金華冰廳

營業中

休息中

裝修後都係第一次來, 其實都無咩點變, 假期的金華依舊咁多人, 客人絡繹不絕, 茶餐廳亂到好似打仗咁, 好彩無比錯食物我叫左個下午茶餐A($22), 有2隻炸雞翼, 1隻蛋撻同熱飲, 炸雞翼微暖, 應該炸起不久, 炸得唔油膩, 但食落去唔會太乾, 亦唔會成嘴都係油, 炸完先灑鹽係表面, 咸度適中, 都算幾好食, 唔知點解我覺得好似我中學小息時食的味道蛋撻係酥皮底, 來到熱辣辣, 食落去蛋漿唔甜, 幾滑但又唔會太稀或太實, 味中不足為酥皮偏軟, 唔夠鬆化, 蛋撻雖然唔係最好, 但已經算係中上的水準見到d菠蘿包($3.5)不停新鮮出爐, 忍唔住叫左一個, 果然名不虛傳, 新鮮熱辣,外脆內軟, 個皮亦唔會過甜, 雖然唔夠附近的康年茶餐廳的size咁大, 但已經足已令我滿足, 如果唔係怕肥, 加$2的菠蘿油相信會更加令人沉醉同更加麵包同蛋撻不斷新鮮出爐, 加上水準甚高, 絕對食得過, 但其他的飯麵類卻認真麻麻, 可以不理

2008.11.09(日) 經過金華門口人頭擁擁，行埋去湊個熱鬧，其實個個在等菠蘿油 湊巧蛋撻出爐，蛋撻係酥皮才突顯到其滋味，七蚊買咗兩個，新鮮熱辣到辣咀蛋味夠不過唔夠甜，唔會又係咩咩健康蛋撻呱，蛋撻要有甜味先好味丫嘛。咁淡，唔通俾人考慮 "落豉油好定落糖好" 咁咩

2/11/2008傍晚時份,,,一邊等家人一邊在太子一個人遊蕩...咁arm見到呢度有新鮮出爐ge波羅包...加上有幾分寒意, 又想起好多人都讚呢度ge波羅包...就2話不說衝去買...買左個油羅油!盛惠$5.5,(真係貴ya!!!!) 一打開個包內面看...見到得雞碎咁多牛油已經有dd失望...... 算啦, 照食, 個包又真係幾軟熟...不過個皮好像同出面食開ge有少少唔同...無咁甜無咁香......果舊奀"知知"ge牛油仲好像有陣雪櫃味........仲有...賣包果位阿姐...都幾串咀wor!!!總結: 唔係話唔好食, 又唔係好像坊間ge好評好潮lor...3個字"好普通"!!!正如前面有食友話, 只要係新鮮出爐ge包, 其實都差極有限!

hehe因為男朋友好鍾意飲奶茶~所以就起openrice搵~搵呀搵就搵到黎啦最近就去左2次..男朋友次次都好BUY一個男WAITER既服務態度..成日都起度話佢一定識MARKETING XDDDD無可否認佢真係幾GAG幾搞笑既..D 客都似乎幾GUR佢呢~第一次去係下午茶時間..叫左個下午茶餐, 有2隻雞翼,一個蛋撻..同埋一杯野飲 另外仲叫左個唔知常餐定快餐, 豬扒飯來的, 都是加杯凍奶茶…豬扒飯不錯嘛..還叫了一個菠蘿油~ 正啊~不過都要等幾耐下..差唔多食哂其他野先有得食~ 不過真係幾好味呢*第2次去就早左D, 唔係下午茶, 如果想食少少野就有D唔知食咩咁..男朋友叫左個麵餐~我叫左個雞批,蛋撻再加杯焉鴦~哈個搞笑既待應原本話6點先有雞批..之後唔知我地真係好彩定佢呃我地話我地好彩..總之都係有雞批食啦~個人覺得個雞批幾好味~不過就唔多雞肉囉,好多洋蔥@@"焉鴦都幾好味喎~ 不過我都係鍾意奶茶多D唧..>U<

