金豪酒家

營業中

休息中

朋友介紹, 當晚相約朋友8人飯聚,其中叫咗蝦干通菜, 但只有3粒蝦干(無影相）, 並非條, 係粒, 向侍應查問, 回答蝦干貴, 係咁多啦（侍應親眼睇到3 粒）, 向自稱老闆娘查詢, 稱唔會係咁, 會有7或8條蝦干, 並從廚房拿蝦干給看, 強調廚房無錯, 係客人攪錯,咁嘅服務態度, 點可以再幫襯,只是建議改進, 客人無要求更換或退回, 已經話客人錯, 鋪頭無錯° 同時其他餸菜份量少, 其中個老鼠班魚兩味(炒球及蒸班頭腩,$598, 份量細到2人餐咁, 問侍應,稱海魚係咁份量, 跟住行開, 意思客人食就食, 唔食就算, 最後朋友一肚怨氣離開°我都好想在港消費, 但咁嘅服務態度, 真係唔好成日問點解會返内地消費°

朋友介紹，話間唔中都會去食，有幾好食同埋成日都滿座，剛好有親友來港諗住帶佢哋去一齊試，一齊中伏用圖片說話😞😞當紅炸子雞，你啲雞油咁樣都夠膽拎出嚟俾客人食，真係好無言。。。 每一嚿得兩啖肉，其他全部肥到根本唔食得。。2-4舊全肥，點食啊。。。二百幾蚊一份嘅避風塘瀨尿蝦，你哋又分唔分到邊一份係避風塘，邊一份係椒鹽鮮魷呢？我問咗好多次，避風塘真係咁樣？？我話你張相，不嬲食開避風塘，都係啡色仲會有啲辣椒絲，你兩份都放啲炸蒜喺上邊就同我講係避風塘，唔係咁樣呃人呀嘛？下面嗰份係椒鹽鮮魷，ok,但係上面嗰份真係唔掂囉份通菜味道冇問題，但係點解全部都係通菜杆？？？？？？？？菜葉呢？？？？？唯一可取就係呢個蘿蔔牛腩，味道正常，其他我真係冇嘢好講，咁就1200$

深水埗食肆林立，要爭一席位確係不容易，呢間酒家經營都有一段日子，至今仍然好多捧場客，反應呢一間酒家嘅食物質素有一定保證。「砂煲芥蘭啫啫煲」先將砂煲燒熱，再放上已炒熟嘅芥蘭同爽肉，捧到上枱面，侍應再即席炒兩炒，即時白煙冒起，加上炒菜聲，簡直聲勢十足！芥蘭有鹹香味道，送飯一流，豬肉亦很入味，爽而不「嚡」，十分惹味。龍躉兩味「翡翠炒球」龍躉大大舊，炒得很香很鮮味，魚肉厚身卻不「嚡」，顯示炒功鑊氣十足，而配菜西芹也炒得很爽口，雖然表面上睇落好似好多油，但食落去嘅時候唔會油膩，讚！「清蒸斑頭腩」相較於「翡翠炒球」，清蒸並不是代表食得淡口啲，反而食到魚肉嘅新鮮，也看到蒸的時間掌握得好，加上面頭鋪上了蔥花，特蔥花混埋魚肉一齊放入口，層次口感提升。夏日炎炎，呢啲風味小炒一定要配杯啤酒先夠爽。

深水埗的這家酒家，雖然位置並非地鐵站的核心街道位置，仍然有很多人，高朋滿座，就算今天是閒一的日子，也坐得很多人。我和朋友七點半到達，也要等一陣才有得入座，對於大家所說嘅市道不景扯不上任何關係。酒家有兩個鋪面位置，我們一入去其中一個位置，枱與枱坐得很密，非常熱鬧。《金豪和味雞》擺盤精美，雞肉很嫩滑，唔會煮得太過鞋，而且入味，這餸來食飯很夾，再加上有薑蓉直頭可以食多機碗飯，今次叫了半隻，在食了一件後，感覺後悔沒有叫全隻。《蘿蔔清湯腩煲》雖然說是清湯，但放了牛腩及蘿蔔味道的湯頭清甜，牛腩肉嫩，鬆化之餘亦有咬口，蘿蔔亦很入味，一口無根無冷。這酒家嘅食物有大排檔鑊氣，雖然酒家環境不是很很靚，但又很有街坊感覺，很貼地，就好似我以前細細個喺樓下酒樓食嘅感覺一模一樣，很有親切感。

