金山海鮮酒家 (已結業)

一家人同母親慶生日，揀左呢間星期日六點九到，等到七點入得! 都幾快叫左鼓椒炒蜆 - 算唔錯，冇沙，中 size，幾好肉，不過冇乜鑊氣咕嚕肉 - 超正! d 咕嚕肉炒得好掂，咬口脆脆地，10 分! 沙薑雞腳 - 幾入味，呀媽最中意食 雜菜煲 - 都 ok，夠熱，不過咸左 d 蝦醬通菜牛肉 - 除左 d 蝦醬真係好咸之外，真係掂 蒸魚 - 呀媽出去揀，所以唔知乜魚黎 值得一讚既係好招呼! 呢個類型既酒家仔有咁好招呼真係好少有雖然迫少少，但係都食得幾 enjoy !會再返黎!

今日收工後好肚餓,想有一種"一定好食"和"一定好飽"既感覺,最後揀左金山酒樓,一去到剛剛有位,我地坐11號枱,對正廚房門口,多人行嚟行去之外,仲好嘈,係d鑊氣聲好嘈,我又9唔9望下廚房出d咩餸菜,邊個餸最多人叫,嘩.............lee樣好味,果樣又唔錯,睇到我都眼花埋.我地叫左蝦醬炒通菜 勁夠鑊氣(唔怪之得咁嘈),蝦醬真係好香,通菜炒到啱啱好,好爽脆咕嚕肉 酸度適中,d肉係半肥瘦,咬落去仲食到卜卜脆既感覺,實在難得鼓椒炒蜆 個汁好味,d蜆大隻,又無沙沙薑雞腳 好入沙薑味,又唔太咸,食得出係新鮮雞腳一碗白粥+一碗白飯+一支汽水 =$240d伙計好有禮貌,做野快手快腳,老公行出門口時,明明夠位出有多,個伙計都拉開另一邊門比佢出去,夠細心,值得一讚,金山老闆有一班咁好既伙計真難得

前日陪家人去附近看醫生...之後就來了吃晚飯..朋友介紹了那個小棠菜鍋貼...(類似咁o既名)...起初我以為係d餃子，點知碟野原來係一餅野....都幾得意，裡面有小棠菜，有蝦，有蝦膠....另外...想吃菜，就叫了蝦醬魷魚炒通....唔夠味...但好多魷魚...仲有其他吃過....忘記了...下次再來時....我要食瀨尿蝦....佢地睇呢都幾大隻幾好味....呢到真係好懷舊...伙記都係...haha

龜爸爸點名要來金山吃生日飯啤龜六時便來等位估不到地下已滿座，要上三樓啤龜先叫沙薑雞腳醫肚雞腳大大隻而且入味開胃首選龜家人陸續抵達７個人點了：鼓椒炒蟶子（例牌）：個人認為不夠鑊氣，幸有肥美蟶子質感搭夠雜菜煲：白色濃湯非常滋味，配上不同款式的菜及粉絲，是比較令人難忘的一個煲鹽水煮蜆：蜆肉肥美，份量頗多，更有絲絲炸菜可供撈飯，湯偏咸雲英雞：金山的雞很滑，肉質鮮美，必吃！砵酒煮鱔：鱔同樣肥美，面層的沒多大酒味，到後來吃底層才可嚐到炸蠔：炸得好好椒鹽瀨尿中蝦：好多香蒜，好入味，啤說瀨尿蝦比之前細隻了，仍然非常好吃及厚肉炸大腸：上次已經吃過，爸爸點菜後突然追加，想必是愛它炸得鬆脆吧，我愛吃墊底的菠籮姨甥上述統統都不愛吃她想吃粟米班塊，侍應說這道菜要用鮮魚做，八元一兩，被嚇窒了，不敢叫轉戰燒乳鴨幸見她吃得滿足我們才放下心頭大石贈送的綠豆沙的確好吃爸爸兩次都讚埋單$846,抵到爛！捧著肚子離去．．．一路行去旺角一路被啤怪我害她吃這麼多食得是福嘛～