是日不知何來的動機，突然想來個突擊新界食物一天遊，於是換過了衣服便跟女友先行到火車站前的第一站 - 金華冰廳來個熱身。坐下後當然不作他想，先來個這裡的名物<<菠蘿油>>。剛好撞著新鮮出爐，高興得不得了。 包身軟熟、鮮油香、上層菠蘿面有豐富的菠蘿鮮味之餘，亦非常脆口。這個菠蘿包果然是招牌貨，很美味呢﹗ 菠蘿包先聲奪人，但是主餐卻是普通得很。常餐的<<沙爹牛肉麵>>，牛肉本來沒甚味道，全靠醬汁來支持大局。麵身煮得略為過火，口感軟而沒彈性，即使是合格也相距甚遠.....跟餐的<<腸仔火腿煎蛋>>，火腿全沒經過處理便放在碟上，誠意欠奉。腸仔明顯曾下過油鍋炸過了一會，總比火腿的做法好一點點。而最後的煎蛋煎至脆邊，甚合我心，蛋亦沒有熟透略為生一點點，這蛋煎得恰到好處，值得一讚。這裡用的都是捷榮出品，<<熱奶茶>>茶味夠香，口感算滑，已是合格的了。整體來說各走異端，菠蘿包味道非常獨到，而另一方面的食物則可說是不吃沒損失，看來在這裡還是一包一飲品會是最佳的選擇.....

那天我和女朋友都各自請了假，結果有連續四天假期。可是我們以為當日會下雨的，結果卻陽光普照（我們一直想去一些效外地方散心，拍照的，真的天意弄人呢！）結果我們什麼也沒準備就出了旺角（到旺角辦點小事，結果又比預期的要快完成！！）時近十一點左右，當然是先找地方吃早餐了，女朋友當然將這個責任交給我，我看了看她，就知道她想去那裡，因為她心裡想著的是菠蘿油王子（哭！）（詳情請參閱食評---《菠蘿油王子》）我們約十一點就到了金華（經過上次經驗，我們知道肯定仍在早餐時段了），老闆娘安排我們坐到了卡位（雖然不用等位，但店裡已接近滿坐，可當天卻不是假期呢！）我們各叫了一份早餐，女朋友要沙嗲牛肉通粉，我要了雪菜肉絲通粉，女朋友仍舊要凍奶茶走甜，我要了杯熱好立克；當然少不了是女朋友念念不忘的菠蘿油（王子）早餐照例的很快到了，沙嗲牛肉通粉，雪菜肉絲通粉，兩份的火腿，煎蛋及腸仔，凍檸茶及熱好立克，枱面盛放空前，好不熱鬧（幸好坐卡位對面的兩位食客不是吃早餐，否則四位食客同時吃早餐的，真的是有點勉強的）早餐的質素在食評《菠蘿油王子》已有詳細介紹，今次吃來，質素沒有太大分別，不過我覺得沙嗲牛肉及雪菜肉絲較上次的叉燒及午餐

菠蘿包既食法有好多, 有人鍾意脆脆, 有人鍾意軟熟, 有人鍾意熱食, 有人鍾意夾牛油, 有人鍾意夾煎蛋, 甚至我記得亞女麻女麻係我細個時...將啲隔日菠蘿包切半煎香半邊已經好好食, 所以呢度既包好唔好食就真係因人而已, 其實我覺得最緊要係心情!昨天早上原本想去康年, 但行下行下經過呢度見有出爐就買咗個黎食, 唔知點解...咩都變咗時, 今天再食時已經無以前咁喜悅了! 仲有....我由$3...食到昨天已 $4.5了!

經過金華餐廰, 見咁多人排隊買蛋撻、菠蘿包, 忍唔住要試, 就迫去排隊(都唔係排隊, 我朋友比較斯文, 叫了好幾次個職員都聽唔到, 被好多人打占 )我唔太肚餓, 只想試口碑極好的菠蘿包, 朋友試埋蛋撻, 剛好有蛋撻出, 佢即刻食就話好好味, 見個蛋漿好黃, 應該真係唔錯~我排第7, 但出了兩盤菠蘿包都未到我, 因為前面幾個人都一次過買咗6個.........=.=之後突然轉出兩盤墨西哥, 個職員不停問有無人轉, 又話墨西哥仲好食, 不過無人理佢地, 只有d剛經過唔想等嘅買, 而且出第二盤時都未賣哂一盤, 但睇個樣都好似好好味~企咗成十幾分鐘終於等到, 好熱, 好香, 吹幾下就立即咬一口係好脆, 好軟,不過無驚喜, 同我屋企附近的新鮮出爐菠蘿包一樣咁軟同脆, 所有包出爐就食都係好味架啦, 無特別優勝之處~ 而且我覺得個皮好似唔夠甜, 都係中意屋企附近的街坊包店的,( 可能係我食慣甜甜的菠蘿包!)期望太高, 所以有點失望, 覺得太浪費我時間去等了不過總要試過才滿足的, 作為一個新鮮出爐的包, 它已盡了本分, 但我不會再買了, 因為等得實在太耐, 而且味道沒有驚喜, 實在不值! 不過可能蛋撻

