金滿堂甜品

營業中

休息中

6/25食飽飯搵鋪頭食糖水...行左幾條街...見到呢間門面幾好~門口又有一個大凍櫃, 好多整好左既甜品...入到去坐低見到好多糖水既相片, 左揀右揀後要左金枝玉葉...友人則叫人什果果凍, 咖啡果凍+雪葩, 凍芝麻燉蛋白, 仲有個芒果布甸@@??其實我果個金枝玉葉做法同楊枝甘露差不多~只係換左荔枝上去~~不過幾好食就真...哈哈入去食果時都未爆滿...食完出番去..出面D開到爆..

我之前對d間都冇興趣架..因為佢唔係咁出名..係有一次我同我屋企人食完飯岩岩行過又想食糖水..就入左去丫..但出奇地好喎...先要講係果個叫..咖啡xx(唔記得個名,好似啫喱咁架)..都幾好味..我女友係好鐘意食..而我就食左榴槤飄香..佢係把d榴槤'餃'到變糊糊地.之後佢再加d榴槤肉和西米...鐘意食榴槤既一定鐘意..我覺得好食過而家既滿記tim..仲有我都試過其他野..都好平均..值得試試丫

其實已經食過幾次，係九龍城甜品店臨立既地方，仍然存在，就知有一定實行。我所推薦既係有關"西米"既甜品，如楊枝金露、水蜜桃西米路。佢地既比平常既唔一樣，比較大粒，外皮爽脆，好好"趙"！一定要試

朋友介紹呢度的芒果pancake好味, 所以便走來試試. 結過係冇叫芒果pancake, 反而叫左個金枝玉葉$25(楊枝金露改良版), 佢地用芒果打汁, 同出面d芒果奶做底的楊枝金露唔同. 又冇左我最怕苦苦地的柚子肉, 就加入左龍眼, 西米咬到一粒粒, 都幾得爽口. 整個甜品芒果味夠, 唔錯!另外食左份咖啡可可伴雪芭$20, 係咖啡味果凍再加咖啡雪糕咁, 上面再灑d可可粉咁. 雪芭比果凍好味, 但整體感覺唔錯. 因為店子主張少糖低甜, 所以menu仲有唔少海藻凍品, 但因為呢d凍品,唔少台式材料店都買到自己整, 所以對我來講就唔太吸引. 來過2次, 人氣一般, 可能時間尚早. 但甜品鋪始終要熱鬧先會引多d人入去, 希望佢地做好d la.