醬缸韓國料理 (已搬遷) 新店位置

一直都好想試醬油蟹，所以上openrice 搵食啦！見呢間係韓國人開，應該叫正宗啦！即管試試！我比妹妹同佢男朋友早到一兩分鐘，諗住先攞位（3位），店員說要齊人先準入，我說她們已在佐敦港鐵站，而在C2出口來不需1分鐘，係沒有客人情況下也被拒進！那唯有在熱辣辣既門口等一等...期待已久想食既醬油蟹，真的非凡中再不能平凡，絕不是坊間所說又鮮又有鹹香，仲要索價HK$258！成個人灰晒！呢個人參雞湯$108不但沒人參味，連湯都唔多，被糯米吸了大半，雞都竟然冇雞味！而最離譜係個人參雞湯入面竟然有烏蠅...叫店員來查看，開頭扮看不見，聽不懂！之後我再大聲點說個人参雞湯入面有烏蠅，先比個哦既反應！之後才說整過給我們！其實已經冇心機再繼續食下去...我們還點了豬手及海鮮鍋！不知是否老闆，見我黑黑地面就說不收那人參雞湯錢～但這樣經營，這樣服務態度！呢個價錢可以有更好既選擇！我很小給負評的！但今次真的不得不給予負評！

食左醬蟹（唔辣）（~$290 2隻）、大醬湯、芝士年糕蒸排骨、拌飯、泡菜煎餅、燒五花肉～首先食左泡菜煎餅。我並唔係成日去韓國嘅人，只能同本地韓國菜比，平時通常去尖沙咀明洞express⋯⋯所以一比之下，嘩！好好食！外脆內軟架！跟住就係醬蟹⋯⋯其實只係第三次食醬蟹～第一次係喺韓國食，其實當時食覺得有點嘔心～而且當晚就食物中毒-_- 第二次係唔知死，喺香港食「水貨」醬蟹，但竟然冇事，同埋係辣味，幾好食＠＠今次食，唔辣嘅，又同喺韓國食嗰次唔同喎，冇咁甜～第一隻一D一D都唔腥；朋友食嗰隻有一丁點兒腥但都係好食嘅！其實喺韓國嗰次，係完全唔明點解全智賢喺《星星》會叫醬蟹做白飯小偷⋯⋯反而今次喺醬缸，感覺更加強烈！啊不過朋友prefer唔撈飯，因為想食蟹嘅鮮味。總之呢個個人喜好啦！啊，食醬蟹要落手食～餐廳有手套～不過都容易食到亂七八糟架XD 要保持儀態嘅人要格外注意！芝士年糕蒸排骨～聽個名都唔知係咩！但原想係類似炆牛排骨（入面有好好味莊蘿蔔、年糕），上面再舖一層芝士。食嘅時候請注意有冇朋有偷偷地一嘢挾晒D芝士！因為係唔斷架！XD 呢個都推介嘅～五花肉係廚房燒好嘅～不過可能如果你叫得多燒烤，佢會俾個爐

Have tried the Gejang (醬油蟹) in Korea last year and fallen in love with it since then. Instead of going all the way to Korea for it, I'm so excited to know there's a restaurant offering authentic Korean Gejang in Jordan. I have made a phone reservation to order their Gejang a week in advance. It is funny to know that they don't take table reservations for weekend but allow us to reserve their Gejang- what if the restaurant is full but we have already reserved their food? Fortunate enough, we arri

從來未吃過醬油蟹，但好友剛從韓國旅行歸來，對這蟹讚口不絕，於是明查暗訪便得知這間韓國小店了，跟著想用電話訂枱啦，但打了半天都打不通便諗住直接walk in，去到的時候才知道訂枱的list要排兩個星期苦等了兩個星期，終於等到了……人生第一次吃生蟹，果然很鮮很甜，但我相信不是每一個人都喜歡那種淰滑的口感，建議將紫菜飯放於蟹蓋內，便可以令鮮甜的蟹羔汁液被飯所吸，真是絕配這味豬手我側當成是副菜，賣相不俗，咬下去時有很豐富的口感、入口時皮的膠質加上肉的質感，令層次感昇華不少

