金潮小廚

營業中

休息中

剛在南昌見完工，自覺In得唔差，不如行去傳說中好好食既小菜店食Early Dinner......咦，恆昌？以前返學都會行落黎呢度食野Ga Bor@@"點解我而家先發現>....................<"想叫黃金蝦，但係要剝殼，OK無野啦。結果叫左「醬汁煎封排骨仔」.......黎既時候一煲上，之後係噴煙噴左好耐，可能因為佢用好多蔥蒜，迫出個香味同醬油醃落去夠時間，好入味，排骨肥瘦都有，有D已經變到叉燒既口感，成碗飯送落去完全無難度......之後想甜品，老闆都幫手指點一下，咦..........

　　上星期路過見到呢度好多人等位，結果無試到。呢期因為外母去旅行無住家飯食，所以就襯今晚嚟試一試。　　好彩，老婆行得快，所以只係等咗五分鐘，由入座到走，門口都大排長龍。　　見到餐牌啲相好靚，所以叫咗三個餸，但係無諗過每碟餸都係超巨型！結果三碟都食唔晒，打包帶走都滿兩盒。　　招牌黃金蝦：香口！有成 14 隻咁多，食唔晒，因為油炸，食多兩隻都會覺得油，但係味道確實唔錯！　　沙嗲金菇肥牛煲，一句講晒：超勁份量，未見過咁嘅 Size 仲要滿晒！料足牛肉又好味。　　倉魚兩食：分別用酸甜汁及鼔汁煮，美味。　　連埋兩個白飯加埋發泡膠盒，埋單 HKD214.00

行了陣葵涌廣場就去了附近的金潮小廚食晚飯一去到門口，以為不用等點知是有好多人在商場的一邊等了好耐最後都只是等了半個小時店內有好多明星相可見都好有質素胡椒蜆湯: 好有胡椒味,可能是比較辣添!!不過,茶餐有甘的質素好好 黃金蝦: 炸得好好食, 炸粉又不是好多

o的野食就唔多ok.又趕人走.我3個人去.我朋友遲到.得兩個人先.佢都唔比我入去.又話要等齊人先.重要食90min......唉.葵芳唔係得你一間餐廳咋.食左440蚊.我覺得唔多抵.重要冇服務.我見到附近有幾間新開.早知去果度食好過啦....

因為book o左枱, 所以唔駛等.因為有人請, 所以無得話事食乜.五個人叫o左四餸一炒飯, 四支汽水.1. 菠蘿咕嚕肉 - 2. 馬拉盞通菜 - 3. 大少炒飯 - - 好香口, 有帶子粒, 旦黃, 旦白, 目魚絲, 蝦4. 翠玉瓜斑球 - ok5. 咸魚雞粒豆腐煲 - ok之前食過"狀元豆腐", 好好味, 想食, 但太貴, 要$68, 今次無得叫.老細想食"荷葉飯", 原來晚飯時間先有.水準keep 到, 但價錢越o黎越貴, 之前有$10 三支汽水, 宜家無o左...lunch 會再o黎, dinner 就唔好攪啦, 好似無得book 枱 ~~

好有水準既菜館,忍唔住返到屋企即刻寫食評....今日有事要去葵芳, 一早係公司搵定有咩好食, 就決定呢間係葵芳排行第二既餐廳啦..... 大約七點半去到, 已經有好多人係門口等, 拿左張飛仔後, 伙計話要等半個鐘, 行到咁遠, 無計都唯有等啦.... 不過好好彩, 一分鐘都唔夠, 伙計就出黎嗌"有冇兩位呀", 所以好快就可以入坐選了差不多全部招牌菜:1) 胡椒蜆湯: 好有胡椒味, 仲有少少忌廉味添!! 蜆肉十分清甜, 好好飲!2) 黃金蝦: 炸得好好食, 不過兩人食晒一碟略嫌有D漏得滯3) 冰梅骨: 酸酸甜甜, 好開胃, 肉也很淋, 送飯最好!4) 雜菜煲: 呢個就一般, 後悔無叫馬拉盞通菜總括黎講, 好味道, 一定會再黎! 但下次唔知會唔會咁好彩即刻有位!

這間茶餐廳係同事介紹所以來的,當日得二人去食,所以叫了不多小菜,下次叫多點人去,會食得多樣法好多.魚皮,雖然都唔算平,但真係幾好食.胡椒大蜆湯,真係好多人入去都有食這個湯,同真係有幾多大蜆,推介!脆皮南乳豬手,豬手加南乳汁,都唔錯,可以一試.記得若真係要食這間小菜的話,要打定電話叫個職員比個號碼你,我地18:15去食都見到已滿,多人去食的情況好誇張!

