金峰靚靚粥麵 (已結業)

呢間弼店不得了，不得了在於佢個炸兩，入面條油炸鬼竟然係脆嘅，我都估唔到呢件事仲可以喺香港嘅粥品店發生到，一般黎講，炸兩入面條油炸鬼唔un已經當你贏，唔怪得呢間野成日都要排隊啦。不過呢間野係得個炸兩掂，佢碗粥應該有落味精嘅，因為食完碗粥之後要係咁飲水先搞得掂。

香港好似越嚟越少粥舖 想食碗靚粥又唔想自己煲 都真係要諗諗邊度有😂炸兩 $19以防有朋友仔唔識 炸兩就係平時嘅齋腸粉包住油炸鬼😉而家真係唔係太多地方有得食🥲呢度嘅腸粉嘅軟糯香滑 油炸鬼新鮮鬆脆唔油膩 配上甜醬麻醬同埋豉油 好耐無食過咁新鮮嘅炸兩😍 皮蛋瘦肉粥 (是日特價) $28粥底棉滑 無加味精 好足料 肉片同皮蛋份量頗多 好味道！結論：可以encore!🔖#fml_quarrybay⛺️金峰靚靚粥麵📍香港鰂魚涌祐民街2號地舖

金峰靚靚粥麵的瑤柱粥底綿滑細膩，帶有淡淡的海洋鮮甜。個人最愛以此粥底烹煮的 豬心粥，豬心處理得宜，毫無血腥味，口感軟嫩，吸收粥底的瑤柱香氣，每一口都帶來鮮甜與溫暖。享用粥品，自然少不了一碟炸兩。店內腸粉即叫即製，粉皮薄滑有彈性，包入炸得香脆的油條，淋上豉油與麻醬，簡單而令人滿足，絕對是早晨的一大享受。The congee base at Kam Fung is velvety smooth, infused with a subtle oceanic sweetness from dried scallops. My personal favorite is the Pork Heart Congee - expertly prepared, free of any off-flavors, with a tender, sweet texture that absorbs the scallop essence. Pairing the congee with a plate of freshly made Fried Dough Noodle Rolls is a must. Th

我一值bookmark咗好耐嘅粥店，是日終於可以一嘗味道啦。原來間店嘅位置就喺附近。而係早上11:45，見到店門外左邊排咗勁多人，初初心諗：「Oh no! 會唔會要排好耐㗎?」 然後觀察咗一陣，原來啲人係排隊買外賣，咁都好啲😮‍💨 不過因為店內6張圓枱都坐滿食客，所以等咗2-3個字先入坐。我坐低食嘢時，見啲街坊和食客都好好，食完就走。店員見食客離座會提提你記得帶齊嘢，好貼心。🌯 炸倆 （HK$19)． 油炸鬼好新鮮，非常脆口． 腸粉皮不厚不薄，令我食到滑滑的口感帶有米香． 自由配搭一些甜醬、花生醬同豉油就好美味😋🍚 皮蛋瘦肉粥 (HK$35)． 需要啲時間煮，食完炸倆先到，啱啱好😊． 熱辣辣嘅瑤柱粥，綿綿軟糯的口感，味道清甜，配有勁多瘦肉和半溶好腍嘅皮蛋，食得出是用心製作

金峰粥麵店屹立在鰂魚湧區已經一段長時間, 它非常之受街坊歡迎因為普遍食物都很有水準, 首先講各類粥品, 特價粥通常有幾款, 包括皮蛋瘦肉粥, 瘦肉粥, 牛肉粥, 魚片粥 及 豬紅粥. 而很多年前是有豬肝粥為特價粥, 現在已取消了.腸粉方面, 特別係牛肉腸, 蝦米腸和齋腸都特別好味. 本人特別喜歡它的齋腸 因和醬料非常配合, 而炒麵和鹹肉粽 也有提供售賣.自家製的油炸鬼, 個人就覺得缺乏一點傳統嘅滋味, 食落沒有一種豐滿質感, 感覺比較單薄, 這樣會食落脆一點, 在製作炸兩腸時是會比較好, 而油炸鬼只會在星期一至五才有外賣及堂食, 星期六日是沒有提供, 只用來作製作炸兩腸.

