金苑酒家

營業中

休息中

屋企人見到呢間阿拉斯加長腳蟹加燒豬套餐好想食，今日終於來一試。 我本身好少食蟹，所以食蟹經驗都好淺。 隻蟹刚上桌的時候的確很吸引，我只是吃了一隻蟹腳，但屋企人越吃越覺得隻蟹不對路。怎麼蟹腳會沒有肉的而且都是爛肉 ，並不是食開的一整條粗蟹肉，揭開蟹蓋裏面除咗一堆肺之外看不到能夠吃的蟹肉或蟹膏之類。 簡直食到一肚氣兼且覺得比人搵笨。家人 同職員講話隻蟹有問題，佢嘅回答只是"蒸隻蟹之前我都唔知裏面係點嘅"便是給我們的答案。呢個套餐額外要order一個原價的餸，但一看餐牌炒個菜都要佰幾蚊，叫左個芥末蝦球已$198，加多個勝瓜浸魚肚和 豉油王炒麵， 計埋花生每碟20蚊茶錢每人15蚊，埋单 一千七百幾。 呢個價錢我根本唔需要喺度食，問過食蟹專家說只有質素差嘅蟹或死蟹肉質才會這樣的縮水。不會再來。

叫左個蟹套餐$988，經理話你地五個唔夠食加$298有六斤，咁無所謂加啦，不過黎到睇落都應該係四斤幾左右（本人一向有食開，如果有食開的人都應該知一隻六斤蟹其實係幾多肉下）咁算啦，無睇住佢上磅，我當佢有啦，到埋單的時候，話要叫一個正價小菜先可以叫呢個套餐，咁我就話你都無講，個經理就話宣傳單張有寫你唔睇的咩(D字體同信用卡條款差唔多大細)，之後我就真係火火地問佢，你去食飯會唔會成張單張睇啊，同如果你有講落單的時候我就落埋啦。之後睇反正價小菜一個清抄時菜都要$120，同佢理論左一陣之後佢話當豪比我地唔洗加，唔係錢的問題，真係覺得比佢屈。叫左一個$988套戲，加大隻蟹$298，二支啤酒，三罐汽水都成$16Xx埋單，呢個價真係唔洗去金苑，重點要去都唔好加$298，我隔離枱無加$298隻蟹差唔多一樣大細

最近行過旺角，接到金苑酒家宣傳單張，被亞拉斯加長腳蟹吸引，今晚（2/6/2020）約齊腳來食。點了一個$988亞拉斯加長腳蟹及有米脆皮皇子豬套餐，八人食，部長建議將蟹加多兩斤，加多$298。另再加多三個餸~飛天炒泰國通菜、羊肚菌浸娃娃菜及大地雪菜炆釀豆腐。亞拉斯加長腳蟹，蒸得剛好，很鮮味有米脆皮皇子豬，豬皮很脆，豬下面有炒飯，炒飯亦很可口飛天炒泰國通菜略嫌唔夠味、羊肚菌浸娃娃菜及大地雪菜炆釀豆腐都很好食，兩個湯底都好鮮味，但大地雪菜炆釀豆腐，湯搵唔到雪菜，只有白蘿蔔，釀肉亦無雪菜味，朋友們都覺得奇怪，因部長好忙，未有機會問過究竟。

之前爸爸曾買過一隻阿拉斯加長腳蟹回家令我一試難忘，但在外自購平均每斤大概三百元，一隻蟹便要將近二千元實在價值不斐。早前看到不少酒樓都有以特價長腳蟹作招徠的優惠，相比之下看似更加物有所值。金苑酒家位於旺角站D出口相當方便，環境方面相對殘舊所以衛生情況亦一般；除了長腳蟹之外另外需要以正價單點至少一款小菜，晚市茶芥每位$13，每兩位另收一份$10酸菜。阿拉斯加長腳蟹 ($1286)組合套餐原價$988，包括一隻約四斤的阿拉斯加長腳蟹，而我們則另加$298升級至約五至六斤，以清蒸方式烹調原汁原味，肉厚而且肉質結實尚算鮮美。有米脆皮皇子豬燒得香脆可口，油香豐腴，而底層更有加入蝦米和臘腸的炒飯，粒粒分明但比較油膩。菠蘿咕嚕肉 ($148)咕嚕肉外皮稍軟未算相當香脆，醬汁濃厚黏稠味道偏甜。蟹肉蟹籽燴伊麵 ($128)所謂蟹肉其實只是以大量蛋白及蟹柳絲濫竽充數，淡而無味而且伊麵質感亦過份軟腍。

此店已被列為劣食首選！不欲多言😤很難想像還刊登報紙廣告招徠！不如造好出品，最可怕的還是在旺區開店，絕對能打造香港成為劣食天堂，絕對不會再光顧，希望各位食客不要中招😤😤😤😤

