，賣相好豐富，花咲蟹湯配上份量十足既蟹肉，擺盤好靚😚湯底望落好Creamy，先試下，濃厚鮮味既白湯，唔咸，食到個風味，加埋蟹肉成個蟹味精華出晒嚟😋即刻食麵，粗麵，口感爽滑有蛋味，都唔錯🍜慢煮豚肉叉燒，好大塊，唔會好咸，非常夾個湯底，浸住食正👍🏻一個相當好味既特色拉麵不得不提返佢既溏心蛋，睇蛋黃顏色就知係日本蛋(通常)😎流住心加蟹湯食好爽😄串燒時間！鹽燒牛舌，超香上枱，充滿焦香既表面，日式串燒真係要食牛舌，超濃牛味，依串牛舌咬落去非常厚身，滑而多汁，好好味😝蒲燒生燒鰻魚，好大串好夠份量，#生燒鰻魚 會厚肉、口感同鮮味都同食開個啲好唔同，而呢串燒鰻魚完美發揮晒，蒲燒既惹味加上生燒既鮮味，啖啖肉超級正🤤佢以為拉麵店主打都係拉麵，點知串燒都好出色，小食又抵食，拉麵除左傳統外仲有特色好似蟹湯咁，唔想堂食仲可以外賣自取🙉好驚人，性價比爆炸既拉麵店👏🏻

#金鶴拉麵📍 旺角通菜街110號利民大廈地舖之前喺佐敦已經食過#金鶴拉麵，今次就試吓旺角嘅分店！鹽味拉麵雞胸肉好有雞味，而且肉質夠嫩滑！鹽味嘅湯底呢就比較清d，但係味道都偏鹹。醬油拉麵同鹽味拉麵嘅材料差唔多，主要係個湯底唔同，我認為醬油拉麵嘅湯底比較好味d，飲落去會比較有種甘甘地既甜味！hkfood#foodblogger #hkfoodblogger #cafe

金鶴拉麵係香港都算係數一數二出名好味嘅拉麵店👏🏻今日行過旺角通菜街，見到開左間分店，所以都要再試一試佢🤤極濃雞白湯拉麵🍜：5⭐️，大推👍🏻絕對名乎其實，超濃郁雞湯，濃郁到D湯汁可以掛面🤩加上麵質彈牙🍜真係食到停唔到口❤️加上金鶴獨有既炸牛蒡，鮮炸香脆👏🏻無得彈 北海道蟹湯拉麵🍜：4.5⭐️一上枱已經聞到好香蟹肉鮮味，中間一大舊鮮拆嘅蟹肉，一啖再加埋上濃郁湯底😍真係鮮上加鮮。鐘意食蟹🦀嘅朋友唔好錯過👍🏻金鶴拉麵分店愈開愈多🤩但間間都keep到咁有水準❤️個湯底仲愈來愈濃郁👍🏻無得輸！

近幾年香港吹起一股食雞白湯拉麵嘅潮流，都好多年冇食豬骨濃湯味拉麵咁啱今日經過旺角見到之前都食過嘅金鶴拉麵開到嚟旺角嘅分店，所以就即管入去依日醫肚睇吓佢哋旺角嘅新店嘅質素係點呢度嘅金鶴旺角分店就冇好似其他分店咁今日式嘅裝修就睇吓佢哋嘅食物質素保持到好似其他分店咁咁高質素一如既往都係叫返雞白湯拉麵再加咗個小食就係堂楊炸雞同埋日式煎餃子一上到枱雖然係新開張，但係都依然keep到一半嘅金鶴拉麵嘅搶晴風格因為一見到炸到脆卜卜嘅牛蒡再配合埋慢煮嘅雞肉快同埋日式叉燒，而且仲有我最鍾意食嘅日本筍同埋木耳而且一埋位之後熱辣辣嘅湯底就梗係飲返一啖先啦濃郁非常嘅雞，白湯拉麵完完全全係金鶴嘅風味，唔會有過分嘅油膩完全係雞肉嘅精華而且面嘅操又到掌握得非常之咁好煮得亦都唔會過分地淋因為最怕雞白湯拉麵就係食一個林晒嘅拉麵變成左太張口呢度就唔會有呢個嘅感覺而且堂楊炸雞走得非常之咁香脆，再配合買蛋黃醬，簡直係人食指大動而且日式餃子都剪得非常之咁香菜再配合埋日式有子醋汁仲更加開胃

