金寶 (已結業)

我都好鍾意食好食o既野, 最近先知原來開飯網係最多人看的飲食網, 自己原來都幾out, 之前只會看magazine第一篇食平係金寶牛肉粉, 皆因我一上呢度就見板主推介此店, 所以去食 去到先知原來係朗豪坊裡面個foodcourt, 唔係餐廳, 不過無所謂, 坐位都幾闊, 只要唔迫就可以了簡了一碗香茅豬柳湯河 ( $36) 同牙車快 ($35) 黎食, 實物賣相唔會比相差, 先食一件豬柳, 入口幾鬆化, 豬柳炸到啡色, 好在都唔會燶, 仲有香茅的味道, 我都幾欣賞! 湯的配料好精彩, 有好多洋蔥, 芽菜, 蔥, 蒜蓉. 仲唔夠? 另上一包有金不換, 青檸同一種不知名香葉的配料以供食用, 湯有香甜雞味, openrice 又真係無介紹錯!牙車快係生梆菜絲, 雞絲, 花生碎, 金不換, 薄荷葉做成的沙律 ( 餐牌有介紹), 撈酸, 甜, 辣, 咸俱備的越式魚露食, 味道幾好, 不過覺得生食的椰菜好像有臭青味, 個人唔係完全接受, 但個汁實在醒胃!第一個印象, 係一間幾有水準的餐廳, 增加對這個網頁的信心

見０甘多人讚，今日下晝去買０左碗大蝦扎肉撈檬食，有以下感想１．價錢唔平，４０蚊一碗，有杯熱茶送，不過可以３蚊要汽水一罐，算有番０的良心２．味道主要係依靠個酸甜越南魚露，不過又真係幾惹味３．食到底部有好多香葉碎，味道古怪，下次如果要再食要走先掂如果價錢係廿幾蚊，我會成日０黎幫襯，寧願細碗０的，４０蚊ｗｏｒ，而家唔易搵錢了

趁住今日係週末, 撇低屋企人同老友出街食, 中午係食朗豪坊foodcourt的金寶!今次上嚟出左新款, 豬頸肉紅飯同牛柳紅飯, $42一個豬頸肉紅飯, 仲有埋汽水送, 價錢都幾吸引, 買左一份食! 套餐包括有豬頸肉同紅飯之外, 有薯仔片, 蕃茄粒, 沙律一碗, 湯同汽水一罐 (揀左zero), 豬頸肉味道好香, 加上有些甜味, 都唔錯, 紅飯係茄汁味的飯, 熱辣辣不過唔似係炒, 似係煲多啲; 個沙律撈越式魚露食幾開胃加$6仲要埋一碟灼生菜, $50唔使食到好飽又好食!

我今日同朋友去ｏ左食朗豪坊上便間金寶，今次係我第一次去幫襯，ｏ係旺角做ｏ左三年ｏ野都無食過，因為比較少行過ｏ黎呢便，朋友上網見開飯網頁最近推薦，於是帶我過ｏ黎食一見到豬頸肉，就唔林其他ｏ野ｌｕ，因為我好鍾意食豬頸肉，仲要係燒ｏ個隻ｗｏｒ除ｏ左買碗豬頸肉撈檬之外，仲加多一碟叫牙車快的沙律，其實係椰菜絲雞絲沙律，牙車快可能係越南文掛先講個豬頸肉撈檬啦，豬頸肉都好多塊，而且仲幾大塊，倒埋酸汁食好惹味，呢間整出ｏ黎個豬頸肉醃得好夠味，都唔使點泰式紅醬已經好好味，點埋已經甜過頭豬頸肉的味道比去ｂｂｑ燒蜜糖雞翼的味道更正，如果黑椒粒再多一ｏ的會更美味啦個沙律ｏｋ啦，都係食個酸汁，個酸汁好食ｏ羊都好食ｌｕ

