金寶 (已結業)

越多出街食，覺得越難揀o野食。所以去Food Court都好，一次過有多種唔同o既種類揀下...賣相唔錯，所以就揀咗呢度o既三寶飯套餐、海南雞飯套餐、油菜。套餐跟湯同茶，加$3可以轉罐裝汽水，即刻轉喇，仲諗？！三寶飯有扎肉、豬扒同雞翼，扎肉同預期一樣：普通冇特別，豬扒味道唔錯，最好味係雞翼，又香脆又夠味。海南雞飯有啲失望，味飯其實幾好味，好乾身。但啲雞就冇嚟味道，靠晒啲醬汁。油菜真係好油，“令立立”！！

我最近食野都係跟openrice的資料周圍食, 好似貢茶, zoe, 石磨坊等等都有我的足跡, 今次去最近都上左榜的金寶食餐廳在朗豪坊foodcourt入面, 買飛然後等, 買左炸蝦塊同香茅豬扒撈檬!豬柳切到一條條, 食得方便, 無骨, 啖啖都係肉, 味道好豐富, 甜, 咸同香茅的味道齊全, 撈檬有芽菜, 花生碎, 紅蘿蔔絲, 用酸甜辣的醬汁撈黎食, 好開胃, 天氣又開始熱, 食撈檬都幾合胃口炸蝦塊味道都唔錯, 全件都係蝦交, 彈牙美味!

心思思想試試這間多人評價的食店傳單上最吸引我同女友的是用竹蓆墊住的蒸粉包同生牛肉粉, 蒸粉包兩件賣$18, 生牛肉粉普通裝就賣$28一碗生牛肉粉有五塊生牛肉, 有兩塊特別紅, 味道都比較好, 另外三塊就無咁好, 比較熟, 所以肉質無咁嫩滑; 湯好夠味, 不過偏甜左, 但係git d 青檸食味道就好返d蒸粉包面頭有塊扎肉, 仲有蔥油同炸蒜片喺面, 點個魚露食都好正!覺得佢味道幾好, 但缺點係選擇唔多, 下次都可以再嚟嘅

Today I tried the Hainan Chicken Rice at CAMBO, I found the taste quite satisfactory!The lunch cost me $43, including a can of Lemon Tea, the chicken taste a bit plain, but the rice is full of soy sauce favour, I like the taste of rice but I think the rice is too soft!the sauce for the chicken is tasty but a bit spicy! On a whole, the chicken rice is quite good and I would recommend ppl to try!

又到朗豪坊食, 諗起上榜十大的金寶, 今次同朋友買嚟試我食0既係咖喱雞翼飯加雀巢檸檬茶加生菜一碟, 朋友食0既就係一碗香茅豬柳撈檬同辣鳳爪, 佢都幾拆得 咖喱雞翼飯應該係泰式的青咖喱汁做, 不明白點解越南餐有泰國0野食, 但係味道幾好, 雞翼係醃過糖, 豉油, 香茅跟住炸成, 仲切開兩件方便食用, 幾香口, 醃得唔錯, 不過就未能同咖喱汁融入, 反而有點似食緊咖喱汁同香茅雞翼兩樣0野, 好彩都好好味, 撈飯食更加可口試左一件香茅豬柳, 味道同我件雞翼一樣, 應該係同一款醃法, 不過佢話撈檬的酸汁好好味, 所以碗撈檬都幾好食鳳爪勁辣, 食完要買礦泉水飲先可以止辣, 間餐廳味道算唔錯, 可以再試了

老公同我都幾鍾意食越南餐, 中午約埋去試菜嗌o左生牛粉, 蒸粉包同三寶飯食, 生牛粉係 SMALL SIZE, 一碗 $28, 加埋汽水 $3, 湯好味, 不過咸o左少少, 香葉都比足, 有金不換就ok粉包都唔錯, 皮薄, 餡炒得幾香, 個汁幾好味三寶飯有豬扒, 雞翼同扎肉, 味道唔錯, 不過四十蚊一碟好似貴少少, 可以平 $5 就好, hehe

如果係牛痴, 碗特級火車頭都唔會令你失望得去邊六十九蚊碗的火車頭, 其實係一碗巨型的什會粉, 有肥牛, 牛腩, 牛丸, 牛百葉, 仲有兩件豬手同扎肉, 碗粉擺在我面前都覺得有點誇, 隔離枱都望左我碗粉幾眼湯有強烈的洋蔥味, 好甜! 生的肥牛浸過熱的牛肉湯底, 半熟的牛肉放入口中, 好正! 買湯粉會跟熱茶一杯, 如果跟汽水感覺會更抵

在十大多好評的榜上發現金寶越南牛肉粉的名字, 今天就去試餐牌寫的是"正宗"生牛肉粉, 正宗的, 想是越南的味道, 一於見識見識 生牛肉都幾多, 有六大塊, 好味! 湯幾鮮甜, 仲有好多洋蔥, 蔥粒, 所謂的正宗, 可能係指附送的芽菜, 香葉, 不理三七廿一全倒進湯粉入面, 再擠青檸汁, 又有另一番風味味道不錯, 夠大碗, 可以一試, openrice今次算無介紹錯

