醉藥雞 (福榮街)

營業中

休息中

呢間醉雞好香酒味，非常好味，食材新鮮，今次仲俾咗隻雞比我添，好開心！湯底叫咗藥膳湯底，健康美味！叫咗醉雞蛋，多啲蛋白質。再叫咗菜心，呢一餐非常均衡。隻雞好鮮嫩肉滑，係我食過最好味嘅醉雞，個湯底係藥膳湯底，有紅棗、龍眼、仲有其他藥材，養生之選！菜心好新鮮，唔會有渣，每一餐都盡量會叫蔬菜，保持健康，飲食均衡好重要。餐廳地方衛生，員工服務態度都好好，鍾意呢啲健康餐廳，出街食都可以好健康，大家都可以試吓。

呢度最近好火紅呀七點黎到已經等緊位店子唔算好大好彩等左15分鐘左右有位呀點左~醉芥蘭想食下菜見呢個好特別下不過醉個味同芥蘭好似唔係好夾試過就算呀(雖然係好入味)~醉花螺呢個又係好入味既螺既質感都幾好幾爽幾冰凍不過個醉汁偏甜我就麻麻地呀~砂窩碎藥雞刀削麵刀削麵份量都多呀口感可以呀可以再好DD個湯就無得輸呀好香濃雞肉都滑身~砂窩雞鮑翅米粉相對米粉就無咁多不過索左湯一流呀湯底好濃雞湯味有鮑魚同翅好滿足呀忍唔住飲左好多呀

深水埗_醉藥雞地方雖少，但枱與枱中間的位置可接受，有少量特式裝修。香港小女孩👩🏻砂窩醉藥雞_白飯少少酒味，只能分辨到有紅棗，雞很滑，湯底含少量木耳。湯沒有很重的藥膳的味道。沒有令我回頭的味道😂香港小男孩👦🏻砂窩雞湯翅_米線很重金華火腿咸香味道，配米線比配飯好，米線與湯很配，翅很分量不少。（但已經嚴重警告小男孩，下次不可以再點翅！愛護我們的地球，愛護海洋生物！）值得欣賞的是兩碗吃到最尾都是熱騰騰❤️(5分滿分）環境：🧡🧡🧡味道：💚💚💚賣相：💙💙💙服務：💛💛💛性價比：💜💜💜💜

近排好鐘意食胡椒豬肚米線，上網見到藥醉雞幾多人推介，所以一試。大部份鋪頭會將胡椒豬肚同雞配埋一齊，如果有得揀我會揀淨豬肚，唔食雞。因為雞擺落做湯麵既配料唔會煮得特別好食。客觀咁講鍋係幾大，摸落仲好辣手，米粉係新竹米粉，幼身爽口，一啖湯一啖麵咁食真係幾正。豬肚份量不多，不過不失；雞既份量係鏡頭所見咁上下，同預期一樣，只能說一般。湯既味道較得岩岩好，用個鍋可以保持到湯溫度，幾時飲都馨恰恰。飲品選擇唔多，只得汽水、豆漿或支裝烏龍茶。兩位埋單$149。

叫左一碗淨藥膳湯米粉第一啖湯都係重啲藥膳味，但係有點寡，飲多幾啖就覺得都比較清，較健康，可能因為淨湯米既關係，份量比較少～藥膳味可以再濃啲。另一碗叫左藥醉雞湯銀針粉藥膳味入面再多一份醉雞味，多一點層次的，可能因為銀針粉同雞的關係，碗湯都比較油，份量適中～整體ok!叫左一個醉溏心蛋，溏心蛋浸住係酒味好濃的汁入面，試左一啖個汁，好似似酒咁😂好濃仲會苦～食隻蛋就可以😂👍🏻另一個小食叫左皮蛋豆腐呢碟要讚一讚了～佢啲豆腐係切到一片片！美美的～配上一個好似鰻魚汁既汁係上面～好味😋！好夾又好睇✨

