金華冰廳

營業中

休息中

好激氣吖，今日特登出去試下佢D野食，真係令我好失望，叫左D嘢食遲遲都未有，人地遲過我叫都食梗喇，分明就係漏左單啦，叫D伙記追，佢就求其話就有家喇，就閃開左，再等多陣都係無黎，我又塭D伙記追單，佢地好似睇我吾到甘，到有伙記應我既時候，又比說話我聽，今時今日甘既服務態度真係好吾惦羅，就算野食有幾好都無用，比錢食野仲要受氣，我以後都吾會再去，D人好似吾休做甘，不知所謂

次次都食墨西哥加奶茶(因為我喜歡奶味較濃既甜食品), 可以話係至強下午茶組合!菠蘿包有幾間都有金華既水準, 而墨西哥包就暫時仲係金華最強! i love it!

下午兩點幾，一去到太子金華，已經見到勁多人排隊買菠蘿油，不過D菠蘿油仲未出爐，於是呀姐比左張籌我等。買菠蘿油要拿籌，我都算係第一次。等左十五分鐘終於等到出爐，我要左兩個。一出爐即食一個，麵包非常鬆軟，層皮比其他地方既菠蘿油脆。當牛油因為熱力溶入麵包後，D味道更加無法形容，難怪咁多人慕名來試。菠蘿油$5.5一個，真係值得一試再試。

之前都食過菠蘿包同蛋撻前日甘岩經過.諗住同朋友一齊食但個呀姐話要等半個中先有菠蘿包.s0去左附近食d野.點都一定要留肚食呢度既菠蘿包呢度既菠蘿包真係一流xp甘岩去到新鮮出爐.好多人買.一個字.正!

昨日又去左旺角掃街, 就試下呢度出名的波蘿油, 想食好耐架啦, 只係gf之前話唔鍾意, 又話肥, 又話唔健康, 點知佢今次終於肯試, 嘿嘿, 又可以試食新野了 $5.50一個波蘿油, 波蘿皮夠脆, 包又熱又軟, 中間夾埋凍的牛奶, 熱+凍的感受又出奇地夾, 下次一定再試雖然唔係咩珍餚, 但睇到做得有heart, 幾蚊雞又可以食得開心, 仲想點呢, 係今時今日既淡市, 食平d慳d使, 呢度真係值得向大家推介一個包, 一人一半, 兩份食, 好sweet

2008年12月6號 - 夜晚9點幾搭左112號巴士去旺角之後就在這裡找野食。 行到去花園街一帶的時候看到金華冰廳。 之前聽到好多人講他們的蛋撻&波羅包如何好味道。 不過我今日不是試蛋撻。 而試試個飯。但是什麼飯呢。 Um。 唸左好耐就都係我的最愛之一: 揚州炒飯 (HK$29,-)。 我用半價的價錢(HK6,-)加埋個奶茶(原本HK$11,-)。 但是我心唸著"不是5個半嗎?" 不過算la。奶茶來到la。 試試先。 Um。 仲得好好。 好滿意。 等左一陣個飯來la。 看看個賣相先。 都好好wor。 都整齊呀。 試試個味道先。 Um。 炒得好好呀。 D飯好靚。 而飯&送的比例都算平均。 都落左好多送。 例如叉燒, 菜, 蝦&火腿。 都對這個炒飯好滿意。環境方面都算好。 坐得舒服。 而我要求轉去卡位的時候他們(店員)又好樂意幫我, 甚至幫我拿埋杯茶添。 唯一不滿意的是我末看餐牌而問我要什麼野食。 不過最不明白是為什麼兩次拖同一個地方呢?

十二月六日(星期六)見到金華門口人頭擁擁,一於湊個熱鬧,買左新鮮出爐既蛋撻捧上手是絕對的熱,酥皮特別脆但不太油,鬆化得很而金黃的蛋漿亦零舍滑溜每咬一口只覺美味,但我更想吃菠蘿油

$3.5菠蘿包：不用多說，看食評已知水準到家，頻頻新鮮出爐，新鮮熱辣,外脆內軟，外皮不會過甜$3.5蛋撻：新鮮出爐，酥皮超鬆脆，好鬼至，好耐無食過咁靚既蛋撻，又唔會過甜，自覺比泰昌的還要好，低糖又健康！

