金苑酒家

營業中

休息中

Boxing day 後，最後衝刺食……食😋，好friend 底🥰🫂book 咗金苑酒家(旺角)超強孖寶抵食組合‘’阿拉斯加長腳蟹+有米脆皮皇子豬‘’大伙兒高高興興吃得非常滿足🦀阿拉斯加長腳蟹~大約有四斤重，原隻清蒸上碟好‘和’味👍，蟹腳‘’漲卜卜‘’非常足肉，肉質一絲絲鮮甜美味好juicy,最強勁就係蟹蓋勁爆膏 ，每一口都超creamy 好有滿足感。🐷有米脆皮皇子豬~乳豬頭略為遜色黑黑地，乳豬身就赤皮美觀，皮薄卜卜脆很酥化，香口不膩的肉。🦑酥炸魷魚~酥炸魷魚段薄薄脆漿裹住，脆口香酥，魷魚彈牙鮮美。

晚飯孖寶$998： 長腳蟹加片皮鴨…蟹有水倒出來，估計是雪藏的，又不夠熱…片皮鴨亦是不夠熱。 乾扁四季豆竟是用麻辣煮。孖寶加四季豆三味菜，加茶錢、前菜及加一，埋單一千四百幾，之前從沒寫食評，今次實在忍唔住…列入黑名單

第一次吃到咁差的蟹，失望，價錢也不便，無肉無膏得個空殼，吃完一肚火🔥，仲要強制性額外買多個菜，貴又不好味，花生米吃之前問過要收費，店員話免費，講咗免費點知埋單時收錢，+1茶水費都要二百幾，片皮鴨好求其，根本不夠一隻，都唔知有無半隻，幾塊青瓜都不夠，皮也不夠！體驗感極差，總之有今次無下次，感覺被人當水魚，一共埋單1480，吃了個寂寞，希望大家可以謹慎選擇呢間酒家，如果錢多對食物無要求可以試試，黑名單見，不再做水魚！

🏠同屋企人食飯，最岩就係食中菜！今次簡左係旺角胡社生行既金苑酒家～我地大幾6:30到 都坐左半場，食到8點埋單全場係坐滿🤣 好熱鬧🤭 不過枱與枱之間都幾迫夾😬我地order左$998 阿拉斯加長腳蟹套餐，有一隻長腳蟹🦀+片皮鴨🦆二食（片皮鴨&鴨肉粒生菜包)。🦀長腳蟹好大隻架 有驚喜😍😍 啲肉好實淨 多肉 好新鮮🫶🏻 片皮鴨就普普通通 不過不失 都幾抵食，腳長粗身 蟹身好靚 外殼都好靚，係新鮮蟹🤭 講真 平時出街食一隻蟹都唔止呢個價錢了🤑🤑另外再點左半隻有米皇子豬🐷$450，皮脆 唔算太肥，啲飯略嫌油左dd 不過整體都ok；海皇雜菜煲🦐🦑🥦🥬$188，雖然價錢唔平不過大大煲 又唔會覺得唔抵食既🫣Btw呢間酒家都好旺場，大家想食記得預早幾日book台啦🫶🏻。

有位朋友鍾情食長腳蟹，四年前有呢個套餐開始我們夾齊四個飯腳，每半一年來聚聚。交通是方便但座位迫衛生一般。由當年大大件好抵食幾百蚊四人套餐去到 $998另加正價小菜後埋單$1410。味道還可以，但北京填鴨只有一小碟，就相對扣分。可能係時候另覓新聚會處。

一家大小去到旺角金苑諗住食阿拉斯加長腳蟹+片皮鴨餐，一黎到片皮鴨好明顯唔係一隻，二食生菜包 9成都係粉葛加幾粒鴨肉，期望去到食長腳蟹，一剪開未食都已經知道係死蟹，聞落去係臭嘅，跟住叫個女人過黎告訴佢情況，佢話蟹係咁架，🙄🙄跟住叫左隻688乳豬，食落口都係臭臭地，咩料啊？仲叫左福建炒飯+四川毛血旺，毛血旺味道正常，不過得鴨血同魷魚牙菜🙄，我食過無數次毛血旺有（午餐肉+魷魚鬚+牛柏葉+豬皮豬大腸）埋單2378食埋啲垃圾，無下次囉