喺鰂魚涌返工，附近嘅餐廳都好高消費平時一係自己帶飯，一係就嚟食粥午飯時間外賣都等得耐，我多數等一陣入嚟堂食粥同炸兩，始終都係親熱食開心啲但今日天氣太熱，臨落單放棄咗食粥一於試吓佢嘅炒麵平時食粥都會叫個炒米粉但係呢一間嘅選擇就比較少只係得炒麵麵嘅份量唔算多，配菜份量都正常面質就偏淋，個人口味鍾意食啲爽口彈牙嘅麵所以就覺得麻麻地每一次嚟必叫炸兩就算佢唔係即炸，都唔會有油益味口感比較硬，但咬落都係脆脆的今次個麻醬好稀好稀，落多一次，都係冇乜味好彩佢啲芝麻夠香，都輸唔晒

喺怪獸大廈隔離門口排晒隊一問之下原來排隊係排買外賣堂食拎飛隨便企等叫就得有啲遊客見隊就排完先話堂食派飛姐姐都安排返俾佢地快少少入入面企理 但坐得少迫蔥花蝦米腸炒麵 牛肉粥整體味道服務態度都唔錯

終於有機會幫襯得到呢一間粥舖(因為上兩次黎都無開門，真黑仔)，早餐時間黎到，一個人食唔到好多野，所以只叫咗炸兩同豬潤粥，價錢比想像中貴，尤其是碗豬潤粥，成$35一碗，都真係有D貴，不過作為一間老店而且又成日有人排隊，佢D出品又真係幾好食嘅，當中最出名嘅就係佢個炸兩，皆因佢入面條油炸鬼竟然係脆嘅，印象中就算即叫即整都未切有脆嘅油炸鬼(除非佢連條油炸鬼都係即叫即炸啦)，衣家$19就食到脆油炸鬼嘅炸兩真係無得頂呀。

今日過來工作，完事已一時許，行過見咁多人排隊，反正午餐求其吃，咪來湊熱鬧囉⋯⋯正在等位之際，門外大大個餐牌，一目了然，已細選等待入座中⋯⋯一支公很快有位，一坐低便點餐蝦米腸粉$19~腸粉內，除有葱花外，蝦米大大粒，灑上芝麻，豉油，美味。皮蛋瘦肉粥$35.~粥底棉棉有米花，一讚！但這裡和一般的瘦肉粥不同，平時吃鹹瘦肉是醃好一大舊的，再將鹹瘦肉煲熟再撕開一絲絲的，但這店用上肉片，筆者比較傳統，感覺前者有下火功效⋯⋯但當然只是老派的感覺，並無實際數據支持⋯⋯瘦肉都幾多片有趣的是，刀功一氣呵成⋯⋯皮蛋足料，都有半隻之多。整體來說港島區這些老字號粥舖已買少見少，棉棉粥底，唯一美中不足是醃料重手左少少，吃粥後有點點口喝，但這些老店，筆者也覺得，值得支持。

剛行完山，肚子咕咕叫，我同朋友閂咗入呢間餐廳，正！冇等位，坐低馬上叫咗碗皮蛋瘦肉粥同炸兩。粥口感絲滑得嚟又濃郁，皮蛋夠味，瘦肉又嫩，真係好夾😋！至於炸兩啊，豉油可能手滑咗少少，下次輕手啲就完美喇。油炸鬼唔算太脆，下一次希望可以即叫即炸，食落去咁先至過癮嘛！周圍望一望，見隔離檯嘅腸粉好似值得一試，下次一定要嚟挑戰下👀。坐喺度，感受到呢間嘅地道香港風味，啲阿姐服務勁忙亦都講嘢幾犀利，但呢度咁多人捧場，服務質素就算忍下又如何？食得開心就行喇！整體嚟講，呢度嘅衛生都做得唔錯，場地整潔，有種煥然一新嘅感覺🌟。咁平民價錢，食到咁嘅真材實料，下次行完山一定再光顧！

