金寶 (已結業)

睇左U Magazine...既廣告【佢地係金寶...佢地想我食得好】【越南牛肉粉應該同日本拉麵享有同等地位! 何況係金寶出品】好....等我約埋三五知己去呢度食啦....叫左....香茅豬柳凍檬...超好味既香茅豬柳....正叫左海南雞飯......D雞仲好味過初時播.....不過D海南雞飯真的"林"....仲有叫左醬爆蝦丸......好味....叫埋軟殼蟹........食到我地成班哇鬼....唔停手又唔停口....真係好味有U Magazine推介包你地唔會餓壞........

今日去食,點了一客海南雞飯,有湯,有熱茶,四十蚊!點解會去食?因為自己去過九龍城食金寶,好好味,見到u magazine有推介,係金寶開,所以嚟試吓!講番個海南雞飯,雞和飯味道都幾好,特別係飯幾開胃,不過煮得太林,失色不少..個湯係菜乾湯,味道只係一般而已!仲有一些其他選擇,但我都係會去九龍城總店多d,因為多d野食同埋有活蝦!

上次嚟食,只見pepper lunch,韓國屋有人排隊,但今次想到這店食碗好味的豬柳金邊粉居然要排八個人的隊,似乎這店會越嚟越多人食!不過出品好快,碗粉兩分鐘已經有得食,湯底依舊好!豬柳係好好食,推薦俾大家!加油,好既野一定會掂!

之前連續幾日天氣都好凍嘅時候唔小心患了感冒,成個人冇乜胃口,又要陪老虎乸shopping,趁佢買衫買到興起,自己一個人謝哂咁行入去food court抖下,唔食嘢喺度坐又唔好意思,但又唔知食乜好,於是揀左呢碗應該味道幾清淡的粉,諗住食一半算啦,估計應該食唔哂,點知嚟到見到個碗盛住熱騰騰的湯,雖然望落個湯係好清嘅,但係聞到好香兼且飲落亦好有雞味,金邊粉同呢隻湯真係好啱味,食落好舒服,可以話係好好食,絕對推介但粉唔算好多,希望可以改善以呢個場嚟講,碗野跟埋罐麥精唔算貴,我一定會再幫襯

在這ｆｏｏｄｃｏｕｒｔ食小吃,叫左泰式辣雞腳,勁辣，勁酸，好刺激，好野味，流哂大汗，正！鍾意食辣就唔好錯過！

好辣!刺激!又爰又恨!因為辣到我喊,但係又好食到暈!!唯有出吓汗..

文迪揀的係翻炒, 小弟的係半翻炒.早前已吃過這店, 吃的係雞飯. 由於上次感覺麻麻, 當然不會再吃雞飯了, 反而係揀了生牛肉粉.越式生牛肉粉$38: 7分, 看上去係幾合規格的, 牛肉呈鮮紅色, 唔係半生熟的樣子. 當然, 小弟也不敢吃得太生, 也把牛肉稍為塞入湯內再熱一熱. 肉質都幾好, 不會太老, 湯底只係一般, 係有點師傅的, 偏鹹了, 喝了幾口也沒有衝動再喝下去. 仲有碟芽菜, 不過興趣不大, 因為碗粉又蔥又洋蔥都幾多野, 也不想太雜了.加$2有罐可樂, 當然要埋.這碗粉比起雞飯為出色, 但又未算好好, 價位也不便宜, 叫做試過就算.

之前已經食過,但看到雜誌廣告碗粉張相好吸引,於是再幫襯!今次食左順化豬手牛展湯檬,湯底好好味,酸辣醬有點香茅渣,配合牛味十足既湯底,令我好深刻..豬手煮得林,加埋越南香葉去食都好,不過加太多又接受唔到啲怪味,所以我只係加兩三片..這間店做得很不錯,各位openrice既同志去自己試試,推介順化豬手牛展湯檬!