同朋友係呢間飲中午茶，佢地點心唔錯嘅。因為好耐無出去黎間飲茶，見到佢有三個套餐到底食。1.阿拉斯加蟹+片皮鸭$9982.上湯龍蝦伊麵+片皮鴨$4983.半隻脆皮乳豬$98咁我地去完街夜晚9點倒去食飯，跟住我地手點左上湯龍蝦加片皮鴨加多個炒菜。味道一流，但是晚上服務態度極差。

之前聽人家講 這間酒樓不算太好 今晚食過之後 覺得不錯 長腳蟹新鮮 乳豬好味 唯獨是扁皮鴨 用嚟包片皮鴨啲皮 黐到一塊塊 好難分開 長腳蟹加片皮鴨兩食 都係$998 但要叫多個小菜 但係小菜價錢好普通嘅小菜都要200蚊左右 所以就揀咗有米乳豬 半隻有米乳豬$338

經開旺角，突然想食中式酒樓，於是搵左好多間，最後揀左呢間係朗豪坊附近，招牌菜係脆皮有米皇子豬🐖叫左招牌有米皇子豬半隻，共有8件乳豬，乳豬件皮脆，底層跟左炒飯，有加臘腸一齊炒，不過飯底炒唔到粒粒分明，一舊舊飯痴住，略嫌遜色。小菜方面叫左個川式毛血旺，有鴨血，鮮魷，鱔片，芽菜，豬皮。少少偏辣，可能落左好多辣椒，整體都不錯，仲加左一支大藍妹送川菜🍺環境同普通酒樓一樣，無窗，冷氣都夠，坐都舒服，同隔籬枱有距離，就算啲人講嘢，都唔係話去到勁嘈，都傾到計。

呃人長腳蟹加片皮鴨餐，話隻蟹約4斤重，點知嚟到睇到隻蟹，似得兩斤重左右，片皮鴨一碟，半隻鴨份量都冇，睇住員工用兩隻鴨分5碟，🤬🤬🤬🤬🤬🤬真係好差勁，唔會有下次

呢間金苑, 歷史悠久，幫襯過午市，晚市，阿拉斯加長腳蟹套餐約一年前食過，回味無窮，估唔到而家仲有呢一個優惠！ ✌️🌟🌟溫馨提示： 套餐最少一日前預訂☎️，最少四位，每枱限叫一份，另最少叫一個小菜，是平日都座無虛席，食好西記得要訂枱☎️🌟🌟🌈套餐內容： $998阿拉斯加長腳蟹（約4斤）🦀北京片皮鴨兩食🦆北京填鴨🦆第一食，傳統食法，白色皮稍為厚身，但煙韌，配上醬汁+青瓜,中規中矩第二食，填鴨炒肉鬆，配生菜呢個肉鬆味道啱啱好，生菜新鮮🥬，口感清新，唔錯🦀阿加斯加長腳蟹上菜時熱辣辣，蟹腳充滿啖啖肉，肉質鮮甜彈牙，好新鮮，朋友食到讚不絕口，唯一配上紅醋奇怪，不用醋淨食已經夠鮮味！本人自備日本蟹醋提鮮！正！👍蟹膏多到不得了，好回甘，好香！小菜點了，啫啫茄子🍆鮑魚煲$198分量十足，一煲有四隻大鮑魚🦪，好有睇頭，上菜熱辣辣，煲仔仍然滾緊，呢個配搭唔錯，鮑魚夠淋，茄子好嘢未！呢個必點推介！總結💝： 呢個套餐cp值超高，有九成人客都為咗呢個餐而來，真心低食，超值！會再encore 👍👍

