金寶 (已結業)

上次食完之後,已經成為佢地個熟客,因為我一星期會食三次我食過佢地個海南雞飯,咖哩大蝦檬,上次食過豬柳凍檬,今次想介紹佢地個順化豬手湯檬,因為咁多個之中,呢個最正!湯底係辣辣地既湯底,有豬手兩件,牛展兩塊同燻蹄兩大塊,湯飲落好似有一d香茅味,又有d青檸味,酸酸地,幾特別!檬粉都幾多!四十二蚊碗,中上價錢,不過都值得一試!

睇完佢地個廣告"點解越南女仔可以咁苗條"仲食極唔肥,即刻去試啦!買左一個大蝦雞絲凍檬餐食,所謂餐,其實只係得一杯熱茶而已,另外加兩蚊可以好似我咁將杯茶轉做coke light!個凍檬份量其實唔少,有五片蝦同埋一埋雞絲,另外有一些菜絲芽菜喺底,店員提供一大碗越式酸汁俾我倒落碗檬粉度撈嚟食,味道就真係唔錯,好開胃,個汁甜甜地,酸酸地,有一股青檸檬同蒜頭味,口感唔錯!最值得我捧場係,碗粉真係無咩脂肪可言,享受美味得嚟唔使吸收太多卡路里

打開左本飲食男女,見到個廣告sell佢地碗cold noodle食左會slim,哈,有意思,約埋donut去試我食大蝦雞絲凍檬,donut食春卷凍檬,黑色大膠碗盛著大大碗的凍檬粉,入面有生菜,青瓜絲,芽菜,香葉等等,再撈佢地個酸魚露食!其實之前已經幫襯過,味道幾好,今次食既凍檬都係一個幾healthy 既choice,而佢地個酸魚露味道都十分出色,所以我都樂意推介俾各位姊妹!

不知道是不是早餐食得太飽，所以到了午飯時間，奴隸獸並不覺得太餓，所以主人要了一份越式蔗蝦凍檬配 Coke Light（HK$42）兩份食。首先是凍檬的賣相非常吸引，配料亦頗豐富，除了庶蝦，還有新鮮的青瓜絲、生菜、銀芽、紅蘿蔔絲、炸蒜片…..等等，份量亦頗多。至於蔗蝦，蝦膠還算彈牙，甘蔗甜而多汁。檬粉配合甜酸醋汁，食落開胃消滯，的確是明智之選。

4月15日, 又睇戲啦… 哈哈哈. 一場嚟到朗豪坊food court, 梗係要試下呢間冇喊面既越南野啦! ::: 香茅豬柳凍檬 ::: $36 (+$2 可樂)香茅豬凍檬一向都係我既飛佛~ 不過香茅豬柳呢家野就唔係度度都可以做得好! 而呢度既香茅豬柳就真係好好味!! 豬柳唔知係咪炸過, 好脆口, 而且乾身. 咬落去好香香茅味. 成碗野份量好足, d豬柳係可以cover成半個碗面. 檬粉底仲有好多芽菜絲, 淋埋個酸甜適中既檬汁, 食落夠晒清新爽口. 必食推介!!::: 咖哩牛腩配法包 ::: $38 (+$6 油菜)相比起黎, 個咖哩何止唔可以同凍檬比較, 直情要激彈!! 個咖哩超稀同湯水冇乜分別, 麵包點佢好似食西餐點羅宋湯咁! 麵包就一定係超市買到既長形法國包切1/4, 好細條又冇味. 咖哩料就有牛腩薯仔, 牛腩幾韌, 薯仔冇味, 加上咖哩又唔辣, 簡單黎講仲差過大x樂! 真係連碟油菜都好食過佢!!!見到其他人對檬粉以外既食物都係彈既多. 我估嚟呢度食都係食下檬粉就最有保証!! 而且淨係得檬粉得既越南野只能夠比OK~!!

呢個係遲來既食評.2月尾同男友特地黎呢度, 因為聽聞佢既生牛肉湯河好出名, 慕名一試. 我就叫左碗生牛肉河, 但係好可惜個湯唔夠熱, d牛肉好耐先熟. 唔知係咪咁樣影響左個味. 個湯既味好古怪, 係好濃味, 但係濃得黎好古怪. 另外牛肉好"un"...完全唔係想像中咁好食.另外亦試左個加喱湯河, 個湯好油膩, 所以最後都食唔晒. 個湯唔好, 就影響晒成碗野....可惜!

呢間舖的粉十足十似我在法國吃的越南舖的做法，越南牛河的配料同樣係有芽菜，香葉同埋甜辣醬，唔係攪笑架．記著一定要揀生牛河，咁先叫做食到佢的皇牌，在香港無吔邊間可以做到佢地咁好味．另外有次下午荼食過佢地的海南雞，都好好油水，係喜食雞的朋友之另一佳選．

兩日前食晚餐,因為約左朋友喺ua睇戲,要方便就在朗豪坊foodcourt解決四個人裡面,只有我一個人揀左越南粉食,其他三人兩個食pepper lunch鐵板霜降牛扒(佢地話幾好食),另外一人就食菠蘿炒飯(香辣屋既作品,comment都係ok)而我自己食既係一碗生牛肉河,加多一碟西生菜同一罐維他奶,牛肉係肥牛,俾我既時候都仲好紅,浸左兩分鐘先熟,味道幾好,河粉滑,湯味道濃郁,散發陣陣牛味,最重要係,size幾大碗,三十八蚊加菜同奶四十六可以接受啦大家食到飽飽先睇戲

