65
0
0
電話號碼
25827729
56973088 (WhatsApp)
開飯介紹
現由米芝蓮推介食府所負責的「生記餐廳集團」營運,以傳統手藝把本地食材及時令海鮮,製成精美又富創意的粵菜。 繼續閱讀
營業時間
今日營業
11:30 - 15:30
18:00 - 23:00
星期一至日
11:30 - 15:30
18:00 - 23:00
付款方式
Visa Master AlipayHK 現金 Apple Pay Google Pay
其他資料
網上訂座
電話訂座 詳細介紹
賞訂座積分
有關獎賞計劃
食評 (68)
等級4 2021-12-22
831 瀏覽
行完會展老闆話請食飯,梗係試下會展嘅粵菜廳。餐廳裝修係典型嘅粵菜特色,大圓枱加米白色枱布,不過最特別就係望住會展個海食飯。焦糖黑毛豬叉燒上檯嘅時候有蠟燭係底熱住個叉燒,所以keep住聞到好香嘅焦糖味。叉燒入口有淡淡嘅焦糖甜味,叉燒肥瘦適中,唔會好膩又唔會好乾身。每舊都有小小燶邊位,好香口。懷舊雞蛋焗魚腸呢個菜已經好耐食過,魚腸嘅鮮味唔會蓋過雞蛋嘅嫩滑,面個層焗到脆卜卜,入面又好嫩滑,魚腸處理得好好,唔會有腥味。火焰雞個雞一出場就大家趕住去影相,見有層厚厚嘅鹽包住,以為食落似鹽焗雞,但佢又出奇地嫩滑鮮味。雞皮金黃色,一啲都唔肥,雞肉又嫩又滑,焗嘅時間控制得啱啱好!黃老太梅子蒸蟹見到啲梅子醬同蟹膏就食指大動,咬落去啖啖肉!梅子醬同蟹嘅配搭我都係第一次試,食落有好香嘅蒜味,梅子醬唔會搶左蟹嘅鮮味,反而愈食愈香。香蔥鮑魚砂鍋焗飯鮑魚切粒撈埋啲飯一齊焗,成煲飯都好香嘅鮑魚味,食落啖啖都有鮑魚粒。每粒飯都有汁包裹住,又唔會太鹹。焗飯嘅關係有時愈食到飯焦,係成個焗飯嘅精髓。金湯舞茸玉荷苞金湯好燶,有好重嘅南瓜味。菜入面包住左啲菇,食到有淡淡嘅牛油味。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-21
398 瀏覽
2021年12月9日 晴今晚第一次帶男朋友見家長, 屋企人中意食中菜所以特意book 左呢間試下, 睇落有d 格調同俾屋企人試下d 懷舊菜咁焦糖黑毛豬叉燒上碟個陣有個蠟燭仔熱住, 等d 叉燒唔會凍, 睇落又高貴d叉燒入口好香焦糖味, 唔肥唔瘦arm arm 好, 食入唔鞋唔un幾易食, 好味香蔥海鹽馬友馬友外皮煎到超級香脆, 啖啖肉冇骨外皮咸咸香香, 配埋香蔥好食鳳梨黑毛豬咕嚕肉咕嚕肉甜酸適中, 好開胃入口都唔會un 而家唔老, 好食金湯舞茸玉荷苞金湯即係南瓜湯, 入面係一d 雜菌, 入口清清甜甜, 唔錯堂灼太白醉翁海中蝦醉蝦夠醉, 好香酒味。蝦肉都彈牙。好食懷舊雞蛋焗魚腸呢味菜好少見。記得以前細個爸爸都煮過一次, 工序非常多, 所以特登叫返黎俾爸爸食下焗魚腸一d 都唔腥, 仲有d 火鴨絲係入面入口幾豐富火焰鹽焗雞又叫火焰xxx 啦今次店員仲好好俾我地玩下自己敲爛個外殼, 有得食又有得玩雞肉鹹鹹香香, 入口嫩滑, 仲有雞腎, 好食黃老太梅子蒸蟹梅子味濃, 中意梅子ge 朋友一定唔可以錯過。蟹蓋多膏, 蟹肉鮮甜, 仲要大大隻蟹香蔥鮑魚砂鍋焗飯一上枱仲ohv熱辣辣。鮑魚粒都多, 食落好香口。飯粒都炒到粒粒分明, 食埋真係好飽今次呢餐家長飯食到個個棒住個肚走, 媽媽表示男朋友幾好呢 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-17
403 瀏覽
