金源小館 (已結業)

聽朋友介紹之下,早兩日去開灣仔就順便去金源度試下佢地出名的山東雞!我地一行四個人大約八點幾到,間店的人客都唔少,有個阿姐就帶左我地坐係一樓的地方, 我地四個人由於唔係好肚餓,所以只係點左半隻山東雞,鎮江骨,加個清菜,唔知係咪我地四個人只點得三個餸的關係, 點完之後個阿姐好似好不屑咁,講野d態度又有d差!不過好彩d野食都上得幾快,而且隻雞真係幾好食,所以先至無比個阿姐d服務態度激親!食到咁上下,想叫個阿姐幫我地清一清張檯,等一陣可以乾乾淨淨咁食返個甜品,點知個兩個阿姐就只掛住傾計,完全當睇我地唔到,一檯雞骨都無人理!無可否認,佢地的布丁同野食都真係唔錯,但服務態度真係有待改善!