金寶 (已結業)

見金寶長踞十大位置一心和朋友打算試試其威力 特地遠道而來結果簡直是 用一百個期望 換一百倍失望來到foodcourt 地方淺窄 人多擠逼好不容易才覓得一張搭桌因為一心要試金寶 毗鄰的pepper lunch再吸引也沒動容叫了客豬頸肉撈檬 朋友則點海南雞飯各約四十元包一杯茶 雖不算昂貴卻也絕不便宜見附送的魚露不夠 向職員要求多一碗幾位職員卻問長問短才肯給我一小碗 彷彿要他施捨豬頸肉尚算多卻不特別撈檬略嫌太多生菜碎 算吃一口純檬粉也難吃到一半已經沒甚麼心機 把豬頸肉清掉就算平常酷愛撈檬的我可是要全清掉的呀!朋友對海南雞飯的評價是 "難食"見他嚐了一口飯就沒再嚐 只吃雞和朋友一致結論是不會再幫襯亦難以理解金寶何德何能長期進駐十大也許沒試他的火車頭但我會說就是越棧的撈檬也比這裡好

同個同事放左工去人氣店金寶越南牛肉粉食, 此店已經累積了過百好評, 好厲害呢兩個女仔買左一碗火車頭同一碗豬頸肉撈檬粉share食, 加三蚊有罐可樂!味道唔錯, 火車頭湯底有濃厚的胡椒味同洋蔥味, 都幾有越南feel, 配料都幾豐富, 不過食到最後件牛腩就有點漏, 肉太多, 雖然好食, 但係我食太多肉會頂唔順 如果有得揀, 少件牛腩多粒牛丸會更好豬頸肉撈檬個越式酸魚露非常好味呢, 相信食過的食家朋友們都會很同意, 有些越南餐廳做這個汁做得好差, 因為佢地用白醋溝出嚟, 臭的 但這裡的魚露用青檸汁整, 味道清新, 有好大分別! 豬頸肉好香, 碗撈檬有十塊豬頸肉, 份量算多了!好奇怪, 去到foodcourt食越南菜好多時都食到好味的, 好似味佳居同佢都好好食, 唔通越南菜係特別適合在foodcort食?

星期四去完早場書展，行到腳到差點斷了！好在一出會展就有小巴搭去朗豪坊。於是相約阿媽去朗豪坊 ge food court 食lunch。去到嘅時候已經兩點半，food court 仍是人山人海。我地從兩間店分別買咗一個食品。喺金寶，我地買咗個香茅豬柳飯，有湯有茶。香茅豬柳切成條狀，粗幼適中。味道很好，炸過的豬柳很香口；香茅味濃，亦唔會太咸。還附有酸甜醬，不過我覺得太甜，如果酸d會好好多。香茅用鬆肉粉嗱過，所以質地入口淋軟無筋。白飯份量正常。湯係菜乾湯，清清地，幾好飲。

從"開飯喇" 網頁發現這間金寶牛肉粉是排名很高的食市, 又因為對上一篇的文章介紹燒豬頸肉紅飯餐, 今日特別用上十五分鐘時間從太子的 office 行去幫襯, 期望幾高架去泰國餐食, 一碟豬頸肉都要四十幾五十蚊, 呢間豬頸肉飯一碟賣三十九蚊, 都幾平喎 豬頸肉每塊太約半cm厚左右, 有十一塊, 配上茄味飯, 薯條, 蕃茄, 青木瓜沙律, 什菜湯, 論抵食, 我很同意!除o左抵食, 一般快餐店或者美食廣場都係"炸"就算, 但係呢間就真係燒的, 豬頸肉更可口! 不過, 薯仔同蕃茄的處理就太簡單了, 薯仔有鹽的味道, 但就只係得鹽味, 如果用黑椒汁炒過一定會更加好食, 所以我食o左一條就無食了 蕃茄最唔好.... 因為係生食, 我唔鍾意, 點解唔可以淥熟呢?加o左三蚊, 可以要多罐維他奶, 又加多六蚊, 要o左碟蠔油西生菜, 再加多十二蚊, 再加多o左碟香茅雞全翼, 加吓加吓, 變成用o左六十蚊, 不過要用兩個托盤先可以攞哂我的食物回座位, 一餐好豐富的晚餐, 三樣之中, 最值得加係個雞全翼, 兩隻十二蚊, 仲要好入味同好好味可惜係, 工作的地方比較遠, lunch time 得一個鐘係唔夠時

