醉藥雞 (福榮街)

營業中

休息中

2020年7月12 日下午3 時今日同男朋友去食醉藥雞。 一向都是回頭客。食物實在用心食過咁多砂窩上湯砂窩雞，人參砂窩雞係不二之選他們的酒釀糖心蛋真係不妨一試再試再三試額外另上的雞蛋， 慷慨的桂花酒同桂花， 食入口， 非常滑口和入味！用心之作， 酒更是可飲下！ 建議一人一隻！基本上店內所有職員都很友善， 除了某一位。真係希望小店唔好比呢位職員影響客源同聲譽。話說我點餐， 店內未算坐滿。 店員沒有名牌。呢位帶住口罩😷我看不到面容， 但年紀唔似小妹妹的女店員... 就咁應我... 我： 「唔該， 靚姐！寫野」 女店員： 「 我唔係阿姐！ 」 然後2空手手走開不點單... 我百不思得其解， 仲有啲嬲。 其實我睇唔到女店員嗰樣都讚佢靚已經好比面。 係我心中只有上得電視的女藝人叫靚 ， 但點解都咁無禮貌對待客人呢？下次我再幫襯小店， 應該點稱呼呢位女店員好？叫佢靚妹？又違反我認知... 叫阿妹應該係10 幾歲小朋友， 而呢位女店員點都唔似中學小妹妹。叫佢靚姨？ 說實在女店員未到阿姨級叫佢嬸？ 說實在我又唔想咁口臭叫佢阿毛？ 又有違我教養如果食店的員工在乎顧客對他們的稱呼， 其實可以叫佢地掛名牌。

又來到深水埗覓食嘅時候啦！之前喺太子都食過一間藥膳嘅米線感覺都唔錯見到新開呢一間就係標榜自己真材實料，所以都係要來試一試啦。小店環境唔算好大座位10幾個左右位置都鬆動整體都清潔企理主要都係賣清湯或者藥膳湯底，配上唔同嘅肉食冰糖花雕醉雞配藥膳刀削麵雪凍左嘅醉雞好好食，冰糖帶甜甜的，雞肉嫩滑份量都有¼隻雞，藥膳湯底唔錯唔會話好重藥材味不過刀削麵配搭就麻麻啦，個人建議都係食返米線好少少另外仲叫咗砂鍋雲吞雞米線，上菜時候砂鍋燒到好熱，湯頭仲滾滾下，味道唔會好濃唔算死咸，但雞肉就麻麻啦比較鞋，雲吞有兩粒表現正常另外仲單點左一個麻辣豬耳，味道條配得幾好唔算好辣，份量都幾合理整體來講味道都唔錯，環境以致服務都似一貫小店作風，大家有興趣都可以嚟一試

經過鋪頭，被間鋪嘅menu吸引左入去叫左份砂煲雲吞雞個面上到好熱，湯底都幾夠派但雞比ge部位就太差，明顯睇得出係一隻雞翼拼一兩舊多骨位，完全食唔到肉，比人感覺都好差，比左70蚊，食一隻雞翼同骨位。面底叫左刀削面，但上到台，原來係超市有賣果隻刀削面，煮得太淋，煮到糊晒，完全無左面嘅口感。順路一提，中途staff洗完d匙，好大力咁chok, 吵到一個點，令人好唔舒服。好失望，晚餐食左咁難食ge野，下次都唔會幫襯。

個名實在太得意喇😆醉雞同藥膳雞都係佢地既招牌😍其實叫之前都已經提左自己藥膳雞有90%以上都落紅棗🤣🤣十成9都係甜，但抱住仲有10%既機會去試🙈答案：甜，所以老人家同波波都冇好鐘意😂純粹係因為個人喜好問題.叫左個豬肚雞就辣辣地唔錯，但啲豬肚就略為細舊左啲🙈叫左個醉三寶又係😂😂醉豬肚絲、薰碲、牛舌，又薄切又細條😱口感嚴重不足🤪而且相信係落左桂花蜜，偏甜都唔係我同波波鍾意既口味🤣

