金紫荊生記粤菜廳 (已結業)

好像沒有在其他食肆供應這款脆皮貴妃雞，而且皮真的很脆，有驚喜。黑毛豬叉燒也是必食，例牌有大概八件。雖然大千酒香焗生蠔的蠔相當大隻，但例牌只得四隻，為到$80一隻，相對就比較貴。蝦籽柚皮入口即溶。茶芥$22 而包小吃，XO 醬和紫米露糖水，絕對超值。火焰雞和金錢雞都要預訂。唯一不完善是如果從會展正門入，要行一段路程去到最尾，然後坐扶手電梯落。由於沒有電梯到達，對輪椅顧客不方便，要從另外一個入口到達，頗不方便。

海灘重開的第一天，和友人去了深水灣行下水禮後，去了位於會展的生記食晚飯。應該是因疫情影響，沒有展覽、會議吧，有些冷清。當晚大廳只有我們四人，好似包場咁😅。另外廂房亦有一圍枱，看次有八人。隔音非常好，只係待應開門上菜先知內裡有人，他們傾得都幾熱鬧的！ 相信會展站開啟後，會有幫助，因為我們真心推介這個食飯的好地方！首先環境優雅，華麗裝修，樓底很高，坐大廳有海境。食物方面，食材質素高，非常滿意！我們點了四個餸：這個咕嚕肉，外脆內冧，原來用咗黑毛豬，肉質係唔同啲！但有幾件有些肥。咕嚕汁甜酸適中，好啱食👍🏻上菜時部長問我哋有沒有試他們灣仔的生記。我們答有。部長說餸菜是不是很不一樣呢？他說金紫荊生記的焗魚腸做得很乾身，灣仔的則是比較濕潤。友人覺得這兒的焗魚腸比較實，我自己本身不太喜歡焗魚腸，但覺得這個都幾好食，只是有些過熟。本身想食馬友，但他們沒有，所以轉為聖子。有意外驚喜，一向覺得聖子太韌的友人，說他咬得到這個聖子！非常冧喎！我本人都覺得好食，唯一瑕疵係食到兩粒沙。這個餸一致好評！蒸蛋滑一滑，食到停唔到口，送飯一流👍🏻連碗免費紅豆沙都咁好食。甜到啱啱好，本人超怕過甜的糖水。 還吃到陳皮的香味。

因為年尾，加上距離措施依然存在，好少有機會可以同一家人喺出邊食晚飯，所以今次做比較做資料蒐集搵到一間屋企人比較鍾意食嘅中菜，位置亦都好好喺灣仔會展，可以一邊睇住維港嘅美景，一邊品嚐中式佳餚為。餐廳係會議展覽中心，可以提前預約，如果會客仲可以享用私人包廂，今次我哋四個人就坐咗喺臨近窗邊嘅地方，可以望到玻璃外牆嘅風景。食物方面非常超越水準，鳳梨黑毛豬咕嚕肉香甜醒胃，黑毛豬肉新鮮可口；生煎蓮藕餅，香脆內軟，健康香脆的醒胃菜。海鹽香煎馬友，皮脆肉滑，魚皮油煎過後，魚皮金黃香脆，魚肉結實，香口魚油。酒煮海中蝦，爽口蝦肉，酒味濃郁，蝦肉結實飽滿。香蔥鮑魚砂焗飯，一打開鍋蓋，香氣濃郁，林想醬汁之後，醬汁同熱砂即時反應，米飯香煎焦香，鮑魚切粒爽口彈牙，送飯一流。最後可以按個人喜好，嘗試唔同嘅中式糖水，但因為今次食得好滿足，亦都8分飽，所以我哋就冇叫到啦。值得一題嘅大家可以喺會展選用泊車服務。

