醉藥雞 (福榮街)

營業中

休息中

 點樣先可以o係成條街都係食肆既福榮街度立足之餘又做到突圍而出? 除左要夠特別, 就當然係要真材實料啦. 冷盤 –  醉乳鴿, 醉牛舌: 好濃原既酒香味, 乳鴿份量十足, 牛舌夠厚身, 有口感. 夠哂入味冷盤 – 麻辣豬耳: 好爽口, 亦唔會太辣, 適合大眾口味醉雞藥膳湯米線 , 砂窩藥膳醉雞刀削麵 : 藥材味, 酒味濃郁. 好正. 朋友飲湯似到面都紅哂, 証明夠足料砂窩雞湯翅米線 : 熱辣辣米線, 有粘嘴效果, 唔使講都知有幾足料啦醉三鮮雞湯翅刀削麵: 有飽魚, 蝦, 螺. 全部都浸到好入味砂窩人參雞米線: 超濃人參味, 鐘意人參既朋友一定要試另外加左溏心醉蛋, 食評個個都話好味, 但我就覺得一般.

啱啱好趕得切6點前食埋個晚餐，叫咗砂鍋雲吞雞(轉刀削麵)$68，加多一隻醉溏心蛋+$10。刀削麵略為淋咗啲，特別係熱湯浸住食到最後已經淋哂；雞肉唔算硬但係又唔夠滑，都叫合格嘅；雞湯味道ok，唔係驚為天人，就勝在夠熱；雲吞都係正正常常，唔大隻一口size。醉蛋個溏心做得唔錯，酒味好濃，眼見個酒底應該好多料。可能我唔太好酒，覺得濃咗少少😂食到一半，我大膽咁將一匙羹醉蛋嘅酒倒咗入雞湯到😎結果呢次實驗係…好成功嘅！✌濃濃嘅酒味令成個湯底有層次同深度，又唔會太勁好入口😎整體黎講，樣樣野都係合格啦嘅level，好就好在咁凍嘅天氣食完會暖哂😚(同埋價錢都合理，份量啱啱好)

同爸爸一齊去深水埗行街上網搵左間多好評嘅去試試呢度最出名係酒醉系統同鮮湯麵～我最鍾意食醉雞㗎喇！睇完餐牌後爸爸要左個雞湯翅米線我就試佢個酒醉牛舌同酒醉蛋～雞湯翅米線超熱辣辣雞油浮晒面，應該都幾足料！雞湯味濃雞件滑溜，唔會煮到老晒👍爸爸大讚事實係，佢食完後第二日念念不忘再返去食多次😂😂因為佢覺得同樣價錢，比譚仔抵食太多始終真材實料！我食嘅酒醉牛舌好好味酒味香濃牛舌軟嫩而且牛舌油脂分布平均酒香油香混合一齊超好味！仲想試佢個酒醉梨可惜當日無貨😭😭酒醉雞蛋溏心蛋黎㗎！用醇酒浸住溏心蛋更入味～最後我地仲買走左醉雞，醉鵪鶉蛋添🤤🤤🤤外賣會將酒同食物分開，唔會浸到淋晒！細心！另外店員都好細心，見到我地想分開麵面雞油，主動拎左長匙羹俾我地用，等我地唔會俾窩面辣到手！👍👍👍

講起花膠雞湯刀削麵 即刻諗起有更耐歴史既太子‘樂湯雞’但‘醉藥雞’質素都相當好 雞湯底無味精 花膠膠質重 雞件嫩滑油份足 湯面泛起一層薄薄雞油 相當誘人雖有多種粉麵可供選擇 刀削麵厚實有嚼勁 最具特色醉溏心蛋 $10/隻 絶對必試 流心蛋皇香濃 食完齒頰留香 完勝唔小坊間拉麵店既溏心蛋醉牛舌 坊間小見 用上舌芯部份 牛味特香特濃 嗜牛者萬物錯過醉鵪鶉蛋則略為失色 份量雖多 亦最抵食 可惜蛋身過硬 味道普通整體質素中上 食物有特色 物有所值 路過值得一試

