金寶 (已結業)

昨天晚上決定吃金寶, 只因聽聞人氣急昇隨公司兩同事三人行, 大家都向着牛肉粉的目標出發, 抵達目的地, 已被工作人員遞上傳單, 推介吃豬頸肉撈檬, 我對凍食不大感興趣, 便問個女仔有沒有豬頸肉湯粉? 收銀員搶着答有, 似乎都好緊張我們三人這單生意同事們不為所動, 各自買一碗生熟牛肉粉吃, 而我就一試豬頸肉湯粉, 豬頸肉切成十數小塊, 感覺像很抵食, 肉身已經收了水, 真的是用火烤的, 比炸的美味得多, 豬頸肉的味道比較甜, 可能加了蜜糖醃制, 好像去小欖BBQ的風味 味道十分之好湯粉的湯味道有着濃厚的雞味, 加上份量不少的洋蔥, 芽菜, 很惹味, 只不過豬頸肉不是另上, 而是直接放入湯內, 令到本身已經不少油的湯底 (因為是雞湯, 本身已經很油) 更覺混濁, 店方應該加以改善, 好讓食物更加好味生牛河的賣相不錯, 牛肉呈粉紅及淺啡色, 介乎半生熟之間, 同事用小碗忽了一小碗給我試味, 味道是不錯的, 牛肉嫩, 肥膏不算很多美食廣場的食物水準, 有如斯之高, 比得上正式的餐廳, 說服了我來給大家推介一下

同老公黎MK 整電話,,順便食下個生牛肉湯河,,睇下係咪真係咁好食,,老公話驚我食5飽,,叫左大碗俾我..1黎到,,D牛肉仲有D 紅色,,肥牛5太肥,,岩我,,第1啖食落口,,好普通JA..同平時個D有咩分別??係D牛肉冇咁鞋口LO,,不過個湯真係超多油,,NO GD,,想飲多啖都5敢,,食濟左LO,,下次5會特登食佢,,不過5算難食,,所以俾個OK LA!

今日去朗豪坊lunch, 順道去食 排名高企的金寶行到counter 頭上有六個大燈箱, 有飯, 湯粉, 撈檬, 對個特別粉興趣最大, 買返碗先 三十二塊一碗, 有杯普洱茶跟, 湯粉用上一個黑膠碗 (都幾大個口, 不過唔算好深), 同相有少少出入, 相係用磁碗踻河粉比較薄, 但唔易斷, 牛丸唔算好大粒, 牛腩就唔硬呢, 仲有根位, 不過可能已經煲得太耐, 牛味唔算濃, 反而湯底就幾多牛味, 不過覺得個湯可以再甜些少就更美味間舖生意都唔錯, 不時有人埋去買野, 店員就落力推銷, 幾有氣氛!

看見那麼多好評,來試試!!叫了碗最能代表這裏的金寶越南牛肉粉---生牛肉河.38蚊一碗!其實賣相已不好,湯底油頗多;洋葱,芽菜,芜茜,葱,河粉,生牛肉擺放得雜亂無章,付送的香葉,芽菜,青檸全放在一個袋內,硬要它們味道交叉感染,可幸红辣椒在這欠奉,否則加還是不加!!但最重要的還是味道,湯不夠清不夠甘甜,牛味不夠濃,且十分肥膩,配合埋附送交叉感染了的香葉和青檸,也提升不了一點分數;生牛肉方面,居然是二塊打邊爐用的肥牛肉,越食油越多,且肉韌咬不開,牛味是有的;但越南粉最基本的條件是不油膩,連這點也做不好或不能保持,甚能繼續做下去!!要比較比較!!!!各位下次不妨試試越棧(個人覺得好),又試試這裏,再作評論!!