比起上一次, 今次這間金寶的門面有耳目一新的感覺, 餐牌換上了色彩繽紛的設計, 令食物看起上來好像更好吃呢從counter看到最新的推介係燒豬頸肉紅飯餐, 因為只售$39, 又有沙律, 又有薯菜, 又有餐湯, 更有熱茶送, 所以都唔再猶豫便order 一份食對金寶的信心, 原自九龍城的活蝦刺身, 那種驚為天人的感覺到而家都好深刻, 但係奇怪的係金寶開了分店在旺角, 但都唔係賣跟九龍城一樣的餐牌, 而係主要賣海南雞飯, 牛肉粉的碟頭, 雖然水準不差, 但總係唔可以吸引我經常幫襯, 我甚至主動提議他們賣生蝦, 但等到而家連樓梯響都未聽到, 反而有好多新的嘗試, 包括這個越式的紅飯以美食廣場來說, 這個紅飯是超班之作, 如果要到一間正式的越南餐廳, 沒有最少 $60 係食唔到的, 這兒的紅飯味道沒有馬虎, 用茄汁炒香的紅飯, 還細心的等我到counter取食物才打開飯碗, 所以飯可以保持熱辣辣的狀態, 豬頸肉比在九龍城食到的差了一點, 我覺得唔夠蜜糖feel, 但係份量都唔少, 給人抵食的感覺沙律係青木瓜絲做成, 簡簡單單, 用青木瓜絲點越南魚露食, 開胃至極, 不過食到這個味道, 不禁又令

今日我在金寶食下午茶佢地有個雞絲扎肉粉, 一碗廿五, 平係幾平, 份量唔係好大碗, 扎肉三塊, 胡椒味唔夠, 普通個雞湯底就唔錯, 鮮甜, 有洋蔥同芽菜, 仲有香葉俾我加, 再加青檸汁幾滴, 都ok配紅豆冰加七蚊, 椰汁底, 紅豆硬左少少, 不過椰汁好味不過不失的一間舖, foodcourt 水準就合格有餘了

睇完ｏｐｅｎｒｉｃｅ網主的介紹之後，好想去食凳凳凳凳　我食ｏ左個最貴的超級火車頭個碗好大，不過唔算高，箭底係河粉同芽菜，其實一個人食都食得哂不過餸就勁多兩粒牛丸：唔算大粒，味道就一般扎肉：兩塊，都係普通牛腩：兩件瘦，一條牛筋，好正，唔ｕｎ，夠味肥牛：三件左右，因為有碎，唔知算唔算一件，兩件鮮紅，一件粉紅，浸完湯七成熟，好食柏葉：最好食的一樣，爽，薄而唔ｕｎ豬手：第二好食的，兩件，豬手皮幾爽，肉同皮之間的脂肪最好豬味配料好精彩，價錢係貴ｏ左ｄ，不過當係一個什錦都合理，湯味牛味係有，不過唔算好濃，合格啦加ｏ左十二蚊食埋個香茅雞全翼醃得好食，而且六蚊一隻全翼，都幾抵再加三蚊要罐雀檸，唔明係，點解唔ｓｅｔ個套餐包哂所有ｏ野，要逐樣問人要唔要，有點煩湯粉店之中，都算好食的一間食得過ｏ架

下午茶的時段有四款小食加四款湯粉給我選擇, 結果買蔗蝦跟龍眼冰食蔗蝦係用蝦肉包住支蔗來炸, 蝦肉好甜, 不過支蔗無汁, 有點失望啊龍眼冰其實係龍眼乾煲出來的糖水, 味道像蜜糖般甜, 都幾滋潤, 這個飲品真不錯一枝蔗蝦加一杯龍眼冰賣廿七蚊, 唔算好抵食, 又唔算太貴, 價錢中等, 食物質素都不過不失, hea吓無妨

