金峰靚靚粥麵 (已結業)

星期六中午，約了女友去太古城看電影，想在附近吃“早餐”，由於昨晚吃得太飽，於是我提議來這兒吃粥，清清腸胃。和女友約十二時來到，無論堂食和外買的人都為數不少，等了約十分鐘就可以入去食粥。在等位其間已和女友想好吃甚麼，所以一坐底就點了一碗滑牛粥和鯪魚球粥，再加一碟炸兩。我的滑牛粥先來，一看就知粥底很靚，米粒完全爆開，食落口很綿，而牛肉亦是經過醃製，很入味，而且鬆軟可口，雖然可能經過梳打粉處理，但仍是非常好食，仲要份量頗大！女友的鯪魚球粥亦是很好吃，鯪魚球幾多、魚味很重、很彈牙。至於炸兩就更是驚喜之作，食時發覺炸麵是熱的，仲要很脆，腸粉皮亦很滑，相信是我吃食過最好食的炸兩。同場加影：醒目的老闆娘把滑牛粥送到我的面前時，看了張單發覺有些不妥，便問誰人替我落單，之後在單上改了我碗粥的價錢，然後同我講滑牛粥係當日的是日特價（$15)，正價$18。

29Sep2007 0928上路前，都係忍唔住口要食埋碗粥。上次試了銀杏白粥及炒麵，今次只叫了豬膶魚片粥，豬膶我唔會期望係病豬，不過過熟，魚片還可以，粥底都叫做綿啦。俾笑臉似乎多的，ok啦。

今日頭暈暈的，返到公司終頂不住...看了醫生，他說我「耳水不平衡」。唉，又復發了，近來天氣悶熱，辦公室又太乾爽太舒服了，一冷一熱很易病 。回正題：午後取了病假回家休息，途中想起這裡的粥品很出名，但長年都有人排隊。是時候食點清淡，比較易消化的東西了(早上曾嘔吐，空肚的感覺很難頂 )。現在是 non-peak hour，應該可以入去食碗粥才返家吧！　入到去... 近四時仍有八成入座率，好野！叫了碗 皮蛋瘦肉粥...粥真的很「綿」，（很適合我等病人哦）很易入口，比「海皇」好得多。　瘦肉都幾好，皮蛋就很一般了。可是，攪勻碗粥，就發現粥不夠，皮蛋加瘦肉佔了約60%(個人喜好是約70%粥；30%料就好)，而且皮蛋不夠熱，真擔心腸胃會受不來。慢慢的食完碗粥，回家睡覺。碗粥沒被腸胃「退貨」，合格啦！

朋友介紹，就即本試下，食既時候已經覺得 d 粥味道有不正常既甜美，特別係瑤柱白粥，一入口就覺得甜得黎好唔自然，同埋其他生滾粥，食完之後都口喝到不得了。 呢到既腸粉太軟身，好難夾得起。 唯一可取既係佢地既炸腸，即叫即整，裡面既油炸鬼好脆。

以前好開心屋企附近終於有粥鋪,剛剛開個陣成日都去食,次次食皮蛋瘦真係超好味...不過而家好似唔多掂喇,爆勁味精.......好多野食都送勁多油而家都唔會去吃了

我由細到大都好憎食粥 基本上我嗅到粥既味一定會嘔...無論 鮮甜潮州粥 or 煲得好綿既白粥 我都唔會放入口自從有次腸胃炎 比同事迫食左一次之後 我就愛上左食粥 開始會去品嘗粥既真味其實我怕食粥既主要原因係討厭佢陣 "粥水" 味... 但係我入到呢間粥店 一d 舊式粥店的"粥水"都沒有 反而係好香既瑤柱味 原來佢個粥底係用瑤柱煲 所以d"粥水"味都去左我叫左個豬潤滑牛粥 (始終都是怕食白粥) 唔知點講 但我食曬成碗... 好驚訝...我竟然食緊粥...自此之後我經常食粥 (但係香港真係唔係間間都好食)白粥/皮蛋瘦肉粥/牛肉粥都食過了... 粥底正 材料新鮮 無論咩料都係好食要試...要試...要試..要試...唔試會後悔架

Often heard rave reviews over establishments serving good food and extremely unagreeable staff service. Some people ignore it, some people leave a short tip, and some people slam at their table and take off (and write about it). At this congee joint, it's all so simple. If you can't handle the attitude, don't come in. If you have an attitude before you even sit down, don't come in. And if you really want to come in and eat, you're just going to have to suck it up and go with the flow, however wa