今日同屋企人去深水埗食大排檔，見價錢ok 睇相又唔錯，就試一試！金豪和味雞係白切雞甘比較簿雞皮，雞肉好嫩滑，雞味好重，仲有個幾惹味嘅薑蔥油，個咸度啱啱好。 椒鹽豆腐 推介❤️外脆內軟，細細粒，豆腐好滑唔會乾，個皮仲好薄！調味黎講椒鹽唔會太辣，幾易入口，小朋友都食到！豉油皇中蝦 好多隻之餘都幾大隻，個蝦炸過，所以蝦已經脆卜卜，可以成隻食。 蝦頭重有好多蝦膏，加個豉油味唔算咸。 咬落又多汁又鮮甜。 啫啫通菜上面有小小辣椒絲，瑤柱碎同蝦乾。有鑊氣之如，又有瑤柱碎同蝦乾嘅鮮甜同咸香，而且佢係用幼身嘅通菜，食落唔會好老，送飯一流！餐廳坐得舒服，又主動換碟加茶，大排檔黎講服務幾周到。 食物都好好食，價格都親民，會再encore !!👏🏻

相信住喺深水埗附近嘅朋友都對呢間金豪唔陌生，有陣時一大班人或者同屋企人都會去食呢間金豪酒家，佢有兩個舖位，但係都好多人食啊，所以想食嘅話最好book枱！呢度各式各樣嘅港式小炒同埋海鮮小菜都有得食！今次就同屋企人試咗啲海鮮同埋一啲傳統小菜，水準依然保持到！椒鹽豆腐 一個傳統嘅港式小菜，雖然用了非常簡單，但係都唔係咁容易整得好食，金豪嘅椒鹽豆腐，每一粒都炸得好靚，外皮炸到金黃色，而且好脆，調味嘅椒鹽都好平均咁包住每粒豆腐，送酒一流！沙巴躉清蒸如果咁啱想食蒸魚，都可以試吓呢度嘅清蒸沙巴躉～份量十足，魚肉鮮滑多汁，仲有大量嘅香蔥可以配嚟食，更加清新，而且蒸得啱啱好，平時屋企嘅火候未必控制得咁好～蟶子嗌咗一人一條嘅蟶子皇，真係超級巨型，蟶子肉身好鮮甜又彈牙！面頭鋪滿蒜蓉醬同埋粉絲，味道好正！啫啫通菜煲最後嗌多咗一個菜，呢個通菜煲好有鑊氣，店員即刻喺你面前炒俾你，而且仲有好多大條嘅蝦米，通菜配合濃郁嘅蝦醬味道，整體味道非常豐富！

深水埗金豪酒家主打小菜同海鮮，有兩個舖位，店內空間非常大，如果想私隱度高啲可以book房。餐廳內有個大海鮮水缸，啲海鮮都好生猛，好新鮮。🍽️ 避風塘炒蟹蟹好大隻，用避風塘椒鹽炒好香口，連啲蟹鉗都有避風塘味，加埋啲脆蒜，好有口感。蟹肉好實，名副其實嘅啖啖肉。🍽️ 蟶子大大隻又彈牙，加埋粉絲同豉油，絕對要encore🤓🍽️ 椒鹽豆腐必點小菜之一，豆腐炸到金黃色，一磚磚豆腐好軟熟但又唔會炸到散晒，加埋椒鹽調味，鹹鹹地非常出色。🍽️ 芥辣牛柳粒牛柳粒放咗Wasabi，辣辣地好特別，嫩滑嘅牛柳粒但又有一種攻鼻嘅味道。🍽️ 冰火辣魷魚呢個前菜幾特別，魷魚彈牙得來辣辣地，幾開胃。🍽️ 啫啫通菜煲侍應會喺我哋面前落鑊，夠晒鑊氣，通菜好新鮮，個汁有啲腐乳味，超級好食。食完煎炸嘢食返個通菜煲中和下，好似健康啲😂金豪酒家 📍深水埗青山道17號地舖