四月八日下午二時午飯食咩好?係女友同我既一個問題,上到朗豪坊foodcourt,見到元氣排哂長龍,有點奇怪,早兩日仲冷清清..女友結果食韓國屋既牛肉辣麵,而我就食番金寶,今次食香茅豬柳飯!上次食生牛河覺得味道唔錯,而豬柳飯都過得去,豬柳幾好味,不過缺點係d飯無類似茄汁黑椒汁之類撈,好似乾左d,但係佢地提供左一碗魚露汁比我點,個汁就幾好食菜乾湯味道ok,跟餐用兩蚊可以加汽水,不過我就散買左一杯龍眼冰,好好味,係龍眼乾,唔係新鮮龍眼,但係十八蚊杯,如果買飯可以跟餐要呢杯龍眼冰就無得彈味道係幾好,價錢foodcourt嚟講貴少少

食過一次九龍城總店及一次洗衣街分店的招牌海南雞飯, 決定死都唔再食第三次, 今日0黎朗豪坊food court 呢間分店, 純為試試佢的特別牛湯粉(套餐$42, 有一碗粉+「中國茶」一杯).無帶相機的關係, 唯有借住佢個menu 的用住先, 反正實物賣相都係差不多=P 牛湯粉有一大碗, 另上的有一小兜芽菜, 香葉及青檸件, 仲唔知點解有一小碟甜醬+ 辣醬, 都幾搞笑... 先呷啖好熱又賣相好清0既湯, 有淡淡的牛味, 其他香料味就唔覺, 整體比較淡口, 感覺麻麻, 不過飲完唔口渴的, 算啦; 河粉薄滑, 浸幾耐都無發得太大, 唔錯; d (食送) 就幾好食, 牛丸好彈牙, 牛味濃郁, 好食! 唔知係咪自己「打」的? 牛腩亦好掂, 係半肥的切腩, 入口即溶, 味道甘香, 勁正; 牛柏葉夠爽口; 牛筋就唔係好得, 唔腍, 好似食橡筋.「中國茶」就係車仔牌的香片茶包... 雖然九唔搭八, 但起碼好多飲汽水吧.Food court 環境麻麻都預0左(衛生就真係唔知, 希望無俾隔0黎間「老鼠迴轉」拖落水啦-_-), 加上隔0黎Pepper Lunch d「鐵板味」實在太勁, 食完碗粉發覺自

之前睇完openrice, 發覺原來朗豪除左有好味的薯皮之外, 仲有一間越南好野食, 於是大貓帶小貓一齊去試一試呢間越南野食, 去到朗豪food court, 第一時間去到間野的餐牌面前, 睇有乜好食, 因為我們不太肚餓, 所以叫了生牛河+汽水.點知, 唔叫由自可, 叫完就把鬼火! 首先, 賣相普通, 小貓急不及待試下招牌生牛河, 點知, 湯底超普通, 牛肉超靱, 河粉"林"過成劈野又唔滑, 簡真係小貓食過的越南野最差一間, 令小貓就此對生牛河存有陰影.嬲到興烚烚, 開罐可樂, 仲要暖粒粒的, 激到大小貓噴火, 成個餐仲要四十蚊. 早知去食多幾件薯皮.點解佢會係度排到咁前又無喊臉的? 神奇

睇咗咁多好評，難得去旺角行街，所以就去咗一試，食咗個海南雞飯，可能之前太大期望，食落去都唔覺得太特別，出面有好地方都可以食到。個飯好香，就算唔要個汁同d雞，就咁食個飯都幾好味，雞就好滑，但略鎌少咗d雞味，個汁就一般啦，不過食海南飯送菜乾湯就有少少奇怪，而且份量可以再大些少。

晚上去左旺角新之城打機,肚仔又餓,夠鐘食野,又走左去朗豪坊搵食,利到foodcourt,接左個靚女派既傳單,於是就喺度落左腳!喺cashier買左一碗豬扒凍檬加一罐雀檸!豬扒係切成條狀,方便食,唔使自己切或者成塊咬,仲入味左!凍檬涼浸浸,加左魚露嚟食味道幾特別,幾好食,不過香葉太多,夾左一d出嚟!雀檸跟餐一罐兩蚊,總數三十八,都可以俾個笑佢!

今日既晚餐就係喺朗豪坊既foodcourt渡過,同女朋友行到攰,本來想帶佢去食農夫包,因為去之前喺openrice做過功課,點知女友話喺雜誌見到朗豪坊有間食生牛肉粉海南雞飯既店,咁..農夫包下次再食啦!我自己食一碟招牌海南雞飯,女友就食一碗大蝦雞絲凍檬..坦白講,我碟雞飯水準ok,飯咸左少少,雞肉ok滑,不過點雞既辣醬就好好食,所以都算合格!反而女友又一次識食過我,因為佢個凍檬好好食,凍食既野不嬲都比較開胃,碗檬粉係無湯既,不過加左越式既魚露汁之後就好滋味!比起日式冷麵,越式既凍檬都幾好幾特別,咁啱今日天氣突然熱左,呢碗凍檬都幾合時!又俾女友叻一次,似乎佢都幾識食!

又係跟大隊周圍食,呢間就係尋晚食既晚飯!食左一碗特別牛肉粉,四十二蚊,加左一碟唐生菜(六蚊)同埋一罐light coke(兩蚊),總之可以加既都加左!牛肉粉其實係牛丸,牛栢葉同牛筋,反而無牛肉,不過好好味,特別係牛丸,要彈就係細粒左d!河粉滑,都唔錯!以味道計,唔錯!