讚1. 好企理，環境好乾淨2. 點左招牌雞湯，湯底好夠味，雖然油左啲，但好重薑香同雞味，雞件都好，皮薄肉香，唔會過老3. 小食既醉雞翼都入味彈1. 米線份量係少既2. 價錢係深水埗黎講都幾貴，食兩樣野都已經近百三百四

平時我都幾鍾意去呢仲間舖頭食野，但今日發生左件令人唔開心既事，首先入到餐廳無人理，無探體溫，無人比餐牌，呆等，等左15分鐘以為有得食，點知比錯隔離檯，人地食左啖，先知比錯左，個侍應居然遞比我食😫😫😫有無搞錯，同佢講人地食過先恍然大悟😖佢拎返過去個出餐位，比返廚房，隔左10分鐘，再送過黎，一望d雞就知翻煮過（話晒平時我食開，我一睇就知，唔好當我傻），大家可想而知係咩事😤同個侍應講，3個人過黎圍我，話佢地倒左入垃圾桶，唔信去個垃圾桶睇下😏大家自我評估下仲去唔去呢間舖頭食野，今日後列入黑名單！！

在網上見到網友介紹深水埗新開的餐廳,剛好過來深水埗買電腦用品’所以特登來光顧此店，一入店內環境光猛，感覺幾舒服，餐牌有特色小食種類多款，店內推介花膠雞同醉雞中，最終選擇食醉雞刀削麵。店員上檯用個煲上，非常熱辣辣，冬天食好暖胃，湯頭比較清淡未夠濃郁，但店主提供左豉油調味，但都食得出有藥材味，雞件分量足夠多肉。但相比上水某小店差一點點，可惜刀削麵可能是乾面，面身較偏沒有Q彈口感直接拉低成碗面的分數。 不過仍然期待下次會試吓花膠雞煲同小食。

深水埗選擇多今次試呢間醉藥雞晚餐時段排隊都一段時間💦兩個人食三樣嘢，砂鍋人蔘雞米線面可以選擇刀削麵等等⋯⋯先講吓湯底，湯底就一般般雞味其實好淡仲有少少油係面但人蔘未清淡剛剛好，湯底飲完都唔口渴咁應該冇落味精碗麵裏面有細細條幼身嘅人蔘，而裏面嘅雞呢都係比較滑同埋肉質鮮嫩👌🏻但係我反而推介係醉乳鴿醉雞啊就比較食得多，醉乳鴿都係第一次食，可以話幾特別一度餸酒味香濃，乳鴿細細隻又多肉，肉有咬口唔會粉泡椒豬手麻麻哋有啲失望豬手細心D睇會又發現有毛，泡椒一啲都唔辣🙅🏻‍♀️豬手肉得皮有少少味，肉入面完全冇味道🤦🏻‍♀️唔使考慮食

今日相舊同事黎食醉藥雞，之前已經聽到好多同事都話呢度幾好食，所以今日特意黎試下，睇下岩唔岩自己口味先。砂窩雲吞雞刀削麵~雲吞有兩粒，主要係豬肉餡﹔雞就係脾位，唔算太滑，但又唔係鞋口的，我可以接受﹔刀削麵有咬口，唔會太淋﹔湯好好味，我飲左一半。砂窩雞湯翅米線~呢個一上枱已經成碗湯，滿滿雞油，正﹔呢個雞係胸位，都係好食嘅﹔翅有三四塊度，都算大塊，不過不爪失﹔米線都岩咬口。砂窩胡椒豬肚雞刀削麵~胡椒湯底夠辣，感覺好暖胃。豬肚都有六七塊，好食﹔呢個雞係上脾位，雞件反而仲多過胸位個碗。整體黎講，幾個砂窩雞都係熱騰騰上枱，要放涼一陣先食得，並不是得個「砂窩」而唔熱的，可以係有誠意的產品。