我是這間的老食客，暫時是第二間我吃過最好的粥店，第一間已經執掉了 /.\第一次試吃牛腩麵，不過經濟慘淡，不太合我的口味，之後就只吃粥品。粥 - 基本上每一款都很好吃，重點是粥底正炸兩 - 買回家要熱吃，鼓油先叫分開，又脆又滑腸粉 - 叉燒腸粉是我的最愛，滑滑的，比得上大酒樓的腸粉我看很多人都被老闆娘兇到，其實是很多食客不守規矩，不排隊聲大夾惡，等久一點又發脾氣(好像不用時間煮的)，他們鋪面細又想幫人霸位，所以被罵是該死的，老闆娘對老人家很好，行動不便的又幫他們推門，安排好近出口的座位。他們鋪面細，我習慣買外賣的，避開繁忙時間，基本上不用排隊就買到回家，怕迫或等位的，我建議就是買外賣

今日去左行太古城，之後過左吉之岛諗住去food court食tea，點知裝修無得食。於是出番黎向鰂魚涌方向行，行行下見到呢間野，決定入去試一試。叫左一個皮蛋牛肉粥，一個鯪魚球粥皮蛋牛肉粥，一碟炸兩。盛惠四十六個大洋。先講個皮蛋牛肉粥，皮蛋無咩特別，反而牛肉佢係比滑牛，淹得好好味，滾得好滑，剛剛熟，粥底好滑好綿，一絶。(18蚊)鯪魚球粥，鯪魚夠新鮮，可以唔落胡椒粉都無問題，仲伴有生菜絲，不過不失。(18蚊)最正都係個炸兩，腸粉夠滑夠熱，油炸鬼夠脆，真係想再叫多碟。(10蚊)總括黎講，值得一試。

今日瞓到差唔多中午12:00, 爸爸剛好買粥回來.我是不食粥的人, 即使病我都拒絕食粥. 我就是不喜歡.但今日我決定勇敢嘗試. 爸爸買了3碗粥, 3碟腸粉, 油炸鬼, 炒麫碗要即刻食, 否則太久會出水. 爸爸說因為米是磨, 縮短煮的時間.腸粉都幾滑, 但我不喜歡蝦米. 炸兩是脆的.油炸鬼應該是番炸的, 脆但實.炒麫普普通通.外賣在在外面等, 不可以自己加醬, 佢哋會另外俾一包包的汁醬給你.最後.......我的豬紅粥.......變了豬潤粥. ~ M A G I C ~

開業初期的確很好食，但現在已走下坡！食完瘦肉粥都要飲大量既水，因為食完好口乾！真係好失望！我阿妹較早前食過這裡的牛腩河話好難食，食完想作嘔都勸我唔好食，我都唔係好信．．點知碗瘦肉粥真係超失望！

同枱的婆婆取出一包藥，老闆娘一見便上前問婆婆要唔要清水，好快就送來一杯熱水，重叫婆婆小心熱，真細心。炸兩好脆，次次都會叫，個豬潤肉片粥好足料，水準保持。

最鐘意食皮蛋瘦肉粥($18)，D皮蛋好好食，唔會好似平時咁有D怪味，D粥質感幾好，同埋好多料，不吝嗇。外賣腸粉會有獨立包裝的醬料，而唔係就咁jit 晒D醬落D腸粉度.服務方面，樓面非常充足，佢只有5張枱，但就有4個樓面，另加一個人專做外賣,故反應都幾快。不過廚房就差D啦，都有5條友，但得一個負責煮粥，其它分別係腸粉，炒面，傳遞等。煮粥果個就係度狂煮，其它人就棟晒係度，因為唔係個個都要腸粉既.如果整多幾個煲有多個人煮粥就可以快D啦.我今日去時係十二點半，果時都仲有位，但到佢整好我D外賣(前後十分鐘到)，已經迫爆，要開始等位啦。總括來說，這間是一間好味的食店，不過同好多其它同類一樣，如果順路經過或者係附近住就好囉，如果山長水遠特登來就無謂啦，因為食既時間可能只得十五分鐘，一食完就要起身走人，比個位下一個。

這店，是昨晚同女友午膳之地！見多人，應該係幾好食，所以就入去！嘩，老闆好ｃｏｏｌ，做唔哂咁多客咁，有時鬧吓ｄ客叫唔好吹，但係都一樣咁旺．．我食皮旦魚片滑牛粥，女友食豬手麵，豬手麵唔知什麼味，因為我無食，但我碗粥又幾好食，粥味道好，唔會淡而無味，有點米香！配料份量夠多，牛肉同魚片都好食，特別魚片，無骨！或者，有時食飯要受吓氣先正常？？？！

to my surprise, the attitude problem i encountered before has disappeared.same lady boss, same middle-age woman, but lot more polite now. i have revisited the shop especially after the other congee restaurant in the area has closed.still many customers, still have to wait even for take away orders, but the attitude towards customers are much much nicer, and they even offer vacant seat for customers to place their coats or bags. how nice.food quality remain good. although prices raised, still wor