對上兩次去朗豪坊foodcourt 的金寶, 都係食香茅豬柳撈檬, 更在這裡推介過給大家, 早幾日拜讀過食家小連的推介, 大讚生牛肉河好食, 於是再約朋友光顧光顧湯粉類跟撈檬不同, 份量有大碗及普通俾食客選擇, 大碗會貴十蚊, 怕份量唔夠食, 買左一碗大碗兩份 share 生牛肉肥油不多, 肉色呈微微的紅, 不過浸過熱湯之後, 都好快變啡了, 牛肉帶點爽口, 味道係唔錯的, 就如前輩所講, "半生熟灼得恰到好處", 我都有同感湯底我覺得較甜, 不過相信應該有落一些味精, 唔係牛味都唔會濃得這麼誇張, 覺得湯的味道其實一點都不單純, 因為有很多洋蔥, 蔥花等配料, 此點跟前輩的意見有點出入倒過來介紹朋友食豬柳撈檬, 意見都係讚不絕口, 搞到我都想食

越南湯粉食過幾間, 最鍾意係太古城間味佳居, 覺得嗰度個生牛粉係全港最靚今日去金寶食, 三十八蚊一碗生牛肉粉, 價錢唔低, 雖然有杯茶送, 但係接近四十蚊的價錢已經係高檔的了味道同味佳居差唔多水準, 不過味佳居個湯底甜0的, 金寶就偏咸, 兩者都有濃濃的牛骨味配菜跟到足, 加哂落湯粉度食, 因為金不換而引發的越南風味即時透出, 識食越南湯粉pho的人好似我咁會幾講究, 不過金不換份量比得唔多, 要伸手問店員再攞, 幾唔方便份量計, 金寶的牛肉粉確實比較大碗, 但我覺得每次食pho 我都只係想食細細碗就可以!兩間的味道, 差不多啦, 不過味佳居平少少, 就算細碗啲好似抵食啲

工友食評三點幾去到，無咩人大把位﹗睇一睇套餐是四至五款湯河，但都唔岩胃口﹗而我最想食既生牛肉湯河就無得揀，所以只有散叫，四十蚊碗﹗牛肉脂肪少，牛味香濃，是我吃過那麼多間越南野中牛肉最好的，半生熟灼得恰到好處，嫩中帶滑亦香，後悔最後才吃牛肉，搞到變左全熟失卻半生熟的性趣﹔河粉吃落正宗，湯底香濃，帶點點味道像椰奶香，減緊肥的我也成碗食哂湯又飲埋，真係停不了口﹗牛河配菜比較少及簡單，這反而令我可細嚼湯底及牛肉之味，十分好﹗無骨鳳爪勁辣，岩哂我脾胃，唔會就番香港人口味，嗜辣的我吃得相當過癮﹗十分之好﹗凍coffee就比較失色，茶記一定做得好過佢﹗

試左喇, 排名第三的金寶越南牛肉粉今日午餐上朗豪坊食, 個foodcourt 唔係好多人播, 好快就買到要買的牛丸湯粉, 一碗三十八蚊, 牛丸有五粒, 湯係幾濃味, 牛丸都幾好食, 仲有包香葉, 入面有芽菜, 青檸一塊同兩款香葉, 裝備都幾齊全, 型做出像正宗越南餐的感覺味道係幾好, 只係覺得一碗牛丸粉三十幾蚊好似貴一啲, 雖然比左好多配件, 但如果包埋汽水會抵啲!

返查旺角的食店資料, 見這間在foodcourt的金寶有好多人介紹, 普遍的意見都唔錯, 小妹我就同同學仔去食其實都唔係好明openrice點解推介呢間而唔係洗衣街的分店, 因為這一間分店選擇少好多, 而且仲要自己買飛之後再捧餐, 如果要食我就寧願去洗衣街分店了買o左一碗香茅豬柳撈檬食, 味道同洗衣街分店嗰邊差唔多, 不過豬柳就好似炸得比較燶同比較乾, 同學仔買o左碟三寶飯食, 雞翼比較好味之外其他都一般, 而個例湯味道無洗衣街嗰面咁好覺得要去食, 我都係去洗衣街嗰邊, 呢邊要自己serve, 打個折了!