醉藥雞，最弱雞？一早聽聞佢地嘅藥膳菜式，招牌就係醉藥雞米線～但真心覺得佢未能成為「門面擔當」～冇酒香，藥材味又淡到近乎無，雖然醉雞夠滑又入味，但都不能蓋過煮雞酒湯底無味呢個缺點～另外雞湯翅米線，反而係亮點～好有我去澳門食雞湯翅嘅味道！超濃雞湯香，好有膠質嘅感覺～米線入曬味，最正咁平民嘅價錢就可以食到～值得下次再encore ！😋至於小食就叫左醉三鮮同麻辣豬肚～醉三鮮有鮑魚、蝦、螺～酒底加左桂花，比較女仔嘅味道～男人有機會覺得佢唔夠「麻甩」～鮑魚最入味又彈牙，反而蝦、螺夠鮮但唔太入味～所以再叫的話情願直接叫「醉鮑魚」感覺會仲滿足～麻辣豬肚都好推介👍🏻👍🏻夠麻夠辣，但又不至於辣到食唔到～豬肚亦都好爽口，又唔會太大舊，一食上癮停唔到口😋

秋風起要補身，去到深水埗當然去「醉藥雞」食碗藥膳雞湯暖暖身。店舖唔算大，但係都唔需要等好耐砂鍋人蔘雞刀削麵：雞肉滑嫩，雖然鍋中的人蔘睇落唔係好大條，但人蔘味濃，當人蔘湯飲都不為過砂鍋醉藥雞：雞當然滑，仲有雲耳、紅棗，陣陣酒香飄上來，飲完個身暖笠笠溏心醉蛋：跟麵只需+$10，酒釀溏心好軟糯鍋的份量比我預期大，食完一鍋我連晚餐都唔使食，下次要帶朋友試試

今日陪朋友去左深水埗買d電腦零件🖥️，順便係附近揾下有咩好食😋係福榮街附近食肆林立，選擇都不少👍依間餐廳d嘢食好似好養生咁，見都有唔少人幫趁，一於就試下先😉等左約十分鐘就有位，店員之後都仔細介紹佢地的食品，佢地餐廳主打砂鍋雞米線，另外亦有足料靚湯，同埋冷盤熱盤小食😚砂鍋醉藥雞米線因為係用砂鍋上，熱氣騰騰的👏雞件份量都不少，而且都係雞脾肉，食落好滑嫩，頗有雞味的🤤至於個醉藥湯飲落好滋補，酒味唔重唔難入口，入面加左木耳，紅棗，鮮淮山，食落清清地都不錯😌鮑魚雞湯翅配白飯足料靚湯系列😎相對頭先個藥膳湯，依個湯就比較濃味，感覺成隻雞嘅精華都係入面😇，但又唔會好咸，唔覺有味精，入面有d雞件食落唔鞋(唔似平時煲湯d湯渣😂) ，鮑魚味道鮮甜，另外亦有d翅食下個湯用來送飯，味道亦一流整體覺得佢地d嘢食好足料，味道都不俗，下次等天氣凍時再黎試下先😝

外賣比錢位又無餐牌比人睇清楚成個餐叫咩名，好似一定要記得哂全名咁。間鋪真係唔係大曬架。收姐果呀姐仲借啲E 同第二個睇門口個呀姐講：下次啲人諗好食咩先放入黎啦。（我心諗：我由落單到比錢一分鐘內講哂比哂，咁都叫未諗好？）以後唔會再黎呢間野，又要比錢，又要受氣。如果我乜都未諗就話姐，你地又無提供到餐牌，唔通次次都要影低要食咩，行到入去急口令咁落單？啲呀姐真係目中無人到一個點，好心就檢討下啲服務態度。有病就真係睇醫生。

