金苑酒家

營業中

休息中

如題本人與家人於公眾假期晚上八時至九時半左右食晚飯場內座位擠迫，酒樓內所有小菜價錢偏貴，有肉的小菜全部$138-148起，味道及份量尚可以但服務態度差我們由九時多已聞到煙味，開頭以為有附近的食客食完煙入座，但二手煙味愈來愈濃，後來才知道距離相隔一枱有所謂的酒樓熟客在公然食住煙食飯！我們立刻去counter向酒樓經理反映事件他們態度很「hea」之後派了一位女職員特地走向我們枱問邊枱食煙叫我們當眾指出來！（在counter時我們已經指了位置！職員盲的嗎？！明知故問還留難我們）然後才施施然走向食緊煙的那枱話：「先生有人投訴你食煙」（理由居然變了係人投訴而唔係因為酒樓禁煙！還要讓食煙的人知道是我們枱投訴以致不能食）然後雖然那男人停了食煙但我們飯枱附近有間「間房」供打麻雀亦不斷傳出二手煙我們在充滿二手煙的不愉快環境下迅速食完離開（走時見到經理同食煙的食客好好傾同吹水，先知係熟客）回家我小孩和我身上滿是煙味😡如果想要又貴又邊食晚飯邊共享一手二手煙，這間可以推薦！

3人行去旺角飲早茶先～大廈有兩間酒樓～雖然第一次嚟～見到都幾多人飲應該好食掛叫咗八個點心～鮑汁鳳爪一份有五隻～應該係用老抽整顏色就好深～可惜冇咩味～食落似煲完湯嘅雞腳～鹹水角餡唔算多～食落仲有D痴牙煎蘿蔔糕冇咩臘咪～有一條條蘿蔔絲～如果再煎香D就好味啦墨魚丸魚肚上面配以蟹子～墨魚丸彈牙～有三大片魚肚食落似豬皮多D～炸蝦雲吞啖啖蝦肉生煎包有椰菜絲豬肉碎～底面都煎得好香～小籠包豬肉味濃多汁配醋食一流叉燒腸粉暖暖地～腸粉有D厚～叉燒有D少但配以芫茜、甜豉油味道都可以

今天約了舊同事 見面， 旺角由朝到晚所有地方都人頭湧湧 ， 最後決定了去 金苑酒家下午茶， 因為知道他下午茶時間人流不太多， 一定找到位果然不出所料， 人唔太多。同事未到， 我肚仔己餓， 首先點了 紅米腸， 蝦餃鳳爪， 同 尖椒釀 魚肉我最愛這裏的紅米腸， 用紅米 整成 薄薄的 外皮， 裏麵包著鮮蝦， 和脆脆的一層 炸粉， 咬起來 又香 又 有鮮蝦的甜， 非常好味魚肉釀青椒 今次青椒不算太辣。同事來了我們一邊談天說地， 一邊喝著茶， 食咗點心， 因為人不多， 相對嚟講坐得舒服埋單才200元， 非常抵不用等位已值回票價

坐低咗一陣姐姐無啦啦叫我哋調枱讓俾4個人重要講大話話佢哋嚟先 我哋堅持唔讓枱同枱擺位都幾近幾嘈冷氣啱啱好唔會太凍🌟餐牌物都偏貴小菜款式亦唔多🐷有米脆皮皇子豬 (半隻) $68 乳豬個皮燒得好脆 咬落脆卜卜🤠 半份有7大舊 肥瘦啱啱好唔會有好多肥膏 肉質鮮嫩 唔會成口油乳豬底有臘味炒飯 炒得唔算乾身 不過都唔會好油膩 好惹味 份量都幾多👑粉絲蒸扇貝 $28@ 扇貝大大粒好新鮮 厚身鮮甜有咬口😋😋 粉絲好入味夠腍 加咗啲金菇口感豐富咗茶介 $13@位花生 $10@枱10% Service Charge💰

We went to this wonderful restaurant tonight around 9pm. Although it was very very crowded, the waitress was very helpful and we did not need to wait long.The roasted goose was superb and all the rest dishes were delicious. The greatest part of all was the prices. After 9pm, the menu are at discount. By the time we left, it was almost 10:30pm and the restaurant was still very very full.Highly recommended for supper!

