金城茶餐廳

營業中

休息中

記得第一次幫襯大圍金城茶餐廳，我已經聽聞呢度既椒鹽豬扒飯好正，即刻叫碟黎試下！豬扒真系好食, 但覺得可能有少少單調，因為淨系得豬扒同飯，真系有少少乾。建議可以給碗例湯。茶餐廳衛生算唔錯，太多人可能位置窄左少少，不過整體體驗都唔錯。

中午約了朋友在大圍飲茶, 於是一早便坐火車入去先行一陣街, 上午十一時左右到步, 一踏出火車站, 看見陽光, 感受到三十三度的氣溫...., 即時放棄行街, 急急腳搵間茶記食早餐.揀了全條街最殘舊的一間, 入去才發現, 原來金剛小儀做過訪問, 還貼了一些”智慧真言”的告示…百搭式早餐, 最啱我了, 連凍飲, 三十三元.五香肉丁麵, 透明顏色的湯底, 無大期望. 肉丁接近全瘦, 非常好. 麵身, 看見已經知道不會太淋, 我喜歡. 整體好滿意.餐包, 凍的, 預咗了. 午餐肉, 油油的表面, 顯示出放了入炸爐一陣, 求其了事. 煎蛋, 睇到都無心情, 不新鮮的雞蛋, 才會煎到斜晒黃.凍奶茶, 少甜…., 真係少甜, 重少埋茶同奶, 一杯稀稀的淡茶奶水.到底港式茶記的食物做好些少 有幾難呢? 成本會增加好多咩? 午餐肉煎耐些少 煎香一點, 會增加好多成本?? 煎蛋煎靚些少 會貴好多?? 凍奶茶 用濃些少的茶再加糖水 會蝕本?? 一句講晒: 求其了事, 無心做好一件事, 講咩嘢都無用. 貼埋晒一些金句, 那些... 講出嚟 自己都唔會信既 金句 , 自欺欺人就最叻喇....

係大圍隨意搵間茶記，入到去覺得幾貴，餐腿飯都35卡位偏窄，裝修舊，但算乾淨。最後叫左個快餐，酸醋豬肉飯$42+凍奶茶$3意外地幾好味，豬肉夠脆，酸酸地夠開胃，自問去親茶記都飲奶茶，佢奶味夠茶味差d，味道above average，係太多冰。整體都夠飽，最怕d餐廳幾十蚊都唔飽。

因為見到門口有報導和雜誌介紹, 就叫左肉餅飯, 凍奶茶,但相信下次再來大圍唔會再幫襯金城了...- 招牌菜肉餅飯份量好大,確實好抵食, 但食落去好油好咸, 食到一半已經唔想食落去- 到落單時已經講到明杯茶要少冰, 個男侍應可能足耳不聞, 本身佢地用既杯已經細,  最後凍奶茶有一大半係冰, 仲多過茶....所以淡到不得了 , 令我諗起食神谷德昭的''賺到盡快餐店''-男侍應落單時已經好似好趕時間, 我地兩個人睇緊餐牌的3分鐘已經行埋來問4次催我問我地食乜野-另一睇唔過眼的地方,  隔離檯有一個大肚婆,因為佢地D檯有分圓檯 (跟圓橩) 同二人卡位(有椅背) , 本身個大肚婆坐圓檯, 見到隔離二人卡位有人走, 就問侍應可唔可以轉位, 個四眼男侍應一口拒絕, 意思係張二人卡位係比兩個人坐, 如果佢一個人坐左過去, 有2個人來的時候就要等, 相對生意流量就無咁快, 我明白生意角度, 梗係全部檯用到盡最好, 但當時其實係下午茶時間,又無人於門外排隊, 最後有個姨姨侍應比個大肚婆轉位, 因為怕佢坐圓檯多人出入撞到佢, 個男侍應就鬧個姨姨好話佢比一個人坐二人檯, 感覺有D無良....本身特別喜歡到舊式

去大圍拜年，之前M先生已指點迷津有咩好味，而“金城”嘅肉餅係必食之一。去完“坤記”食魚肉，就嚟金城喇。四個人繼續分嘢食。要咗煎肉餅飯、廈門炒米、4杯嘢飲。煎肉餅好大份量，質感扎實有肉味，帶薑同芫荽味食落口唔膩，又香口。廈門炒米酸甜度剛好，夠鑊氣，材料都幾豐富。送枱面任食嘅辣菜脯嚟食，辣辣地又爽口，略嫌太細碎，但味道冇過鹹唔錯。凍奶茶走甜少冰，幾有茶味，同奶都幾平衡唔錯。之後上返好友屋企繼續飲酒吹水﹏🍷