朋友帶我們來這家海鮮小炒餐廳想不到人流那麼多如果沒有訂枱的話需要在門口等位〰︎✍🏻💭真心不騙的評價我們點了一個稱為冰火魷魚的冷盤醬汁方面很惹味可能是經過冷藏的關係所以感覺上沒有很辣由於我們四人同行所以點了一個孖寶套餐共有兩款選擇今次選擇了蒜蓉粉絲蒸蟶子皇以及避風塘炒蟹蟶子皇確是不錯 鮮甜肥美避風塘炒蟹的份量也很多啫啫通菜煲很夠鑊氣通菜不會過老吃到最後仍然很翠綠 亦帶點脆口大推這道芥辣牛柳粒很少看到芥辣醬汁與牛柳粒作配搭感覺很特別 味道帶點嗆口 非常惹味推薦指數:♡♡♡♡♡♡♡♡♡♡

💖 金豪酒家 (深水埗)✨深水埗青山道17號地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日同老公❤️同埋兩位朋友一齊去食晚餐🥣，朋友話收工嘅時候經常見到呢一間餐廳大排長龍，所以佢都好想去試吓🧐。估唔到有驚喜👍🏻餸菜好有鑊氣，海鮮好味🤤-特價海鮮孖寶套餐👥 $638一次過可以滿足晒我兩個願望😝又可以食避風塘炒蟹，又可以食蒜蓉粉絲蒸蟶子皇😚。🦀蟹肉肥美鮮甜，肉實又甜美👍🏻，加埋旁邊嘅避風塘蒜粒，鹹辣惹味。蟶子彈牙鮮嫩，最重要係佢啲蒜蓉粉絲蒸得好香😍。-冰火辣魷魚🦑 $88Q彈有嚼勁嘅魷魚，配合微辣醬汁🌶️，再將佢變成冷盤，涼浸浸得來又帶點辣，做前菜就最適合不過🥰-啫啫通菜煲🥬 $98上枱後先加通菜，所以通菜清脆又可口，入邊仲有少少蝦乾🍤-芥辣牛柳粒🐃 $118用牛柳配以芥末醬汁好特別，自己覺得呢個配搭好唔錯😍既有牛肉的鮮嫩，又有芥末的清新辛辣🤩令人難忘😋-黃金鮮魷💛 $118魷魚外層酥脆，內裏保持Q彈嘅質感，入口即化，鹹蛋嘅香氣唔會掩蓋住魷魚本身鮮美😎-避風塘瀨尿蝦肉🦂 $268真正嘅經典廣東風味😌，已經去殼，食起上嚟好方便，蝦肉質地鮮嫩彈牙😝

以前覺得幾好食，但最近2次黎食都受氣，貼錢買難受。第一次打去左book枱，話唔洗book，去到冇位之餘連攞張飛都攞唔到，結果要搭枱，隔離有對情侶都想搭，但職員叫佢地出去等5分鐘….結果佢地等咗20分鐘，然後d餸等咗半個鍾先上食到成肚氣，餸菜唔係特別便宜，但份量好少，我地8個人，又唔識叫加大份量。叫一碟炒聖子$188，得4片…之後上菜速度慢，等了一小時話比我知隻和味雞比咗隔離枱，之後賣曬…以後唔會再幫襯