香蔥海鹽馬友一聽菜名第一個pop up on my mind既image係平時酒樓食既蒸魚但話明係新派中餐咁梗係有個靚twist架啦👍🏻魚塊精緻地切成四小塊煎得脆卜卜魚既油香配以微溫帶鹽味既蔥粒～淡淡滋味🤤焦糖黑毛豬叉燒老公對呢味讚不絕口佢話呢件係佢食過最好味既叉燒（極度誇張😂自行斟酌佢既可信程度）我就覺得佢係above average啦！一來有焦香位二來肉質鬆化而明顯需要改善既係份量🍽唔夠喉呀！蠔皇蝦子柚皮講起柚皮都知呢啲一定係懷舊菜平時無咩幾可食唔知呢個評論係咪中肯😂呢塊柚皮入口即溶但比較淡口完全係靠個汁來吊味一口金錢雞（跟蝴蝶餅）金錢雞聽就聽過今次係第一次食個人認為偏肥膩😅偶爾為之無妨既最欣賞個蝴蝶餅，軟熟香甜～海皇炒飯超級讚👍🏻火候十足，每粒飯都分明而且均勻沾有蛋汁裡面既海皇都係新鮮食材並非雪藏野質素可以相比

見環鏡幾好所以book咗試吓焦榶黑毛豬叉燒第一次食咁厚切嘅叉燒但一啲都唔韌 十分軟林味道似係表面用叉燒做法嘅悶豬肉有兩種層次嘅味道懷舊雞蛋焗魚腸蛋味同魚腸味幾夾感覺有啲似食蚵仔煎嘅焗版魚腸味道唔算太腥覺得如果蛋嘅比例多啲會完美啲香蔥鮑魚砂鍋焗飯火喉控制得唔錯 飯完全冇癡底焗得啱啱好 只有輕微嘅飯焦好香鮑魚味 入口脆脆地咁金湯舞茸玉荷芭個湯底係南瓜蓉煲出嚟 好濃南瓜味同埋幾稠糊嘅感覺同清淡嘅娃娃菜幾襯互相配合火焰雞冇乜特別正正常常純粹係點火表演幾得意味道係鹽焗白切雞黃老太梅子蒸蟹原隻肉蟹上枱 有專人分幫你分拆味道係咕嚕肉嘅汁配蟹酸酸甜甜 算多肉

早前公司晚宴，選擇了一間中菜店，可以一路飲茶傾計，也有不錯的景觀。全個晚飯的最吸引之處是火焰雞，金黃的鹽焗加上點火，適合拍照留念。店員處理好裏面的雞再奉上桌上，鹹香十足充滿雞油，口感嫩滑。生煎手剁蓮藕餅吃到一粒粒蓮藕口感的鹹香；鳳梨黑毛豬咕嚕肉肥瘦比例相宜，質感脆身；香蔥海鹽馬友充足鹹香，配上香蔥口味更豐富；焦糖黑毛豬叉燒肥肥瘦瘦都有，比較香甜有肉味；懷舊雞蛋焗魚腸味道獨特，相當懷舊；金湯舞茸玉荷苞是一款特色的菜款，口感爽口有層次；堂灼太白醉翁海中蝦充滿醉酒的蝦，味道鮮甜濃香酒味；蠔皇蝦籽油皮口感特別，人生中值得一試；香菌鮑魚砂鍋焗飯粒粒鮑魚，咬口彈性鹹香十足黃老太梅子蒸蟹味道鮮甜肥美，值得推薦！其他