約左朋友係旺角飲下午茶，就試下呢間，上到去，門口待應話入去隨便坐，甘入去有好多位，㨂左一張較寛闊的枱，有個穿著紫色制服摘髻，銀色圈耳環的女待應，話不可以坐，你無人帶不准坐，（語氣超差）我地就行反出門口同之前待應講呢翻說話，之後佢問我地邊個吳比我地坐，叫我指比佢睇，甘我地就告訴她之後就可坐了。真係咩服務😰😰😰😰😰😰另外有一個穿黑西裝，間條恤衫領，長頭髮摘辮的女待應，又係超勞氣，黑面，真係無人得罪你地呢，又係咩態度😨講反食物😅😅@黑木耳——-味道吳錯，酸汁調較得幾好👌@菜心———都可以。@叉燒腸——味道ok，係粉皮厚左小小。@小龍包——-呢個整得吳錯，個皮做得薄，入面仲有湯汁，味道都可以。@🐔扎——-呢個好得，又夠熱，大大碟，有🐟肚，大大塊，芋頭夠淋，火腿，🐔，面頭塊腐皮又夠味，食左幾款點心，呢個味道最好味👍👍@流沙奶皇包——-夠熱，流沙就杰左小小，但都好食既。👌@鳳爪——好味道👌@薑汁糕——好有薑味又整到一層層，幾又心機，係味道稍為甜左D😊@綠豆沙——煲得夠沙，味道吳錯，係吳夠熱差左小小😅食物總算不過不失，不過D服務就😰😰吳係一個半個，係個個都🙅‍♂️🙅‍♂️🙅‍♂️😰😰😰

今日喺旺角行街行到餓 又想飲茶喎 咁就嚟咗呢間酒樓😂餐廳環境比較嘈吵 可能係因為樓底矮 但係啲比較多大檯 三個人去佢都俾一張大檯我地 張大檯有八個茶位 但係因為啲檯放得好逼 基本上係冇乜可能可以坐得落八個人 甚至連伙記想行入嚟擺低啲點心都好有難度 環境真係麻麻地😥黃金流沙煎堆仔 可能係凍咗嘅關係 唔算太流心😮 但係勝在夠脹卜卜鮑汁鳳爪 份量都正常 有六隻 不過就比較瘦北菇雞包仔 餡比較少 包有啲硬 薑味就好足夠 但係唔推薦🤧銀芽雞絲炒麵 炒得太硬身 冇乜味道 雞絲都算幾多嘅⭐️環境上太差加上食物味道唔突出 應該唔會再去

見到報紙廣告有優惠，打電話訂位今晚我哋四個好朋友喺旺角彌敦道655號胡社生行嘅「金苑酒家」食晚飯, 環境不太好，檯與枱之間擠迫！嘩！呢間酒家 d 小菜好貴！平均 $100 多以上，另外： $15 白飯，茶芥 $13 二至五人可以吃半隻 $68六人或上可以叫一隻 $136（原價 $468）「有米脆皮皇子豬」其實同乳豬差不多啦，只係隻豬下面加咗啲飯大家都覺得幾好食喎瘦瘦 皮薄，香脆，香噴噴！唔似某些店...太多肥膏 「鱔煲」 鱔嫩滑好味，份量挺多，配上冬菇、蔥，惹味 滋味 「蝦球 雞球」 大大隻肥美蝦，吃得好開心😃有菠籮、青/紅椒一起，酸酸甜甜開胃 「燒鵝」例牌 $148我見到燒鵝脾，哈哈！即時搶先吃，皮薄...燒到好香，只有少量肥膏... good的確唔錯「蟹粉豆苖」 一般，完全無蟹粉味嘅！

諗住同屋企人食餐晚餐，見順路就食里間。五個人去，職員話得番門口細枱， 我話有長者，想坐入少少，之後佢就黑哂面咁帶我地入去坐。之後落單個時，個職員見到都扮見唔到，舉手等左5分鐘都無人理，要等到格離格有人汁枱先順便幫我地落單！ 好啦，等左一段時間， d菜都上齊哂.. 見仲差白飯未到，就再催下，點知叫左三次先到， 上得黎，餐飯都就黎食哂啦！已經好嬲，食完就諗住拿拿聲走，叫埋單個時仲離譜，舉手同職員講埋單，佢應完我轉個頭又走左去汁枱，同另一個職員再講多次，都無人理，最後等唔切就直接走出去門口埋單！下次免費請我去都唔會再黎里間金苑食飯！ 服務態度超差，食物又難食！

今晚我們約咗好朋友喺旺角彌敦道655號胡社生行嘅「金苑酒家」食晚飯！我們叫咗即燒燙手有米脆皮皇子豬嘅外皮燒得都幾夠香脆鬆化，而且芳香嘅肉汁仲滲透晒煙煙韌韌嘅糯米飯入面，所以味道相當惹味！淮杞花膠燉螺頭湯嘅湯料雖然好足料豐富，但燉嘅時間火候唔係好夠，所以味道係超級清淡，呢點係令我們覺得比較失望！西芹炒肉片嘅肉片好爽滑，至於西芹就不過不失！鴛鴦蔥爆鱔球嘅鱔球份量真係好足料，而且每件都好肥美厚身，食落啖啖肉咁，味道相當芳香惹味！懷舊京都骨嘅肉質比較硬實，唔係好鬆軟，而且仲唔係好「離骨」，至於醬汁嘅味道都幾夠酸，所以感覺都幾醒胃！