在街上收到張傳單,話午餐有汽水送,於是自己走上去一試.叫左咖喱牛腩飯午餐跟雀巢檸檬茶一罐,個飯啲咖喱汁好好味,啲牛腩煑得幾林,仲有牛筋都唔靭,但係我覺得辣左少少,雖然有檸檬茶送,但係碟飯要成四十蚊,唔算抵食,尤其喺food court,就算有埋碗湯都唔覺平!不過味道計這店都真係交足課,下次再試埋牛肉粉先!

這裡有一新店想同大家分享,在朗豪坊foodcourt有一間越南餐,我午餐食左碗酸辣順化豬手檬粉,$42,算幾貴,不過味道好正.份量十足,加左六蚊食埋碟生菜,再加多兩蚊要埋罐維他奶,五十蚊,好滿足咁返工!

小妹一直都係金寶既捧場客,見朗豪坊開左間金寶,都唔諗就試!不過為什麼無我既至愛活蝦刺身既,可惡!!即刻無mood..唯有叫個越南拼盆食,個汁ok,春捲好細條,不過味道唔錯,最好食係個蒸粉包,熱辣辣d餡好野味^_^,但係其他唔係好知點食,特別係嗰幾塊白色餅狀物,無味道的..雖然味道好,但我會去九龍城金寶,因為嗰度先有活蝦刺身!

前天到朗豪坊睇嘩鬼師奶詹瑞文,真係幾好笑,個商場都幾多人,醫肚就入左美食廣場.看到此店招牌有點面善,cambo cafeteria..我曾經食過一間幾好食既海南雞飯,但係呢間就叫做越南牛肉粉,咁我就叫碗生牛粉試吓..三十八蚊碗,唔係走大賤賣路綫,正合我心意,因為一日三餐quota,食一餐少一餐,點解唔對自己好d??食之前見碗粉大大碗,湯底深啡,仲有一份生芽菜越南香葉同青檸伴之,幾講究!湯好味,牛味好夠,我走埋檔口見佢地煲湯就已經流口水,味精有落,要提醒味精恐懼症患者唔好去..生牛肉爽口,加埋生芽菜越南香葉同青檸汁,風味十足,雖然唔算係全世界最好味,但都係一碗水準之作了!

在這店午膳,選了特別牛湯粉,加六蚊,有罐可樂,價錢都幾貴,但試一試無妨!個碗大大個,有牛腩,牛丸,牛柏業,份量算多,但係剩係碗粉就已經四十二蚊對我嚟講就幾貴,因為泰國餐嗰間廿二蚊一碗湯粉仲有杯野飲,食餐晏就差唔多!如果要我日日食就唔好攪味道方面,湯底唔算差,不過有少少咸,跟餐件臘腸反而幾好食!

一直以為朗豪坊D野貴同冇乜野食今日去行街行到好攰 又唔想出去覓食於是就行入美食廣場鋪頭選擇雖不算多但勝在每一檔的賣相都錯行一圈就揀左呢間皆因我鍾意食越南野崇尚天然味道兼少油感覺幾健康叫左個木瓜絲沙律配魚露味道...正喎...爽口又醒胃...令我食唔停口唯有再叫多個生牛肉河配Ｄ好似香葉呀芽菜呀青檸呀咁同甜辣醬應該愛嚟點牛肉...味道...個湯好得...D湯夠熱...牛肉黏住D牛湯再點甜辣醬...好好味呀...不過我食到三分二個肚已經撑唔住... 好飽

一年一度的歌劇團之前, 先吃一餐. 由於剛吃完下午茶不久, 文迪直程係無乜點想食. 既然如此, 就來美食廣場, 叫一樣食物也可以. 見這裡係新開, 也沒有吃過正店, 就試一下.泰式海南雞飯$40: 5分, 賣$40一客, 叫飲品係另加$7, 見已有湯有茶, 就沒有再加飲品了. 雞肉係白肉部份, 本來白肉一樣可以幾嫩滑的, 但這裡的雞肉就幾老, 又無乜雞味. 油飯係比較硬, 始終硬飯不是小弟的喜好, 係越食越不喜歡的. 菜乾湯無乜火侯.整體感覺係好一般, 看來不會再試多次了.