很久沒有到朗豪坊的金寶, 湊巧到pure報名做fitness, 也就順道吃一碗牛肉粉去到櫃台, 把自己的主意改變了, 原來推出了越式紅飯, 見價錢不貴, 一份牛柳粒紅飯只賣四十六塊, 還包括了汽水, 就抱住一試的心態去吃這碟紅飯都幾吸引, 有用胡椒炒過的牛柳粒之餘, 還有茄汁飯, 蕃茄, 薯仔, 青木瓜絲沙拉, 菜干湯, 汽水, 紅飯用茄汁炒過, 有些少牛油味, 甜酸的味道, 都算開胃, 牛柳粒係經過醃製之後才煎熟, 不會太靭, 兩個主角都算對辦了蕃茄粒係新鮮蕃茄, 沒有任何加工, 就當配菜, 薯仔都係無加調味的, 個人認為應該可以加些鹽花才不至太清淡, 而家只係普通炸薯仔, 例湯就真係一般, 只係菜乾滾一滾, 想要豬骨等味就完全欠奉..但很欣賞個迷你沙律, counter的少女店員介紹把碟中間的魚露溝入青木瓜沙拉來吃, 有點意想不到的驚喜, 青木瓜絲本身比較靭, 有彈性, 口感特別, 溝了魚露的沙拉令吃了牛柳, 薯仔等滯肚野的我突然大開口胃, very good!怕一個飯不夠飽, 再用十二塊買碟炸春卷食, 但可能係特價, 沒有提供幾片生菜及香葉, 有點可惜大大碟的飯餐, 加埋罐雀檸,

今晚到foodcourt食, 去到金寶門口覺得燈箱好吸引, 於是買左個C1餐---海南雞飯食味道ok啦, 雞肉有七件, 有胸有比, 不過有兩件無mug肉飯係啡色的, 好似用雞粉煮出0黎的味道, 又好似有少少似豉油, 但又無0甘咸, 味道係ok "ge"雞的醬汁反而幾開胃, 有醋加糖加豆醬加辣椒, 豐富的味道卻又幾開胃例湯就好一般, 因為胡椒粉落得多了..一碟四十蚊, 加埋汽水就要加三蚊, 唔加就有杯熱茶, 價錢中等, 但係可以包埋汽水感覺先更抵未試過一試無妨, 試過又算不過不失吧

我本身好鍾意食越南嘢，細過個時老豆成日帶我去食，個時已經好鍾意了，可能越南多香口嘢食掛，細路一定鍾意!!!到大左，就會識去欣賞邊d越南先係好食，唔會只係食香口嘢越南生牛河就係我之後的至愛了，但食左咁多間越南河，香港好食唔係咁多，但個d我無去寫，但點解要寫呢間先呢，因為實在找唔到有咩咁好食，值咁多開心第一，個湯無咩牛肉味，比較淡第二，無咩香料提供，只有湯，牙菜，小量香料第三，河粉好普通，似香港河粉另外，間店提供的辣椒絲，唔係平時食開個隻，無咁紅，而且無咩辣味!!!!!

尋日星期日, 但係行商場的人唔多, 行到累去foodcourt 坐吓順便食一D小食啦, 便走到counter 買碟蒸粉包食了粉包的皮好薄, 面頭有層薄薄的油, 令到入口很滑, 餡料主要係炒香o左的豬肉碎同蝦米, 做得好有心思呢, foodcourt 來說款小食都係上上之作了回家上openrice 先知, 原來係一間好多人食過的名店, 點解之前無聽過呢?

我最近先開始用openrice找食店資料, 覺得都幾方便, 可以知道餐廳的特色食物, 唔使去到要為無自己鍾意食的食物而失望, 在此表揚這個網頁提供方便介紹之店金寶越南牛肉粉, 今日去品嘗過, 很多食友介紹的牛肉粉廿八蚊一碗, 自然成為今次去試的焦點, 湯底有牛骨味, 不算很濃烈的程度, 總比鹽溝味精的湯好好多, 牛肉脂肪比較少, 有點像肉片的感覺, 應該脂肪多番少少, 而且要均云的散佈才可算上佳的肥牛, 有些網友大讚牛肉一流又有點兒那個配菜有青檸, 芽菜及香葉, 唯獨是指天椒不見了, 想吃辣的怎麼辦?不過抵讚係優惠價可選購春卷, 雞翼, 甚至拉椰糕等甜品, 不愛汽水的話, 可以像我一樣要杯咸檸梳, 同樣係優惠價, 平了八個大洋!食物都可以, 唯獨是覺得好評的比例大誇張, 再俾就令人覺得佢完美了, 覺得這店可以一試, 不過不算一流的

