金苑酒家

營業中

休息中

今日假期，中午同阿媽去試呢間嘢，樓下有人hard sell派傳單，話午市7折，好似好抵！所以就去左試！去到唔洗等位，冇咩人，我心諗今次中伏了！坐低左，一睇下個價錢，係加價左之後再7折😂，折完同區內飲茶市價差不多，點心甚至貴人地幾蚊，今次做左壽頭啦！點心選擇很少，冇套餐優惠。坐位算舒適寬敞，冷氣有點凍，侍應服務態度好差！叫左5碟嘢食，燒鵝飯，鮮竹卷，燒賣，馬拉糕，叉燒腸，個燒鵝飯真係嚇死！好少，得幾舊鵝，但收58蚊，加一之後60幾蚊，勁唔抵食，個馬拉糕又係好細，一人份量，鮮竹卷，燒賣，叉燒腸正常size……食物味道尚可以！冇乜味精的~2個人埋單200蚊左右，比起附近的連鎖酒樓，一啲都唔算平，性價比低，唔值……區內大把選擇，唔會光顧下次！

俾宣傳單張吸引左, 想試吓$108 半隻嘅皇子乳豬.落單5分鐘後乳豬就上枱, 有少少打左個突. 話就話半隻乳豬, 数埋得九件, 每件大約1吋乘3吋. 乳豬件底部嘅骨, 同埋豬肉横切的形狀, 告訢我佢本身並不是一隻BB豬, 所以上枱嘅可能只得八份一隻豬或更少. 本來預左一定唔會有半隻, 但冇預計會咁款. 唔夠喉於是想食埋個豬頭, 点知原來係裝飾, 凍同埋D皮係咬唔開, 唯有放棄. 個豬頭俾我咬過, 希望個廚睇到, 唔會再用返. 乳豬件下面有臘味炒飯, 唔似係糯米, 同埋似係一早炒好晒放在飯煲內備用嗰種.食左優惠價乳豬就不能再有其它優惠. 打開個正價餐牌, 炒碟通菜都$98, 有肉嘅就$128起, 我呢條cheap 友即刻眼都突埋. 上左黎都冇辦法, 求其叫兩味填肚: 鯪魚球生菜豆腐煲, 古法京都骨, 同是$128. 生菜煲嘅生菜很爽口, 豆腐算滑,. 鯪魚球約有十一二粒, 大粒墨魚丸 size, 但冇乜鯪魚味兼味道有点另類, 湯底算幾好, 冇味精同幾大煲, 叫做及格.古法京都骨係用大條嘅一字骨斬件, 骨多過肉, 肉質偏硬, 似炸過籠或者係返炸, 有少少驚食到甩牙. 最好味反而係用黎打芡嘅

同一班同學去lee間酒樓食飯，味道上幾有驚喜，一致好評，值得一試脆皮皇子猪皮脆而且非常薄，皮之間好少肥膏，肉質好厚，啖啖肉之餘又脆又香，肉質嫩滑，整得唔錯。鮑魚釀玉環，鮑魚係鮮鮑，咬落好林，鮑魚頗有鮮味，瓜既部分咬落好有質感，唔會太林太硬，唯兩者味道有d分開，冇協調既感覺，少少扣分脆香鮮肉卷非常脆口有油香而且頗為厚身，非常適合鍾意食香口食物既朋友，炸脆既腐竹皮保留到靚腐竹既味道，配合林林地既肉餡，味道同質感非常協調，非常唔錯。花膠海皇翅好足料，有翅有花膠，口感醇厚，可能個人比較重口味，金華火腿既味再出d會更好食。蒸沙巴石班無疑係高水質，魚有新鮮有魚味，魚太大條既好處，係肉質唔會鞋口，蔥花同魚一齊食更可以發揮魚既鮮味，係高級海鮮酒家唔會失手既菜式。蒜子浸豆苗既豆苗非常新鮮同足料，豆苗最忌老同難咬，用上湯浸保留到最新鮮既菜味，同時非常爽口，簡單卻非常突出。深井燒鵝無疑係全餐飯既焦點同最突出既菜式，好耐冇食過燒鵝皮係咁脆又有鵝味，油脂非常少而且啖啖肉，唔會咬落去成口油，明顯鵝係經精心飼養先燒出黎，宜家酒樓好難再食到lee種味道。最後甜品有流心奶皇包，奶皇唔會太流心可以痴住個包，一齊食唔驚d餡

