鄭​師姐泰式素食私房菜 (已搬遷) 新店位置

由今年年頭知道這間素食私房菜之後，就一直都想試下味。但等了多時，不是朋友說＂素食。。。不要啦＂、＂食齋。。。無咩好食喎＂，就是訂唔到枱。結果足足等左１０個月，係１０個月先有機會試下味。呢到絕對適合招呼朋友，不論是十幾人，甚至得兩個人都有地方招呼到客人。見朋友們不反對食素，我就早兩星期訂枱，接聽既店員都話“你早咁多打黎，一定有位啦”嘻嘻！！！好～～～我們一行四個人跟住摸錯入口後，好困難先搵到部電梯，是古式個種要自己拉閘既電梯，真係好正呀！！！我們坐下不久就來了冬蔭功湯，不辣的，好好味。跟住一碟又一碟送上枱上，我們開始心想，還有？！？！？！不知不覺之後，我們食左９碟美食。我第一次係呢到食，感覺上，樣樣都好好食。加上，呢到令我對素食有一種徹底既改觀。從來覺得素食是淡而無味的，經過今晚既洗禮，我諗我要從新改一改試食路線啦。

$160位，冬陰公湯 - 無限添飲，內有素蝦，味道酸酸少辣辣，開胃，水果沙律 - 蘋果，火龍果，柚子，菠蘿，芭樂，味道清新，沙爹串燒 - 質感超似真肉，味道一流，紅咖哩+檬粉 - 咖哩不辣，第一次見用冬瓜做配料，沙爹西蘭花炒芥蘭 - 甜甜地，好地道泰菜款式，香芋炸春卷 - 大大條，超脆，菜肉瓜飯 - 節瓜中間淘空加上飯，好特別，南瓜豆腐拉撒 - 炒埋一堆，不過味道好泰式，一流，芒果糯米 - 初見d芒果青bb以為會酸，但竟然唔係，超甜，反而糯米就過甜了，椰汁涼粉 - 清新，唔甜，好味，服務人員唔多，不過服務都好周到，可能幫襯當日人少啦，只有3枱客（約20個人樓下），因為係私房菜，份量係按人頭計，雖然唔係大碟，有d仲係一人一件，不過真係剛剛好，絕對夠飽肚大廈升降機較恐怖，係舊式拉閘的，不過都可以當係一個景點，總結：絕對會繼續幫襯

這已是我第二次來鄭師姐吃私房菜，第一次已是幾個月前與非素食朋友一起來，當時大家也讚不絕口。鄭師姐泰式素食私房菜只有晚市，最後預留至少一個星期前要打來訂枱，星期五晚上是尤其多人，之前我有好幾次也訂不到枱而被迫選擇第二家餐廳。這裡雖是私房菜，但訂枱最少人數只是二人，而無論是一圍人還是兩個人撐枱腳，依然是有這麼多道餸菜，只是份量會按人頭而送上，所以兩個人一樣價錢都一樣可以享用十道菜。這裡沒有餐牌的，每人$160，十道菜，基本上必有是冬陰功、素叉燒、生果沙律、沙嗲素肉串、炸雜菜餅、喇沙米線和椰汁香芒糯米飯。 冬陰功湯 這個冬陰功湯可算是港式化了的，完全與正宗冬陰功不一樣，蕃茄味酸味較重，沒有辣味（或是我本身太會吃辣？！），而冬陰功應有的檸檬葉和南薑香味也欠奉，雖然不正宗，但也做得不錯，酸酸甜甜來打頭陣很開胃，而且這個湯可以免費添飲的，上次和今次我們也有再添加。 素叉燒 即是麵筋之類做成的素叉燒，可算是這類的招牌菜之一，許多我的朋友也很喜歡的這道菜，但我自己本身就一般，是OK，但未算得上我必定要吃的一道。 生果沙律 其實我一向很喜愛吃生果的，在這個私房菜餐單上，大部份餸菜都有素肉，有一道生果為主

於剛過去星期日為慶祝母親生日，選擇此店晚飯慶祝，訂了6:00pm,（共25人），當晚約5:55pm首先四人上食店，按門鐘，一名穿背心短褲的中年大叔，一開門已破口大罵（當時眼見連燈未開）說:【未得，未夠鐘，未set位，你去K11先，打去投訴負責人啦！】當時我們俾此大叔的態度嚇親，之後同佢講我們是訂了6:00,大叔即說:【無6:00㗎，又叫我們去K11先】我再問:【咁我們幾時再上來？】大叔:【唔知㗎！你打佢投訴啦】，最後我們唯有一肚氣先離開。但都因為俾面訂枱的一位，勉強吃了一頓未吃先吃跑滿肚氣晚餐，不會再有下次（而且不是甚麼特色的泰色私房菜）

