金公館 (康怡廣場北座)

營業中

休息中

因為恆隆coupon ，所以揀咗呢間餐廳試。點餐前我已問黑衫部長，我嘅coupon可唔可以用？佢話可以我先點菜。我們點了一個二人套餐，基本上食物還可以的。片皮鴨，皮脆但肉有啲乾。杏汁豬肺湯，有好多豬肺都算好味。最欣賞個雞絲粉皮，味道調得啱啱好👍🏻 紅燒豆腐正常啦。我哋仲另外叫咗乳鴿，算好味，皮脆裏面都多汁，但就細隻啲，不過做特價可以接受😜 埋單時黑衫部長話唔用得coupon，仲要係態度差到爆😱 其實用唔用coupon我冇所謂，但咁嘅服務態度，簡直係趕客！

一向都知道這間酒樓的服務員對熟客有特別待遇，熟客可任意挑選座位就坐，二人也可坐大圓枱，但其他茶客就要被服務員大姐安排入坐。就算早茶時段有不少空枱，也不能擅自就坐，否則會被要求起身轉枱，老弱傷殘者也無例外。由於年近九十的媽媽對這酒樓的「黑椒豬大腸」情有獨鍾，所以明知飲茶坐位要受氣，也會陪她和坐輪椅的爸爸每星期到這裏光顧一次。今天到達酒樓時，服務員阿姐叫我先拿票等位，於是便聽從指示站在門外等位。但過了一段時間，仍沒見員工來叫位，便走進店內看看。發現近窗邊有三張圓枱是丟空的，於是我便逕自坐在其中一張。不久，就聽見服務員大姐對我怒吼，責罵我「鍾意坐邊就坐邊，不聽安排」。等了良久，沒有人來開茶給我們，我禮貌地請兩位女服務員來開茶，但她們避開沒有理會。我只好自己到茶水間拿茶壺和茶葉來開茶。寫了點心紙，遞給收銀阿姐入單。之後，收銀阿姐來到我們桌前，說今次是勉為其難替我們入單，這樣做她會被人罵的。唉！今次我們未經批准私自入坐似是犯了彌天大罪！我終於忍不住氣，對收銀阿姐說：「我不會令你難做，今次會是我們最後一次到這裏飲茶。若不是媽媽愛吃這裏的黑椒豬大腸，我一定不會來光顧，飲茶要俾錢受氣真係慘過來乞食！」

蔥油雞蛋豆乾 $56上菜時以為係豆乾，食落口先知係用蛋白做，有滷水香味，加埋啲蔥油都幾好食蒜泥白玉 $92超爆多蒜泥，唔算太辣，朋友唔食辣都食到，白肉夾住青瓜片一齊食無咁膩，唔錯！四川擔擔麵 $58份量足夠！味道唔錯，唔會好似有啲川菜館咁個湯好濃好多花生醬咁，唔太辣，抵食之選。雙椒魚 $238 （小份）經理知道我哋唔係好食辣，所以推介我哋食雙椒魚，可以叫佢哋做小辣。魚肉係用鱸魚，啲魚片好滑同埋都算鮮甜，細份黎講都算大盆，三個人都食唔哂，因為仲有手打烏冬係底！抵食～

今年公司提早係康怡 金工館食冬至飯。頭盤好豐富 ，閃電式俾同事食晒影唔到相。我最鍾意係涼拌皮蛋，川鹵鴨舌 ，同蒜泥白肉配青瓜好特別。北京填鴨 皮好脆，配埋嗰種醬汁好味。酸菜魚係招牌，同事們都想試。 味道好過太二， 加埋紅薯粉連埋湯一齊食。👍🏻咸蛋大虎蝦賣相都幾好。帶子珊瑚蚌，花膠鮑魚海鮮羮做到水平以上薯仔安格斯牛柳粒好惹味，下次可以配飯。個套餐仲有伊麵，上素 ，甜品。我實在太飽，打包返屋企食。 Overall, 今餐大家都滿意，涼拌菜，北京填鴨，酸菜魚同薯仔牛柳粒都可以encore。下次lunch再嚟試吓。