聽過好多人都專登嚟食佢個椒鹽豬扒，而我本身都鍾意呢味餸，所以又嚟試吓！其實之前嚟過不過摸門釘，收7pm實在太早喇，即係一定要放假先食到!人地話佢個辣菜甫好食，我麻麻地菜甫所以冇評語。椒鹽豬扒以為係乾身嗰隻，原來係少少濕既狀態，不過都幾惹味！肉餅好實淨，我諗真係好足料所致？兩者相比我反而覺得肉餅出色d,我好少食到咁厚、煮得夠熟又唔會太咸既肉餅！以佢$46碟既收費，份量對得住價錢，但炒底加$9有d貴，加杯嘢飲又要$9.......😐

難得有一日可以去大圍,做完私人嘢想食番個早飯就醒起呢間茶餐廳，聽過好多次但都係好少機會嚟呢區,既然今日咁啱就去試吓佢。地方唔難搵，我完全唔熟大圍但佢都算係火車站附近,所以搵咗陣就搵到。坐低四圍望一望,大家都係食緊早餐，再問問阿姐,肯定有飯叫先,如果唔係就可以去第二間,阿姐笑笑口話有,個心都定一定,畢竟今次食唔倒就唔知幾時再嚟。嚟到就緊係叫肉餅飯，過咗一陣就送到嚟,見到枱面有香辣菜甫，加咗兩匙,辣但唔香，可能都係成日整,所以都係爽嘅。至於個肉餅飯，肉餅的確唔錯,咬落去淡淡肉，唔會薄薄咁,味道濃郁，而且夠大塊,差唔多等於碟飯咁大,但一定要跟飯食,如果唔係就太咸, 因為啲飯份量少唔係太夠送嗰塊肉餅,而且啲飯比較硬,唔容易趙.食過一次之後,暫時都唔會返嚟再encore,唔係唔好食,只係大圍都好多其他選擇,但都可以推介既.

每一天的早餐都很重要，因為是工作的原動力。而一杯港式奶茶，往往成為都城人的還魂丹。一間出式的港式餐廳，除了有好味的食物外，最重要是一杯絲襪奶茶！而金城的奶茶，算是我都平生以來，最好飲的之一！看得出沖茶師傅應該都有一定的經驗，亦飲得出一份誠意。今天一早我就巧遇地去到大圍這間老字號的餐廳吃早餐，都是傳統的牛肉面，腸仔蛋！不過他們的奶茶確實是一絕！加上他們有一款配菜，可算是他們的生招牌------菜莆！這生招牌加上去牛肉面，就變成為特别的早餐！

I dont frequent Tai wai. All I know about the area is that there is an MTR and lots of bicycles. The food scene was a complete mystery to me. My friend took me for lunch today there and I was in for a treat.Kam Shing Restaurant was your typical Cha Chan Teng - fast and heavy traffic, loud and impatient waiters. But I noted the place was very clean for a cha chan teng, and that is always a valued item, thumbs up for keeping up hygiene!  Also, instead of the usual tin jars of chili oil at the tab

去過兩次..第1次試左個tea餐..吉列豬+西多 $28 黎度台巳經覺得賣相流露出係唔錯..果然件西多合格ok都係個d..而吉列豬就炸得唔錯..都幾適中..平時中意食呢兩款應該唔會失望得去邊..到主角第2次去試肉餅飯...好大塊真係..1.5塊豪x雞扒size...面有d鼓油..食頭幾啖有新鮮感所以唔錯..但食食下覺得43一碟呢個飯唔係平..味唔夠濃..濃返d就very good 就 實有下次..而家feel就係得個大字..跟餐方而面杯野飲都係個d 好在唔會太淡太溝水..

之前同家人商討同哥哥慶生，諗咗好耐都諗唔到╯︿╰到最後食嗰一刻爸爸話簡簡單單食一餐算就山長水又遠咁去到大圍食。平時我爸爸媽媽都得閒就入去食個晏咁，今次六點半入到去先知人地就黎收舖，老闆唔嫌我地阻佢收舖仍然好熱情咁叫我地坐低慢慢食。呢一間係一間好普通嘅茶餐廳，裝修亦比較舊式但唔污糟。是晚我地叫咗生煎肉餅飯（炒底），椒鹽豬扒飯（炒底），糖醋豬仔脾飯，仲有糖醋排骨飯。四個人對住四大碟飯，平時我食大概半碗飯，我媽媽都唔食得多，哥哥最大食都只係可以食哂一碟（不過佢係好大碟@@）炒底真係好正，好香，不過味唔濃，夾落肉餅啱啱好。個肉餅又唔鹹，有馬蹄粒喺裡面又爽口，令食肉餅都冇咁油膩。椒鹽豬扒更加唔駛講，香，味濃，鐘意濃味嘅人就啱哂。而且佢啲豬扒唔似一般茶仔咁勁重鬆肉粉味，但係都係鬆軟又入味至於兩碟糖醋我冇乜點食，一黎肉餅同豬扒已經佔咗我個胃八成位置，二黎我對糖醋唔太喜歡。不過食咗舊豬仔脾又幾好呀，酸味唔嗆，俾著平時出面食嘅糖醋未入口陣酸味已經攻到個鼻同肺-_-我地極速食，老闆同啲伙記每上一碟都叫我地慢慢唔好急，佢地就喺後面自己食晚飯，貓貓有時會走埋黎“喵“又走咗去好得意最後走嗰時仲叫多個生肉餅自己返