朋友呢期好喜歡揾藥膳米線食，但係又唔想成日過海咁遠，所以就上網揾，見到呢間係用砂窩裝，所以就去試下有好多款味揀，麵底都有得揀米線，米粉，粉絲，刀削麵。叫左一個原味雞，一個藥膳雞，都係$68, 一黎到，見到啲煙係咁噴上黎，賣相都好吸引。原味雞個雞湯真係不得了，勁濃雞味，亦好鮮甜，朋友係成碗連湯飲埋😂我既藥膳雞都好正，唔會太重酒味，但會食到紅棗，雲耳等材料既香，最重要係夠熱，食完個胃好舒服，好暖，啱身體虛弱既我🤦🏻‍♀️強烈推介大家 + $10 叫隻溏心蛋，勁入味，勁好食！

砂鍋雞湯翅$68味道非常濃烈嘅雞湯，雞皮又滑又軟，呢個砂鍋雞湯翅可以配上埋個飯或者米線，記得要熱辣辣趁熱食，佢性價比比較高大大份，翅同雞肉份量亦都唔吝嗇！醉三鮮 $85鮑魚，蝦同埋花螺，自己最鍾意食嗰鮑魚佢連埋啲藥膳嘅味非常之入味，我覺得食到有啲甜甜地嘅味道，同埋鮑魚嘅面都好煙韌，煮出嚟個唔會太淋，剛剛好！泡淑雞腳$36呢個雞腳味道比想像之中泡椒味濃，雞腳唔亼會好細隻，啖啖肉，我覺得絕對可以一試，就算下午茶經過當食個小食都可以入去試吓！最後要讚下餐廳嘅員工，佢會主動同你介紹有啲咩係特別好食同埋受歡迎！欣賞呢種態度！會再黎幫襯！

喺福榮街買野時忽然落大雨，呢個時候有碗暖笠笠嘅米線暖下個肚就最舒服喇。一睇「醉藥雞」呢個名，就知佢招牌菜係食醉雞同藥膳雞料理，我同朋友點咗砂窩人參雞米線同砂窩醉藥雞米線，冷盤醉三鮮(飽魚、蝦、花螺)同醉苦瓜，另外各加8蚊有支烏龍茶。 醉藥雞一D都唔易雞，砂窩人參雞米線湯底係超香濃雞湯，且帶少少人參甘香；砂窩醉藥雞米線嘅湯底就反而紅棗杞子等藥膳味強過雞湯味道，感覺好健康養生。兩碗米線嘅麵線都煮得唔會過軟，麵底唔算多但雞肉有好多好多件，而且肉質嫩滑，鍾意食雞一定會好滿足。 既然呢度嘅賣點係花雕釀製食物，我地就試下冷盤醉三鮮(飽魚、蝦、花螺)同醉苦瓜，醉三鮮嘅材料好新鮮，蝦同花螺爽口彈牙，飽魚亦夠軟身，每件海鮮都帶有淡淡花雕香味好好食。 之前冇試過酒浸蔬菜類，所以我地好奇點咗醉苦瓜，爽脆嘅苦瓜同杞子蟲草花，配埋花雕嘅味道，甘苦之中有香醇嘅酒香，好新奇特別。

陪朋友去深水埗買野，買完就搵餐廳食飯，望左好多間發現醉藥雞，好似好特別咁。一打開餐牌發現好多野想試😬最後叫左以下3樣😄藥膳酒浸鑽石蜆湯醉鮑魚砂鍋胡椒豬肚雞湯米線藥膳酒浸鑽石蜆湯飲藥膳落肚好暖胃真材實料唔係加水✅飲落藥膳有酒味✅鑽石蜆新鮮又如仲要大大粒 咬落好爽口✅新鮮到有細蟹♥️醉鮑魚超級超級好味😋醉鮑魚真係好爽口彈牙✅酒味岩岩好，不濃也不淡✅我估餐廳煮熟左之後就立刻放下冷水冰凍先會爽口☺️高質，誠意推薦♥️砂鍋胡椒豬肚雞湯米線好多雞肉同埋豬肚大大份好抵食✅胡椒豬肚超香口✅米線大大份好份配埋胡椒豬肚雞湯一齊飲好養胃✅啲雞件件都好滑✅