好耐無食片皮鴨，見到金公館片皮鴨做緊工作日半價優惠，滿懷期待來返一隻試下。竟然今次俾我第一次食到凍既片皮鴨，同店員問點解片皮鴨係凍既，佢竟然propose 叮熱返俾我地食😖仲要叮熱返來，都只係暖少少😢😢應該一開始發現片皮鴨係凍既就要退左佢，都唔知擺左幾耐擺到凍⋯⋯ 就連皮蛋瘦肉粥，竟然都只係暖暖地，唔係熱辣辣，粥唔係應該一直擺係煲度保持溫度既咩，實在諗唔明點解可以做到粥都唔夠熱，實在差到無得再差，之後一定唔會再去

一家七口去康怡廣場3樓金公館食晚飯，分5點半及8點鐘兩輪，而我哋早兩日就訂咗8點鐘7位。當晚去到準時入座，其中一位女職員好細心，幫我哋揀咗張較大嘅枱，而我哋亦好快地揀咗個6人套餐，冷盤有有雞絲粉皮、酸辣秋葵、紅油豬耳，3樣都好好味，好爽口。熱嘅有酸菜魚、菜膽雲吞雞湯、鮑魚紅燒肉、竹笙上素、雪菜火鴨絲炆米、烤北京填鴨，樣樣都好足料，而且都好味道，特別係佢用嚟包片皮鴨嘅粉皮，放係蒸籠內，每張粉皮都有張紙隔開，方便攞上嚟及揸住嚟包，感覺幾特別。總結：食物水準高，足份量，可能我哋比較細食，所以食剩好多嘢，最後我哋都入落自備食物盒內，帶返走。餐廳環境都算乾淨，職員都好有禮貌，回家後，睇返張單，先發現仲有甜品未俾我哋，而我哋又忘記咗問，所以就唔知金公館嘅桂花糕好唔好味啦。

Went to this resto to yum cha with my family before my bro left. .We ordered the following dishes:-Steamed Barbecued Pork Rice RollThe rice roll contained steamed barbecue pork and coriander. Its skin was thin, and the pork was not very meaty. -Steamed Barbecued Pork BunsDidn't try this, but it looked quite substantial. -Steamed Custard Buns with Salted Egg Yolk The buns were hotly-served and had a yummy egg yolk filling with the right amount of sweetness. -Honeycomb Tripes with Black Pepper The

上星期日和家人到康怡廣場的金公館晚膳，一直聽聞酒樓的服務一般，不過幾個小菜嘅味道同賣相都唔錯，有少少驚喜。雞絲粉皮 （前菜） $72雞絲嘅份量唔算少，胡麻沙律醬清新好味，但略嫌胡麻醬份量偏少，被沙律醬嘅味道蓋過。鳳梨咕嚕肉 $108咕嚕肉炸得稍稍乾一點，但配上新鮮鳳梨及酸酸甜甜嘅汁芡，相當開胃，整體味道唔錯。竹笙海皇蒸蛋白 $108蛋白蒸得幾滑，再配上竹笙、蝦仁、冬菇粒和配菜等，味道豐富，老人家小朋友都啱食。小編推介。海味雜菜粉絲煲 $118雜菜煲有生菜、菜心，旺菜，白菜等，湯底味道唔錯，值得一試。小菜的味道整體中上水準，價錢亦不算高。相信小編會再次回訪。

$42 早晨孖寶：生煎涼瓜餅係涼瓜鯪魚肉餅，涼瓜不算多，不咸，味道ok娥姐粉稞皮薄，饀料多，有冬菇、芫茜、甘旬、粉葛、不咸，味道好$46 早晨孖寶蜜汁叉燒包叉燒饀不會太咸或太甜、主要是瘦叉粒，不肥膩又夠味香芋鴨腳扎芋頭夠腍也入味，整體不錯金公館鮮蝦餃皇（4件）大小適中，皮薄，蝦餃饀ok蟹籽燒賣皇（4件）大小適中，味道ok蠔皇鮮竹卷 Ok鳳爪排骨飯排骨沒有羶味，飯腍了一點，算不錯環境ok，上菜算快，點心整體不咸，味精不重，性價比高，是飲茶的好選擇The restaurant is located on the 3/F of Kornhill Plaza. The following had been ordered in the morning:$42 Combo:Fried Bitter melon PancakeIt’s a fried dace fish patty with bitter melon. It’s not much melon. It’s not salty.Steamed Assorted Vegetable DumplingsThe stuffing inclu