朋友本身好鍾意食醉鮑魚，佢特登介紹咗我去呢一間專食醉野既餐廳，我都覺得好新奇就一於試吓。呢間野都幾多人排隊都等咗差唔多成半個鐘先至有位。醉鮑魚呢個鮑魚好抵，都係$118仲要有六隻，仲要唔係好細，鮑魚好彈牙而且好有酒香同好入味，食完一隻仲想食一隻，食到停唔到口，我朋友果然介紹得冇錯。砂鍋醉藥雞呢個係佢招牌嘅醉藥雞，當然有藥材係裡面，有紅棗、木耳、粉絲同埋佢嘅醉雞，個湯都幾甜， 又唔覺好有酒味，可能落個湯度啲酒精揮發左所以我覺得唔係太有酒味不過食落去都OK， 反而藥材味就重啲。醉鵝肝呢個係推介！我本來以為佢好似平時嘅中式鵝肝咁都係有少少鞋鞋地，點知原來佢哋係用法式嘅鵝肝， 呢個真係驚喜因為食落去非常滑而且同啲酒味好夾好入味，我都係第一次食呢種質感嘅醉鵝肝，味道一流。醉牛舌呢個牛舌幾彈牙而且酒味道濃郁，味道不錯。下次再嚟嘅時候希望搵啲日子冇咁多人如果唔係又要排晒長龍不過食好嘢梗係要等吓先

天氣開始入秋，要進補。我及家人點了砂窩雲吞雞及砂窩醉藥雞share黎食。砂窩雲吞雞味道像魚翅湯，價錢幾十蚊卻有墩湯效果，抵讚。砂窩醉藥雞嘅雞唔鞋，感覺亦好滋補。另外我哋仲點咗醉鮑魚，lee味醉鮑魚落咗桂花，而且酒味濃，口味意想不到。

深水埗3月新開養生館🌱 非常時期真係要食得健康啲養生啲比較好🦠 將雞同豬肉熬過夜，加入藥材或者糯米酒等熬成唔同嘅養生湯底～.【醉雞配藥膳湯底米線🍜】HKD58醉雞雞肉嫩滑，酒味香濃，浸得入味👍🏻，鍾意醉雞嘅你唔好錯過😋 藥膳湯底就一般啦，味道太淡無乜藥材味，濃啲會更好，米線普通貨色。【口水豬手配足料濃湯雞飯🌶】HKD58口水雞醬料調製不錯，用上花椒、八角、蒜等多款材料，集麻辣於一身。豬手大大件，爽口彈牙，充滿骨膠原，係女士們嘅恩物呀☺️【醉牛舌👅】HKD48推薦✨ 一上菜已經聞到好濃烈嘅酒香味🤤牛舌厚身有咬口，浸得入味，值得一試！

◭ 砂鍋雞湯翅米線 $68原個砂鍋上，黎到既時候，雞湯仲滾緊，卜卜聲先試咗少少湯底，好香好濃郁，加上好熱，建議大家唔好即刻飲🤣跟住試咗雞肉，以為浸住湯，肉質會變韌，點知每舊雞仲好嫩同埋我係米線控，見到咁多湯，好怕米線浸到淋晒，食落又無喎，條條米線都勁滑，似係過左冷河既米線，先保持幼嫩既質感本身擔心會太大鍋，原來一人份量啱啱好👍🏻◭ 醉豬手配藥膳湯瀨粉 $58我哋大讚「骨肉分離」醉豬手，完全無晒骨，咬落去全部都係豬手，啱晒懶人🤣醉豬手既酒味啱啱好，好香花雕味，少少微甜，每一口豬手都滲出淡淡花雕酒味，真係超級好正. ◭ 麻辣豬耳 $36豬耳勁爽脆，麻同辣味又係啱啱好，唔會超級「麻」或「辣」，唔會辣到食唔到個隻👍🏻◭ 涼拌青瓜 $24青瓜咬落去係好脆身，清甜得嚟帶點微酸，係醒胃之選！加上做前菜，涼一涼，即時降溫其實仲有好多嘢食未試，口水雞、醉蝦、麻辣雞腎....但今次試唔到咁多，一定會返嚟再試過，回頭指數極高🤩性價比亦極高👍🏻