朋友突然介紹這間酒樓，新優惠，脆皮皇子豬套餐，我們即時約夠12個朋友一齊去試試我們點選了1988 , 秋冬菜主題晚飯全包宴。圍村風味有米皇子豬，有糯米飯伴在乳豬底，幾特別。而且乳豬夠晒脆皮，食落卜卜聲，配上糯米飯，夠晒靚仔粉絲蒸龍蝦，夠新鮮，粉絲很入味。蟹籽百花蒸釀魚肚，魚肚爽口，釀入蝦膠，非常好食。紅燒竹笙四寶羹，材料非常充足，味道還不差哦。最失敗就是個炒米粉，少了點鑊氣，不夠乾身，濕了點。其它菜式，就不多特別介紹了，總括來說，都唔錯抵食，味道也不太差，服務態度環境也很好

見樓下派傳單好似好抵就上去試試,菜式選擇好小乳豬唔肥皮好薄好脆，但有小小蘇味而且冇香味,炒糯米飯比較油上色比較差唔係粒粒有色好多白色米芝麻千島蝦球-皮炸得夠脆，蝦球size夠晒大粒爽口肉脆，汁收得好好掛汁海鮮粉絲菜煲-海鮮已經係面一眼睇晒,湯底都可以唔會好味精,份量夠晒大總結:試一次就夠,唔係太好又唔係差無特別但價錢中上

貓媽媽是一個飲茶控，只鍾意上酒樓，其他食肆一律都唔LIKE。同貓媽媽外出用膳，必選酒樓。在旺區如旺角，要選一間環境舒服，食物質素不俗，價錢公道，位置就腳。我會首選金苑，不似連鎖店酒樓，雖没有華麗裝修，但貨品種類及味道都有驚喜。踏入2018年第一個月已幫襯了兩次了，地點位於旺角地鐵站出口，下午茶時間所有大中小點均為半價。由於樓面面積大，所以好多時都不用等位。有數款點心，在其他酒樓少見及值得推介。（１）金網紅米腸：與其他酒樓比較，用紅米槳取替普遍米槳，感覺比較健康。內裡的蝦肉充塞整條腸粉，而蝦肉更爽口彈牙。（２）紅豆年糕：這款點心全年供應，不會只在農曆新年前後出現。年糕軟熟不太甜，配上清甜紅豆，更是一絶。（３）香煎芋絲餅：高水準表現。外脆內軟，不油。若果你是芝士控，芝士蝦烏冬，一定一試難忘。大蝦非常爽口，配上濃濃芝士汁，烏冬吸收芝士汁。相信是芝士控必選。下午茶只售＄７８，確實超值。另外，下午茶亦提供數款湯麫，如燒味湯米線，燒味味道不俗。我覺得汾蹄米線及偒心酸辣粉，是值得推介的。

星期日終於放假 攰到狗咁 吾想去咁遠所以去左屋企附近是旦搵間食算平時經過見大大個roll up stand 系街 所以對佢最有印象GoGoGo 晚市其中一款特價菜 我最愛既乳豬雖然佢睇落同食落（好厚肉厚脂肪）都吾系'乳'但$108可以燒到個皮咁脆我地都賺左$138半打蒸鮑魚 好鮮甜好咬口芝士龍蝦伊麵 芝士味較淡 但啖啖肉仲好鮮tim$488不過不失野食還好 但坐底先知9點後小菜特價 但樓下 門口 都冇宣傳 碗碟都要卒好污糟 小菜款式小 同埋吾開口問都吾齊餐牌

