金源小館 (已結業)

鋪面小,就要動腦筋,為了快轉檯,這小店起菜超快.由落單開始計,不用十分鐘,己完成全部小菜上檯.四個人叫了:椒鹽九肚魚$43 - 外脆內嫰夠香口,水準之上的出品!梅菜扣肉$43 - 五花腩肉肥而不油,又夠腍,梅菜不鹹,最好食是墊底的生菜,入晒味!啫啫A菜煲$45 - 油麥菜滾熱辣,加上蝦米仔香口,幾好食!香醋骨$43 - 初食幾正,少許骨,啖啖肉,但食到尾幾滯.蒸鯇魚頭腩 - 一個誤解或被誤導的小菜!本來想叫魚雲(大魚頭),老闆娘已說沒賣,但侍應阿叔建議可試試鯇魚頭腩,就變了這個小菜.基本上鯇魚頭沒肉,與大魚頭是兩碼子的事,但當時自己掛著傾談而忽略,結果小菜上檯後,只是夾了幾筷便放棄,做成了浪費!甜品送南瓜露 - 用海底椰來煲,不太甜,好食!特價啤三枝$30,白飯三碗,埋單$272,價錢相宜!

因電視的介紹而密謀去這金源小館已久還特意訂位添是夜3人叫了算多的送菜:山東燒雞$78 算大碟但也不算平 有一碗很多蒜蓉的醬汁林面雞是凍的 算我不識貨可能它真的應該是凍的 但牠的質感實在太像剛從雪櫃取出 實在不敢說是好吃 更別說是招牌菜油浸殼魚 也聽說是出名的 炸得算脆 (但不知何故都只是微暖的) 肉幾甜 但骨真的不算脆 (侍應姐姐還說我們唔識食埋d骨 但真的很硬會吉死呢)豆是陵魚油蜜菜 其實只想吃個菜 對不起也是微暖的後加的鎮江肉排 見到旁邊的情侶在吃 好似幾好便叫了 好彩有叫 因為它是4味菜之中最熱的 汁也很好吃 算幾好送的甜品有豆腐花或南瓜露 2樣也不錯外加馳名的木x布甸 真的唔算好吃呢每人120幾 以佢的格局 加味道真的不算平 蝕左 不會再來

1.山東燒雞：味道很好，最特別的是他們自製的蒜茸豉油，雞肉嫩滑無比不肥，皮肉分離，份量好大，正到暈，係必食之選，食完之後令人精神為之一振兼齒甲留香；2.菠蘿咕嚕肉：肉不會太肥，粉不太厚，而且酸甜適中；3.沙爹粉絲肥牛煲：普普通通，沙爹味不太夠味；4.菜心炒牛肉：牛嫩滑唔un，而菜心就鮮甜，整體不太咸！5.鎮江香醋骨：即叫即炒！正爆！好香醋味，骨軟香口，汁不酸且大碟！甜品：木糠布甸：重奶味，質地好滑，而且好香，夠多「木糠」，好食！咖啡慕絲：好香咖啡味，而且易入口，又軟棉棉！楊枝甘露：柚肉澀了一點點，但芒果、西米、碌柚肉酸酸甜甜的配搭很好！服務：嬸嬸不大會理會我們，可能太多人喇，而且間店又細，迫迫夾夾咁，佢都顧得寫單，都顧唔到其他既需要，要求拎公筷個ｄ，都係自己親力親為好ｄ！

因為友人介紹,先知道呢間唔多起眼嘅店喺掂,dec 11, 08來lunch,再戰金源,9人叫咗 : 1) 西洋菜湯 (送)-好夠火喉,因我對西洋菜真喺普通都唔普通,有得揀我都唔會叫佢,是關對佢嘅嗰陣味有點抗拒..............唯有煲得夠耐,呢陣味先會變得溫和順喉-唯獨油咗d-大家都覺得好唔錯,幾住家feel,應該無嘜味精 2) 山東燒雞 (訂)-1隻-因為元朗殺雞,友人擔心唔知有無得食............喺有嘅,因佢應該喺冰鮮-但點都好,佢真喺好滑(全天候位置),又多蒜蓉-墊底喺豆腐包.........又喺好滑喎 3) 6人套餐 - 可揀3個餸i) 鎮江骨-今次比上次做得出色-今次我發現到佢應該喺蘸過蛋漿先-肉鬆,個汁個鎮江醋酸勁味又夠-果然喺每枱必見嘅1道菜 ii) 炒4季豆-ok iii) 蝦醬蒸豬頸肉-濃蝦醬味-個豬頸肉太腍(但已比上次無咁腍),同意友人話豬頸肉應該喺點煮都爽口,所以呢個煮到唔太似豬頸肉-底下墊咗豆腐,好滑,入晒味 4) 粟米斑塊-ok5) 炒菜心-過老 6) 西蘭花炒帶子-水準保持到-個帶子肉質爽,只喺小鮮,蘸上蠔油會好好多 7) 杞圓糕-友人