好耐冇見中學同學，想搵個地方傾吓計，我地係灣仔行完展覽就簡左一間係會展既中菜廳，生記海鮮飯店(前身為金紫荊粵菜廳)，位置係會展地下一層，開車可以以$88四個鐘用埋代客泊車既服務。餐廳裝修清爽明淨，樓底高，飯桌之間距離足夠，有空間感及高私隱度，在場仲有3間客房可供使用，但未知有否min charge。食物烹調之面，食材由大廚主理，即場炒製，鑊氣十足，最先推薦既懷舊必吃菜之一:香蔥鮑魚砂鍋焗飯，鍋飯既飯芣香味加上鮑魚蔥油味香味四溢，我與朋友垂涎欲滴，份量十足，足夠四至六人享用。菜式方面，兩款小菜，鳳梨黑毛豬咕嚕肉以及焦糖黑毛豬叉燒。鳳梨酸甜有層次，味道更醒胃，作為前菜一流，咕嚕肉脆煎外皮，外脆內軟，令食味提升，上碟額外伴燒鳳梨，賣相更精緻。焦糖黑毛豬叉燒，港式美食必吃之一，配以焦糖燒香，蜜味中帶點焦香，別有一番風味， 賣相精緻，跪卜卜的外皮，焦香四溢，肉質Juicy軟滑，讓你有出乎意料美食體驗！ 海鮮方面，灼太白醉翁海中蝦，海蝦與養殖蝦不同，蝦肉相對彈牙爽口，味道鮮美。烹調前服務員會先讓食客檢驗海蝦的新鮮情度，一盒10-15隻左右，海蝦生龍生龍活虎，彈力 十足。烹調後，蝦殼呈赤紅色，氣味道

生記進駐金紫荊生記粤菜廳，可以睇住海景同金紫荊食晚飯，好舒適。希望堂食快d開返可以下次再試其他野！最鍾意就係火焰雞，好正嘅火焰鹽焗雞，淨係睇個樣已經知道好吸引，鹹香油香十足！見到成個流程好宏偉！黃老太梅子蒸蟹賣相都係一流，蟹肉鮮甜而且有特別嘅香味。生煎手剁蓮藕餅粒粒蓮藕，而且表面煎得香，口感一流。鳳梨黑毛豬咕嚕肉相當正宗，肥肥瘦瘦而且沒有骨，口感香脆，配搭菠蘿及紅黃綠椒。香蔥海鹽馬友冇骨，鹹香而且魚味香。焦糖黑毛豬叉燒超好食，焦糖配搭得很好而且旁邊都有啲豆，令層次豐富D。懷舊雞蛋焗魚腸個味道好特別，好多香料味，好少食到呢種味。金湯舞茸玉荷苞裏面有菜同埋有菇菌，加上南瓜/甘筍湯，成件事都幾match同埋好健康！堂灼太白醉翁海中蝦見到佢哋醉晒，食落去都好香嘅酒味同好爽口彈牙。蠔皇蝦籽油皮個質感好得意，柚子皮變得好林，而且好香嘅蠔皇味。香菌鮑魚砂鍋焗飯好豐富，個飯比較硬身有口感，裏面好多粒菇菌同鮑魚粒粒，砂鍋焗特別有風味。今次一次過同成班朋友品嚐咗好多唔同款式，但係其實仲有好多其他美食可以之後試試。

平時好少嚟到會展食嘢 今日睇完展覽俾我發現咗間都幾唔錯嘅中菜廳佢嘅裝修風格中式得來都幾時尚 簡單得來有啲貴氣係一啲舒服嘅格調嚟 我好鍾意 嘢食方面佢個香蔥海鹽麻油真係值得讚 馬友炸到皮脆入面多汁有魚油 直到我同朋友都話正 另外佢個一口金錢雞 都有功架鍾意食中菜嘅朋友仔應該都會鍾意 如果多人嚟食仲可以嗌佢個火焰雞佢會即場料理有埋表演睇添㗎好特別 大家食之餘仲可以影相打卡 唯獨佢個蟹份量有啲少 但係味道都係唔錯嘅

