影片
更多
2008-04-02
9 瀏覽
食過一次九龍城總店及一次洗衣街分店的招牌海南雞飯, 決定死都唔再食第三次, 今日0黎朗豪坊food court 呢間分店, 純為試試佢的特別牛湯粉(套餐$42, 有一碗粉+「中國茶」一杯).無帶相機的關係, 唯有借住佢個menu 的用住先, 反正實物賣相都係差不多=P 牛湯粉有一大碗, 另上的有一小兜芽菜, 香葉及青檸件, 仲唔知點解有一小碟甜醬+ 辣醬, 都幾搞笑... 先呷啖好熱又賣相好清0既湯, 有淡淡的牛味, 其他香料味就唔覺, 整體比較淡口, 感覺麻麻, 不過飲完唔口渴的, 算啦; 河粉薄滑, 浸幾耐都無發得太大, 唔錯; d (食送) 就幾好食, 牛丸好彈牙, 牛味濃郁, 好食! 唔知係咪自己「打」的? 牛腩亦好掂, 係半肥的切腩, 入口即溶, 味道甘香, 勁正; 牛柏葉夠爽口; 牛筋就唔係好得, 唔腍, 好似食橡筋.「中國茶」就係車仔牌的香片茶包... 雖然九唔搭八, 但起碼好多飲汽水吧.Food court 環境麻麻都預0左(衛生就真係唔知, 希望無俾隔0黎間「老鼠迴轉」拖落水啦-_-), 加上隔0黎Pepper Lunch d「鐵板味」實在太勁, 食完碗粉發覺自
無帶相機的關係, 唯有借住佢個menu 的用住先, 反正實物賣相都係差不多=P 牛湯粉有一大碗, 另上的有一小兜芽菜, 香葉及青檸件, 仲唔知點解有一小碟甜醬+ 辣醬, 都幾搞笑... 先呷啖好熱又賣相好清0既湯, 有淡淡的牛味, 其他香料味就唔覺, 整體比較淡口, 感覺麻麻, 不過飲完唔口渴的, 算啦; 河粉薄滑, 浸幾耐都無發得太大, 唔錯; d (食送) 就幾好食, 牛丸好彈牙, 牛味濃郁, 好食! 唔知係咪自己「打」的? 牛腩亦好掂, 係半肥的切腩, 入口即溶, 味道甘香, 勁正; 牛柏葉夠爽口; 牛筋就唔係好得, 唔腍, 好似食橡筋.
「中國茶」就係車仔牌的香片茶包... 雖然九唔搭八, 但起碼好多飲汽水吧.
Food court 環境麻麻都預0左(衛生就真係唔知, 希望無俾隔0黎間「老鼠迴轉」拖落水啦-_-), 加上隔0黎Pepper Lunch d「鐵板味」實在太勁, 食完碗粉發覺自己成身好似食完韓燒咁味, 幾哭笑不得; 服務態度反而比想像中好得多, counter 個男仔好好禮貌!
$42 一餐, 幾抵食. 原來呢個牛湯粉唔錯, 早知之前慳返唔食海南雞飯啦!
張貼