依排天氣唔多好，間中整場驟雨，仲要勁大嗰隻，次次都打波先哩落雨，好無癮！遇啱有老友生日，一於慶祝慶祝食番餐，消消悶氣，既然消悶氣，就搵間好食D嘅，有人氣嘅，就金山啦，一於食豪少少咁話！一行五人，揀咗上棲位，（金山除地鋪，二、三樓都有鋪位），貪佢稍為靜局D，不過，一到8:00pm旺場時間，都係變番嘈嘈閉架喇。五個人，六個餸，夠晒啦！為顧及各人偏好，又唔可以叫晒海鮮，咁就先嚟個小食食住先，沙薑雞腳，可惜我哋唔好酒，如果唔係送住啤酒「lun」雞腳，幾爽呀！一路食住個雞腳，一路諗叫乜！諗掂！肉類，叫咗個雲英雞（又係雞，有老友真係好鐘意食雞）同黑椒牛柳粒。個雞夠嫩又夠味，果然雲英未嫁，不過老實咁講，又嫩又滑嘅雞好多地方都食到，依度嘅又未至於「氹」一聲好特別！而個牛柳粒好軟腍，但又唔似用梳打「嗱」到鬆晒咁，食落無渣，惹味夠鑊氣。蔬菜類，勝瓜浸煮貴妃蚌，無咩意見，OK囉！輪到海鮮類，椒鹽瀨尿中蝦同豉椒炒蟶子皇！前者真係幾正，蝦身好大隻吓，啖啖肉，椒鹽爆炒非常入味，又無過鹹，夠香口；相反，個蟶子皇其實都唔錯，但稍為失色少少，豉椒都惹味但唔及椒鹽咁搶，而蟶子皇無咁有肉地，又唔算好爽身，感覺差少少。飯後送

每次來到金山食晚飯, 感覺都是一樣的喔... 無論伙計的招呼或是食物質素, 都是一樣...伙計需雖不是很有禮貌, 但至少做事快手醒目, 他們見到我們食蟹還未等我們叫, 他們已急急地幫我們拿夾了...還有差不多食到了一半, 已經拿了熱水給我們洗手....食物仍然是好好味...我們只有兩個人加上不是太肚餓的關係, 故此只點了三個餸, 通菜炒牛肉 - 通菜好爽, 牛肉夠林彊蔥炒蟹 - 好入味, 好好肉西檸雞 - D雞好脆埋單兩個人用了三百多元, 其實最貴都只是碟蟹而已...有機會會再來喔...

日前三人約到金山聚舊晚飯，叫了五個餸：1.招牌雲英雞($80)-----雞肉好嫩、好滑、好食。2.窩貼小棠菜($50)-----外面香脆，餡內蝦肉很爽。3.瑤柱琵琶豆腐($55)-----瑤柱很多，豆腐軟滑。4.西芹炒新鮮斑片(時價$128)-----斑片很新鮮，好味。5.沙薑鮮雞脚($35)-----夠淋同好好食。五個餸全都被清碟，表示三個人非常欣賞今餐之餸菜。

椒鹽賴尿蝦燒乳鴿豉油鵝腸蝦多士雞腳砵酒焗蠔砵酒焗鱔沙拉骨清蒸鮑魚様樣好食,椒鹽賴尿蝦係必食, 鮑魚大隻, 豉油鵝腸非常入味,砵酒焗鱔比焗蠔更好味,蝦多士油咗少少但都好好味,沙拉骨夠開胃.不過攞位要請早,經常滿坐,起碼等30-45分鐘

豉椒炒聖子皇--好鮮甜，必食蒜蓉粉絲蒸扇貝--新鮮好味白烚東風螺--新鮮好味，必食椒鹽瀨尿蝦--新鮮好味砵酒焗蠔--正沙拉骨--正，必食椒鹽豆腐--正沙薑雞腳--正，必食松子鱔粒--普通冇誇張，樣樣都好正~