星期六個日，食完「大記」攦粉，本都飽飽地...但路過出哂名既「金華」喎~ 又點可以唔黎趁下熱鬧呀?! 見到咁多人圍住個麵包部，已經估到未有菠蘿包架喇... 又係羊群心理啦...人圍我又圍，其實都無咩特別話排既，只要你叫得快同大聲d，咁就有機會買到架喇~ 新鮮熱辣既菠蘿油真係好食到不得了食遲d都驚d鮮油溶哂呀!!要試下呢d咁正既美食，膽固醇請先放埋一邊~:同時亦試了佢既 蛋撻 不過，可能唔係熱辣辣出爐，所以就覺得普通左d啦...下次都係要等佢剛剛出爐才買自得 可以既話，緊係想試埋or推介既---墨西哥包啦

很有很有名氣金華到底有沒有被吹捧得太厲害呢真的要說一句"沒有!!!!"她真的由衷的 棒!!沒有期望的進去試試名成利就菠．蘿．油wow~~~~~~~~~~~~~~~~~~~~~~~~~~菠．蘿．油皮脆!!卻不會甩到四圍都係夾住的牛油是中硬版本未至於冰火交融不過試過就知wow~~~~~~~~~~~~~~~~~~~~~~~~~~~麵包鬆軟不會過份起筋也不會糊口早餐至到11:30 ($19only)我選了沙o爹牛米太陽蛋+腸仔+火腿 (冇餐包哦)茶走 為了健康路路暢通;]友人叫了雪菜肉絲um.....達標還是長沙灣的barbie新華的沙o爹牛較好(服務一個個啦 好彩遇到位好姐姐)

媽咪今朝專登去買菠蘿包比我做早餐，實在太感動！金華菠蘿包真係好好味，飽夠鬆軟，皮又超鬆化。同埋因為多人買，不斷新鮮出爐，所以次次都食到暖笠笠既菠蘿包！不過食完見過紙袋都幾多油，菠蘿包呢d唔太健康既飽款，都係間唔中食下就好啦！

媽咪買左金華ge菠蘿包返黎... 我食左一個呀 ^^ 好味道呀!!佢個包唔係好乾,個皮好脆呀!!!加上又熱辣辣嫁~~GOOD

今次第一次寫食評，咁岩食左呢一間。話說個日同女朋友仔行街，旺角野食到7788，打算搵下有冇D未食過ge餐廳，行行下就撞左入去金華冰室。金華冰室D環境就一般，地下都濕濕地。但WAITER的態度幾nice，未食先有好感。我地坐低後諗左好耐，終於點左咖哩雞扒同餐肉叉燒飯。順道每人都叫左一杯凍檸茶。佢D雞扒好正，幾滑口，又唔係煮得好耐。但係我女朋友個碟就一般，叉燒都幾乾身，幾硬下，要飲好多水...最後我走個時唔記得take部相機，佢竟然叫我囉返！真係好感動！

其實本身唔知係邊~聽就聽得多今次去開個頭就突登買左個菠蘿包試(岩岩食飽..本身諗住搵下係邊 但比佢吸引左最後都係買左個)本身諗住買大家推介ge墨西哥..但未有出爐而菠蘿包就見佢岩岩拎出黎好多人行過都買左..唔使幾分鍾就冇左半底我都唔汁輸買左個熱辣辣!!!!真係唔肚餓都想咬多幾啖 又唔甜..又香脆

之前見呢間野成日都係top 10, 所以一直都想去試o下, 今日本來係去開油麻地果邊, 但係諗起呢度, 所以就特登去太子。一入到去, 係成間野都逼滿人, 仲逼過深水涉 d 米線鋪! 等左15 min 先有位。我同男友叫左每人一個雞翼 + 蛋撻餐, 再加一個波羅油 share。基本上每樣野都等左幾個字先到, 個蛋撻同平時食的無咩分別, 基本上所有剛出盧的蛋撻都應該係好味o既!個波羅油都幾脆, 幾好味, 但係亦都係基本上新鮮出盧都會好味 (只不過我地平時好少食剛出盧的)! 我飲凍奶茶, 原本呢排 d 奶咁 danger, 都唔係幾想飲, 但係之前見 d 人話呢度 d 奶茶好飲, 所以就試o下, 都係完全無特別!其實都有 d 失望 (因為好大奇望!)~~