金峰靚靚粥麵 (已結業)

午餐打算吃粥～同事便介紹這家說是很好吃的！不過這家午市真的超多人 ... 而且不論是外賣還是堂食一樣都是要排隊堂食記得要問姨姨拿籌～外賣則是有另一條隊，不要弄錯呢大概等了20分鐘左右，終於可以入座了先點兩樣和同事Share 吃～銀芽炒麵 ($10) - 麵條不會炒得糊糊的，而且口感滿彈牙。不過醬油味道不算太濃，但若加甜醬來吃則剛剛好炸倆 ($15) - 炸倆吃時還是帶脆口，腸粉有點厚~不過夠滑！皮蛋瘦肉粥 ($28) 好大的一碗！這裡的粥加入了瑤柱來煲，所以味道來說會較為惹味，而且吃起來很綿。整碗的皮蛋也算多，那些瘦肉吃起來亦很嫩口！怪不得這家那麼多人排隊，下次有時間要再試試這裡的腸粉呢

今日兩個人來食，叫咗一碗滑牛粥，一碗及第粥，一隻鹹肉糉，一碟炸兩。金峰店面細，可堂食或外賣，堂食要等位，外賣奇怪地也要排隊等落單，落單後又要再等，安排不太顧客友善，但仍有相當捧場客等堂食，外賣更大排長龍，唔到你唔服。入座時，老闆娘指點顧客，要怎樣怎樣坐，唔慣嘅可能會唔鍾意。點餐後沒多久，食物陸續送到。炸兩係一絕，腸粉皮薄，油炸鬼脆卜卜，落少許醬油已經好好食。$15碟，值，性價比高，讚。鹹肉糉只一般水準，沒有驚喜，唔覺有香膩的鹹肉，可能太細件；配上來的特配豉油，又濃又黑，唔落隻糉唔夠味，落得太多變成鹹汁糉，要適可而止。$15隻糉，想點?兩碗粥，各$28碗，粥底係夠綿夠滑，材料也豐富，交足功課。但調味太重手，搶走晒米粥本身的清香味，亦搶走晒材料本身的肉香味，而且有落味精的嫌疑，配不上靚靚粥這招牌。一句總結：炸兩好食

故事：我早上想吃點白粥，去了這店下order. 問可以加點蔥？佢地話白粥唔可以加，我話放一spoon 都唔得？佢地就堅決唔得。我就話𠈄地咁唔彈性，濃妝老闆娘出來鬧我：我哋白粥唔加蔥。唔識食嘅人先咁食。 我話這是各人口味不同你不用這態度鬧我!真的唔明佢點解可以生意仲咁好？之前我已經唔會想再去食，今日係迫不得已再去食諗住俾多次機會佢哋。 我諗我呢一世都唔會再去!!!

粥靚，腸粉靚，價錢靚。唔怪得知日日咁多人排隊！腸粉係即整，咁多功夫香港已經買少見少。紅銅煲煮粥，傳熱快，煮出來的粥夠香！好多人話事頭婆態度唔好，我幫襯過咁多次都唔覺。可能住太古嘅人多數都有容人之心，所以都大把人排隊，好食就得！

買外賣排第五個，用左成三十幾分鐘先落到單。點解？因為個事頭婆只係掛住叫堂食嘅人入去，叫完就同熟客吹水，跟手收錢，再叫人拎整好嘅外賣，然後再re-loop以上步驟，但就無幫買外賣嘅人落單，要平均成十分鐘先落兩個外賣單。到我排第一時，眼睇住個客入去，到差不多食完，先幫我落單，大家都知粥有幾熱，可想而知係等幾耐！外賣客都係客黎架，唔好淨係掛住同熟客吹水兩頭騰啦！明明食物好快就整好，五分鐘都唔使，但係就硬係唔幫人落單，實在係好奇怪！！！

You won't miss this place because there's always a long line for take away and a lot of people gathered in front to be seated. It's just THAT good of a congee place that people are willing to wait. We buy from here for our Sunday breakfast. It's usually a 20min wait at the take away queue and 15-20min wait for your order to be ready. We always order 2 Kap Dai Chuk, 1 Chow Mein, 1 Cha Leung, 1 lemon tea and 1 milk tea. Always always good. For weekday lunches, if you're there before 12:05, you're

一早去叫外賣門口化勁濃妝個女人啲態度差到一個點，七點未有炸倆作為客人既我唔知有咩出奇，好似鬧我咁話：炸倆無呀。我：咁要等幾耐先有架？佢：唔好等呀師傅都未番我點知幾時有。然後佢想叫我行去另一邊等外賣又勁無禮貌咁手指指，野都唔講一句。不過我好鍾意食呢間鋪頭嘅炸倆油炸鬼真係好脆。

在這舖已經吃了很多年，見過好多次事頭婆同人口角，覺得事頭婆係個好煩嘅人，不過搞唔到自己就有佢啦。今朝落去食早餐等了又等後，終於有位，我同朋友兩人坐低咗見到左右兩邊各有一個吉位，對面有一個人食緊，但係我朋友背後有冷氣吹正，吹到頭都痛，咁同老闆娘講可唔可以坐過一個位。其實我嘅要求好簡單同好正常，對佢嚟講亦有好處，因為佢立刻會有一個孖位，但佢回報一句唔好理我啲位。事頭婆阿吱阿咗摩洛哥一輪後仲要以粗口問後(係真.粗口)。我真係火都嚟埋，拍枱走人，決定以後唔幫襯。俾錢食飯仲要受你氣，唔係下話，有幾好食都係咁話啦。

