金源小館 (已結業)

在榴槤不當造的日子可以吃到咁似榴槤的榴槤慕絲真是非常滿足~慕絲香滑,榴槤肉好夠~$10 一個真是好扺!!一定會再買!

昨午我去甜甜地吃完後,想再去金源小館買榴槤慕絲$10-吃得非常美味,見好像布甸但真慕絲,慕絲內榴槤肉粒多,我很太高興下次我會再幫襯sp:金源甜品站結業=,=""

母親節-原本想一家人食得開開心心,點知到最後令媽咪唔開心,原因是我們被安排到一樓,地方非常狹窄,想幫媽咪換張有背o既櫈坐啦,女侍應話後面有人坐,唔可以會阻住,跟住又話我哋咁樣坐會阻住其他人出入,根本我哋都係坐近枱邊,又唔係坐到大少咁,唔通連自己安排坐位都無自由,如果真係咁迫,咁點解佢哋擺枱擺得咁密呢,想人客再返嚟幫襯都不外乎三樣嘢-服務,水準,地方...基本上我覺得三樣都做唔到囉,下次一定唔會再幫襯呀!!!

一路見其他人話正,想去好耐.地方真係幾舊同細,但不dirty.中午優惠時段去吃午飯,12:45 分前埋單$22 ,有菜有湯和飯,超抵例湯:好味,不是一般味精水鎮江香醋骨-即叫即炒,等了一會先有得吃,但咁先好,唔係整定. 骨叫軟和香口,汁不太酸.但好大碟,一個女仔吃不完飯k服務不錯,會自動加茶,又有問有答,不錯一定會再去試埋山東雞~

間店衛生情況係一般，但小店係咁上下。得一個亞姐樓面，少人時招呼幾好架，又推介，見到你攞起茶壺即刻幫你斟茶，一滿座梗兼顧得冇咁多。佢ｄ野好抵食下，午市四十蚊有湯有小菜有飯（有個龍蝦套餐唔駛二百蚊好似ｆｏｒ四人添）。連ｄ茶葉都唔麻虎，普洱唔及蓮香都醇厚有茶味，舊普洱幾錢両呀，冇另收茶錢架。一人套餐都成廿款以上揀，但係唔包山束燒雞。個湯唔味精亦唔水，清甜似屋企煲個ｄ，飲後舒服唔頸渴。個梅菜扣肉ｓｉｚｅ真係嚇一跳，亞姐提議食唔哂打包我真係ｐａｃｋ左一半。梅菜有甜味唔太醎，個汁都好惹味，ｄ扣肉唔及貴價ｄ咁入口即溶，但都唔韌唔膩好好味，真係有ｄ半肥瘦，有ｄ八分肥。甜品試左榴槤ｍｏｕｓｓｅ，真材實料甜味適中，見到人食榴槤雪糕一個五蚊银咁好迷你得意，店仔黎講種類選料煮食佢都算幾得兼有ｈｅａｒｔ。一點前仲減到廿蚊去邊度揾，重要係旺區，漿糊飯盒外賣都唔得啦。不過如果能夠改善個環境坐得舒服濶落ｄ，就更加客似雲來。

金源小館. 地址: 灣仔大王東街3號地下大伙兒到了該店大吃一頓, 該店職員態度普通也算吧, 最差是, 當那個馳名的山東燒雞被吃光後, 才發現, 此乃加強版, "強"即小強也, 告知店員, 她們的反應是.........."哦...噤....收你們半隻雞的費用吧.......何解她們的反應可以如此平靜呢?? 難道已是見怪不怪, 常有發生

難得到今時今日仲有小店連杯最普通的茶都仲用靚茶葉，雖然呢間店環境好普通，甚至令人有up dup 感覺，但食物的確唔錯，拿手菜山東雞夠入味，其他小炒令人滿意之餘碟頭亦夠大，唔似好多小店一圍檯多兩個人就已經唔夠食。不得不提此店甜品好出色，芝麻糊夠香，南瓜海底椰亦好有質感，記得留肚試！

曾幾何時北角敦煌地下京菜廳有好好食o既山東燒雞, 皮香肉嫩, 蒜汁同雞o既肉汁相輔相成, 當時每星期起碼會食一次. 可惜, 敦煌全線結業後已成絕響.見到這裏的招牌菜也是山東燒雞便來試試. 剛好晚市有個套餐, 半隻山東燒雞加東星班兩味, 只係$168, 有理無理馬上落單! 雞尚可, 蒜味香濃, 但和昔日敦煌的相比, 相距甚遠. 西蘭花炒班球水準甚高, 魚肉軟滑味美, 一吃便覺得廚師係高手. 可惜同上的枝竹炆頭腩則乏善足陳, 用料不新鮮, 班肉已有點腥味, 腐竹豆腐等配料亦一樣. 吃到這樣的食物, 心情馬上跌落谷底! 幸好飯後有甜品奉贈, 選了豆腐花和南瓜海底椰, 都算食得過, 挽回了一點點分數.雖說是街坊小館式的經營, 但個人覺得室內擺設和環境是太侷促了一點. 清潔也應更加注意(我就連他們的餐牌也不願碰!).