日期：2008年11月15日好耐之前同d朋友食過，今日就同男友黎食下．．．叫左兩個餸，兩碗飯，重送埋糖水添．１．西蘭花炒帶子：大大粒既帶子，加ｄ鮮魷，好味．２．錦江豆腐煲：油左ｄｄ，寶物尋歸底，有魚食啊．豆腐既味道有ｄ怪怪的．３．南瓜海底椰：整得幾好食，我係嫌佢太甜同好水．４．豆腐花糖水：無豆腐味既，真係糖水，又係超甜．周不事都會有ｄ小蚊滋黎同你傾下計，地方無再裝修過，人客都係半滿啫．我其實係為左木槺布甸而來，但有糖水送，最後都無食到．

昨晚朋友約我出來吃飯，補祝我上個月生日。他們問我去那裡吃，我見此店的食評不錯，所以便提議試試這店。這店的環境比較地痞，衞生就炯算可以。我們五人點了以下六個菜：1. 山東燒雞 – 味道不錯，尤其是那個用來點的蒜茸豉油；2. 菠蘿咕嚕肉 – 肉不算太肥，酸甜適中，唯份量少了點；3. 椒鹽九肚魚 – 不會太油，夠椒鹽味，外脆內嫩；4. 金沙蝦 – 其實是黃金蝦，但就串著（像串燒），但因為連殼，蝦肉不太入味，而且沒有挑掉蝦腸；5. 沙爹粉絲肥牛煲 – 比較普通，沙爹味不夠；6. 金銀蛋莧菜 – 莧菜煮得比較老。整體上來說，此店水準只算一般。

和同事再三相約, 終於來到金源小館吃山東燒雞.到此店要有訂位之必要, 否則平日午飯時間可以再找地方吃了. 隨隨便便要個四和菜, 有山東燒雞, 咕嚕肉, 椒絲腐乳通菜, 蝦仁炒蛋, 另加椒鹽鮮魷, 豆腐豬頸肉, 幾個白飯, 十個人午餐也會吃得幾飽的了.山東燒雞伴上一大堆的蒜頭和醋, 山東燒雞嫩滑但不肥美, 皮肉分離, 正!咕嚕肉肉件炸得算香脆, 味道也酸甜有致, 味道層次當然沒有港大校友會或得龍的級數, 但絕對收貨.椒鹽鮮魷, 炸得透徹不油, 但相比天虹的出品, 似乎仍有一街之遙.蝦仁炒蛋, 蝦太細, 蛋只是一般滑.餐後甜品也只是半價, 當然要吃, 咖啡慕絲不太幼滑, 但咖啡味幾濃郁, 幾蚊一個, 好滿足矣.同事讚食物好吃又抵食, 絕對和膳食小廚有得揮, 有翻炒之必要.

跟好友們飯後，自然思吃甜品。忽然想起這裏的甜品很多好評，且距晚飯的地點只數步之遙，方便得很...從沒想過，一間地方小小的菜館竟然以甜品作其一賣點，而且許多人入去只求吃甜食，真箇是其哉怪也...不過當晚去到，大部份人還是以吃海鮮吃小菜為主。望見鄰枱的山東燒雞，份量實在大得嚇人，賣相又很不錯，心想早應該捨龍門而取這兒來用餐三人每人叫一款布甸來試試。胃納已沒有太多空間可讓小弟每款去試勻，所以只專攻自己的那個榴槤味的。吃落夠杰身膠口，足料，味頗香，的確跟外面甜品店的水準不遑多讓...下次有機會的，必試其小炒。當然，還有那隻山東燒雞la..