同朋友去咗食聖誕節中式套餐!•金紫荊生記粵菜廳 係香港會議展覽中心新開嘅餐廳,去食新推出 海景魔術聖誕及除夕夜 套餐! •成個套餐分咗前菜,湯品,主菜同甜品,共4part😋一坐低未有前菜食, 但有個必食推介 《琥珀合桃》,人齊之後先會開始上菜~ 第一道就係前菜❇️ 醬香酒醉鵝肝 & ❇️ 焦糖黑毛豬叉燒食物一上枱未食,淨係擺盆都已經覺得好精緻,黑毛豬叉燒肉厚但烤得夠林,而且有焦糖包住,但又甜而不膩之後就上湯品 ❇️ 鮮蟹肉燕窩羹 一人一鍋,為咗令食客可以品嚐到熱嘅羹,佢有個火暖住佢,最正最正係食到啖啖蟹肉,鮮味十足! 主菜一共有三款,先黎個❇️ 一口脆拌蜜椒煎金蠔 ,超好味👍🏻個多士上面係黑白芝麻,超香超脆 ❇️仲有 紅酒燴牛肋骨 整得好林已經好入味 ,最後再加埋個 鮑魚汁花膠撈飯 ,超滋味,花膠經鮑魚汁煮過,又林又入味! 食完之後仲有好味甜品 ❇️ 香檳士多啤梨布丁 ,同一般嘅士多啤梨唔同,完全唔係藥水味同埋帶有淡淡嘅香檳味😍當晚嘅❇️精美糖水 就係陳皮紅豆沙•佢哋除咗嘢食好味之外,成餐飯都好有氣氛因為有魔術師表演魔術,佢嘅魔術簡直令我大開眼界,超級有驚喜仲有紅酒配返~ 繼續閱讀
(以上食評乃用戶個人意見 , 並不代表OpenRice之觀點。)
去得灣仔會展,通常都是因為去書展,但想不到可以去吃高級中菜,超級謝謝朋友帶路😆!中菜廳是新開的,進入餐廳之後已經很高級!還有玻璃窗可以看到外面景色,相當寫意😌!之後點了以下:🐷焦糖黑毛豬叉燒 黑毛豬叉燒是半肥舊,而且是厚切,超級合我心意,加上燶邊,感覺脆口,咬下去很鬆化、有肉汁,而甜甜的味道就更開胃了。🐟香蔥海鹽馬友馬友半煎炸得很香脆,而魚肉很嫩滑,魚油香很足!即使沒有任何醬汁。都食出馬友的鹹香與鮮味,令人一試難忘!🥬🎃金湯舞茸玉荷苞大白菜包裹着不同的菇類,而上面擺放了杞子,感覺很養生。而湯底是南瓜湯,南瓜湯很濃郁,仿如吃啖啖南瓜一樣!🍚香蔥鮑魚砂鍋焗飯砂鍋焗飯份量很足,而每啖飯都有鮑魚粒,絕無偷工減料。鮑魚很爽口彈牙,而飯加上醬油撈起很香,而且有鑊氣,吃到底還有飯焦,很香脆呢!🦀黃老太梅子蒸蟹蒸蟹酸酸甜甜,相當開胃,蟹肉鮮嫩,沒想到蟹肉和梅子醬如此夾,實在驚喜,而它加上蔥花提味,層加食物層次呢!🔥🐓火焰雞火焰雞已經很特別!店員先將它用火燒,燒完之後用槌仔扑碎外層的鹽,充滿鹹香的雞就出爐了!而雞肉亦很鮮嫩,鹽味口感充斥口腔,實在是高水準之作。總的來說,無論食物質素、環境都有很高的水準,而服務態度也相當好,店員不時會為我們加茶收碟,希望下次可以再來吧😆! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-14
322 瀏覽
一餐好味既中菜往往令人好想食,加上餐廳環境就更加係令人食得開心,望住一個一望無際既海港。 懷舊雞蛋焗魚腸魚腸蒸蛋 – 懷舊的菜色,現時好多酒樓都已經冇,一個咁特別既菜式,魚腸其實好好食,但好難洗,所以要有一定水準既廚師先做得好,佢外層焗得好香脆,裡面除左蛋香仲有啖啖魚腸,外表好脆好脆,如果怕有腥,可以加少少胡椒,但我覺得本身已經好好食。 焦糖黑毛豬叉燒黑毛豬本身質素已經好好,唔會硬,做出來的叉燒又香又好食,令成個叉燒香又爽。厚切既叉燒好有口感,上面少少焦糖令佢更加香更好味。 金湯舞茸玉荷包底下係南瓜湯黎,湯又唔會太甜,可以先嚐一口鮮味,玉荷包裡面既菇,包得好有心思,亦相當清新,不會有油 香蔥鮑魚砂鍋焗飯飯好香,每一粒都相當分明,唔會食到好油,而係好香好好味,加上鮑魚粒,好有口感,調味上亦好夾,唔會太咸。配合魚腸蒸蛋一齊食,相當好食。 火焰雞點火的一刻超級狀觀,睇住廚師將佢拔開,拆出雞肉既一刻,相當吸引。雞件也不錯梅子蒸蟹,香而不油,梅子味帶少少酸甜,令人好舒適,好開胃。 繼續閱讀
(以上食評乃用戶個人意見 , 並不代表OpenRice之觀點。)