同超長氣大老細開會，見佢通常都會over run，就同母親大人報定案唔番去食晏，結果10:45入房，竟然1:05就放番出黎！反正已經報左案唔番大人度食，就同左老細去附近食個快飯。本來想去天下太平，隨便入番手有機靚荼包，但佢呢兩個星期都唔開，就去左佢附近o既金源。一點三黎到，幾乎全院滿座，但都攝倒兩個搭檯位。坐低睇下餐牌，見都幾多小菜選擇，$38 o既午餐包一湯一菜同白飯或粥，都幾抵食。我地要左金銀蛋莧菜同豉椒涼瓜炒牛肉。等緊上菜之際，見同檯幾位女士o係度研究杯茶，不久就叫左個阿姐過黎，話杯茶有小強，而個阿姐就面不改容咁換走佢杯茶！我同老細即時放低自己杯茶，面面相覤，又多一個理由唔飲碗味精湯‧‧‧兩碟小菜不久送到，金銀蛋莧菜好大碟，味道係不過不失咁啦！豉椒涼瓜炒牛肉幾濃味，茨汁亦幾杰，牛肉有少少「鞋」，但就勝在唔係用梳打粉「毑」過果種，都OK啦！反觀其他人叫o既小炒如椒盬骨、山東雞等，賣相又唔錯喎，可能我地冇叫正佢O既拓牌菜啦！不過阿姐對待小強O既態度就令我猶豫仲有冇需要再黎一試‧‧‧

今日特登去金源,唔係睇openrice, 真係唔知有間咁既小菜館,今次我地試食左:山東雞: 不愧招牌菜,雞好滑,蒜汁好香,而且已切到好似手撕雞,食落無骨嗒嗒肉,味道相當不錯。椒鹽九肚魚: 炸得好香好脆,而且好乾身,好味。錦江豆腐煲: 豆腐好滑,辣味適中,又有好多海鮮,正! 甜品豆腐花: 豆腐味略嫌不夠,有待改善。

The dishes are reasonable sized and tasted great! Surprisely, they also served great dessert, too! Got to try!

Walking all the way from my office to here, just for this 鎮江骨, lunch time of course was full house, but 1 person was easy to get a space.1.例湯:7分, pretty good 例湯to start this lunch.2.糖醋鎮江骨:9分, really a good dish. Though it was pretty big, I could finish it all by myself. 糖醋開胃, excellent combination with rice. taste of 鎮江骨was decent, not over-cooked.3.咖啡慕絲:8分, still wanted to try the dessert, and I was really sleepy so I chose 咖啡慕絲. Not too sweet, a little bit coffee taste, good!This would be a

我o係灣仔返工成三年，都唔多覺眼有間金源小館，不過尋日睇雜誌有介紹，今日又睇過各位寫o既食評confirm係掂，我先走黎試。今日下午一個人去左食晏，叫左個招牌「鎮江骨」。其實應該叫做鎮江豬扒至真，因為佢係一塊塊一件件，而唔似其他地方咁一舊舊。味道酸酸甜甜確係唔錯，豬扒亦幾腍滑香口，最厲害係個份量，比在其他地方單叫小菜仲要大碟，好彩佢酸甜味夠，我一個人都只不過食剩一件，但係就已經食唔落甜品囉！阿姐招呼都唔錯，我都差唔多走佢仲幫我斟茶；另外值得一讚係個例湯，有我冬瓜盅最鍾意o既冬瓜湯，淡淡地唔太鹹飲落都幾舒服。總括黎講都食得過，下次會再試佢個粟米斑塊。

$38一個午餐,有餸有飯,又有半價甜品優惠,抵!小菜夠鑊氣, 十分好味!推介菜式: 蝦子山根豆腐, 菜膽鷄, 咕嚕肉

今日一個即興齊齊出外吃午飯；對我們來說，快、靚、正、近就只此一家。不外乎叫了「主打」菜，首試這個金沙蝦，甜品楊枝甘露。金沙蝦：差不多有十串，很香咸蛋黃味，熱辣辣香脆可口；若跟以前在南天小廚吃的那碟相比，我還是喜歡南天的，略嫌這裡炸得過了火位，又不知道是否油／火力出了些少問題，「金沙」身帶點黑？！蝦肉覺得鮮味彈牙力比下去．．．楊枝甘露：不肯定正統楊枝甘露的碌柚肉味道要「澀」與否，但個人認為芒果、西米、碌柚肉的配搭，還是甜甜酸酸較為熱衷，跟老闆娘反應一下，老闆娘說楊枝甘露裡的柚肉應該帶點澀．．．（真的嗎？！）姑勿論怎樣，大家還是一致認為榴槤布甸「手指公」之選。整個下午口裡充斥著蒜香和榴槤香．．．