見OpenRice有逢星期三外賣自取用恒生Mpower卡俾錢買夠$80減$45咁優惠，就揀咗呢間「醉藥雞」嚟試吓喇 😀要咗一個砂鍋醉藥雞(煮雞酒)生滾麵 (我揀咗米線) 同一個涼拌青瓜，剩惠$40 (原價$85)，好抵 🌞🌞🌞啲包裝係細心嘅，雞係分開裝，湯同面喺同一個碗但係都分開兩層，唔會整稔個麵嘅同時，都盡量環保少少 🌝啲雞係嫩嘅新鮮嘅，我自己主觀地覺得就應該唔係冰鮮雞啲cheap嘢。個湯勁好飲，鮮甜唔味精，絕對可以飲晒成碗 👍🏼 碗湯裡面有啲淮山、薑粒同埋紅棗，啲紅棗仲要去埋核，真係好用心 🤟🏽為咗嗌夠80蚊而嗌嘅青瓜仲喺雪櫃未食 😅我下次寫食評會影靚少少 😂

深水埗出名好多美食🤤小編甘岩要去搵D電子產品 ⌨️搵下搵下就到夜晚 又係時候夠鐘醫肚仔 不過小編冇心水要食咩🤔但又唔想食太飽 小編好鍾意食雞🐤比呢間店鋪既名吸引住 亂打亂撞就入左呢間鋪 但原來都好多人黎食 小編都等左一陣先有位醉三鮮(鮑魚、蝦、花螺) ($75)🦐由於小編好鍾意食海鮮🤩所以叫左個混合版 當然可以分開叫既 三款海鮮都好入味 好有酒香🥃鮑魚同蝦都彈牙 花螺略嫌細隻左D 三款有酒香得黎又不失原本自身既鮮味👍🏼小編由於唔想食甘多所以冇加麵落去 如果想要麵可以加多$10 砂窩雞翅湯*米線 ($68)🐔🍲主食揀左個米線 其實佢仲有其他選擇 例如比較特別既有刀削麵、銀針粉同粉絲等等😝以砂窩上枱 份量都多 如果細食既人都可以開心share既 湯底甜令小編都飲左成碗先開始依麵同雞 足足有成7件雞件😱雞味濃同嫩滑 下次要嘗試埋其他湯底先得😚醉藥雞湯(煮雞酒)連湯料 ($45)小編覺得相對起黎 呢個就較為失色😖除左湯料 佢既雞件比米線果個更加嫩滑😋湯既味道小編只係飲到紅棗味較重同甜D 酒味同藥味反而冇甘濃😞有D失望總括黎講小編下次會再幫襯同埋試下另外既野🤪因為果度仲有好多小食😍💫Hint:

深水埗美食多，今次就試試醉藥雞，經過幾次今次終於入去試😄😄😄🤣🤣點了招牌醉雞鍋，嘩同圖一樣，好豐富，先飲湯底，太熱🤣🤣🤣🤣🤣，但都飲到藥材味，但味道偏甜，，雞大大件但比想像中滑，唔鞋身，有木耳，紅棗，點了刀削麪，感覺無咁飽肚，麵又不錯喎，有點煙韌，加上湯飲又好味。朋友點了米線，感覺刀削麵份量大好多🧐另一朋友點了砂鍋雞，我試了2口，湯都清甜，湯底清雞湯味，有菜同雞，😄😄😄😄🤣小食方便點了麻辣雞腎，都算不錯，但36蚊不算大份。可試其他！整體都唔錯