金滿堂甜品

營業中

休息中

呢間糖水舖已經變左我0既至愛,因為佢有別於傳統用0既淋"磁磁"西米,而係用爽0既西米,皆因我係唔食淋0既西米,覺得係口0既感覺好奇怪,所以好多糖水都食唔到,而家我可以食到楊枝甘露la,佢地d楊枝甘露幾好食同埋唔係好重奶味(因為我唔係好鍾意奶類飲品),同埋好多芒果同柚子肉再加上爽西米,簡直一絕呀!!另外佢個榴槤飄香,真係一試難忘,好香榴槤味,而且個底唔會太稀,仲會有一大塊榴槤肉同埋榴槤布甸,西米係入面,正!!!有一次外賣了蛋白杏仁露給媽咪吃,佢都話幾好味又唔太甜,試埋榴槤飄香,亦都係讚不絕口,氹得媽咪幾開心.最近一次係隔離食完泰國野,0個度冇冷氣熱到死,食完即係過嚟過冷河,再叫左紅粉佳人,男友就叫左咖啡雪芭+jelly,嘩,一望到已經透心涼,成碗粉紅色好靚呀,食落好清甜,完全係出自生果本身0既甜味,再加埋有d粉紅色心形啫喱,賣相同味道值100分,而男友個咖啡雪芭+jelly都唔錯,因為係雪芭入面有d咖啡味啫喱,好特別,而且service真係幾好,老闆娘好健談呀,我覺得入到嚟好有家庭feel.呢度真係好得呀,我一定會繼續支持

又帶新朋友o黎呢度試食。今次叫咗咖啡果凍+雪葩﹑金枝玉葉﹑百合南瓜西米露﹑芒果糯米糍。朋友話個雪葩幾好食但係就溶得比較快，金枝玉葉亦係水準之作，我自己食百合南瓜西米露覺得真係幾好喎，唔太甜又夠熱辣辣比起上次食百合南瓜黑糯米更正。最後就係要多謝收銀四眼哥哥，因為張單應該係$81，我話不如比$101方便找錢啦，但係佢話唔使O勒$80"齊頭"啦。雖然只係區區O既$1，但係就覺得呢間甜品店除咗好味之外仲好有人情味囉！下次一定會再帶其他朋友O黎試！

上次要西米,今次試紫米喇南瓜比上次濃,好左少少喇,但都覺得唔夠味。好多百合,唔淋,好似剛剛落。紫米係碗底一舊咁,點搞都唔luc~都係老友記d南瓜粟米露好味~下次食其他喇,價錢唔平$18都算貴呀service幾好~老闆娘依然咁健談

首選推介榴槤冰~超正~真材實料....好香榴槤味..食過番尋味~彩虹世界都好正~大大份~d水果好甜好正~芒果西米露好掂! 我見到佢地用呂宋芒整嫁~成個西米露都係芒果汁~d西米係爽嫁!!!!同平時食開個d好唔同~d service好好~係咁椅叫佢推介個甜品佢地都可以講好多出泥~仲要解釋個甜品係咩做同特別之處~十分有耐性~唔會迫你試呢個o個個咁...問得出既佢都答得到~最正係即叫即整....唔似其他糖水鋪個d雪過夜...d價錢好平....例如一個榴槤布甸外面要成$18-20不等~但係佢個度$15就有交易啦~好乾淨tim~去左咁多次都冇見過有小昆蟲~仲有~佢d甜品唔係落好多糖...d甜味多數係d生果度泥嫁~所以好清甜~完全冇"溜"既感覺law~食完飯再去個度食甜品都唔會覺得滯law~去過一次一定會去第二次嫁~你見冇人話唔好就知啦~

去了食了幾十次都咁好食,不是太甜,好清.推薦:Mango西米露(半個Mango整上,另外半個用作榨汁+少少水+西米露[<-果到d西米露是爽的那種])作底 金枝玉葉(Mango西米露+龍眼=Very good!!但夏天無得食,只有Mango西米露+荔枝=OK) 榴槤冰(勁香榴槤味,真才實料)粿子(不錯,不是太甜,口感幾好)加纖維果的不錯,好清甜,但口感麻麻,而清心丸只食其口感,無咩味,加埋纖維果是最佳配合.榴槤/Mango飄香都好食!!Pancake真材實料,成大件榴槤/Mango+多Cream.彩虹World是濃Mango冰+椰汁+涼粉+西米露+水果價錢叫平:$12-$50,(一般都是$12-$25,$25-50通常是較大的如雜果撈嘢)有時好食得叫好多嘢食!!!>-< ^-^