金鶴拉麵終於開到黎旺角啦！以後想食就就腳好多，最重要既係可以外賣自取添，想係屋企慢慢歎都唔怕～餐廳既位置好闊落，仲有容納到六至八人嘅卡位，想同一班朋友嚟gathering都OK！✨極濃雞白湯拉麵呢度係雞白湯聽講係由日本直送，而且足足熬足6個鐘，緊係要試下啦！湯底一入口係好清甜，味道唔會好aggressive，反而非常溫和。啲湯底就得咁因為熬足六個鐘嘅關係，膠質出晒嚟，質地厚身，而且仲會有少少痴住嘴唇嘅感覺，但一啲都唔會油！拉麵上面有炸過嘅牛蒡，一食落去就好似薯片咁卜卜脆得來又有牛蒡嘅甜味～另外想讚下兩塊慢煮雞胸肉，超嫩又多汁，令我驚覺原來雞胸都可以咁juicy！✨北海道極濃蟹湯拉麵一上檯見到好似成球雪糕既蟹肉，非常吸睛！呢款湯底偏鮮甜濃郁，而蟹肉亦鬆化有鮮味，撈埋落有咬口既拉麵食，每啖麵都有啖啖蟹肉，非常夾！而兩款拉麵都有溏心蛋，隻蛋整得好靚，半流心又甜滑，好滿足～✨明太子手羽先好貼心咁已經用錫紙包住雞翼尖，方便用手食！雞翼塞入滿滿既明太子，每隻都漲卜卜！雞翼外層炸到勁脆，咬開香脆外皮，飽滿豐富嘅餡料就湧出，每啖雞肉都吸收哂明太子既鮮味同鹹香海味，加上微辣味道，係一款好唔錯既送酒小食。

之前同朋友食過依間餐廳嘅北角分店 覺得幾OK 係旺角行行下街見到佢新開就食多次 原來除咗堂食之外仲有外賣自取內在環境闊落，都有幾多卡位，適合一大班朋友坐低傾偈北海道蟹湯拉麵同北角分店一樣，麵度適中，如果蟹味湯底濃郁啲會更加好，相信應該唔係味精湯，食完唔會覺得口渴。蟹肉分量十足，一啖拉麵一啖蟹肉👍🏻而且叉燒薄薄的又大塊 都幾抵食黑蒜醬油拉麵黑蒜醬油湯底非常濃郁，滿滿黑蒜味之餘，唔會感覺好油膩，而且湯底亦都唔會影響雞肉叉燒嘅味道。雞肉非常嫩滑，叉燒嘅都係薄薄的又大塊又嫩滑明太子雞翼雞翼入邊放滿左滿滿嘅明太子，但係我個朋友唔係好食得辣，就唔係好啱食喇。對我來講，明太子有少少鹹，但係一啖咬落雞肉同明太子，非常幸福呀

金鶴拉麵香港都有唔少，今次我就趁住今日得閒，去位於旺角嘅分店試吓佢地嘅拉麵有咩咁特別。北海道蟹湯拉麵呢個拉麵用咗來自北海道嘅花少蟹烹煮，拉麵入口每一啖都有濃郁嘅蟹香，再加上麵質非常之彈牙，配埋叉燒等嘅配料真係好好味呀。雞白湯拉麵呢個湯底入口有好濃嘅雞肉香味，再加上湯底入口唔會覺得太油膩，味道清新。鹽燒冬菇冬菇好大隻呀，入口有好多汁，唔會燒到太乾。依間店其實仲有外賣自取，雖然依家旺角店岩岩新開，但所有野都已經好有水準。📍金鶴拉麵 (旺角)旺角通菜街110號利民大廈地舖

小妹今次黎到呢期旺角新開既金鶴拉麵店🤩主打拉麵🍜蒲燒鰻魚飯🐟日式沾麵及小食等🙊呢間拉麵店可能開業不久，所以獎修上都偏向簡約風格，未見好日系feel🐣洗手間🚻超級乾淨，絕對一讚🥳🦀🍜北海道蟹湯拉麵小妹見到餐牌有好多款拉麵選擇，每碗拉麵價錢合理☺️既然黎到梗係要試吓呢碗好評北海道蟹湯拉麵🍜啦～初頭以為呢度湯底會淡味d，點知竟然有海鮮既味道，飲咗一啖了先感覺好似用咗濃得似忌廉湯既雞白湯湯頭，配咗蟹肉碎，但留意蟹肉有時有d蟹殼未清哂唔太乾淨，食時要小心d🙉 濃厚湯已經能掛在每條麵條上，食時連埋湯一齊食，味道更加好😍🍜香辣豚骨湯拉麵呢碗拉麵竟然有叉燒又有雞肉🤭拉麵煙韌又彈牙，而且香辣惹味嘅湯底，再加半隻溏心蛋，都幾飽肚🍜而且湯底不算好辣, 但大有麻香既味道, 拉麵吸收了麻香湯底, 可謂越食越滋味呢~豬頸肉串燒肉質好嫩滑，一d 都唔嚡口，仲有兩串，好味😋拉麵店環境大，坐位間坐得舒服😌，職員有禮，最仲估唔到係有會員制度😮 如果大家唔想堂食，仲可以叫外賣返屋企/公司食添🥡

