金寶 (已結業)

落雨關係,今日下晝都龜縮在朗豪坊午餐到了美食廣場食越南粉, 同老公兩個人買左碗火車頭同一碟三寶飯食, 分別係六十九同四十蚊, 午飯時間加上落雨, 好多人, 而且好多人都係幫襯呢間, 始終午餐都係食碗湯粉既人居多碗火車頭有肥牛, 扎肉, 牛腩, 牛丸, 牛筋, 豬手, 係一個大什會, 以為唔大碗, 點知... 兩個人食就差唔多, 仲有河粉墊底.. 湯味鮮甜, 鍾意有種洋蔥味, 配合牛肉湯非常好老公個三寶飯有雞翼, 扎肉同香茅豬扒, 雞翼同豬扒味道相似, 有些香茅味, 點越式魚露食唔錯金寶已經食過幾次, 始終呢個招牌都有一定質素

放工之後,去朗豪坊的金寶食晚餐, 再到此店的原因, 是因為開飯網頁的推介我買了一份豬柳撈檬食, 而同事選擇了海南雞飯, 喜歡這裡的炸豬柳, 入口鬆化, 豬肉的份量不少, 但一個人來一定不會叫這個, 因為吃那麼多豬柳, 好味都變唔好, 所以兩個人來的時候才叫, 可以跟對方交換餸來吃嘛豬柳撈檬值得推介的是因為佢個醬汁真的很出色, 檸檬的酸味很開胃, 甜跟微辣的味道配合得相當好, 吃的時候見跟我們搭枱的食客買了一客春卷, 再把這魚露加進從吉野家買回來的牛肉飯來吃, 可見他們對此醬汁的欣賞程度不錯, 醬汁係此店致勝之道, 同事的海南雞飯我之前已經吃過, 所以當他稱讚點雞肉的醬汁時我都不覺得奇怪, 雞肉比上次來吃的時候都嫩滑了, 只是我依然喜歡雞肉味多些的雞肉, 對白切雞不大偏愛比較遜色都係個例湯, 有幾根菜乾, 但缺乏了一些骨味, 如果這個環節都做得好, 便無懈可擊了!

三點半約0左個客傾保單, 都見有0的肚餓, 個客又未見人, 先買碗粉食再算!0係0呢種地方, 之前唔會覺得會好好食, 不過今次都算有個意外驚喜, 碗生牛肉河確實係水準之作! 牛肉係用肥牛, 平0野只會係一撻撻肥膏咁但係呢間0既牛肉就靚得多, 鮮紅色令我覺得唔會差得去邊, 有0的地方係啡黑色的, 嚇人話佢唔係普通野係因為個湯, 有濃濃牛味, 而且唔似係普通家樂牌牛精, 而係有用牛骨, 我0甘講因為見湯入面有黑色0既點點, 係煲湯時骨髓0既碎, 阿媽教我如果見呢種物質, 都唔係差0野 仲有隨粉付送香葉 + 青檸一包, 夠誠意, 加埋落去食都幾特別, 廿幾蚊一碗粉0係美食廣場有得食, 間舖都唔會唔旺

今日喺公司開openrice見版主推介此店, 夜晚便約我個best friend落去朗豪坊食, 果然無介紹錯呢我今次食0左一碗雞絲扎肉湯河, 加三蚊買埋最愛的coke zero, 覺得碗粉幾好食, 湯底清甜, 有一包香葉同一件青檸供我放進湯粉之中, 河粉好滑而且比較薄, 可能湯夠味, 河粉都可以索到湯嘅味, 十分可口美食廣場嚟講, 係超水準呢

上次食過呢間牛肉粉店既雞絲扎肉粉, 覺得好食, 所以今日再嚟食, 不過因為見餐牌有個叫蒸粉包既小食好似好好味, 於是買左一個蒸粉包tea set食粉包既皮好薄, 餡有豬肉碎同雲耳, 味道真係好好 仲有個醬汁係酸酸甜甜既越式魚露, 好開胃, 十八蚊一份, 加多七蚊買埋杯三色冰, good!湯粉好食, 小食都得, 已經成為一間我常去既食店了

星期日趕住返屋企，所以五點幾就去了朗豪坊食的FOOD COURT晚飯，最後揀了這間。由於要快，所以只叫了兩個SET和一個杧果糯米飯。海南雞套餐有：海南雞飯 – 雞夠瘦，而且肉滑，但未有起骨，雞皮有點乾身，影響賣相。飯身則夠乾而且不太油，味道有少少鹹，兩者份量也足。菜湯 – 應該是白菜湯，有點奇怪！味道偏鹹，不太可取。炸雞翼(加錢) – 夠熱夠脆又香口，但頗油，味道則合宜。罐裝汽水(加錢)越南生牛肉粉套餐有：生牛肉湯河粉 – 要了碗大的，份量也足，半生熟牛肉幾滑，粉的質素一般，湯味幾濃。我最喜歡她跟粉有一包芽菜、一小枝金不換葉和一小件青檸，另外由食客加到湯粉中，算是有點兒玩味，而且包內的各樣配菜都非常新鮮，令整個湯粉又爽口又清香，也將牛肉比下去。越南春卷(加錢) – 頗油，味道普通，不香脆。罐裝汽水(加錢)杧果糯米飯：很細碟，我當然即時向亞姐反映，但她卻說在九龍城買30元，不知是誰不得要領呢！？好彩，杧果夠熟夠甜，椰漿也落得夠，黑白糯米飯都煮到一粒粒的，夠乾身。四樣食物互相配合，非常協調，味道和質地(TEXTURE)都是高水準。但真是細碟了一點。