之前聽朋友幫襯過話幾好食,於是專程來試一試,點知真係有點失望,可能我早到17:50左右,所以不需要等位! 我叫左以下菜式: 脆皮冰梅骨 - 梅味太搶,酸左少少胡椒蜆煲 - 蜆洗得唔乾淨,有沙,味道尚可招牌黃金蝦 - 蝦唔新鮮,無咩蛋黃香味

七•一 (星期四)弟弟生日正日留左比班老友,惟有預早同佢慶祝喇,生日快樂呀細佬！家人想吃小菜，於是事前上OR搜查一下,參考一眾食家評 語,從大榮華、權發及金潮小廚三間人氣店中作出選擇, 考慮到地點遠近及交通便利後,決定是次先到金潮小廚 一試龍與鳳!七•一假期,以金潮晚晚人龍的墟冚場面來看,還是預先 book定位較保險！早兩三天致電金潮留座,接聽姐姐話假 期不設留座,並說大慨五點就座無墟席.嘩!!咁厲害?!令我 更加想試更加期待!!!跟家人商量過後,只好決定提前大慨四點十晚膳,由於太 太太早關係,當日吃過早餐後也不敢多吃東西以免到時 沒有胃口容納美食!七•一當日我們如預期般約五點到達金潮小廚,店內只 有三四台食客而已,吉桌多的是,也好,反正大家也餓了. 侍應奉上熱茶及餐牌.雖然早已擬定了餐點但循例也看 了看餐牌,此行點選了以下一眾食家讚賞之菜式:黄金蝦。60(咸蛋黃黏滿蝦身,整隻可連殼吃下,好惹味,可翻單)胡椒大蜆湯。50(最正一味,連平時不太喝湯的我也搶著喝了兩碗,蜆多肉 厚非常大隻,湯甜充滿胡椒味,必叫)鮑粒荷香飯x2。68x2(正,大大份,量足料豐,鮑汁炒底好味道,因為太正,我家飯

今日係A先生重返補習界既大日子,,等距收工,,就一齊出到葵芳食晚飯啦=]A先生,,以後生意興隆啦=] 京都骨,,啖啖肉,,但略嫌甜咗小小xD,, 馬拉盏通菜,,本來想叫西籣花既,,既店員話馬拉盏同西籣花唔夾,,通菜好味好多噶,,哈,,就聽距講要通菜啦,,好味,,味道啱啱好,,唔會太咸,,食到淡淡的馬拉盏味=] 而且d菜炒到啱啱好,,唔太熟,,翠綠翠綠咁,,送飯好正=]啫啫雞煲,,一打開煲蓋就煙雾四起,,香噴噴呢=],,d雞炆到好入味,,尤其是d潤,,爽爽地噶,,好鐘意=]其實已經黎過金潮好多次,,每次都好多好多人,,但d店員都冇話做到發脾气噶喔,,依然好nice,,好可愛咁同你傾偈,,真系好似朋友仔咁,,嗰份情,,就吸引到大家黎完一次又一次,,i love it=]

跟外父一家晚飯，因外父家住葵涌區，選擇了人氣的金潮。五個人點了︰帶子茄瓜($68) - 帶子偏少，但以這價錢計，亦不會荷求。茄瓜軟硬適中，輔以香口配料同吃，更惹味！瑤柱蝦乾蒸勝瓜($68) - 另一道若味小菜，瑤柱蝦乾與蒸瓜同吃，加少少伴碟豉油，好味！狀元豆腐($68) - 是百福豆腐，加上大蝦、帶子及粉絲等，正！九肚魚($50) - 炸得恰到好處，不會太乾身蒜蓉粉絲聖子王半打($108) - 以這價錢食到鮮甜肥美的聖子王，邊度搵？雖然已訂枱，但都等了半個鐘才可入座，全晚座無虛席，可見其受歡迎程度。

經過上星期五的撲空，今次我們托朋友中午時份來拿定飛留八點鐘檯；雖然準時人齊到達，但畢竟等的是少有的大檯，最後也要多等近半小時才能入座，其間我們還先借了菜牌預先選定心水菜式，用紙抄下，方便稍後點菜。甫入座，可見小店位置不算太大，顏色以白與深棕色為主調，裝潢簡約但也有新派吊燈，雖比一般豪裝酒家有不及，但總算比上了鋪的大牌檔華麗舒適得多。由於客人眾多，所以這裡的座位略為擠迫，但我們一行十人坐上十二人大檯，尚算活動自如。 金潮賣的是各類中式小炒，款色頗多，而且菜牌圖文並茂，引得大家每樣也想試。最後各人研究之前抄下的菜式，無異議便交給店員落單。 鎮店鯇魚皮 $32：鯇魚皮不算吃過最爽脆的，但也不算口感鬆散之流，蘸以微辣醬油味道更佳；加上久未有吃過鮮鯇魚皮，始終令人回味。 潮式胡椒大蜆湯 $50：味道稍像胡椒豬肚湯，沒有了那份肉潺味，但卻加入大蜆的鮮甜；胡椒味頗重，惹味香濃，辣味十足，確是必吃之選。但我們人多，每人只分得一小碗，有點不夠喉。 招牌黃金蝦球 $100：可選蝦碌或蝦球，分別在於前者有殼，後者則價錢較高。黃金蝦球一碟只有九隻，店員提議加十元來每人一隻，大家當然沒有反對，但最終只加了兩