呢一區，呢個價位，午飯時間都咁多人，就知實有好嘢 二話不說嗌咗醉三寶濃雞湯刀削麵 醉三寶有牛舌、豬肚、薰蹄，麵分開上，冷同熱嘅組合 先飲一啖湯，清雞湯滲出金華火腿嘅香味，忍唔住飲多幾啖，刀削麵麵質偏薄但滑，可惜第一啖食已經覺得有啲淋，食到最後更甚 醉三寶，落咗好多桂花吊味。牛舌、豬肚、薰蹄以外又加咗花生、蟲草花同杞子作點綴。餐牌上無提及呢味菜有花生，敏感嘅人要注意。 牛舌厚薄適中，用料新鮮所以食落仲有牛味，三種材料之中最入味 豬肚喺料理嘅前期整到無曬味，但保持爽口，不過不失 薰蹄筋嘅部分幾多，入味得嚟帶煙韌口感，幾正 食落都好濃酒味，飲少少酒汁直程濃到苦。湯麵食到最後仲熱到冒白煙。以女仔食量嚟講好夠，就算飽都不經不覺食到底

平日去左深水埗食晚飯，見呢間餐廳新開無耐就去試試。砂鍋醉藥雞配刀削面 $68湯底唔係好濃既醉酒味，但係有淡淡黃雞酒味。雞肉幾滑，湯底甘熱都唔覺得『蟹』，不錯的味道，喜歡酒既朋友可以試試。醉乳鴿配雞湯翅粉絲 $78＋8醉乳鴿好好味，鴿肉好嫩，酒味比醉藥雞濃，下次都會encore。雞湯翅碗粉絲分量好多，食唔晒D粉絲。雞湯翅個湯好濃郁，如果你唔搞個湯，佢好快就會有朕膠鋪係面，好足量。整體黎講，雖然佢比普通米線/面貴，但物有所值，鐘意飲雞湯同埋食雞既朋友可以試試。食物：8/10環境：8/10價錢：7/10

醉藥雞今日去深水埗買game順手去醫肚，想食米線又想食雞肉，行下行下見到間醉藥雞就入去試吓環境就偏細，坐位都唔算闊落咁就點下招牌菜先-醉藥雞米線-同一碟香口菜-麻辣豬肚醉藥雞米線有一陣淡淡既酒香味湯好清甜，雞都好味，竟然用雞髀砂鍋雞鮑翅配米線雞肉又嫩又滑，雞湯味濃郁，個湯好飲到又唔會多味精，翅仲吸收哂雞湯既雞精。最緊要仲要有鮑魚2隻食，好好味，整體好足料。推介麻辣豬肚豬肚好爽口，清洗好干淨冇肥膏，辣度適中麻辣豬耳 辣得嚟仲好正，豬耳勁爽口好惹味小店雖然經營冇耐，唔貴而且份量十足，又有食物特色，總括來講唔錯，下次再來

聽朋友講呢到既醉雞好好食，一於黎試下。星期日大概下午2:10去到，都要等大約半個鐘先入座。建議早少少或者2:45或之後黎到就唔洗等位直入。醉雞配藥膳湯底刀削麵醉雞好好食，真係好入味，好有酒味，而且雞肉好嫩滑，我哋同店員講唔要雞胸。藥膳湯底就似乎唔係好夠濃郁。加$10要咗隻溏心醉雞蛋，又係好重酒味，好食！砂鍋雞湯翅熱辣辣，係清雞湯嘅味道，清左少少，雞肉好滑，覺得都真材實料，應該冇落味精，食完唔口渴。不過醉雞好食啲。仲叫咗一個麻辣豬耳，份量都幾多。

怎麼說好？食物和價錢絕對是超值之選！但在疫情下，入座前沒有探熱，也無搓洗液，枱與枱之間沒有1.5咪距離，也無像茶餐廳般有隔板，反正就當是疫情前般做生意！我坐在門口，那趟門不是自動的，而是人手操作，他們外賣多，也有好多人欠缺手尾，好多時門都開著而沒有關，一句到尾，沒有第二次，若真的想試，建議一是疫情後才去或買外賣！

網上瘋傳；湯底用大量雞壳、豬骨、金華火煺熬過夜，$68大大碗排左差不多一小時，都要試下； 「砂鍋醉藥雞 配銀針粉」，熱辣辣，熱到咀起水泡，雞肉滑及嫩，藥材湯底，雖然有藥膳味，但飲下去不太濃，似溝稀了，食完不口乾 「砂鍋雞湯翅 配刀削面」湯底濃，帶有金華火腿香味但翅反而差了少少，食落有魚鯹味