因為廣告寫住最低一折, 十一點就俾阿媽摷醒話去朗豪坊行街買野, 仲諗住可以放假訓晏覺去到先知, 減價十號先開始, 阿媽就行b2... 我就喺四樓打xbox, 三點鐘行到攰, 去美食廣場坐, 仲一人食一個下午茶! 我食蔗蝦加青檸梳, 阿媽就食炸蝦餅!我件珍寶蔗蝦要廿蚊一條, 不過都有差唔多八吋長, 包住條蔗既蝦肉好爽, 好甜! 幾好味! 阿媽食既炸蝦餅味道有點似我既蔗蝦, 都係好爽彈牙, 麵包糠都幾香脆, 媽子講係食得出用鮮蝦肉做, 我就唔係好知係唔係.. 不過蝦肉都幾甜!蝦餅十八蚊有三件, 我另外加七蚊買左杯青檸梳, 廿幾蚊食得都算唔錯!

尋晚上去食碗粉別粉, 味道唔差, 不過唔知係唔係等太耐先攞, 唔夠熱...三十二元一碗, 有兩粒牛丸, 腩同柏葉, 湯好甜, 味道幾濃, 飲得出係落好多牛骨去煲, 河粉幾滑, 溝埋芽菜食唔錯啦!不過因為唔夠熱, 所以影響左口感, 好彩唔係叫生牛粉, 如果唔係唔熟唔知點算了..

今日下晝同妹妹去西無買化妝品, 慶祝佢既生日, 買完之後, 上左foodcourt食下午茶, 禮尚往來, 今次由妹妹請咁多間舖揀, 揀左金寶食, 妹妹同我share一碗海南雞湯粉, 廿五蚊, 份量都唔少, 雞肉係分開碟上, 感覺上會好啲, 六件件件都幾大件 湯粉真係好好食, 湯有一股甜味, 好似係冰糖, 仲有香葉青檸調味, 味覺好豐富 廿五蚊碗粉都算幾有誠意點雞既醬汁先係想推薦既野, 酸酸辣辣好開胃 喺foodcourt食到一碗幾好食既湯粉, 有點喜出望外呢

朗豪坊開左間幾好食既越南粉店,叫金寶越南牛肉粉,唔知點解招牌見唔到"小食店"呢三個字,但應該係呢間買了一碗生牛肉粉食,廿八蚊,水準拍得住之前喺太古大食代味佳居食嗰碗,可能個湯底仲好味少少因為湯既牛肉味重過味佳居,(不過味佳居上次去食好似係廿六蚊碗,平兩蚊), 但係我就覺得多左兩蚊但係好食少少生牛肉份量都唔少,加三蚊飲埋罐雀檸,好!

最近再去越南牛肉粉食,裝修唔同左...最大分別係湯粉有普通碗裝,廿幾蚊都有得食,一改之前一碗粉三十幾四十蚊既形象..例如生牛粉只係廿八蚊一碗..不過我都係食海南雞飯,因為之前食過好好食,雞肉比半年前嚟食既時候好食好多,再推介係因為多左好多優惠,例如加十二蚊有兩大隻香茅雞翼,超抵!

今晚帶仔仔到ｆｏｏｄｃｏｕｒｔ食野，因為見到有人喺度介紹，所以特登嚟試試食既係一碗雞絲扎肉粉，餐牌上面寫住有普通同大碗揀，因為同仔仔兩份食，所以要左碗大碗啦，另外加左一罐三蚊可樂同十二蚊既炸春卷，不過我對個湯粉真係幾深刻因為除左河粉真係好滑之外，個湯底真係好好味，（可以睇張相，係雞味十足既湯），味道好豐富，有少少甜同香葉味，我同仔仔都食得好開心大家可以試試

在朗豪坊美食廣場食野見到廿八蚊一碗生牛肉粉，相好靚，不過我揀左個特別粉食，$32!個湯底．．．好味到不得了，清甜，碗粉食完湯都差唔多飲哂，唔信自己買碗試，牛腩可以再淋ｄ就ｐｅｒｆｅｃｔ！服務一般，店員木無表情

美食廣場今日唔算好多人,唔使等位見越南牛肉粉的燈箱亮著幾碗看似幾好味既湯粉,廿多蚊,想食雞絲扎肉粉廿六蚊碗,怕會好細碗唔夠,原來都幾大碗河粉好滑,有點喜出望外,因為美食廣場通常食物質素一般...扎肉有三塊,加上不少的雞絲,好食另外加左十蚊要多杯龍眼冰,好味,潤一潤腸胃,完美了!

搵食搵到上朗豪坊喺美食廣場行逛,行到金寶門口,個女店員俾左張傳單我,見一碗生牛粉賣廿八蚊,名字仲標榜"正宗"二字,於是買碗嚟食之前已經幫襯過,今次再食,覺得湯比之前甜左,牛肉味濃既湯無之前咁咸,入口比較容易,另外送上一包香葉自己加在湯粉入面,又幾有越南風味,廿八蚊一碗比之前食過既大碗裝細碗左少少,不過啱啱夠我食,另外加左十蚊跟餐飲左杯三色冰,味道都唔錯!以美食廣場既標準,係上佳既一間食店!