聽講呢一間粥店的炸兩好好食，今日終於有機會試吓，真係好得，最重要係炸兩入面嘅油炸鬼係脆卜卜嘅，呢件事真係好勁，未試過出面D粥店食到油炸鬼仲係脆嘅炸兩。至於D粥就係一般，味道正常咁啦。

🇭🇰金峰靚靚粥麵·呢間粥舖我係由細食到大嘅 不過因為佢好早閂門 同埋佢禮拜六日成日都排超長龍🫢🫢所以我已經好耐冇食啦😂今次我哋係下奏點幾兩點嚟到 等咗10分鐘到就有得食😎·豬潤豬肚粥$58 l 銀芽炒麵$12 l 炸兩$18佢呢度既粥係真係生滾嘅 所以食落真係好綿 不過我自己就覺得佢呢度既豬潤唔係起沙個種黎既 食落口感無咁好🫢反而豬肚口感好啲🤣🤣之後炒麵就同我細個一樣咁好食 唔會話太油 不過佢呢個係比較細碟既 不過咁多年都無咩點加價算係咁🤑之後最有驚喜係佢個炸兩 佢呢個真係整得超好味😋佢個皮係好薄好滑 中間既油炸鬼熱辣辣 而且好脆 食落超正😍😍·#rbyeat#rby港式#rby鰂魚涌·📍鰂魚涌祐民街2號地舖

一早起身要去太古城做嘢最大嘅動力就係可以幫襯呢一間粥品店，因為識咗咁多年，佢嘅炸兩入面條油炸鬼真係次次都卜卜脆㗎。咁多年來水準都保持到真係犀利，依家就話有氣炸鍋嗰啲各式各樣嘅爐去令到條油炸鬼唔使翻炸都可以脆口，以前嘅年代都唔知佢點樣keep到呢個水準(當然可以即叫即炸啦但係我又唔信就咁一碟炸兩都會為你即叫即炸條油炸鬼囉)。另外仲叫咗皮蛋瘦肉粥，味道唔錯嘅，就係正正常常一碗皮蛋瘦肉粥啦，都係炸兩比較出色。

今朝心情唔太開心，所以決定去金峰靚靚粥麵慰勞下自己。今日唔算多人，等幾分鐘就到我，終於拎到食物。牛肉粥 $27識食就梗係叫特價粥，原價$34，依家$27夠抵食。即叫即煮，瑤柱粥底濃郁又夠滑，牛肉算多又嫩滑，食落真係好好味。蝦米腸粉 $18蝦米腸粉入面嘅大粒蝦米、葱花，味道鮮美，同腸粉嘅質感完美結合，令人回味無窮。之前仲食過叉燒腸粉$18， 叉燒腸粉皮薄而彈牙，叉燒肉切成細粒，一口咬落去，味道豐富而美味。

約咗朋友行山，但早了到達出發點，附近找嘢食。見來到這裏竟然不用等位，平時門口時坐滿人的！ 所以把上也進來，坐下了。簡單基本，叫了炸兩，皮蛋瘦。阿姐落單速度很快， 兩三分鐘已經上枱。炸兩方面，豉油落得比較多，希望下次不要太重手！油炸鬼不算硬，但也不算爽脆，顯然不是，即叫即整。粥方面非常棉，也很足料，非常好吃，難怪大排長龍。 隔籬枱吃普通腸粉，看上去也很像樣，下次會考慮一試。衛生算很好了，地方光猛，乾淨。服務普通啦，阿姐很忙可以理解。