到了弼街一定要再吃一次金華的菠蘿包下午六點了也還有新鮮的出爐要了一個菠蘿油外賣上次吃得我念念不忘的金華菠蘿油的皮很酥很好吃但是不會甜不會膩熱熱的包里面夾塊黃油真的好美味呀雖然有人告訴我不要吃太多但是但是真的很好吃~~

每次星期六日去到都要同人迫既，但無計，為左食最出名的菠蘿油都要同人迫下…新鮮出爐既菠蘿油，個皮又脆，入面d牛油又岩岩好喎，一個字講哂"正"，加埋杯凍飲其實都好飽下…次次必食的…但真係勁勁多人囉，同埋d侍應態度一般同麻麻…

之前朝早要去太子補習，想食早餐，見這裏的食評不錯，便決心前來一試。早上8:30左右到，已經差不多坐滿人，好不容易才找到個角落位坐。二話不說，便叫了個菠蘿油及奶茶。不用一會兒，美味的菠蘿油和香滑奶茶己經放到我面前 急不及待馬上就試試~果然，菠蘿油名不虛傳，是我食過最好味的菠蘿油，個皮脆得黎又鬆化，麵包香軟，而且熱烘烘的，配合漸熔的油片，口感十分好。奶茶也十分香滑可口，但略嫌淡了些。緦括來說，絕對食得過。我下次也一定再來。

難得唔駛開會，所以就帶左肥豬同細細黎到「金華」，佢地就試下快餐及奶茶，我就只係試下個快餐......因為我唔飲奶茶架嘛 四款快餐中，我地試左﹕肥豬金華豬扒配意粉(燒汁)﹕$ 28(因為凍飲加$2)，豬扒得一塊，都算大塊既~ 但...就韌左少少啦... -︿- 意粉都唔錯噃 起碼唔會爛溶溶+碎濕濕~ 成碟既份量都ok有多，好過d名牌快餐店丫~ 餐飲 凍奶茶，肥豬覺得...「ok」喎細細餐肉叉燒煎蛋飯(豉油汁)﹕$26，隻蛋煎得唔錯，唔會太生or過火，仲有蛋汁架 叉燒都有...6-7片半肥瘦，都ok既~ 兩薄片餐肉，都煎得幾靚仔 細細又貢獻左d俾我試，都唔錯既~ d飯又唔會太硬or爛，收貨架喇~~份量都唔少架，但又唔係話好多...合理交易啦 餐飲 熱奶茶，細細話熱既夠滑喎~我金華豬扒配飯(燒汁)﹕$28，我自己覺得d飯既份量...合理既...不過我就緊係想多d咁啦......同肥豬一樣，都係得一塊薄薄的豬扒......d燒汁配飯...都幾好，不過我就覺得d汁唔多夠啦...我大膽地向侍應阿姐要多一碗汁，但佢話﹕「等我問下師傅俾唔俾啦...」嘩...唔係化...不過，可能真係無咩人好似我

每次到旺角，走到花園街附近，都會心思思走去金華冰廳買菠蘿包，因為他們的菠蘿包是新鮮出爐的，你會問在什麼時間才出爐，我會答什麼時候都是新鮮出爐，因為他們的菠蘿包實在是太多人買，尤其在週未及假日。到店舖站企一刻，你隨時聽到有人問：「菠蘿包幾時會出爐」。店員便會答：「等幾分鐘 la」。有時店員會先開單收錢，菠蘿包出爐後，就會憑單取包，都米話幾咁巴閉。)脹卜卜、大大個的菠蘿包。上面的菠蘿皮非常脆口鬆化，無論出爐時即食或過一會才食，都是一様。不過我就不喜愛在這裡食菠蘿油，因為每一個菠蘿包都是熱熱的，如果將片鮮牛油放入菠蘿包中，鮮牛油就會螎化滲入菠蘿包内，這樣就食不出這片鮮牛油的感覺。

說起菠籮油 / 包，只會想起金華。和男友逛街時想找個地方歇歇，又口痕想吃東西，便想起金華的菠籮油 / 包。菠籮包仍舊暖度適中，包皮香脆內裡軟熟，加上牛油的香味，真的無得彈！

佢既波蘿包真係食咁多次都係咁好食，皮脆，包好有口感，唔同其他皮蘿包咁一係就好似石頭咁死古古，不過如果星期六,日下午去諗住坐低堂食就唔好喇，因為太多人喇，不過就算買走，係條街道食都係值得3.5一個超值