表姐從金寶越南粉買來了一碗特別粉同一碟炸春卷share食特別粉有牛丸,牛腩同牛柏葉做餸, 湯的味道很濃, 似乎是用了很多牛骨煲成, 用料都很精彩, 見到面頭有很多生洋蔥, 蔥粒等配料, 可能因為落左好多洋蔥, 湯的味道有很重的洋蔥味, 加上濃厚的湯底, 組成很好的味道牛丸有肉汁的, 很美味, 牛腩就唔係好夠味, 不過應該係煲了很耐, 很淋, 碗湯粉有幾好的水準炸春卷很細條, 餡唔係好多, 不過個酸汁好好味, 我用了來點牛腩食, 好開胃兩間美食廣場的食店都幾好食, 有點喜出望外

I've seen some comment about they provided lemon n some special leaves(i dun kno wot it called) with Vietnanese beef hofun, but it is essential for this dish! its not additional bonus or sth like dat!the taste s far away to da original flavour of vietnanese hofun... I ve been to da real viet restarant , da taste dat the Cambo made r totoally untolerate!

行mk, 和豬豬女友決定食越南餐, 但今期要慳d 錢呀, 來food court 算啦.當然, 都唔代表冇好野食的, 今次再訪金寶越南牛肉粉啦.6點都不算多人, 唔洗等, 都有位. 2人叫了基本的生牛河, 一炸蝦餅, 及春卷扎肉檬.約5分鐘有得食.生牛河今次d湯好像淡左d, 味仍ok.牛肉好靚, 好食.河滑. 正.炸蝦餅得3舊, 味道好, 但略嫌貴呢...春卷扎肉檬係d春卷少許淋左, 其他的水準保持.兩人食99蚊, 係個炸蝦唔抵食.

咁多食家都話佢個生牛肉河好，今日一試，完全無令我失望。湯底正，清甜，睇得出放左好多心機落去整，而且飲左好多都唔覺口渴，口乾，絕非味精之流。牛肉亦夠鮮味。只係稍嫌份量較少，已經係叫大碗，但河粉好少，男仕未必夠飽。另外，油也比較多。

今日假期, 中午到朗豪坊食飯, 專登嚟金寶食, 因為openrice推介呢間餐廳買了一客海南雞飯食, 標榜泰式的, 飯是深啡的, 有好重雞粉的味, 雞肉有七件, 各部位都有, 叫佢俾全胸我, 但佢話盡量多一喲, 結果有兩件翼位一件脾位, 點解唔可以俾我要全胸, 最多加錢je!味道ok, 例湯一般, 其實個飯同雞肉都唔係差, 只不過我覺得做生意可以彈性多點會更滿足到客人, 好似我有兩件雞無食到, 我都唔介意加錢, 今次特登上嚟寫感受, 等有關方面留意, 唔係好食都變唔好, 推介都無用

三點幾有下午茶食, 廿五蚊一碗海南雞湯河加七蚊有杯紅豆冰飲海南雞係另外用個碟上, 有六件左右啦, 雞肉都幾滑, 但係我覺得如果啲雞有多啲味, 咸啲會更好食! 反而湯底幾甜, 有點薑味同埋雞味幾重, 比雞件更多雞味, 哈, 唔通雞味落哂湯度? 點會呀... 唔會用啲雞肉煲湯掛, 但係個湯底真係好好味, 特別係加左香葉落去一齊食紅豆冰就唔係好夠甜, 不過椰汁味幾重, 都ok好飲, 下午茶嚟食都係一個唔錯既選擇啦

根據openrice的推介, 同老婆去左金寶牛肉粉食o野之前已經做過功課, 一心想食火車頭同海南雞飯, 海南雞飯係老婆o既心頭愛, 唔食唔得~金寶做o既海南雞飯無o甘多油, 飯係啡色的, 好似用生抽煮出o黎o甘o既樣, 不過幾好味, 味道有少少似雞粉o甘, 雞肉有雞味, 不過唔咸, 點雞的醬汁係酸酸地辣辣地咁, 我都係鍾意點豉油食, 最好係甜豉油, 不過佢無 唯有就o甘食, 老婆就讚不絕口終於輪到我o既火車頭, 六十九蚊, 有所期待, 果然同以前o係吉之島食o個碗巨型珍寶拉麵一樣大碗, 放在底係河粉, 餸包括牛丸, 牛筋, 牛腩, 豬手, 扎肉, 肥牛同芽菜, 雖然係o甘, 我一個人都食得哂 因為勁餓~湯底好鮮甜, 充滿牛肉味, 可能用生牛肉浸過湯, o個個位o既牛肉味係最濃, 牛腩唔算林, 但係幾有咬頭, 豬手無咩味, 但係林, 仲有一包仔香葉同檸檬跟埋俾我自己加落火車頭度, 幾體貼唔知係唔係因為我碗火車頭賣相吸引, 坐隔離o個一男一女見到我食都去買左碗, 張六人枱有兩碗火車頭擺o係度, 幾狀觀openrice今次推介的餐廳, 無介紹錯播~