記得好耐之前食過醉藥雞，經過深水埗突然間又好想食，咁啱未有人開始排隊就即刻入去。環境乾淨衛生坐得舒服，仲有種老酒館嘅感覺，有地道風味。《麻辣雞腎》$36雞腎係我最愛之一，食親辣野都必點，呢個做得好出色，辣度夠之餘口感爽脆，愈食越開胃。《泡椒雞腳》$36泡椒味好香，但又唔會辣，雞腳大隻又爽口，如果可以再凍啲就好。《泡椒豬手》$48滿滿嘅骨膠原，豬手都係必食之一，同雞腳一樣泡椒味好足，豬手皮幾爽嫩，好食。《砂鍋雞湯翅半隻》$128呢個真係落足料，無論係魚翅咁珍貴嘅食材都俾得好大方，雞有雞味，因為睇到有雞油所以真係真材實料熬製嘅湯，之前食過雞湯係完全冇油，可能隔左，但感覺冇咁好，個湯好濃雞味味道較得岩岩好，飲完唔口渴，冇味精好飲！

前排食得熱氣野多，依家要補補身先，去咗深水埗搵美食；見到個招牌名咁特別，就入咗去食；藥膳雞可以補身，湯底仲用咗多種材料熬製，無添加味精，對身體好 係門口睇餐牌已經被吸引住【砂窩雞鮑翅 (魚翅 + 鮑魚2隻) 配米線 $98】嫩滑雞肉，濃郁雞湯滲透雞肉，連埋金華火腿嘅精華，再配上足料魚翅及2大隻鮑魚配上米線，呢個配搭真係好正；個湯係真材實料，見到個個客人都飲哂個湯，我同朋友成碗湯飲哂 當然要叫埋【溏心醉蛋 $10(每隻)】溏心蛋被香濃花雕酒汁包圍住，溏心蛋好滑，仲帶點酒香 另外要叫埋冷盤小食【醉豬肚 $48】爽口彈牙嘅豬肚【醉牛舌 $48】浸滿酒香嘅牛舌，咬落爆汁，厚切嫩脆【醉鵝肝 $98】厚切鵝肝，十分好味；三樣都吸收哂酒香，入哂味 皮蛋 + 薄切凍豆腐【皮蛋豆腐 $28】手工切得精細，每片厚度一樣，個醬汁好味，食到LamLam脷 飲品就叫咗【可樂 $5】及【烏龍茶 $8】 醉藥雞深水埗福榮街103號地舖

之前已經食過醉藥雞一次, 最近心思思又想食於是就埋朋友仔再去食😊!🌟醉苦瓜苦瓜口感同樣爽脆, 苦瓜浸酒之後嘅酒味加上自身嘅甘苦味, 混合後令味道變得有少少似烈酒, 味道相比醉芥蘭濃郁!🌟溏心醉蛋醉蛋咬落去爆曬蛋漿, 浸得非常入味🌟醉芥蘭酒味香濃帶甜, 食落口感爽脆無渣🌟醉三鮮三鮮包括鮑魚, 蝦同花螺, 鮑魚同花螺質感爽口蝦肉爽彈, 酒味唔只係外面, 連入面都食到有酒香味!🌟砂鍋雞鮑翅米綫追加鮑魚雞鮑翅相當足料, 湯汁濃郁鮮甜唔油膩, 米線口感順滑彈牙而且吸收左雞湯嘅精華, 滋補又美味!