話說有日有親戚喺報紙上面見到 呢間酒家嘅有米豬🐷🐷做特價...一至五人可以嗌半隻 $68六人或約上可以嗌一隻 $136（原價 $468）見咁抵所以搵夠六個人一齊嚟食！下面呢個就係傳說中嘅《有米脆皮皇子豬》其實同乳豬大同小異，只不過係隻豬下面加咗啲飯😂😂😂不過我覺得呢度嘅豬幾好食，佢唔算太肥！起碼有啲肉食下，平時出面嗰啲剩係得肥膏🤦🏻‍♀️🤦🏻‍♀️🤦🏻‍♀️too much bro!!入面啲飯係普通米飯，佢個味道好似糯米飯，但係佢唔係用糯米煮既～但入面有啲臘腸、臘肉、蔥等等......幾香架，幾好食✌🏻✌🏻《半隻即燒燒鵝》係唔係即燒就見仁見智啦。但係佢上碟嘅時候隻燒鵝真係熱辣辣嘅～佢既皮燒到好脆好香，而且肥膏又係唔多！啲肉好實，都真係唔錯👍🏻👍🏻👍🏻《雜菜海皇煲？》呢個應該係魚湯底，因為媽媽們話湯底好鮮，幾甜幾不錯！《唔知咩鱔煲》佢個味好香好好食，佢個鱔係炸過先至再放落去呢個煲入面嘅......冇咩骨呢個煲嘅份量都幾多下...呢碟芥末蝦球？ 賣相就麻麻哋，但係味道幾好。佢嘅醬汁有啲太多，所以食一舊都會覺得有少少漏😂😂😂除咗呢一碟野嘅份量大之外，值得一讚嘅就係佢嘅蝦球都好大舊！我哋六個人食咗$

見到報紙賣晒廣告有優惠，已提前打電話諗住book位，佢地職員告知唔使book位，早d去到就可以，點知當日6點左右去到就話有人擺酒，已經full晒，我有問到人地擺酒都會提前通知你地，點解我之前想book位又冇通知？當時心諗算啦，一場來到等下啦，可能一陣有位，都有其他客人陸續來到，佢地職員就話冇book位就冇位，要等，有d客人等唔耐煩就唔等，佢地有位職員竟然話唔等得就唔好等，過去稻香啦，好多位，就在雅蘭中心，唔通兩間公司是有聯繫？佢咁嘅招呼態度我應該唔會再去

六點零黎到間酒樓硬係覺得灰灰暗暗唔夠光甘，樓底好矮的！不過呢到都算幾多電視幾好！冷氣又足夠，好凍環境都唔算好嘈，係D燈光爭D店員安排左張細正方檯叫左有米脆皮皇子豬半隻，$68 黎到賣相好好笑個皮真係好脆幾香的不過得果八件真係唔夠喉底下有糯米飯，唔知點解唔熱的，凍凍地甘唔好食！四川泡椒煮珊瑚蚌$198其實份量都幾多，不過影極相都係好似好細碟甘味道估唔到甘好食呀，好麻椒味，好惹味的！珊瑚蚌好鬼多，又好爽口食極都食唔完，最後都食剩幾件唔食得辣都會食到既佢個汁真係好正魚湯海皇什菜煲都幾大煲的 $128 ,裡面有D菇，魷魚，粉絲呀，蝦呀等，，同埋大量既菜心味道還可以。呢到既餐牌就係一張紙相都無張好Hea的！同埋見佢有優惠，有幾款半價既小菜叫的，我問阿姐，叫左乳豬係咪無得叫呢D （半價小菜），阿姐答：叫得！（心諗甘正？！）跟住我話叫得？阿姐再講，叫得架，跟番正價鬼唔知咩，係正價叫就唔使問你啦傻傻地所以呢，你叫左乳豬半隻既優惠，就不能叫半價的小菜優惠的曬氣呢間野既小菜都係偏貴少少的。最後埋單$473

2018年10月6日星期六下午3點諗住食個下午茶，順便坐下。搵位都係自己行入去見冇人冇雜物先坐低，咁我見下午茶由2點至5點，咪坐低，叫左8籠野，等得耐都算，黎左5籠，食物質素一般，d腸粉又乾，職員態度又差，問佢仲有3籠野食仲會唔會黎，又唔答我咁行左去，轉頭就比張單黎話埋單，3點45分就吹埋單，問佢有冇得比信用卡，佢話要夠$150蚊先得，咁我想你黎齊野食先可以夠$150蚊ga，其實扮明就唔想收卡。揀左呢間野食下午茶真係好不幸。

近排我班FRIEND 鍾意左食辣,  所以大家提議在旺角雅蘭附近找一間有川菜食的食店, 結果其中一位朋友就介紹 "金苑酒家" 有獨特川菜食品供應, 我們上到去打開餐牌, 真的好多"水煮" 及 "川式酸辣"食品在內, 結果當晚是食川式宴, 點左6個全是辣: 1) 水煮牛肉2) 水煮蝦球3) 四川回鍋肉4) 川式酸菜龍躉球5) 川式剁椒蒸大魚頭6)  干窩椰菜花 以上所有全是辣, 但未口獨特可以吾需要返大陸食, 呢度都有得食, 辣度適中, 但係水煮就紅油多左D, 下次會叫朋友再來食