金苑酒家

營業中

休息中

同屋企人浩浩蕩蕩殺去旺角金苑！一入門就覺得好驚喜，裝修新淨企理，冷氣夠唔會焗促，枱與枱之間間隔寬敞，傾計食飯唔怕被隔籬騷擾，就算帶埋長輩嚟都覺得好體面！重頭戲龍蝦伊面一端上枱，香氣直撲鼻！大大隻龍蝦鋪滿成碟，輕輕一撥就見到飽滿彈牙嘅蝦肉，咬落鮮甜爆汁。伊面更是靈魂所在，充分吸收龍蝦湯嘅精華，每條麵條都掛滿濃郁蝦膏，鑊氣十足又唔會黏笠，連平時唔點食麵嘅細佬都搶住添飯！其他小菜同樣出色，豉椒炒蚬鑊氣香到痹，蒜蓉菜心爽脆清甜。得哥服務超級周到，不時過嚟添茶換碟，還細心提醒龍蝦最佳食用時機。呢度環境好、食物正、價錢又抵，絕對係家庭聚餐首選，下次生日飯都決定訂喺呢度！

今日約咗五、六個老友一齊殺去金苑！小菜一上枱就知唔簡單，豉椒炒蚬鑊氣勁到痹，龍蝦都好好味；蒜蓉菜心爽脆清甜，鑊油香完全滲入菜梗。重頭戲「有米脆皮皇子猪」真係絕！豬皮脆到好似食緊瓦片，咬落「喀嚓」聲超治癒，肉質軟腍得嚟又唔會腍到散，油脂香同米香完美融合。龍蝦蒸得火候啱啱好，肉質彈牙鮮甜，蝦膏濃郁到痴嘴！埋單時先發現咁多食落嚟性價比超高，得哥仲笑住送咗甜品！下次公司聚餐一定再call班friend殺過！值得一試 出旺角港鐵站E1就見到

經常喺社交媒體look到金苑嘅優惠套餐，今日終於約埋班friend去試！見佢哋套餐選擇好多，就點咗個998 6人餐試吓，真係冇令我失望！清蒸帝王蟹鮮甜到不得了，肉質嫩滑，簡簡單單清蒸已經食得出海鮮嘅原汁原味！招牌乳豬必食，好味一啲都唔油。其他炒菜，無論火候定調味都控制得好好，味道唔會太濃亦唔會太淡。上一次去其他酒樓，單叫一隻帝王蟹都差唔多1500蚊，呢度6人餐先998蚊，抵食 得哥服務態度超級好，好熱情咁招呼我哋，不時過嚟問我哋食得滿唔滿意，最後仲同佢影咗張合照留念！下次聚會一定再嚟！

每次大時大節都一定會去嘅酒樓，每一碟都好大份，無論海鮮同埋炒小菜都好食🤤必叫長腳蟹，睇相已經見到爆曬膏，肉質鮮甜飽滿。另外椒鹽瀨尿蝦同九肚魚嘅調味好惹味，唔會過鹹，瀨尿蝦真係大過手掌嘅size，一隻可以兩個人share分，好滋味。上湯龍蝦伊麵既龍蝦肉好彈牙，伊麵吸收晒龍蝦精華湯汁！九肚魚有驚喜嘅係外層粉漿夠薄，裏面嘅魚肉滑嘟嘟！有米豬有糯米飯係底，乳豬皮脆卜卜，唔會切得太厚，食落亦唔會好油膩。小菜四碟包括海蜇、燻蹄、燒排骨同埋叉燒都係正常發揮，叉燒肉質軟嫩，肥瘦分明。今次係預先寫定菜單，總共有八道菜，海鮮有聖子、長腳蟹、九肚魚、龍蝦、瀨尿蝦，每位價錢約$1000。📍金苑酒家 #旺角酒樓 旺角彌敦道655號胡社生行4樓

睇到宣傳單張長腳🦀餐好似幾抵食，原來搵笨。食飯時間酒樓開始多人，坐下來看看餐牌，👀都凸埋…D小菜價錢比其他酒樓要貴一半…佢要求食蟹餐就要最少點一個正價小菜。我地一行8人，只好點3個，都已經$600….還有餐桌上的3碟花生小吃收$36…唔食都要收錢…..味道喊死…。蟹又唔夠秤，揀蟹要加錢….叫了兩個白飯好耐都未黎，只見職員只忙住收拾檯，問他還會黑面…服務差到一個點...用餐壞境亦相當擠逼，不會再去。

長腳蟹乳豬套餐價錢不老實，食物質素不太好，菜式沒有太大選擇。不會再幫襯。最重要宣傳圖案，與價錢不相符，逼人加錢加大隻蟹。每個小菜價錢非常貴。座位不舒服，環境太迫最後總體不合格

見到食晚飯送燒鵝，樓下阿姐仲話燒鵝一定送畀你食，半隻乳豬68蚊，我就諗住68蚊又有乳豬又有燒鵝都幾好啦，點知中伏。上去經理才告訴我有乳豬就不可要燒鵝，我話你下面阿姐唔係咁講喎，他只是有一點凸眼，一看餐牌貴到飛起，一碟正常咕嚕肉要178元，味道一般唔夠熱。服務員有沒有固定加水。我個人認為是很差的體驗，吃大家樂有比他好。

剛剛早茶, 見有點心還未來於是叫一位女侍應編一張, 已電腦記錄的點心紙來檢查有否遺漏. 之後她取了一張剔點心紙給我, 我表示不是並解說,但她極不客氣地話我不知所謂的服務、自己不會再來...............…..............................