金鶴拉麵分店分於旺角，今次終於都我同朋友去食喇😆期待左好耐佢推出嘅沾麵同蟹肉拉麵💝。🌟期間限定‼️北海道極濃蟹湯拉麵🦀🍜 $138🔹拆成一絲絲細嫩嘅蟹肉鋪滿係麵碗上，浸於濃郁creamy嘅雞白湯中，肉質絲短纖細，味道鮮甜，兩者之間不會搶了大家的特色，反而突出湯頭滲入了微微嘅蟹香甜味💓🔹整體係麵質彈牙，湯底好飲，成碗麵仲有肥美厚肉叉燒，半隻溫泉蛋，紫菜。非常大碗兼足料嘅拉麵🤤🌟極濃白雞湯沾麵🍜 $138🔹麵條比起湯麵粗少少，但將拉麵沾上師傅精心煮成嘅白濃湯中，湯味醇厚，淡淡的顏色，淡淡的香味刺激一口接一口暢飲及進食。拉麵配湯底清淡而不膩，濃郁嘅後勁於口中慢慢而出。🔹雞肉滑嫩，叉燒軟淋，糖心蛋瀂得入味。📝依家金鶴拉麵有堂食外，仲有外賣自取，非常方便📝download app成為新會員，仲即時有100積分，換到罐可樂嘆下🥤📝有加一服務費

旺角新開張嘅拉麵鋪，之前食過其他分店，呢間同樣高水準👍蟹湯拉麵：圖物十分相符，海量既新鮮蟹肉，味道鮮甜，非常足料既拉麵，荀雲耳香葱全部有齊，個溏心蛋簡直係完美，半流心又甜滑，好好食，主角拉麵夠曬彈牙爽身，大力推介個蟹湯湯底好濃郁，絕對唔係味精鹹，食完唔口渴，一啖麵一啖湯taste到曬清甜味，好幸福呀！雞白湯拉麵：呢個都係餐廳主打，又廚師精心熬製嘅清甜雞湯，雞肉口感嫩滑，豚肉吸埋湯底同樣惹味，放心唔會因為用肉既湯底而太油，食完麵飲埋個湯都唔怕，高質！日式餃子：我哋食完一碟再叫多碟哈哈，即叫即煎，外脆內軟，加埋酸甜餃子汁，好食！鹽燒雞皮：好少可有串燒雞皮食當然要嗌下，鹽燒調味幾時都係我最愛，雞皮香脆可口，做前菜一流！

之前已經係佐敦食過金鶴拉麵食過好食，湯底濃郁而麵質彈牙，原來旺角都開咗間就係附近岩晒我來到當然叫返碗雞白湯拉麵，湯底雞味濃郁鮮甜，麵質依然不錯香辣豚骨湯拉麵是我每次來必叫，以拉麵來講辣度夠而且辣汁仲入晒麵度，辣朋友必叫拉麵有2片肉，沒有脂肪但又幾軟熟，口感唔會鞋身。流心蛋濃味流心感剛好，仲有不少配菜第一次來吃叫鹽燒串燒都有驚喜 : 雞中翼和豬頸肉，燒得個面幾脆之餘不會好油身，肉質剛好，好新鮮勁熱要等一陣先食細睇原來仲有蟹湯拉麵而且見人哋影相都幾靚，下次再食過先，而且仲有外賣自取選擇，有時趕都可以買返公司食

最近發現旺角都開咗金鶴拉麵，之前通常都有去佐敦食，而家旺角都有就好方便啦！座位都好寬敞，感覺可以慢慢食唔使咁急，發現佢個蟹湯拉麵已經變成常規款，讚！極濃雞白湯拉麵真係特別香濃，雞香突出又入味，果然係招牌湯底！除此之外，仲有兩大片慢煮雞肉，口味特別嫩滑，配搭埋個湯一齊食，仲有雙重香味。 入面亦有好多配料，包括半隻糖心蛋，相當香甜，亦有木耳、蔥花等等，口感豐富。拉麵相對比較粗身，彈牙。蟹湯拉麵見到有得食，當然都試吓，一齊share個湯底，湯底都已經有少少蟹香，加埋上面有一埋拆咗嘅蟹肉，相當方便進食，鮮味逼人。 另外就有紫菜，更有層次。+糖心蛋 鍾意糖心蛋嘅我哋另外都叫咗一份，特別喺度嘅糖心蛋都幾好食，咁就可以平均食到一人一隻啦！