話說朋友生日，佢好想食呢間的醬油蟹，所以我親自去到鋪頭直接訂枱（因為長期電話打吾通），終於食到期待已久的醬油蟹，不過吾知係咪未到季節，所以吾算大隻，而且d蟹肉比較削，不過醬油蟹的汁撈飯一流👍🏼👍🏼👍🏼另外再叫左芝士年糕炒排骨，出奇地好食！排骨好入味，而且好稔身，吾會un, 好味過醬油蟹！真心！我係會因為呢個炒排骨而再黎食多次！好正👍🏼👍🏼👍🏼

1) 醬油蟹~無鮮味只有豉油味😧2) 鐵板韓式烤肉~肉質靭及有雪藏味😵3) 豬肉泡菜湯~無泡菜味😰以及差唔多全部都係菜無肉……😒4) 炸醬麵~最差係炸醬麵😤個汁無味😵麵質又淋到一pat pat😨未食過如此難食😝#只係同個店員講➡個炸醬麵真係食唔到，因為麵質太淋可否不要只係吃過一口，店員態度勁差話麵質係咁，重要話(一定係你地放耐左先食啦) 我覺得好搞笑😂只係放左一陣……以及呢個唔係湯麵係撈麵，又點會咁快淋到一pat pat呀😤food court 一定好食過佢😞……#重點係語氣好差無禮貌，以及不負責任真係唔會有下次攞，好失望😳我咁多聚會一定會叫所有朋友，唔好去呢間食攞😒

朋友多次介紹一定要來這邊食牛排骨，話係第二到食唔到甘出色。終於係佢講左十幾次之後，我黎到佢介紹既醬缸。我地四位朋友，已經到了三位，但店方堅決要人齊才可入座。其實三人四人都係坐四人枱，真係無情講？ 終於齊人入座，一坐下便有韓式前菜，薯仔清爽，泡菜不會死咸。海鮮芝士粉年糕 $128賣相挺震撼，盤子很大，不過年糕只有薄薄一層，很快就被我們瓜分掉。芝士超煙韌，拉不斷。味道甜甜辣辣，但不會過火，是偏向溫和的味道，可以一口氣吃很多。辣蒸排骨 $128主角來喇！ 滿滿一盤的排骨，大概有十多件！而且超級厚切，果真啖啖肉。肉質軟淋但仍吃得到一絲絲的口感。辣味比年糕更溫和，可能因用上紅棗，入口帶甜味。不要忘記吃蘿蔔，所有精華味道都藏進去了。一個蒸排骨會配送一碗白飯，排骨超送飯，配飯吃簡直不得了！除了服務態度和椅子有釘桔穿左我條褲（哭）之外，食物質素是十分不錯哦！

電視韓國旅遊節目介紹韓式醬蟹，我已經同自己講就算去唔到韓國都要香港食，點知道一食就已經不能自拔!! 其實我已經食云好幾間韓醬蟹, 唯獨是得依間令我情有獨鍾!! `就算要我至少兩日前預訂蟹, 甚至無得訂位要 walk in 排隊都好, 都改變唔到我對依間韓食店既專一老闆(韓國人) 同我講藍蟹必須每日由韓國新鮮直送, 所以一定要預早訂, 依間醬蟹既 size 係我食云最大隻既一間, 基本上一人份一隻係足夠, 但以我依個醬蟹痴, 每次都要食兩隻至能夠滿足!!生醃醬油蟹醬油蟹有分辣同唔辣, 我個人比較喜歡一般醬油醃蟹 (即係唔辣), 因為辣味醬油蟹用左泡菜落去加醃, 泡菜本身味道會搶走部份生蟹鮮味, 所以想真正品嚐生醃醬油蟹滋味, 都建議食原味醬油會比較好, 有朋友同我講佢食過啲醬油蟹得過咸字, 咩鮮味都食唔到, 原因好簡單, 全賴於醬油製作既水準高與低, 高質素既醬油食落唔單止無咸味, 而且仲有一種鮮甜味道, 能夠做到提鮮既效果, 若果遇上肉質黏糯既蟹更加無語倫比!!