久聞呢度有木糠布甸供應, 加上小菜口碑唔差, 今日同埋好難約的朋友 Pr 0黎試試. 1:10pm 去到樓下已爆了場, 好在原來有樓上座位 (仲幾闊落), 0拿0拿聲坐低叫兩個客飯套餐 ($38 per 餐, 有例湯, 自選小菜及一碗白飯) share 食.先0黎冬瓜湯, 完全無人造味精, 味道住家清甜之餘, 亦飲得出火喉, 唔錯唔錯.小菜 #1 菠蘿咕嚕肉: 排骨完全唔脆, 不過幾好肉地, 肉夠腍, 加埋酸酸甜甜的汁, 好難會難食, 算啦.小菜 #2 椒鹽骨: 幾硬, 少少乾, 不過椒鹽味道濃濃的, 好香口, 又係好難會難食.白飯屬「乾硬派」, 麻麻0地鍾意, 不過總好過「米糊飯」吧.食到咁上下, 阿姐出0黎問大家食乜0野甜品, 又0拿0拿聲叫個原味木糠布甸 ($12) 試試; 難得朋友 Pr 食榴槤, 又要了一球榴槤雪糕 ($10).木糠布甸質地好滑, 食過仲滑, 而且好香0云呢0拿味又夠多「木糠」, 可惜係無 layer 的, 似普通 vanilla mousse 多 d. 不過仍然好食!榴槤雪糕 (現成的...?) 就有十分濃郁的榴槤味, 中間混了濕濕碎碎的榴槤肉, 凍凍

月中在灣因為撞上是父親節，杭州酒家早巳滿座，唯有移師黑馬騮介紹的金源小館，環境是一般街坊小館格局，侍應招呼從一條窄長的樓梯走上一樓，我們被安排坐在樓梯旁的小飯廳，這處只有兩張中檯跟一張二人檯，比較寧靜一些，聽聞內廳人聲鼎沸，原來裹面還有一個大廳。 招呼的阿姐性格爽直，服務方面一般小店，不能要求太高。商議一輪後我們叫了：1. 山東手撕鷄 - 一大碟已撕開鷄肉上面拌上大量葱條和椒絲，肉身很嫩而且味道調較得不錯，皮肉都差不多分離，没有太多的皮下脂肪，我吞下一大片鷄皮也不覺得膩口，再加上隨付的蒜香醬油，真的對胃口的一味菜！2. 鎮江骨 - 入口已知是用正牌的镇江醋，微酸中帶甜味，骨肉炆到一咬就分離，不會糊口或黐牙，怕酸的波友也較很好味。 3. 開邊蒸蒜蓉蝦 - 蝦肉不夠新鲜，落了大量蒜蓉也掩飾不了。 4. 啤酒兩枝5. 炒斑球 - 水準一般6. 送的甜品有紅豆沙及豆腐花 - 我選了豆腐花，雖然店員說是昨天造的，但入口很滑，不覺有問題雖然不是甜品店，但菜牌上有很多特式甜品，例如咖啡及奶茶味的木糠布甸，下次再來就試吓！

這間是小店, 環境麻麻, 所以若住得近, 最好外賣山東雞正, 最好是不要一上桌就將醬汁淋上, 分別雞及醬汁, 因為雞的味是不錯的, 不太喜歡生蒜汁的可以不點, 雞是手撕的, 底墊了雞殼及可能是齋雞幾片, 因為不太清楚是齋雞或齋什麼東西, 總括就是齋墊底, 看起來好高.北菇鵝掌煲, 是凍的, 但要再加熱,就說都會是這樣的, 所以有點欠服務, 晚餐後送甜品, 這個不錯, 其實他們的甜品可以外賣, 只買甜品多有人在, 因為他們的甜品確實好吃, 不會太甜, 豆腐花好滑, 有好多款, 天天新鮮, 因為好買, 保證新鮮所以大家都說外賣是比較在店內吃, 因為大多的菜都不太熱, 還有時是做訂, 只是翻就ok, 在店內吃要加一, 不知外買是否也要加一呢, 甜品肯定不加一, 因為現在我只買甜品回家吃.