呢間甜品舖令我鍾愛的地方, 除o左係糖水夠好食之外, 仲有係佢o既甜品夠晒有特色(例如:海藻粿子, 咖啡可可, 金枝玉葉), 唔係其他糖水舖可以食到o既！而且佢o既甜品, 有d 款色係少甜o既(例如: 無花果燉雪梨, 回眸一笑), 較適合唔太好甜食o既人。而且有d 甜品, 係用新鮮生果整o既, 只落蜜糖或者少少糖而已, 店舖標榜低糖高纖維, 食落都覺得幾健康！^_^

本來諗住試合成,不過見人多就行過隔離街試呢間,點知都係一樣多人......冷氣位置無位,唔想等唯有坐出面,好在夜晚都仲有風吹下,ok啦。食左"咖啡雪芭+jelly"同埋"芒果清心丸"咖啡雪芭好好味,好濃咖啡味,入面仲有咖啡jelly碎同果仁,口感幾特別! 至於個jelly就普通少少,無佢都得。芒果好甜,不過清心丸就無想像中好食,粉團一舊lu,叫做試過下。

我唔知甚麼是註冊食家，我祗知到食過呢間鋪頭的人，見到”心領神會”四個字都想出聲。我唔知呢位人兄有沒有食過這間鋪頭的出品，但點都好，食評係人家的食後感，亂咁講野好唔尊重別人。我上次兩個人去食了三個甜品：紅粉佳人，綠茶紅豆燉蛋白及香蕉班戟。紅粉佳人絕對係士多啤梨迷的至愛，出面的鋪頭食士多啤梨的製品一般都會有假假地的感覺，但呢度就感覺好新鮮，好好食，但可能用新鮮士多啤梨的關係，故價錢貴了少少，成二十多元。綠茶紅豆燉蛋白：綠茶溝蛋白去燉，上面鋪上甜的紅豆，成碗蛋白就係靠紅豆的甜去帶出蛋白及綠茶味，真係唔太甜，值得一試。香蕉班戟：係三個甜品之中最失望的一個，可能因為標榜低糖，故班戟皮內包著少之有少的cream及1/3條香蕉，外型及太小跟真的斬件香蕉差不多，沒有特別。

心領神會啦！

之前已經打個食評了, 但不知為什麼不能顯示。話說又一次同朋友路經金滿堂,便試試。經一嚐後, 連我原本不愛吃甜品的我, 亦因此愛上吃甜品。他們有幾款甜品都幾好食架, 今次先為大家介紹這款甜品先---芒果椰汁西米豆腐花加椰纖果。這款甜品是老闆娘介紹的, 用料十足, 椰味香, 豆花滑, 椰纖果好咬口, 最重要是芒果十分鮮甜, 真是令我一滴不留地吃清光。

之前係因為有朋友去過話幾好，所以o尋晚附近食完飯就決定去試。雖然鋪頭細細，但係d甜品係"得"喎！我o地試唔同口味o既燉奶，其中以綠茶紅豆最"得"。而員工o既服務態度亦係另外一個"得"！快手之外服務亦很貼心。最後o既"得"係俾門口負責收銀o既哥哥，因為唔係佢我都唔知有個咁有用o既網。唔該晒收銀哥哥！！

over a hundred type of dessert! Coffee Co Co plus sherbet is a "must"! Try also the Mango Pancake, very very very big mango.

個個金枝玉葉真係好好味呀!個日我同DADDY,MUMMY行行下街,見到有間糖水店,D人多到坐曬出黎WOR..味去睇下好唔好味LO..之後個老板娘就俾左個MENU我地,,嘩,,個MENU有成ABOUT 100個唔同甜品,搞到我地唔知簡咩好..一經介紹,,原來個到銷量最好係金枝玉葉..TRY下SIN...嘩!!真係好好味,,個D荔枝好甜,D MANGO 好甜,好正!!之後我地再TRY個個咖啡COCO,,又好好味WOR...佢有D咖啡粉係上面,,好似有D酒店GE FEEL..呢個糖水店D 野真係好掂,,分分鐘真係好過個個咩口甜舌滑呀~I'M LOVIN IT!!~

有芒果蓉﹐芒果布甸同D 好似西米咁既粒粒﹐熱天食好正呀﹐透心涼。侍應仲好好人添。

好似係上個禮拜0既事喇當日7:00，一個人都冇入到去老闆娘笑容滿面好想食有０既南瓜野menu上有百合南瓜西米露／紫米露老闆娘話西米露同熱食好ｄ咁我就要左熱百合南瓜西米露佢重私人醒ｄ清心丸tim呀Ｄ南瓜都幾淡西米露太淋對清心丸冇乜感覺冇老闆娘所形容咁好食最好係百合..真係好多百合，入口即溶，好正！成個糖水好清甜熱食冬天食會幾好走果時老闆娘重問我好唔好食太NICE喇