本來見到這麼多人都讚這好,而且又上了榜就滿懷希望的跑過來吃誰知道水準真的令我跌了一跤呢!叫了個豬柳撈檬豬柳份量多,味道也算不錯不過很乾,多吃個幾條肚都給撐住了 檬粉份量不算多,不過很濕碎食得非常的辛苦,湯匙筷子合用才能征服它!撈檬配的汁我覺得有點少,很難撈不過下吃去有點香草味夾著就算了另外,朋友的扎肉撈檬好像味道有點怪不知道是他們的扎肉不同其他店的還是怎樣希望下次再來的時候能給我一點驚喜吧!

行行下旺角見肚餓...就醒起之前o係openrice見到lee間野都有好多個哈哈笑~令我突然間好想試下...叫左個越式生牛肉河+可樂~$31~本來對D野食都充滿著期待的心情..不過..服務水平真係麻麻地..等號碼拎野食果陣..我唔明白點解遲過我買野食ge人..可以早過我去拎野食lor~累我等左至少3個字..lee個我都算喇~因為o係我眼中..要食好野就唔好計較咁多~見到碗河粉..賣相就還可以吧~可惜水平只屬一般..唔係話佢唔好食..只不過唔係我期待的水平..同埋佢碗野真係好細碗...唔夠填飽我個肚..唔抵食lor~你話超好食..但D野份量小..lee個我都接受得到..但lee度..真係..唉..>.<..咁ge質素..基於我係荃灣人..我寧願返去荃灣食小巴黎..起碼我會覺得抵食D..我諗我只會幫襯lee間野一次...that's enough!!

朗豪坊的食物選擇都幾多, 今日差唔多間間都塞滿人, 好利害啊。美食廣場一樣超級多人, 差唔多等十分鐘先霸到個位坐, bf 走去買o左碗雞絲扎肉河粉過我食, 仲有一碟春卷同珍多冰上次在這個foodcourt食, 係食隔離泰國餐的牛丸河, 只係廿五蚊一碗, 包埋汽水一杯, 但味道只係好普通, 所以其實今次無大期望, 都預o左foodcourt唔會太好食, 不過我食呢碗雞絲扎肉河粉比起預期之中好食得多呢 雖然都應該係加了味精 (因為見湯的顏色閃閃令), 但係味道都幾豐富, 最少都有雞湯應有的味道, 另一種較突出, 一食就食到的味係薑, 配合洋蔥, 蒜蓉, 用料都幾有心思。配角的春卷唔夠脆, 餡唔係好多, 豬肉得幾粒, 只係一般的小食！珍多冰有大菜絲, 綠豆, 椰汁底但甜品適中, 都ok唔可以講係頂級的味道, 但都算不錯的選擇。

已經兩個月無去食這間foodcourt counter 的金寶了, lunch time 又去試多一次, 不過今次唔係食咖哩喇, 好想食生牛肉粉, 因為... 有細碗裝賣買左碗小牛, 同埋一碟蒸粉包嚟食, 兩樣嘢加埋總共要$46, 一碗粉加一個小食, 都唔算貴啦先講好的地方吧, 碗湯粉味道好濃, 有牛肉味, 尢其係將生牛肉浸完湯之後, 牛肉的味散落湯入面, 加入辣椒粒, 青檸檬汁同香葉食就好好feel, 牛肉嫩, 雖然片得幾薄, 但都好食蒸粉包係同事上次食完之後同我講一定要買的一個小食, 不過唔知點解春卷, 雞翼都有優惠價, 就係蒸粉包無, 十八蚊兩塊都唔平架 個粉包女面的肉碎同菇粒係個粉包最出色的環節, 如果可以塞得爆d仲正, 點粉包的汁醬十分之開胃, 我仲用佢嚟點埋生牛肉食唔好的地方, 最主要係碗粉的湯唔算好夠熱, 上次食咖哩飯都有過經驗, 就係等食物的時候, 見佢地做好了湯粉, 良久都無人嚟攞, 其實佢地可以嗌number的, 如果只係依賴人客自己睇screen, 一嚟未必睇到, 二嚟最可惡之處係佢地居然唔係個個number都打出嚟, 食物ready 我都唔知道, 搞到我要企喺度