外父生日，去book位食飯，佢地話book位要俾$500訂，跟住食完張單扣返。我地當時無現金話得$300，佢話$300都可以，我地已經覺得奇怪。到咗食果晚，無雞，無炸，話太多人唔夠鑊炸。啲嘢食就普通，等餸好耐。算啦都生日嘛，食完6個人$1400咁我攞張卡出嚟，我未開口佢已經話卡機壞咗，可以俾八達通或者現金。我問佢做咩唔一早講咁我都可以拑定錢先啦。佢𠲖𠲖哦哦咁，又話可以一半俾現金一半俾八達通，最尾要我外父幫手俾住先。好差嘅體驗，第一次喺酒樓book枱要俾訂金。態度又差，永遠black list唔會再幫襯呢間垃圾。

餐廳仲有15分鐘閂門，為唔阻住人收工，已經攞外賣盒打包。我仲夾緊嘢食落盒，大叔員工已經搶走咗隻碟😓 都算數。然後忽然大叔企喺剩餘三枱客旁邊勞氣大喊：呀姐, 冇人肯走呀! 一個都唔願郁! 我哋今晚要遲收工啦!! 我心諗叫人走都可以好啲聲氣啫，我哋一定配合，咁樣未免太惡劣😟 於是我同經理反應: 你員工咁嘅方式趕客唔係咁好。而經理隨即捉咗阿叔出門口傾偈，但過程中阿叔已經放聲爆粗鬧我哋。⚡️我隨即攞起電話影低，如果繼續鬧就向公司投訴。跟住阿叔入返嚟，我challenge佢夠膽就講多次頭先個番說話，點知佢已經升級成郁手搶電話 (雖然影出嚟，你覺得佢淨係拍打，但其實係搶緊)。而當然少不免繼續用粗口招呼我🫠。最後經理表示: 冇辦法，佢脾氣係唔好, 你哋覺得點做點好啦。而呀叔就: 你咪投訴我囉屎窟鬼! 屎窟鬼!….咁樣送我哋走💀其實佢應該係慣犯，網上都有劣評係針對佢哋餐廳服務。可能依家餐廳難請人，連爆粗鬧客、郁手郁腳嘅員工都包庇縱容。個個都話澳牛啲人好惡，但佢哋都只係粗聲粗氣，冇話有敵意。 反而呢位阿叔，冇得早啲收碗碟，就動口動手。就算真係過咗鐘都唔係咁啩😧 唔知我算唔算好彩？咁大個人都真係第一次遇到呢

野食ok, 正常點心。都見好多一家大細去飲茶，不過有得揀我都唔會再返黎受氣。😊啲阿姐嘅態度真係不敢恭維。個個都黑面唔講，問你飲咩茶極唔耐煩。樓面得兩三個阿姐落單，人手唔夠係諒解嘅，咁咪行出去搵阿姐幫手落單。點知收銀個阿姐串返你轉頭，話唔會落單，一定要搵樓面啲姐姐。同佢講返我果邊無人，收銀阿姐中氣十足：你咁講就唔岩啦！ 笑死！有無人落單有咩對錯？我行埋出黎方便你仲要俾你話？ 樓面姐姐見到就走埋黎收左張單。總結：野食ok, 但唔明點解俾錢食飯仲要受氣。

經理話問左廚房話係菜乾..咁係菜乾定老鼠屎大家自行鑑定。本身仲諗住d野幾好食之後會keep住黎食，但而家咁樣真係唔敢再黎食了。食物質素幾好都冇用，如果衛生惡劣，對食客既健康好冇保障。

一個小型花膠海參煲，只有少量又薄又小的花膠及大量西蘭花，但售價卻是368元！！貴得實在過分，售價與品質極不成比例，唔怪之得啲人返晒去深圳食飯！呢個價錢可以食個澳龍伊麵！

片皮鴨冇咩肥膏，質素依舊高汁。片皮鴨哥哥切到冇停手，不過都要等咗半個鐘頭以上先有得食。配桂花蜜醬& 哈密瓜係我最愛組合小籠包湯包一般，皮粗，唔夠薄，湯汁都流走曬肉又冇味，比一般嘅小籠包都差賽螃蟹配醋，全靠醋味提升整體味道，如果唔加醋，嗰個炒蛋白同埋帶子肉真係冇味可能連自己都唔知，原來自己鍾意呷醋鮮百合炒淮山，雖然外貌一般，不過味道唔錯。需要一味健康清淡又好味嘅菜，佢係合格嘅。整餐飯我覺得可以畀6分、其中四分係畀片皮鴨,而兩分係畀個淮山。