呢間旺角樓上即燒BB豬專門店近期推出咗長腳蟹Crossover燒BB豬做$888.套餐，已包括一隻約四斤重的阿拉斯加長腳蟹，來貨價據稱超過$200/斤，喺宜家疫情期間見佢哋星期四晚市都有八成客真係估計多熟客加持，本身想轉花鵰蛋白蒸但店員寫包單話清蒸先係最好嘅食法，果然一上桌份量十足，應該無呃秤，熱騰騰拆咗肉出嚟真係清、鮮、甜，我哋四個人分都吃到夠、吃足癮來，跟著隻BB豬上桌，辣口的好夠熱，配埋豬底的飯吸咗燒豬滲出的油分，豐腴惹味，豬可能因用三個月大奶豬，不會太肥膩，真係一件一件追住食。其他小菜都出色，但招呼及衞生仍有進步空間，但整體評分水準之上。

金苑位置朗豪坊地鐵站e出口上面 位置非常方便 平日工作夜了也會到這裡夜宵 是日友人提議到金苑夜宵平時的金苑 夜宵時段一定大排長龍 但今晚唔洗等位之餘 餐廳只有半滿 對食客對說 座位與座位之間有多點空間 傾計更方便 也更舒適 但對餐廳來說不禁有點擔心 因為疫情之下 有很多食肆已結業了 當中包括了不少我喜歡的餐廳 希望這家餐廳可以繼續支持下去每次黎到金苑都會食燒鵝同叫碗湯米粉 她的燒鵝燒到皮香肉汁多 另外湯米粉也是我家鄉的河源米粉 食起上嚟有米香 口感彈牙 是我的最愛但今晚就試左佢個蔥蒜雞 我鐘意「淋」雞所以呢一類肥瘦適中 肉質幼滑既雞岩我 用作伴湯米粉一絕！另外 仲有大墨魚🦑有驚喜。這道菜我都是第一次點 很有辣勁又唔搶墨魚鮮味 食得出心機菜 材料新鮮黃金蝦球很多地方也有 但很多都連殼的 這個蝦球確係啖啖肉同食到咸蛋黃 不錯 👍🏻而同一道菜還有黃金南瓜 這個是最快清空的 因為外脆內軟 外咸內甜 形成強烈對比又好香口 如果餐廳有一個獨立黃金南瓜的菜式應該很受歡迎👏🏻

今晚一家人到旺角「金苑酒家」開餐， 為的是 推廣中的乳豬＋長腳蟹套餐 $998長腳蟹冇指明多少斤重，見我哋人多可能都會揀隻重少少隻蟹蒸得啱啱好， 目測有四至五斤， 肉質實在鮮味至極， 腳唔算長不過 肉質好飽滿結實。乳豬比圖片偏細， 以為係釀入炒飯， 誰不知只係將乳豬切件鋪在塊面上。 個飯都算入味 唔太油膩， 乳豬皮夠脆不過都偏肥😀雖然套餐抵食但佢嘅小菜單點 比一般酒家貴多一半以上。菠蘿咕嚕肉承惠$150 其他小菜 閒閒地都要過百蚊。 份量則大少少， 人多都啱嘅～～生炒糯米飯最實際，$148， 炒得好香又唔會太黏。飯後甜品点了糖水， 綠豆沙比較唏噓～～ 而紅豆沙 就比較糊口， 明顯是打了芡

今晚要ot，放工好肚餓，和好同事兼老友去食宵夜，馬上諗起金苑酒家， 因為營業時間至凌晨3點， 而且9點後有特價宵夜，好抵食，我地太約10點去到酒樓，依然人山人海，但因為地方大，坐位多，不用等位，見到待應十分忙碌，好勤力，老闆應該加他們人工啦😁雖然好多客，但上菜好快！馬拉盞炒什菜$38好抵食，鑊氣夠，惹味，唔會死咸芝士蝦球烏冬 $118好大碟哦！芝士好足夠，濃郁，烏冬好彈牙，蝦球有點淡但爽口，加埋芝士汁食味道馬上提升紅燒北菰豆腐煲$55豆腐夠 嫩滑，北菰好入味真係好抵食！埋單300元有找

旺角美食不外乎雞煲放題打邊爐，沒有想過竟然會有平民價的乳豬和長腳蟹🤭金苑最新推岀優惠以至抵價換取乳豬長腳蟹set 兩樣貴價菜四人起不超過$900 實屬抵食！乳豬脆皮肉香，長腳蟹多肉多膏，好食到不得了，其他的小菜簡直比下去。

今日一班朋友相約到金苑酒家晚飯,阿拉斯加長腳蟹 + 有米豬 $798 抵食,長腳蟹很鮮甜, 但蟹身未蒸熟, 要再蒸過才可食用,有米豬的飯炒很好味道,另外推薦糯米飯, 糯米飯夠乾身不會太油。但座位擠迫, 環境嘈雜, 更有多位食客抽煙,跟待應反映, 無理會。