今日朋友提議嚟呢間人氣食店吃午餐, 時間尚早, 店內只有二至三枱客, 大家各自叫set lunch, 不過冇嘜好揀, 不約而同叫椒鹽豬扒飯或粟米魚柳飯. 粟米魚柳飯先到, 樣子不吸引, 冇嘜粟米, 食魚柳的口感好像煮熟的大魚起肉, 再切開一塊塊, 再澆上白汁. 喜愛與否這種魚柳很因人而異, 不過大家一致認同整碟飯味道太淡了. 隨後豬扒飯也到了, 豬扒是切開一條條, 很香的蒜味, 食第一啖, 味道尚可, 但食多幾啖, 就覺得太鹹了, 白飯不是配上甜豉油, 而是鹹豉油, 好在豉油不多, 否則鹹上加鹹了.餐飲我叫了熱奶茶, 味偏淡, 不太出色. 順帶一提, 這裡的餐具有待改善, 我碟飯食到七七八八, 就發現碟底有裂痕, 好在是硬膠碟, 都冇嘜所謂.

由於爸爸的朋友極力推介，今晚去左試好有名氣O既"金潮小廚"之前都有睇過下呢道既食評，知道一定好多人好難搵位~!所以自己都早D去~6點半應該無咁多人掛？我地4位~去到見到有吉檯，但係伙計唔俾我地入喎！話要等一個鐘，7點半先有位....我明白，可能O個D檯有人BOOK左啦...但係o個員工擺出一副趕客樣，態度其差！好似唔想你等，唔志在你呢個客人!!! 一向認為，香港餐廳咁多，選擇多的是，想好好享用一頓飯，何必要受氣呢？如果我自己跟朋友來的話，應該不會等了~但屋企人想試~ok...我地等...之前的食評都有說他們等位制度是何其差了，完全無秩序，俾張號碼飛你，其實係無意思既~點解佢要派飛呢？"好好彩!!"我地有幸7點半終於爭到張檯！其實心情早已經被影響了....點左以下菜苦瓜排骨湯 - 排骨好味! 不過湯偏咸鮑粒荷香飯 - 讚！個飯真係好有荷葉的香味~足料梅子骨 - 酸酸地，開胃好味，仲有一齊炒既桃都好好食！魚皮 - 我知係招牌菜，所以點左試下~不過好失望我expect 會好爽口...點知都唔係既~魚雲煲 - 剛上檯時，熱辣辣，好野味，有好多舊魚雲！不過當放得耐，就發現其實好油!!!好滯!!!

上個月食過一次, 果次真係麻麻!今次一行13人去食, book左6點半,我地6點20分已經到, 不過入面同出面都已經full爆!咁當然...一定要等啦,等到7點終於有飯開!!!我地13個人叫左10個餸,今次上菜好快, 可能想我地快d食完快d讓張檯出黎掛, 哈~落完單唔夠2分鐘已經出第一度菜,速度真係驚人~o者o者雞煲: 呢個無食, 因為放得太遠, 我唔好意思飛象過河, 不過個煲黎到時真係好熱, 出晒煙仲吱吱聲~椒絲腐乳通菜: 呢個無難度黃金蝦: 好好味!! 炸得岩岩好, 成隻都吞得, 又唔會炸到好乾, good!炒聖子: 個汁好好味, 不過d聖子就少左d, 得d殼多, 哈~南乳炸豬手: 好食, 又係唔會炸到好乾!沙拉骨: 又係好好食, 個汁好食, d骨又係岩岩好, 又夠熱, 總之就係好食!梅子骨: 呢個都唔錯, 但相比起黎沙拉骨仲好食!干煸四季豆: good! 好味!薑蔥魚雲: 唔錯唔錯, 好食, 不過太大舊, 有排啜, 哈~茄子帶子(全名唔記得): 熱辣辣幾好味, 不過d帶子....超細粒, 細粒到我地以為係蒜容, 哈~13個人, 叫左好似10個飯3支啤酒,埋單$750, 點計都好抵