今日去深水埗覓食，發現在福榮街有間「醉藥雞」有胡椒豬肚雞湯，而且還有瀨粉可以選擇，重點是價格只是$68😗如是乎是日午餐就決定這間吧👻「醉藥雞」除了胡椒豬肚雞還有很多養生湯底選擇，如滋補養生的砂鍋人蔘雞，行氣補血的煮雞酒等，也有其他醉冷盤等等。砂鍋胡椒豬肚雞湯配瀬粉，原砂鍋熱辣辣上，份量很多🙈上枱時已經聞到一陣陣的胡椒味，豬肚爽口，雞件肉質鮮嫩，肥瘦適中，湯底濃郁入味，不會太油！泡椒豬手，味道香濃帶少許辣，豬手爽口彈牙夠入味，而且份量不水！醉三鮮，鮮蝦肉質彈牙，東風螺夠鮮味，鮑魚肉質爽口彈牙滋味，酒味清香！

近排返工好忙，日日OT，已經好耐冇返屋企飲媽媽靚湯。今日俾我發現深水埗呢間有藥膳嘅舖頭，岩哂我呢啲成日捱夜，又冇湯水補補既人。先嚟鮑魚雞湯翅，呢碗湯真係冇得彈，非常足料。除左有原隻鮑魚，雞肉，仲有好多翅。飲到底部仲發現金華火腿，難怪個湯味咁香濃。仲足料過我媽媽啲老火湯。呢到個砂鍋生滾麵非常吸引，有好幾款湯底可選，仲可以選米線、米粉、白飯、賴粉同比較少店可揀嘅粉絲、刀削麵同銀針粉。砂鍋人蔘雞米線有滋補養生功效。個湯底好清甜，真係無添加味精。人蔘味唔算太突出，做麵湯底我覺得好夾。雖然湯底需要長時間熬製，但一啲都冇影響雞肉肉質，保持到肉質嫩滑。砂窩醉藥雞米線有助行氣活血，岩哂我呢啲手腳冰冷人仕。醉藥雞個湯底中藥味濃，淮山，紅棗，雲耳當然唔少得，淡淡酒味同樣做麵湯底好夾。雞份量好多。另外呢到有好多小食，試咗兩款都唔錯。皮蛋豆腐豆腐好香豆味，凍凍地，個醬甜甜地。食麵食到熱辣辣，食呢個降温中和下都唔錯。麻辣豬耳辣辣地勁開胃，豬耳爽口好彈，好食。店內整齊乾淨。

自細就好鍾意飲雞湯，一發現雞湯米線就會即刻去食，但係冇一間個味道夠濃。今日去深水埗諗住搵嘢食，見到呢間醉藥雞咁多人食就入去試下。呢度唔止有雞湯米線，佢仲有好多唔同口味嘅雞湯米線選擇，又有人參，又有胡椒豬肚，仲有翅🤤🤤🤤。最後我揀咗胡椒豬肚雞米線，迫朋友叫砂鍋雞湯翅米線🤣試晒兩個口味。另外叫咗啲小食，食到勁飽勁滿足！佢啲嘢真係冇味精，因為我飲晒個湯底都冇頸渴既感覺👏🏻👏🏻砂鍋雞湯翅 $68個湯底真係好正，真係飲到雞嘅甜味，同埋佢個口感好濃厚，唔知係咪用黃油雞呢？d雞塊皮好軟滑，雞肉都唔鞋❤️佢都比幾翅，一D都唔吝嗇☺️砂鍋胡椒豬肚雞 $68我諗呢個都係同一個雞湯底再在胡椒豬肚去煮。佢都係可以飲到雞湯嘅甜味，再加上胡椒嘅辛辣味，係另一種吸引🤤感覺呢個抵食啲，又有雞又有豬肚，啲豬肚索左啲雞湯好好味，有咬口但唔會in!!醉三寶 $52呢個三寶入邊有牛舌、豬肚、薰蹄酒味都幾濃烈，個人比較鍾意牛舌同豬肚，入味之餘口感唔會太鞋！如果有醉雞翼會更理想🤣皮蛋豆腐 $28呢個其實幾抵食，因為都幾大碟我哋最後尾都食唔晒。佢個汁係甜甜地咁樣，同d豆腐好糖心醉蛋 *叫米線加$10就有一隻有酒糟既味道，但係又唔會遮蓋