做完gym 超級肚餓, foodcourt 搞掂金寶, 賣越南餐, 試吓先, 返到屋企上網先知原來幾出名扎肉春卷撈檬, 加$10要埋紅豆冰!撈檬個汁好食, 微辣, 有青檸的酸味, 春卷唔夠脆, 但味道ok紅豆冰甜口左小小, 紅豆爛口左小小, 但椰汁味重, 幾好飲, 不過要小甜先得可能肚餓, 食物更好味

LUNCH TIME 唔知去邊食，想起OPENRICE，打開網頁見餐廳推介金寶越南牛肉粉，由旺中行去五分鐘就到，兩個人一齊去食間餐廳除佐湯粉，都有飯類供應，但我選擇買一碗火車頭食，原因係牛類湯粉係我FAVOURITE，既然係食，就食款有齊牛腩，牛丸，牛筋，牛柏葉，肥牛嘅火車頭，揀佐檬粉底，個碗真係幾濶，不過唔係好深，餸就幾夠份量，有餸多過粉嘅感覺味道OK，牛丸麻麻地，牛柏葉好得，勁爽，牛筋唔肥，牛腩幾淋，唔黐牙，但味道爭少少，豬手兩件，反而唔錯，仲有扎肉兩塊，但就係大配角！唔落都無影響，肥牛三塊，脂肪唔算多，浸過湯之後個湯都生色不少湯底甜，但唔係完全係牛味的甜，而且加佐糖類調味，另上一包香葉，青檸，我只係吱佐青檸落碗火車頭，味道影響唔大六十九蚊一碗，都唔錯，不過如果扎肉轉埋做手切牛肉就PERFECT!加十蚊買埋杯龍眼冰，龍眼有七粒，龍眼干好好食呀，龍眼水幾好味，如果唔係有特價可能我都飲唔到（原價十八蚊杯，喺FOODCOURT唔算抵飲）老友碟三寶飯賣相都唔錯，據講味道幾好食完都攬住個肚走

另一間人氣店, 金寶, 中午去食到門口, 十幾人等緊攞餐, 都幾旺場, 好彩唔使等太耐, 唔係遲到點算買o左份燒豬頸肉撈檬食, 豬頸肉都幾多, 有十三四小塊, 燒到香噴噴, 食法係用酸汁撈埋食, 味道開胃, 加$3 有zero coke 一罐, 總共幫襯三十九, 價錢唔係特別抵, 但價錢四十之內一般啦臨場見好多人食湯粉, 下次再試

今日無聊行過朗豪坊,就上黎試下碗特別粉啦,,,我叫佐碗牛肉米線.....湯粉的湯味道有着濃厚的雞湯味, 加上份量不少的洋蔥, 芽菜, 很野味, 米線又唔會胡,咁又幾好食嘅..

很喜歡間中獨自在街上漫遊，想去哪就去哪，想逗想多久便多久，想吃什麼吃多少隨你喜歡...是夜一個人在旺角街頭漫遊...「街邊太多人與車」了，天氣又熱，便躲在朗豪坊入面，之後就想起依個地方，決定食碗豬扒撈檬。去到才發現唔係豬扒，而係豬柳...聽起來好似更吸引喎。撈檬$36，加罐汽水$3，等左一陣就去搵位食（抹枱的姐姐勁好人，見我搵唔到位同我搵）。起初以為用豬柳，會比豬扒更嫩，但食落去其實有D乾...係肥D個幾舊多少少油份好些少，很失望! 撈檬做得對辦，唔錯的，最驚喜的係有時食到的香草（是金不換嗎？），很香很好食，如果多D就好了! 說到尾，絕對唔難食，但是一碗很普通的撈檬...但又未食過佢其他野，唔敢話眾食友們講既野係錯，可能下次再漫遊旺角的時候試下吧!

之前食過一次, 覺得幾好食, 最近此店已成為了人氣食店今次再嚟, 買左碗 "特別粉" 食, 一碗三十二蚊, 三字頭的湯粉, 話貴唔貴, 話平都唔平, 要有番咁上下質素先唔會覺得比人搵笨! 第一啖湯飲落肚, 初步合格了送粉的餸有牛丸, 牛腩, 百葉, 加上大量生洋蔥, 湯底清甜, 啖啖牛味落足料處理, 幾好食, 店員仲另外提供配菜一包佐之, 有芽菜, 青檸供自己添加, 不過我就唔係太須要, 當我唔識食啦一碗湯粉, 有些店可以做到十蚊碗, 但品質就麻麻, 多花少少錢, 但可以食得好一點, 都係值得!