🍴 米芝蓮推介食府 🍴嗰日去完會展，已經差唔多七點，想坐得舒服啲，見到水牌介紹「金紫荊生記粵菜廳」，正合我地心意想食粵菜。原來生記餐廳集團 已經有45 年傳統手工菜式歷史😱而生記出名採用新鮮食材，本地材料及時令海鮮，地道的粵菜真係唔可以馬虎。佢有幾款出名既傳統招牌菜式，今晚我哋決定試吓：🥢生煎手剁蓮藕餅：人手剁嘅肉餅比較彈牙，再配上爽口嘅蓮藕粒，夾雜着去煎，好香又有口感。🥢香蔥海鹽煎馬友：餐廳採用傳統艇家做法，起肉拆骨超細心，用一級海鹽調左味，再配蔥油爆香左簡直係令到馬友提升哂😉老人同小孩都啱食！🥢堂灼太白醉翁海中蝦：海中蝦浸透哂酒香，再快灼保留鮮味，只能說一句很鮮味！🥢懷舊雞蛋焗魚腸：鯇魚腸醃好，蛋入面再用果皮、薑煎香來減少腥味！全部放入鉢中先蒸15分鐘再焗15分鐘，令它面層脆身，超讚！🥢金湯舞茸玉荷包：大白菜再包著唔同種類嘅菇，感覺很健康，金湯是靈魂，很甜！🥢火焰雞：包裹着一層口口嘅鹽，店員在淋上火酒，點起火，香氣撲鼻，然後用槌仔扑碎，充滿鹹香嘅雞肉好滑溜！對於我哋來講呢度菜係一個表演😆 🥢黃老太梅子蒸蟹：上等梅子醬的天然酸甜味混合埋生熟蒜，原來配上蟹係好能夠帶出鮮味！鮮甜的蟹啖啖

金紫荊生記粵菜廳是我一直都想試，位於灣仔會議展覽中心之中菜廳，質素一定不會差而更有中菜精品之選，以傳統烹調方式來做出有親切感的味道又不失平凡，所以都有好多老顧客支持，大家記住要先訂位啊😉😉😉🔹黃老太梅子蒸蟹，這個是傳說中黃老太其中一款得獎之作，運用梅子醬和香蒜來蒸蟹，估不到梅子酸甜味深入蟹肉裏面，不會搶味而更會提升蟹肉鮮甜味，開胃口啊🤗🤗🤗🔹懷舊雞蛋焗魚腸，另一必食之選，花手工的菜式，味道完全唔會腥、肥美魚腸用老陳皮、油條、蛋、芫荽一起焗，香口美味😘😘🔹香蔥鮑魚砂鍋焗飯，非常大鍋的砂鍋焗飯，吹夠4人食，鮑魚粒勁多、不韌有彈性，加入鮑魚汁得香甜味，味道非常好，還帶有少少飯焦金紫荊生記粵菜廳地址：灣仔博覽道1號香港會議展覽中心博覽商場

本身都好少過嚟灣仔會展食野，無意中有朋友推介左呢間餐廳，食物質素好出色，兩老非常滿意，仲話可以有下次👍🏻👍🏻成晚最鍾意嘅就係呢道黃老太梅子蒸蟹，個賣相好靚仔，又好食，家人都好滿意。本身都係抱住試伏既心態🙈因為想像唔到梅同蟹點樣放埋一齊，但係味道完全超出我預期👍🏻👍🏻而且蟹肉好新鮮，啖啖肉，隻蟹好快就俾我哋清晒！然後係手剁蓮藕餅，好香口既小食，唔洗加任何醬料已經好好味。而且口感咬落去唔會係食緊粉漿咁，好足料！店員會喺現場即席煮比大家睇，海中蝦嘅酒味唔算好濃郁，屋企人接受到👌海鹽馬友就覺得比較偏鹹，加埋香蔥食會好啲既😛金湯舞茸玉荷包又係另一道好鍾意嘅菜式，尤其係個湯汁甜甜地，配蔬菜好夾😋😋鮑魚砂鍋焗飯😍😍為今餐畫下完美句號。