今日一早我們見完客之後行過旺角彌敦道655號胡社生行見到廣告牌同派傳單嘅大姐話飲早茶會有半價，午市就會有七折優惠，聽到好似抵食咁，所以我們就決定去呢間「金苑酒家」飲早茶！我們叫咗爽滑牛肉腸嘅腸粉好軟滑薄身，可以清晰睇到入面放滿鮮嫩嘅牛肉餡料！帶子鮮蝦餃嘅餃皮比較厚身咗啲，餡料有帶子同蝦肉，味道好鮮味！金苑鮮蝦餃嘅餃皮好煙韌薄身，蝦肉好爽甜彈牙！綠茶奶皇包嘅包質好軟熟，而且有淡淡嘅綠茶香味，初頭以為入面嘅餡料係黃色嘅奶皇，點知一打開見到係綠色嘅綠茶奶皇，而且質感非常香滑濃郁！懷舊馬拉糕都幾鬆軟，但祇係一小角，而唔係原盆，感覺唔係好抵食！百花釀魚肚嘅魚肚燜得好腍好入味，夾埋爽口彈牙嘅蝦膠一齊食，令到口感相當豐富！醋撈秋葵係將秋葵切成粒，再加埋黑醋，食落感覺好清新醒胃！滷水豬仔腳滷得好入味，但唔會好鹹，外層嘅豬皮好軟滑腍身！總括：表面睇話飲茶有折以為好優惠，點知喺埋單嗰陣發現，原來所謂嘅折扣係將點心嘅原價特意提高到好似酒店嘅價錢，折完之後嘅價錢就係基本酒樓價錢，而且我們係早茶半價優惠，但他們就收咗我們係午市七折價，令我們覺得好失望同有欺騙顧客嘅成份，就算啲食物幾好食都無用！

昨天下午落着傾盤大雨，於是找一處近地鉄的地方吃午飯，一出地鉄口，有位阿姐派傳單說午市大中小點七折，於是便上去，這裏離地鉄口只需大概十步腳程。星期一至六午市，大中小點七折（假期除外）金龬紅米腸（大$27.9）紅米腸啲皮都很滑，脆網卷夠脆亦夠熱，饀料都很豐富。煎韮菜鍋貼餃（大$27.9）這個韮菜餃就比較一般，煎得不夠均匀，有啲地方很乾很燶，有啲地方又完全煎唔到。香芋松子餃（大$27.9）這個餃的味道比較淡，饀料淡皮也淡。雞絲滑粉卷（大$27.9）粉卷的皮很滑，但餡料肉太多，如果可以加多些蔬菜，如西芹紅蘿白等會好些。生菜魚球粥（大$27.9）粥底味道不錯，但比較稀，食到一半出哂水。黑椒金錢肚（大$27.9）醬料味道都算惹味，但金錢肚過稔，沒有口感。蜜汁义燒腸（大$27.9）因為其中有人唔肯食紅米腸，所以另叫义燒腸，皮薄亦很滑，义燒份量都很多。

星期四晚爸爸返左大陸，我就和媽媽與妹妹撐檯腳，食個晚飯。來到位於旺角彌敦道655號胡社生行4樓的金苑酒家我們叫了乳豬飯，加了條魚和啫啫生菜乳豬皮烤得幾香脆，由於所選用是bb豬，肉質格外鮮嫰，飯沾了豬油的香味，吃了一碗又一碗，好味。乳豬飯$108但是魚蒸卻是有點過火，肉質有點鞋口。蒸魚$168啫啫生菜煲，上檯時仍發出啫啫聲，熱氣騰騰，好味啫啫生菜煲$98總結：金苑酒家價錢不算抵食，而食物質素算是不過不失，如果就腳的話，可以一試。