有時候吃豬肉餅，都會加上梅菜及/或馬蹄一起蒸，蒸好就可以餸飯，在家裡或者在餐廳吃肉餅，多數都是這樣做法的可謂不二法門。來到積福街，除了去漢年茶記，還可以去金城，金城茶記的肉餅卻有著不同的做法，讓在下專程造訪和品嚐它的招牌菜肉餅，在下也聽聞這裡的肉餅做得不錯呢！香煎肉餅飯是在下的目標，也是在下的午餐，就點了一客。端上時，肉餅的香味已經直撲入在下的鼻子裡，鹹香味十足，肉餅有成一吋厚，而且直徑話說起碼都有三四吋，份量十足的，加上伴碟的菜芯，賣相已經足夠了。肉餅純粹為豬肉，沒有加上梅菜或馬蹄，只有用醃料醃製，味道醃得適中，不會過鹹及過淡，滿嘴都是肉香，肉餅外層也煎得香脆，在下也加入了頗辛辣的辣菜脯於肉餅中，增加其惹味口感。由於天氣也頗熱，故抵受不住的要了一杯凍奶茶，可惜凍奶茶卻只是一般，沒有茶的甘醇，茶味較為弱了一點，媃和茶的比例尚算適中，可是味道確實一般而言。在下獨個兒吃掉一個份量頗大的肉餅飯，實在令在下要捧著肚子出去呢！

大圍的積福街可算是一條短短的食街。其中最為人熟悉的，除了有越開越多分店的"新斗記"以外，當然還有兩間街坊茶記 ----以鹽焗雞飯炒底見稱的"漢年"以及椒鹽豬扒及肉餅作店自慢之物的"金城"....是夜姍姍來遲，差不多在"金城"收舖前才到來吃個快飯。上趟是獨個兒來，自然能試的東西就有個限度。今一次加埋小弟有三個人，看來可以盡試店中的推介了....不過無論要點甚麼吃，置於檯中央，放在膠樽內任人嗶的自製辣菜甫仍是最好的開胃菜。入口又辛又辣極其刺激，用來撈白飯食絕對是天仙配....掏了一些給太太試，不能太吃辣的她馬上吃至咪眼眉頭大皺....還是不勉強她繼續吃了...一時慣了口的叫了一碟椒鹽豬扒飯，及後看見其他檯的熟客都每人要了煎肉餅飯。那賣相實令人唾涎欲滴得讓小弟登時後悔不已....不過這當然不表示豬扒是下品來的 ---- 儘管肉是下了鬆肉粉處理的但吃時亦不至於全沒了肉應有的味及質感，而且那香辣惹味夠濃郁的椒鹽及葱茸所帶來的吸引力又是極大。以此來送飯，閒閒哋一大碟將之清倉亦不是大問題....還是不甘心，最後卒之仍是要叫一個煎肉餅包來止止渴。包只是普通的長身餐包，咬落算是軟綿的；身為主食的肉餅是即

因為金剛小儀效應，入左金城茶餐廳：食品：快餐=黑椒豬扒飯+熱奶茶（$38）評價（黑椒豬扒飯）：賣相唔得，黑椒味夠，一般一般！評價（熱奶茶）：滑，但茶味不足！食品：XO香茜牛肉湯米粉（$30）評價：好大碗，味較辣！牛肉滑，但冇味！發現好多人叫生煎肉餅飯，賣相一流，下次可以一試！

來到大圍，只是想吃個簡單午餐，因已嚐過隔壁的漢年，於是決定試試金城。找到座位後才發現小儀那個節目有介紹過它，點了個最簡單的快餐-叉燒腸蛋飯，友人就點了常餐-鮮牛肉通粉..快餐果真好快，吃第一口...難吃到呢...飯硬到不行，女生來說也覺得它份量少，收我$37一個餐，我想問一句：憑甚麼？友人的常餐只是很小碗的通粉，這樣又$29.....叫甚麼常餐... ?附近的茶餐廳價錢差不多，亦明白生意難做，份量少一點也正常，但白飯都可以難吃如此，叉燒都乾掉，完全不值這個價錢...臨走時，我有向收銀叔叔反映意見，我也不想一間帶點古舊氣息的茶餐廳每下愈況，希望往後會聽到有改善，使我再來吧！