開頭滿有期望咁樣嚟幫襯點，知呢間小菜嘅出品不似預期令人失望。咁多樣嘢只有燒乳鴿係叫做好食，夠火候，又香又脆。最失敗係椒鹽九肚魚，冇諗過呢啲小炒王牌嘅小菜館竟然個朝陽九肚魚整到咁樣，咬落去只有粉，可能係炸粉太厚或者d九肚魚太細條，真心唔掂。其餘嘅都免強合格啦，豉油王炒麵唔夠香唔夠乾身。炸子雞塊皮又真係整得幾好，不過份量比較少，所以感覺上唔係好抵食。黑椒牛仔骨就中規中矩。椒鹽黃金豆腐磚粒豆腐都幾滑，不過炸粉又係比較厚。薑汁芥蘭夠鑊氣但係又係好細碟，一句講曬真係唔係好抵食。

母親節星期六早一日食飯本來開開心心，但係因為我們沒有依照服務員提議食八千幾蚊的套餐，之後變得態度惡劣！茶錢$12一位，一碟小花生加－服務費，已經同一般酒樓一樣，還可以接受食物份量已經少了一半質素依然可以接受，鵝腸無味，份量少份量少，龍躉翅依然保持水準！但係未到8:00已經要求我們結帳埋單話門口有很多人等位我們看見門口並沒有人等位並有吉枱我們出門口再看看兩間舖也沒有人等位為何未夠鐘就吹我們結帳！質問服務員是否趕着收工！最後很不高興地離開沒有，下次。相信金豪的招牌很快被這班大媽服務員打爛很快便會結業祝老闆你好運！時刻電子消費流行，另外只收現金及轉數快耐人尋味！

食母親節飯，枱數唔算多，但掛住做外賣，45分鐘先開始上第一碟，之後都係等好耐先有得再食，野食好咸！花膠湯都係勁咸，唔會再去 失望，要追問幾時有，態度一般😒😒😒😒，又貴 完全食唔飽咁，已經好嬲 ，仲要寫200字先可以 比評語，（叫左花膠湯，半隻雞，椒鹽鮮魷，椒鹽瀨尿蝦肉，白灼鵝腸，是頭婆炒麵，鮮蝦籠仔蒸飯（先最離譜 今本係一人份量）仲有龍躉二食，仲過分係 我都未食完 就叫你埋單先，未試過去過一間咁差 ，真係唔會再幫襯

今天约了朋友在此食生日飯，9 個人叫了1）1 隻炸子雞2）清湯牛腩煲3）啫啫通菜煲4）馬友蒸肉餅5）上湯白菜6）椒鹽鲜魷7）椒鹽豆付8）炸魚片頭9）小炒王10）薑葱蠔11）豉汁蒸鱔12）花甲 (冷盤）清湯腩很淋，又夠味。蒸肉餅很好食，銷飯之選。炸子雞一如既往的好食。小炒王偏濕，一般。全部都夠份量。餸洒之選：椒鹽鲜魷，椒鹽豆付，炸魚片頭飲了14支啤酒，大部份人第一次吃，全部都好滿意。坐得舒服，企理，價錢合理，侍應態度有禮。

朋友推介一定要試呢間鑊氣小炒，見佢隔住都有三間鋪諗住都穩陣，結果其實都只屬於中規中舉嘅食肆，就咁睇價錢係唔貴嘅，不過份量相對其他濾近嘅食肆就比較少°火腩大鱔煲個鍋就夠大不過材料就好似奀咗少少，原本諗住大鱔嘅數量會比較少，點知火腩同大鱔一樣都咁少真係好少見°相比其他餸菜，呢個冰火辣魷魚份量已經算係多，呢個冷盤做得幾好食°蘿蔔清湯腩係老闆推介嘅，味道真係唔錯，尤其是啲白蘿蔔吸曬牛腩嘅精華特別好食°椒鹽鮮魷算係唔錯,粉漿適中,魷魚都夠新鮮°龍仔糯米蝦嘅份量亦都畀想像中少，好彩一人都食到一隻蝦，呢個味道都ok°