見倒咁多好評, 抱住check it out心情尼試試樓下滿咗, 迫咗上樓上, 得我哋一檯, 一到樓上, 一陣老鼠屎味衝埋個鼻度, 又唔想再等檯, 是但, 座低, 環境, 乜都無..叫咗, 招牌山東燒雞, 好多蒜既醋汁淋上去, 墊底有齋雞, 啱啱食時齋雞無乜味, 建議呢味"送"外賣, 番到去啲雞呀, 齋雞呀入哂味, 好食好多... 其實正在個汁.凍蟹, , 係花蟹, 睇落唔大隻, 但係好鮮甜多肉, 啲肉又夠實, $68, 超值!蒸黃腳蠟, $68, 一般啦, 無乜特別, 士油調得無乜味, 又落得太多油梅菜扣肉, 呢味叫尼送飯, 唔得, 梅菜浸到無哂味, 扣肉蒸之前炸得唔夠透, 又醃得唔夠入味, 食樂好油, 又淡茂茂白飯都唔得, 無飯香又過濕, 我食得半碗就放棄朋友聽講榴槤部甸得, 試咗, 結論係.... 齋食榴槤好啲... 下次睇尼再幫趁都係山東燒雞同凍蟹 ----- 行街

聽朋友介紹之下,早兩日去開灣仔就順便去金源度試下佢地出名的山東雞!我地一行四個人大約八點幾到,間店的人客都唔少,有個阿姐就帶左我地坐係一樓的地方, 我地四個人由於唔係好肚餓,所以只係點左半隻山東雞,鎮江骨,加個清菜,唔知係咪我地四個人只點得三個餸的關係, 點完之後個阿姐好似好不屑咁,講野d態度又有d差!不過好彩d野食都上得幾快,而且隻雞真係幾好食,所以先至無比個阿姐d服務態度激親!食到咁上下,想叫個阿姐幫我地清一清張檯,等一陣可以乾乾淨淨咁食返個甜品,點知個兩個阿姐就只掛住傾計,完全當睇我地唔到,一檯雞骨都無人理!無可否認,佢地的布丁同野食都真係唔錯,但服務態度真係有待改善!

偶然經過，記得有不少食評讚揚過，即管去試一下，若然係好，下次朋友聚餐，又多個地方。午市客飯包白飯、例湯和小菜各一。可以選擇的小菜也有十樣八樣，三十多元，絕對有睇頭。看來看去，最後要了個粟米斑塊。例湯先來，小碗中有數舊黃瓜，清清地，不過不失。數分鐘後，小菜和白飯亦到。一看之下，頗有驚喜，因爲這個粟米斑塊是平常晚市時的份量，一大盆，足足有十多塊斑塊，心想真個價廉物美。可惜吃第一塊時，已經覺得不太妥當，因爲斑塊好“腥”，腦中立即響起“唔新鮮”三個字。心想“俾多個機會大家喇”，擧筷再邁進，唉 ~~ 可惜之後幾件，均是如此.....最後，只有把心一橫，剰下一大半飯菜便埋單走人。四眼女士可能是老闆娘，問了我兩三次“唔要喇”，可能不太相信他們的出品會得到如此冷淡對待？！在12.45前結賬，只收$25，雖然苦了肚子，不過幫輕了荷包，算是有個安慰獎罷！至於聚餐，要另覓地方了....

於網上看過很多的食評... 都說這裡的山東雞十分不錯~~ 就連小菜也十分出色終於有機會一嚐~~兩個人叫左半隻山東雞, 一碟菜心炒牛肉..叫完... 轉個頭佢就拎到果半隻雞出黎~!!(我諗冇三分鐘...)果然係快~!! 山東雞的賣相很有趣.. 疊到高高的..再淋上醬汁~~~ wooOO 好高哦~~兩個人心想.. 死la.. 一定食唔晒... haha.. 點知好彩.. 發現原來下面好多都係骨黎的~隻雞唔熱.. 可以話有小小凍.. 肉方面只有少部份係稱得上好滑..不過比起出面好多食手撕雞的地方...這裡已很不錯...個人反而較欣賞個汁同d齋雞~~~至於個菜心炒牛肉....牛肉方面都ok, 好林不過d菜就........-_-有點兒苦.... 之後送的豆腐花~~ 十分香滑.. 好味~~太飽了.. 食唔落依度出名既甜品...下次要一試...