今日好唔容易一家人出嚟食晚飯，咁齊人當然要食中菜🥳 由帶位去到埋單，全程都好好服務。裝修典雅，職員態度專業，帶埋親戚朋友嚟呢間食都唔會失禮🤓而且食物質素相當好，當中有一半食物係大家都覺得好驚喜！本來以為平平無奇嘅生煎手剁蓮藕餅，點知好有驚喜🤯上枱時熱辣辣，新鮮即叫即煎，咬落去層次豐富，食到一粒粒爽口嘅蓮藕，味道相當香濃，比起我之前喺其他酒樓食嘅蓮藕餅出色！香蔥海鹽馬友同樣非常香口，馬友個皮煎到好香脆，加埋蔥油食好正！職員係我哋面前煮既堂灼大白醉翁海中蝦，蝦肉好嫩滑，食落完全唔會梅，鮮味十足，再加埋淡淡酒香。本來好擔心雞蛋焗魚腸呢樣野會好腥，但係出奇地完全冇腥味，仲好好食。雞蛋同魚腸呢兩樣嘢合二為一，好完美。而且呢啲懷舊小菜，真係越嚟越難先食到了😣香蔥鮑魚砂鍋焗飯，幾乎每一啖都食到鮑魚同配料，雖然已經有啲飽，但係都忍唔住一啖接一啖咁食哂😋最後當然唔會放過食海鮮嘅機會，黃老太梅子蒸蟹呢個菜式就結合左我兩樣最愛嘅嘢，梅子同蟹🥰估唔到咁有火花，蟹嘅鮮味更加突出，梅子又令到我好開胃，呢個我覺得係非常值得點嘅一個菜式！

12月聖誕月，除咗食西餐，啲朋友都有約食下中菜，仲要係地理位置相對隔涉嘅呢間。去之前仲以為會好少人，點知都好旺場。當日係朋友請食飯，佢叫乜我食乜😂。🍴香蔥海鹽馬友煎到外皮酥香，肉質依舊keep到滑，唔錯🍴焦糖黑毛豬叉燒調味唔會過甜，肉質都算鬆化，如果肥肉部分再多啲就好了🍴金湯舞茸玉荷苞金黃色嘅係南瓜蓉，大白菜包住菇菌，做間場嘅蔬菜都唔錯，清清地🍴火焰雞當晚好多台都有叫佢，成日見到表演即場點火同敲雞儀式，有得玩有得食。雞食落帶咸香。🍴黃老太梅子蒸蟹好少見梅子醬蒸蟹，梅子醬帶微酸，夾埋蟹肉，唔會搶左海鮮既鮮味，但又多左分梅子香，好特別！🍴香蔥鮑魚砂鍋焗飯呢個壓軸！全晚最愛嘅竟然係平時唔愛既飯。呢個飯睇落似炒飯，食落就知同炒飯唔同，睇落好濃味，但完全唔會有炒飯既油膩感。飯粒保留到口感，吸曬鮑魚汁嘅味道，飯入面仲要平均分佈住好多彈牙鮑魚粒，好食！餐廳位於會展靠海位置，餐廳被維港包圍，夜晚食飯都幾好view。當晚都有唔小一家大細食飯，如果想食餐好少少嘅中菜，又坐得舒服，又有夜景睇下，可以考慮下呢間，同埋記得叫香蔥鮑魚砂鍋焗飯。😳

公司會展展銷完咗，老細請食飯，近近地去咗樓下金紫荊生記。餐廳裝修乾淨企理，員工服務殷勤。這裏主打懷舊菜式，仲有好多失傳嘅菜式。焦糖黑毛豬叉燒叉燒肥美，每粒叉燒都有焦糖而且仲有少許焦燶，非常香口，上枱時仲會有蠟燭熱住，非常貼心。懷舊雞蛋焗魚腸呢個菜有返咁上下年紀先會食過，魚腸加雞蛋焗到脆卜卜，入面又好嫩滑，好似食緊布甸咁，唔會有腥味。醉麻蝦，先用上等花雕把大大隻的麻蝦畏醉，大概10多分鐘後，慢慢浸熟，蝦肉非常鮮嫩，花雕味香濃，但係唔會有酒精因為已經揮發晒。脆皮咕嚕肉，粒粒咕嚕肉都非常飽滿，蜜糖包住，非常出色。香蔥鮑魚砂鍋焗飯鮑魚切粒撈埋啲飯一齊焗，成煲飯都好香嘅鮑魚味，啖啖都有鮑魚粒，幸福滿瀉！