食物無問題，但事實好多同類舖頭都會做到，但想講既係外賣安排，真係會令人發火！我知不少幫襯過嘅食客都知道佢哋外賣嘅安排好差，一個阿姐處理落單入單，呢個係根本嘅問題，儘管我知道佢哋只係地區小店小本經營，不相信會有求進嘅心態，所謂嘅人情味風味，當你面對咁差嘅服務態度其實已經不值一提。10個人排隊10分鐘都郁唔到兩個，我忍唔住上前問下姐可唔可以快啲，換來一句搞唔掂有乜計，你做老闆你問返個客有乜計，我真係火都黎，問返佢一句你哋係咪唔憂做，阿姐仍然答返我同一句說話。當然我明白，少我一個客唔會執笠，多我一個客唔會令佢生意興隆，但做生意就是講口碑，我相信佢請多一個人，令到成個運作更加順暢，換來嘅可能係更多嘅生意額，我肯定佢哋知道自己呢方面係有嚴重嘅問題，但係得過且過亦無打算優化運作嘅心態。總結一句，以後唔會幫襯。

依家好多舊式嘅餐廳都變晒型轉為新式嘅餐廳，大部嘅嘢食都已經由人手製轉成做機制，有時候唔係話機制就做得唔夠舊式嘅嘢好食，係始終舊式嘅有佢自己嘅風味，係無可取替嘅。好似粥檔咁樣，以前嗰啲舊式店真係有佢自己熬粥底嘅技術，做得係特別好食。而家嗰啲新式做出嚟嘅粥，反而唔會有嗰種軟綿，又好有米香嘅感覺。喺呢度終於比我搵返你，一平時經過呢度嘅時候見到好多人排隊，今次終於有機會試到。坐低左之後見好多人都叫牛肉粥食，咁我諗牛肉粥應該係呢度幾出名嘅產品。咁我亦都叫咗一個牛肉豬潤粥試一試佢嘅龍與鳳。佢嘅牛肉整得好淋，煮出嚟仲令到個粥底好有牛肉汁嘅味道。豬潤唔算係超爽嗰種，但食落都爽，切到一塊塊小塊。個粥底先係靈魂所在，個粥好綿，就算搞左好耐d粥都唔會返水，而且𢳂上黎嗰陣時，會見到一粒粒嘅米飯嘅蓉，好有feel 。仲叫咗一碟炸兩嚟食，呢度嘅炸兩外皮唔係好滑果種，而係舊式粥店比較厚身少少嗰種。油炸鬼就非常之脆身，雖然油炸鬼唔仰熱辣辣，但係就算包住左腸粉好耐，都唔到令到佢唔脆，所以非常之好，正！雖然呢度得嗰五張枱係度，而且每張枱起碼都要坐五個人。坐嗰陣時候係有啲唔係咁舒服，但係呢啲就係歷史遺留落嚟嘅一啲痕跡，係好

由於是星期日的關係, 這間店外總之企滿了人, 當時我一個人去, 入坐前需要拿一個牌仔, 那惡女人告訴我暫時未有牌仔, 叫我企企在門口外位置, 有人入時會拿牌仔給我, 未幾, 有人入坐, 她給我牌仔, 當時店外週圍其實都企滿了人, 我選擇企在原來的位置, 隔了一陣, 她見我企在那裡, 大聲駡我"攞左牌就吾好企係到啦", 我當時呆了, 我又不是企在她的店內, 週圍都是人, 等位又沒有特定位置, 她這樣也要管..她總是達到一個目的就是趕客, 我決定呢一世都吾會幫襯。如果有十個喊, 我可以比十個。

第一次來吃之前聽聞這間店很受歡迎星期六午間來看到門口的人潮已經嚇一跳幸好大部分人都在等外賣堂食等大約5分鐘就有位裡面大約有4張檯坐得頗逼首先點了豬紅粥（特價$21）粥底算綿豬紅有口感不會一夾就散然後點了鹹肉糉（$14）簡單的就是綠豆加蛋黃的配搭加上調製過的醬油質素還可炸兩（$14）腸粉不太薄油炸鬼好夠脆但沾醬味道一般我只加甜醬已覺得味道麻麻齋腸（$10）腸粉頗滑但實在欠了米香總括來說這間店好像過譽了而且下午吃完後覺得好口乾之後喝了好多水呢

食物還可以，但吾係講到咁超。炸兩及粥㡳都吾錯。不過各位要有心理準備，果位化濃妝嘅大嬸老板，好鐘意搵客人出氣。態度惡劣不只，語言極盡侮辱，見到有客人跟她説可不可以換位比較寛一點，她就單打了十五分鐘，直到那位客人走了，她還在惡言。吾使咁賤下嘛。

第一次買外賣， 一個阿姐做哂外賣， 收銀， 安排入座， 顧得收銀安排入座又顧唔到外賣安排入座，顧得安排入座又顧唔到收銀同外賣， 買少少野等落單又要等成15分鐘先幫你寫， 寫完等外賣又要幾個字， 大熱天時起度等等等， 浪費我時間， 下次唔會再幫襯

今朝同朋友兩個人去食早餐，每人叫左一碗皮蛋瘦肉粥。來到熱辣辣，香噴噴！滑瘦肉新鮮，皮蛋夠多！又叫左碟，即炒銀牙炒麵，爽口脆身，要即整先有咁既效果之後唔夠食，仲叫左一碟手拉蝦米腸粉。係金鋒先食到咁好味