由開張到宜家都係咁多人終於有一次book到同朋友黎試重留左醬油蟹佢係配個飯食, 撈埋一齊因為我唔多食生既野所以無試, 朋友話好鮮味都近似係韓國食到既味道 所以呢個價錢都好抵食我就唔敢試喇, 因本身自己唔多食生既野我地其餘都叫左個燉牛排骨入味, 都淋, 但就無我上次食既咁淋整到骨肉掂下就分開咁但都保持到肉汁, 送埋飯真係好正另外我覺得必食既係芝士辣海鮮年糕我覺得呢間餐廳整海鮮有一手, 可能因為佢地主打之一醬油蟹都係屬海鮮類所以佢地處理海鮮唔差, 雖然應該都係冷藏海鮮, 無雪味而且佢既辣度岩岩係我地最鍾意既, 年糕又唔會話over左變到太軟身無咬口如果唔係成日咁多人又比較迫, 下次都想再黎叫呢個海鮮年糕食

-早成個星期打黎book枱，可以被cancel左而又態度差叫你自己黎排過隊，大家記得早一日打電話黎確定booking~-海鮮薄餅好食，煎得面頭脆，薄餅夠料，有口感。-side dishes 4碟，kimchi都多,仲有白菜仔，幼薯仔斯-泡菜薄餅味道ok-個個讚好的芝士年糕海鮮鍋薈，似係食西式pasta既味，不是韓國正宗味道，不是辣的。而海鮮少，但都有3隻青口，幾隻打不開的蜆，食到一粒迷你帶子。中間有隻烚蛋。-可能呢度得醬油蟹出名，而我地無食。-有個應該係韓國老闆娘不斷催我地走，話幫我地打包，出面好長隊

醬油蟹大家識食嘅話都應該聽過呢間醬缸嘅韓國舖頭 排長龍就常識啦一行6個人排左成粒鐘，終於有位，一坐底就即刻講聲訂左醬油蟹，冇錯，係要早成個星期訂蟹㗎！！！如果唔係就得普通韓國菜食㗎喇。叫埋其他菜，有冷麵、海鮮辣麵，再叫埋韓國米酒 不過我自己唔係好中意飲米酒。 最先上嘅係韓式辣麵同冷麵，冇乜特別，夠地道，有係韓國食開嘅味道之後嘅醬油蟹就係主角喇>< 啲蟹全部都好大隻，同埋好多蟹膏，又夠晒甜！不過唔鍾意食生野嘅人就唔係好啱⋯ 連蟹仲送一個紫菜飯，用啲蟹膏同埋啲醬料撈埋落啲飯一齊食都好好味架衰在一定要之前訂定，冇得再嗌=[

同朋友食生日飯，好想試醬蟹，便黎到佐敦呢間有名氣的'醬缸'試了。醬蟹($258)是需要電話預訂的:蟹偏細，蟹膏較少，但味道好鮮甜味美，好似啫喱咁。蒸排骨即是燜牛肋骨，件數大且多，紅白蘿蔔同薯仔吸晒醬汁的甜味，味道不遜新羅寶參雞湯: 冬天食暖笠笠成隻雞精華係晒果3，4碗份量的湯裡，因內有少量糯米飯故很暖胃呢！泡菜煎餅: 煎餅有海鮮同泡菜分，泡菜少辣但味道出奇豐富，正食物質素ok但服務有改善空間。雖然餐廳見擠迫，但職員有3-4個其實一定可以應付得到客人需求，唯年輕職員好多時做事不上心，添水亦要3催4請，盼可改善一下啦！

The only reason that this restro draw our attention is its Gejang, the marinated crab! For fear that we have to wait for hours(especially at weekend), my friend and I came to the restro at 6pm sharp. Luckily it's not full yet and we immediately get a seat!The crab is served raw, marinated with sweet soy sauce, chillies, garlic and onions which bring out the freshness of seafood. The soft meat and its bright orange creamy roe are heaven, coming along with a set of kimchi and steamed rice with sea

在預早1個月的訂位下，今日可以試下醬缸的(醬油蟹) 醬油好好味-不是只有咸。配菜的紅椒青椒不會好辣。蒜子很爽脆。醬油蟹蟹膏好似食海胆一樣，蟹肉滑溜溜的正。 (韓式豬手) 配醬一碟子是有很多細細細隻的咸蝦仔，很咸有點似蝦醬的未完成板。另一碟醬似咸味豆板醬有少少花生醬，两樣加在一包豬手正。用泡菜包豬手也不錯，不過豬手本身有煙薰過，就算空口食也好味。

Knowing that this shop is very famous for their soy sauce crab and not being able to try one during my trip to Korea last time, i decided that i had to try it no matter what when i returned back to Hong Kong. As this place did not allow reservations, we arrived at 630pm. There were already 10 over people in front of us and we needed to wait for roughly 90 min before our turn arrived.The shop was very small so all customers were seated very close to one another. Even though most of the staffs wer