食物差，出品不熱、服務差，酒水貴除了套餐便宜，其他所有食物貴，啤酒貴，冷氣不夠，服務員不停sell 加錢加大碼，非常差的一間食店、各位弓心中伏、以為不會再幫襯..

呢篇係我第一次寫評論話說見到廣告係我家付近900蚊有蟹同扁皮鴨2食我就約左2個fd去試去到樓下我先睇op評論話差到爆同呃人話要係咁你加菜我諗住死啦不如轉場，點個我另外fd已經到左開埋檯咁就唯又照去去到8成入座咁我地就照叫個蟹set,同加一個粉絲扇貝（因為訂枱之前話要加多個菜單食物）成個過程又冇話咁差要逼你叫多d野食因為之後係全場滿客，睇得出跟本冇人手做野吾同其他酒樓好快上菜你話食物係未好出盡？🙂🙂🙂🙂🙂我只係叫左個set同粉絲扇貝可以話正常貨質，一分價錢一分貨吾會話俾你聽好yum食過更加好既蟹所以知分別我今次點解評論係因為見到佢地對上留言係2023生意難做間酒樓又真係爆酉場成班人都好辛苦執野同清場俾下一檯客所以我想留言俾d鼓勵見到佢地咁辛苦同努力又冇sell過我地加油啦。

今次同朋友食生日飯，揀咗一間酒家，就係旺角地鐵站一出唔洗一分鐘就到步，貪佢交通夠方便。🌟澳洲龍蝦刺身龍蝦刺身極度鮮甜爽口，沾上芥末、豉油和檸檬汁，簡直係絕配！🌟胡麻醬炒沙拉骨使用胡麻醬來炒沙拉骨，也是第一次嘗試到，味道獨到，吃幾塊就滿足。🌟蒜蓉粉絲蒸大元貝標準海鮮的做法，大元貝夠大和新鮮，喜歡他比很多蒜蓉。🌟飛天炒泰國通菜通菜煲裏面含有肉碎和蝦乾，很下飯。🌟大廚炒米一個有鑊氣的炒米粉，配菜也算蠻多的，中規中矩。🌟黃金流沙包流心的，好吃！🌟紅豆沙呢個價錢嚟講，真係抵食。🌟桂花糕個人十分喜愛他的桂花糕，很足料桂花很多，不會太甜，而且幾大舊。總括嚟講，我好滿意呢餐晚飯，下次有機會再嚟食過！

睇廣告998蚊有乳豬同阿拉斯加蟹，所以去左試，咁去到之後黎環境極差，枱與枱嘅距離好密，仲好嘈雜，落單時佢哋會用好多方法叫你加價錢食其他食物，稔住抵食無所謂，找數接近$2600，仲要被人催離開，話客多喎。所以要有攻略才可以食這間，餐牌任何食物不能叫，淨食優惠。

我又係睇到張傳單冇睇食評一唔小心就去咗，結果真係非常失望，同朋友一齊食非常失禮，因為係我建議去伊達地方，蟹唔足重量，環境非常差非常污糟，廁所冇洗手液，又污糟又殘舊又臭，我唔會再去。四個人食咗$2000都唔飽，完全唔老實。隻蟹又唔新鮮又梅啲肉，加大左隻蟹，第一次呢隻蝦你話有6公斤，我哋一望同隔籬枱3公斤完全一樣，個阿姐仲話大隻咗係咁重，再換過第二隻大隻咗少少但係最多4公斤，夾硬放上台叫人食，食落啲肉又梅又欄

旺角有好多餐廳選擇，今次一行六人去咗酒樓食套餐，呢個套餐有長腳蟹，所以就專登去食❤️呢個套餐一定要六個人先可以order🤗套餐有長腳蟹同片皮鴨二食（要加個小菜）長腳蟹新鮮大隻多肉冇失望👍🏻酒樓有提供鉸剪等工具方便我們食蟹，好好彩我哋隻蟹多肉又有膏👍🏻

我在報紙看了廣告見亞拉斯加長腳蟹+有米乳豬套餐$988，於是打電話去訂6位，但去到當日臨時有一位缺席，他們說你們得5位，不能叫這個套餐，只可叫長腳蟹+片皮鴨套餐$988，令外要人齊先可以叫，好像骗了他们一樣!否則只好叫其他餸菜!好了等到人齊叫了長腳蟹+片皮鴨，還加了2個小菜!结帳要$1700元!長期蟹+片皮鴨還可以!但伙計個個黑口黑面，不敢恭维，如果想食一吐氣便來!