我係一個都成日上朗豪坊美食廣場食嘢的人, 講真, 其實朗豪坊上面個foodcourt 幾間味道都好一般, 之前會食印度薄餅, 咖哩羊肉可以講係全個foodcourt 比較可以擺得入口的食物, 越南粉大半年前食過一次, 味道只係一般, 因為個咖哩太稀, 用嚟撈檬粉食根本唔夠汁送不過最近見好多人讚呢間好食, 於是我就再食多次, 叫就當係俾多個機會佢, 今次唔再食咖哩了, 轉食大家都讚好的牛肉粉吧! 唔.... 湯的味道係比較濃, 呷一口湯, 覺得味道好夠, 不過唔係完全係牛的味道, 而係有好多的配料, 例如有香茅的味道 (因為比較明顯, 所以我都分辨的到), 牛肉係粉紅色的, 原意相信係想我自己把肉浸入湯整熟佢, 不過湯的溫度只有五十度左右, 所以不可以把牛肉弄至全熟, 怕死的我唯有把碗湯粉交給店員叫佢將牛肉再煮, 店員都很好, 沒有嫌我麻煩, 也就為我再整熟了牛肉!湯粉仲有一包配料給我用以調味, 例如有一塊青檸檬, 加入湯之中, 味道更清新; 又見到幾塊香葉, 味道有點像薄荷的味道, 相信係薄荷葉吧 (我又唔係好識分) 廿八塊一碗湯粉, 其實都算幾有誠意地去弄, 什至覺得 foodcou

這所店子是OR上的好評餐廳，見價錢又平又好咁多好評，這天和女友到旺角一逛，也順道一吃。店子是在朗豪坊的Foodcourt，在中午時份，要找一個位置坐也是挺難，但幸好也是十分鐘內的事，坐好後，去買吃的，一心要試牛河，另外的一個Quota也因見到有海南雞飯賣，而瞬間也不用再多想了。不消一會，也端了食物回桌上，生牛肉河跟餐加錢有珍多冰、油菜及一客小吃，也算是很豐富的了，先談小吃，點了扎肉粉皮，兩件正方形的粉皮上，被撤上了一點炸蒜片及一小片扎肉，在內有木耳碎、冬菇碎及豬肉碎等，扎肉原來是配角來的，所以也不會吃出有任何扎肉的感覺，相反其粉皮內餡料也豐，咬下吃得出點點菇香及肉香，木耳也帶來爽口的感覺，還算是不過不失，但吃粉皮又怎會不配魚露呢？此處的魚露，得個酸字，甚至可以說是有點嗆喉，最好的魚露，也要回帝苑酒店內的Le Soleil，是很有鹹香的魚露。油菜是唐生菜來的，其實也沒什麼好評，挺鮮嫩的，也是灼得剛好，沒有過熟，爽口，是應份對版之作。論到吃主角的生牛肉河，點了細裝的，但也不太小的，牛肉夠生，是好的，但湯唔夠熱這一着真的是吹膨，咁點食呢，我不是在吃韓國或日本菜啊！牛肉是嫩口而不嚡，但沒有牛肉

友人從外國回來,原本打算去食農夫包,可惜果邊食飯時間無大枱,唯有轉戰朗豪坊!一邊等位,大家一邊搵自己既心水食店!大家各有所好....我就揀左...金寶既生牛肉湯河($26)!等左5mins左右...見到號碼就出去拎包一杯茶,如果轉汽水就要加$3杯茶唔係好濃茶味,普普通通一杯茶,佢賣點唔係茶,唔多講!生牛肉湯河有4-5大片長長的牛肉,仲係生架,同佢鋪位上面燈箱d圖九成似,無花無假先飲啖湯試下先,好濃郁既越南香茅味,又帶點清甜,唔錯!食埋塊牛肉先,幾嫩口,有肉味河粉幾滑,唯份量不算太多,小女子飲多啖湯都算飽,但大男人就未必夠,可能要加$10轉大size!不過$26碗湯河呢到黎講都算平,算係咁,值得推介!