和一班朋友去金山吃晚飯。因為無訂位，所以要等，差不多等上一個小時。守門口的是一個記性很好又有禮貌的伙計，他不用派籌的，但會記得誰先誰後，邊個要幾多個位。有位了，另一位伙計問我地飲唔飲啤酒，我說好丫，他卻不問我要甚麼牌子，便開了一枝青島來，斟完一枝後，也不問再要不要，便繼續拿另一枝來，好像知道我想甚麼似的。當食到尾聲時，他便不再自動供應。難道他真是看得這麼通？食物方面，味道不錯。朋友叫了砵仔焗魚腸，我不懂分辨好不好吃，朋友說做得不錯。我就喜歡吃釀青椒、釀茄子。至於椒鹽賴尿蝦，我就覺得幾好味，但朋友就說西貢的較好吃。一般有很多客人輪候的食肆都會有催客的現象，金山也是。

和朋友3人黎dinner, 7點鐘人已經很多幸好早到左少少, 等左唔夠10分鐘就有位其中一位朋友有點肚痛, 要食清d, 所以原本想試的煎炸野都無食到缽酒焗鱔球: 用錫紙包住上, 都有十多舊, 味道好正菜膽雞: 幾香, 雞肉幾滑粉絲雜菜煲: 很一般, 沒什麼特別最後上的紅豆沙... 不吃也罷

唔知去邊食飯,上開飯找食的地方,找到金山海鮮酒家,門口一般老店.雲英雞先叫半隻一食好香又有黃油,再加半隻有D失望又唔係太差但都好味缽酒焗蠔太大隻細少少會好D椒鹽九吐魚外脆內軟蒜蓉豆苗唔得其他可以唔講,各人感覺你地叫我Check單都唔知點無寫叫什麼泰文加錢點Check,大約就算10個人

早兩日book左8:00枱，昨晚早左15分鐘到，只等多10分鐘就有位。食物味道ok，又幾低食，大部分的待應都有禮貌，又無趕客。所以整體都有70分。椒鹽瀨尿蝦- 新鮮! 味道一般沙拉骨- 味道唔錯缽酒竹筒蠔- 最好味係佢，不過食第二隻唔新鮮雲英雞- 味道一般金銀蛋豆苗- 無感覺

原先剩係想食小菜, 最後都係忍唔住, 叫左海鮮:豉椒炒蜆: 好大隻蜆, 好好味椒鹽椒尿蝦: 好香好好食, 拍得住鯉魚門脆炸大腸: 好食到停唔到口, 又香又脆, 配埋菠蘿一流~酥炸小棠菜: 呢個酥炸等如酥炸生蠔個皮, 深得我心, 食落既口感似炸雲吞, 炸完都仲食到小棠菜味, 勁~沙拉骨: 個醬汁酸甜適中, 配上沙律醬仲好食~另外再一人一枝懷舊樽裝汽水~埋單先係375, 話晒都算有海鮮丫, 算很抵食~

在Kubrick出走到此,兩個人吃什麼好?咖喱嫌辣,吃粥麵嫌單調,於是,又想起佐敦區的老店金山...很少兩個人上酒家叫"送"食飯,不過金山的菜式碟頭不算大,就算兩個人也能吃多幾味.為求穩陣,點回上次同麵包兄等人吃過的菜式.其缽仔魚腸,缽酒焗蠔,水準依舊,前者焗得香脆,充滿蛋香同魚腸的甘香味道,後者充滿酒香,亦不搶去肥美生蠔本身的鮮味.懷舊菜式之中,蝦子柚皮為其中一味最愛的菜式,濃凋的醬汁,同鬆化的柚皮是永恆的配搭.金山的柚皮做得很鬆化,味道不帶點苦澀,其醬汁扣得入味.是其中一間做柚皮有水準的食店.整多一味海鮮吧,蒜茸蒸開邊蝦,肉質鮮甜彈牙.炒多一碟乾身的豉油皇炒麵,大家終於叫停.甚麼叫得天獨厚?暴飲暴食,也得保持纖瘦身型,實在惹人艷羨.當然不是自己讚自己,而是說吃極仍舊保持腰圍24吋的友人而已.