四圍行吾知食乜好，無意中接過傳單，見到個傳單姐姐介紹，所以就上左去食。其實我完全吾知道呢度有間酒樓，因為吾會留意。上到去見到所謂半價點心，其實只係枱高個價再半價，價錢都吾平，所以其實都吾多食客但坐得舒服👇🏻👇🏻既然上到泥就試下，我覺得都算有驚喜！燒賣：4粒大大粒，脹卜卜咖！一定係新鮮蒸出泥，味道好，爽口又好食！仲有師父一定親自包，因為真係粒粒大細不一🤣蛋煎糯米雞：見係新野就試下，其實只係蛋皮包糯米雞🤣🤣🤣真係無乜特別。。馬拉糕：呢個好鬆軟，但食入口係咬到啲一粒粒，吾知係咪糖未溶🤔瑤柱餃：一籠4粒，入面包住肉餡加瑤柱絲，味道好食白菜蝦餃：呢個一籠3粒，餡料食落一pat野，個皮淋，不太好食。煎蝦米腸:好大碟，煎得好香口吾太油小籠包:讚！呢個一定係師傅包吾係來貨，入面咬入口真係有肉汁！好大粒，吾係平時既小籠湯包，但真係好食！推薦其實呢度飲茶食物質素都幾好，夠熱又大份。員工態度正常，環境都坐得舒適。不過廁所🚽就避免去啦。。

在報紙睇到廣告，買点係皇帝蟹，2千多一圍，都唔敢期望，甘就十條友去食，諗住十個人食一圍，都夠食卦？点知？？原本加果隻乳豬，点知係偽术，呢個餐叫隻豬要正价4百幾！好彩冇加到！先上一個小炒王，正常，及格跟住一個炸齋腐皮卷，只係素，及格再上一個燒味拼盆，味道未知，份量夠十二位？負20分粟米蛋花豆腐羹，普通正常，僅及格50分再来一個浸莱心，及格酸菜魚，呢個又唔辣，又唔酸，都唔知乜野魚，成條掃粉炸完放入湯，搞笑！最多只值10分！炸鷄，正常可以，65分以上全屬好普通好普通嘅小菜，甘都未知中計！到戲肉，皇帝蟹出埸，話4斤，甘多有多食啫，拿蟹腳剪，咦～空心嘅，再剪开，嘩~D肉嘅比例係2-3成，我地估應該係下价貨嘅水蟹種，！即叫伙計睇，問佢点？佢话整过一隻都係甘，仲話要另計！我們全部唔食放係度嘈，隔離左右都嘩嘩聲！甘都得？周旋左一輪，死都唔肯換，話蝕本，呢样果样，我问你甘叫D客蝕？重点黎係食蟹，我們話唔俾蟹錢，只俾番食左嘅錢，佢話請示，轉头送斤中蝦補數，費事煩我們算數！中蝦頂到皇帝蟹？？？？一肚氣，奉勸各位咪去，我地嘅情況嘈到左右隔離都知，原來個個都係食呢個餐，但我地叫先，佢地睇到后圍圍轉呔！如果一早入

今次order:沙薑雞腳、七味炸雞翼、日式芥末牛柳粒純粹收工同朋仔仔出去宵夜，搵個地方傾下計又唔需要食太飽，行經朗豪坊，之前已經去過幾次金苑炒小菜，就諗都唔諗就揀佢，之前點餐同呢次菜式未必一樣，但平均黎講到有一定質數，所以向大家介紹下。💁🏻‍♀️沙薑雞腳-沙薑醬汁非常夠味，有好香既薑味，而且雞腳煮得夠軟身，就算大隻都唔致於難咬，🤤🤣☝🏻對中意損腳趾既朋友黎講值得推介💁🏻‍♀️七味炸雞翼-經醃製過雞翼非常夠味，應該就用椒鹽方式經油炸之金黃色後再加上七味粉系面頭，食落鬆脆而且有咬口，如果想啤一啤既朋友必點🍻💁🏻‍♀️日式芥末牛柳粒-正常既出品，賣相同味道都唔錯，又多配料例如：菇菌類菜底紅椒黃椒同麻芝襯托，牛肉食到火喉炒過既味同芥末醬汁既味道，芥末味唔會太搶風頭或者太攻鼻，大人小朋友都啱試🌫另外！如果系宵夜既朋友仔需要注⚠️🚬吸煙人市既福利大概系宵夜時段多數都唔會有服務員去拒煙，只系唔食煙既朋友仔就唔可以太夜去喇，因為附近都有唔少宵夜既食客吸煙，對唔食煙朋友黎講系幾困擾🧨。🙋🏻‍♀️俾多啲機會唔同食鋪，通常佢哋可進步空間好大，只要樂意，時日有加一路路改進可以愈做愈好，香港人太健忘，對一般評價食店都唔會

他們下午茶時段，用半價來吸引顧客。其實只是卓頭。這個價錢，這樣的食物質素 很多地方也比他好！令人失望！其實如果味道不錯的話，週日去喝茶，價錢也不是大問題。點心來了。就拿最愛的雞包仔來吃，一口咬下，味道普通，忽然臭到一陣“拿”味傳來 還是非常刺鼻，非常可怕！感覺吃下去會傷害身體 不是正常一般茶樓吃到的味道 應該食材新鮮或否 或跟腌制方法 （用了些什麼令肉類發出 “拿”味的東西)之後別的點心也來了，都是這樣可怕😰 全部都有 “拿”味。最後都沒有吃多少，就不敢再吃。身體健康要緊。可怕！最後兩人吃 半價$都要214(下午茶時段)。