是晚跟朋友去朗豪坊行街街，shopping完後肚子餓便找地方食宵夜，見到有姐姐在街上派宣傳單張，看見食物價錢非常抵食吸引😍，便決定去探索一下，大約晚上11點鐘差不多8成滿客人。看見餐牌上有很多選擇，看到寫他們出名燒鵝便即點，肉質嫰滑，只是皮不夠脆，但其香味不錯。清蒸沙巴龍躉仔非常新鮮，另乳鴨皮脆有肉汁😋也相當不錯，還有炒菜也非常大碟，一點沒有將貨就價，👍但題外話：唯一缺點的是酒樓內煙味很重和很吵耳，但總括食物是價廉物美。

下午茶小聚，見大，中，小點一律半價，約了家姐弟婦一行4人點了12碟點心，份量都夠大，所以大家都食到飽飽。連至愛的义燒包都吃不到。金綱紅米腸裡面似用油炸鬼包住蝦膠，食到3重不同口感“軟脆彈”， 好特別，不是一般酒樓可以食到 春卷脹卜卜好足料，炸得夠脆口。紅豆年糕厚切變咗年糕扒，好有驚喜鮑汁鳳爪都好入味

朝早同屋企人出旺角有野做，一早搞掂要搵地方飲茶啦 叫左蝦餃，薄罉，煎腸粉蝦餃都幾夠份量，有2-3隻蝦，而且好爽口。薄罉d粉調得幾好，好煙韌，同埋邊邊位煎得脆脆地，口感又軟又脆，但中間唔知咩事有d火腿片喺到，搞到d味怪怪地。煎腸粉都ok，煎得啱啱好，好煙韌，不過如果再煎香多少少同埋俾多d花生醬甜醬，我會再開心d囉，哈總體黎講係好食既，不過服務就真係麻麻地，我地入去由頭行到尾都冇人理，唯有自己搵位坐服務員又得好少, 茶要加水都要自己出手

金苑酒家早茶唔難搵位，搭枱都唔迫。兩個人叫左幾個點心，薄撐，蝦餃，炸鮮蝦腐皮卷同埋煎腸粉；薄撐夠薄，煎得好香，唔會太膩；蝦餃皮薄，但又唔易穿，蝦夠大隻，蝦肉彈牙，唔錯；炸鮮蝦腐皮卷，好欣賞佢個腐友炸得好好，好脆但唔會太厚，蝦亦都好新鮮彈牙；最後煎腸粉略嫌太大條，不過煎得ok, 唔會煎燶。總括而言下次係可以再揀呢間酒家。

今日同朋友在旺角行街，未決定食乜見到有人派傳單，這𥚃食肆甚多手拿住幾張傳單逐一看看見到皇子豬半隻原價二百多現在$108似乎幾吸引就上去試試兩個人第一時間叫了半隻皇子豬因為指定二至四人只可叫半隻再看看其他，都未想到食乜四處望留意附近幾枱都都有魚問問店員甚麼魚，隨即推介蒸沙巴龍𧄌我同朋友都認同有豬加條魚亦無防皇子豬燒得好皮脆，而肉質郤很腍皮與肉之間只有一層好薄的脂肪豬肉郤出奇地軟滑清蒸沙巴龍𧄌 - 味很鮮味，魚肉雖然是滑但是賣相吾得，蒸到散哂嘅感覺呢啲情況是蒸過了龍，倘若早兩三分鐘相信嫩滑度更加好研究餐牌見到千頁豆腐圖片賣相幾好況且得兩味感覺美中不足所以中途加了一碟千頁豆腐師傳老練刀功將軟綿綿的豆腐切塊豆腐不但沒有碎，還站得直挺挺的層層疊疊的圍成一朶美麗的花瓣放上面有八寶料大致是瓜粒，肉粒，菇粒等再在上面加了個茨汁豆腐入喉滑嫩古溜，需吃到濃郁豆香八寶粒味道則平平無奇瓜粒環境就是酒樓格局，可能是新開地方算是乾淨光猛，服務一般價錢好像貴了一點，兩人五百六十因為三個餸菜之中，皇子豬已經特價老實說現在很多集團旗下酒樓可以同一時間㨂兩三款特價食品這裡只可㨂一種，其他小菜價錢偏高所以拉勻都幾貴，希望下