最近發現這間牛肉粉上了榜, 上次幫襯已經係舊年既事今次買碗特別粉食, 有牛丸, 牛腩, 牛柏葉, 食到我這個牛痴十分滿意, 濃濃的牛湯好鮮甜, 記得之前係無small size的, 細碗的一碗賣到32蚊, 都好既, 細碗d可以有quota買吓其他野食

尋晚同同事收左工落嚟食, 仲未收, 朗豪坊個foodcourt 10:00p.m. 都仲有野食, 包括呢間嚟食都係呢個原因, 上左榜! 我就食一碗香茅豬柳撈檬, 因為又係見d相好正, 跟餐可以加$3 有罐雀檸, 唔加就笨了!撈檬幾大碗, 檬粉同賴粉其實好似無咩大分別, 落個酸, 辣, 甜都有d的魚露汁食幾開胃, 豬柳幾有味, 用老抽醃過掛, 色水都幾深! 豬柳的份量都幾多, 但係食到最後底部的生菜絲唔食, 因為有好多味道怪怪的香葉喺度, 下次再食要走香葉先得夜晚呢個場, 好似d人主要都係食pepper lunch 同佢多d, 同事的黑椒牛肉飯同我差唔多價錢, 食一餐飯, 要四十蚊之內解決, foodcourt係不二之選!

上次食過金寶的湯粉覺得好好味, 今次同仔仔再去食, 但係係食第二樣, 因為仔仔今次想試吓青咖哩既味道呢 下午茶餐四號, 青咖哩大蝦檬, 係呢個喇, 呢碗咖哩檬有三隻大蝦咁多, 而且都係幾大隻的蝦, 所以只係$25 都算抵食, 青咖哩有青豆角, 辣椒絲同一d啡啡地色的氣狀物喺入面, 但係只有豆角可以食, 青咖哩汁就有好香椰汁味, 好好味呢, 檬粉都幾多, 所以有樣野唔夠好就係如果個汁可以多少少就完美, 不過個咖哩味道很好! 加多七蚊, 可以買埋杯青檸可樂, 仔仔點會唔要吖

讓我介紹一樣都幾好食的食物給大家吧, 叫做"蒸粉包", 係我去朗豪坊的美食廣場裡的金寶買的, 當我行到美食廣場, 有個女仔向我派傳單, 接手之後見個蒸粉包賣相好似好靚, 就買一份食兩件賣$18, 六件先賣$48, 把心一橫, 買六件食! 粉包裡面有豬肉碎, 木耳, 蝦米等配料, 最好味係果D粉皮, 做到好薄同好滑, 可能查左層油喺面, 有小小令的, 每件粉包都有一塊扎肉擺面, 仲有D蔥粒, 炸蒜粒喺面, 再配越式的酸甜醬汁食, 兩個人一人三件, 但係居然唔夠食其他食物應該都唔錯掛, 只見場入面都有唔少人食一碗一碗的湯粉, 見到隔離的食客碗雞湯河都好似唔錯, 下次再嚟試過先得

七時多在旺角要想快快解決晚餐，foodcourt是一個不錯的選擇於是快步來這裡和媽媽吃個quick dinner每次來這裡都是在金寶和pepper lunch中爭扎，今天不想吃熱食就來這兒要個撈檬我的香茅豬柳撈檬($36)包一杯熱茶，豬柳的香料味重，而撈檬配料有青瓜、甘筍，炸蒜和芽菜等，都算足料。用以撈檬的魚露卻是室溫......完全失了撈檬凍冰冰的神韻呢至於媽媽要了小的扎肉雞絲湯河，原來已是普通碗的份量，我沒有試但媽媽說雞絲太"鞋"，反而附送的一包配料吸引了我的目光，想不到foodcourt會有如此的serving，算是一個驚喜~回家後整晚口乾得不能入睡，我想應該是香料作怪........

一間於food court開設的餐廳竟可獲眾多好評，自己實在想去試一下。於是於星期日在這間金寶試一試它的下午茶餐。既然店名為牛肉粉，我想這應該是招牌菜，於是我要了一客牛丸粉。牛丸吃下去十分彈牙，粉亦十分爽朗，雖然未至於十分好食，但已經算不錯了。如果考慮它只是一間開設於food court的食店，那的確是已經做得不錯了。