多謝好友帶我們吃好西，一行八人到「金苑酒家」午膳，我們四人一桌，享用澳洲龍蝦餐，上湯焗龍蝦伊麵底（龍蝦約兩斤重），+兩食：北京片皮鴨，鴨鬆生菜包。超值價$498，超值餐有附帶條件，必需自選一款小菜，好友揀蘿蔔牛腩煲。香氣撲鼻的上湯焗龍蝦伊麵，賣相已經很吸引，細嘗龍蝦肉質鮮爽甜，伊麵也香濃，上湯味道很美味，很棒！北京片皮鴨很香脆飽皮下脂肪已「片」去，加點醬汁青瓜條包裹吃，很可口！我沒有嘗鴨鬆生菜包，因為很飽，鴨鬆吃餘半碟，好友打包回家免浪費呵！$178的蘿蔔牛腩煲做得不錯，牛腩夠腍入味份量又多，白蘿蔔都很清甜，很難得牛腩多配菜少。酒家是舊式，沒有華麗裝璜，但菜餚很美味實惠，大家都吃得滿意，我們人均消費$210。

今早打去book星期六食媽咪生日飯，一打去問，聽電話果位女子，就問我係咪啱啱打過黎，我話冇，想訂8位， 之後又問我，頭先你真係冇打過黎，我再答一次冇，跟住我同佢講，有一位坐輪椅，叫佢安排一下，佢冇答我好，仲好唔客氣問我食咩餐，我話去到先再睇，我都冇餐牌係手，點答你？同埋都要同屋企人睇吓，食咩好呀？咁嘅服務態度😡😡搵你去食，比錢食飯，仲要受你氣，之前我再打去話取消booking, 佢話好呀！之後就即刻收我線🤬🤬d員工咁嘅服務態度，d食物唔方好食

呢間餐廳係朋友介紹話 地理位置方便 喺旺角地鐵站一出就係 而且有個抵食嘅蟹餐🦀 呢個餐包括咗阿拉斯加長腳蟹 同埋兩食嘅北京片皮填鴨 所以就約埋多兩個朋友 一行四人嚟試試佢叫呢個餐有個要求 要四人以上先可以嗌 仲要至少嗌一碟小菜先得 由於我地係訂座嘅時候已經訂咗呢個餐 但有位朋友遲咗嚟 店員好心急咁問我地上得菜未 不過我地都係想等齊人一齊開餐🥢阿拉斯加長腳蟹 朋友話冇佢上次嚟食咁大隻 但係其實都幾新鮮 啲蟹肉都幾鮮甜 每一啖都有海水味 尚算okay😮兩食嘅北京片皮填鴨 片皮鴨 呢碟片皮鴨唔止係有啲鴨皮 而且每一舊都有好大件鴨肉 同想像中嘅片皮鴨都有少少出入 鴨皮嘅調味都唔錯 可惜鴨肉比較乾身 加埋青瓜絲同埋蔥絲 一齊食會覺得易入口啲🦆生菜包鴨鬆 由於賣相真係唔係咁靚所以都冇影到相😂 鴨鬆入面有沙葛 都幾爽口 配埋生菜包幾fresh 不過生菜個樣唔算太新鮮鴛鴦蔥爆鱔球 呢碟雖然唔係個套餐嘅其中一碟 但我覺得呢碟係最好食嘅 由於個套餐份量唔算好多 所以呢碟一上枱 我地就掛住食 都冇影到相😿 鱔球係炸過先再用大蔥同香蔥炒既 非常惹味 而且每件都好大件👍🏻地點夠晒方便 下次想再食蟹都可以再嚟嘅

看到廣告988有阿拉斯加蟹吃於是剛剛好今晚在旺角，一行三人就上去了，在入座前己告知這個餐會收4人茶位也就算了，套餐包括一隻4⃣️斤重的阿拉斯加餐，填鴨，生菜包鴨崧，還要求再點一個正餐菜，當我點了菜就去了洗手間，一回座位蟹己經上桌了，應該一早己蒸了，還是第一次吃預熱的蟹，不能説不熱應該是溫的🥶，然後片皮鴨出嚟了也是微熱，這間應該是快餐店，前後時1小時離座👍👍😏👍👍以後賣廣告的店真的不要去！