又係父親節飯局，由於老爺一家人都係食素，而平日多數食功德林，想搞搞新意思，姑仔介紹呢家私房菜。呢間私房菜，真係幾有特式，裝潢就係好泰國地道，簡單的大象畫照襯托泰國布藝，有點置身Pattaya 嘅感覺。樓下富電影感，有點花樣年華feel.我地一早訂左枱，訂左套餐，十個菜，發現枱枱都係叫呢個餐，應該係招牌菜。先來個冬蔭公湯，酸酸甜甜少少辣，係食完即刻無左個種辣味，都算正宗，個湯幾好味，夠醒胃接住是素义燒，稍甜，欠了些少質感。菠蘿炒飯，米身略硬，味道郤很好。串燒就唔多得啦，超硬，無肉汁，無口感，燒到乾曬。然後係生果沙律同涼伴雪耳雲耳粉絲，生果浸過糖水，唔算好新鮮，雪耳雲耳好味，春卷夠熱好味！然後係喇沙配米線，少少甜米線夠滑，好味。最後係椰汁紫米露同芒果糯米飯，糖水好味，可惜芒果唔夠香唔夠甜。五個大人埋單$800。食得過

我不是素食者， 但很喜愛吃素食，鄭師姐絕對是我心目中數一數二的素食餐廳。每人＄160，從前菜到甜品，差不多十道菜，每一道都非常美味，而且餸菜的份量以人頭計算，份量十足，可以說是物超所值，非常抵吃。我每次跟朋友去都評價十足，而且每次都吃不完，所以都會自備飯盒打包。吃素最怕吃到太假的素扒，這類的素肉頂多是素蝦素魚蛋，而且味道跟外面的泰國餐廳無異。尤其冬陰公湯，酸甜得宜，辣味又能帶出鮮味，很開胃。另外素叉燒比外面的素食餐廳做得比較軟身，也很好吃。還有串燒，芒果糯米飯都令人回味，連沒有吃素習慣的朋友，讚口不絕。

今日的起心肝，試試傳說中既泰式素食私房菜。其實成餐飯只係得兩三味係比較泰式。最出色既分別係以下幾味：柚子沙律、喇沙米線同南瓜露。串燒個醬係幾好味，不過啲素肉太硬、燒到乾曬水、吉親氣脷。冬陰公可以無限加湯，而且愈煮愈濃愈好味。係就係差咁啲椰奶味，creamy啲相信會更上一層樓。炒菜炒飯、南瓜露同素叉燒真係丁點泰式風味都冇、反而仲好中式下添。但南瓜露十分濃香，除左南瓜味外仲有好濃既奶味，如果唔係有十道菜真係想食多幾轉！喇沙米線又係全晚既主角，就咁睇個色水已經靚到不得了。入口後更覺優勝，比沙x王好食好多。喇沙中有少量薯仔，煮到入曬味真係好正，如果可以多幾塊就好啦。麵線份量剛好，每人兩小束，既唔會太飽又做到少吃多滋味既效果！

今次第一次食素食私房菜，所以充滿期待!1. 一去到飲冬蔭功湯，個湯可以添飲架 ，我飲左4-5碗! 我最鐘意飲湯架! 2. 個齋义燒好好味，好似食緊軟身既齋燒鵝零食，軟林林! (回味中，最想食返依碟餸) 3. 個串燒好味過食肉，燒得岩岩好，唔太乾，唔太硬，口感岩岩好! 4. 炸雜菜餅，好好味! 層粉好薄架，雖然油炸，不過唔覺油膩! 5. 椰汁撈米線，啲米線好滑呀! 好似放落口唔洗咬就咁吞落去都得! 6. 芒果糯米飯，好邪惡既甜品😱 有個朋友成日去泰國，都話未食過咁好味既芒果糯米飯! 超正! 7. 涼粉西米糖水，啲涼粉一條條，好特別! 唔太甜，最後先黎勁夠都可以食曬佢! 8. 差啲唔記得左個salad，佢每樣生果夾埋都好有口感，加埋個辣式辣醬，似食餸多啲!食落好清新既感覺!

JJ今次做搞手，為大家安排一頓泰式私房菜，還要是素食的。泰齋? 恕小弟孤陋寡聞，從來未嚐過或聽聞過有泰式素食吃的地方，加上是次很多朋友都踴躍參與，筆者一定要去見識下，馬上報名！對唔住各位，因工作關係，我又遲大到，好彩大家都肯食先，更要多謝大家留番幾味給我。甫坐低，眼見一碟大雜會在我跟前，急不及待的扒進咀巴裡，個人頗喜歡齋叉燒和串燒，尤其是後者，十分惹味，而且質感好真，最後當然是吃清碟上的串燒，再以醬汁撈往後的餸和飯。完成眼前的那碟大雜會後，終於可跟大家一齊正常用餐。接下來的菜色的，是炸素菜餅。雖不是“卡嚓”一聲的勁脆版本，但至不會感覺太油膩，味道挺不錯，沾上泰式的酸甜醬，開胃美味。繼而是喇沙濃湯配米線，平常我不愛吃米線，不過這裡的又真的幾滑，配上椰香滿溢的喇沙，效果又不俗。如果湯底能多些辣勁，或許會更精彩。兩味水準不弱的東西過後，跟著來的生菜包就失準了。失敗的地方，並不在於清爽的生菜，而是在那素肉餡身上，十分糊口的，像泥的感覺，味道也是怪怪。之後的炒飯，看得出的太濕，不合我口胃。是晚甜品兩款，有清甜濃郁的南瓜露，以及我喜歡的芒果糯米飯，兩者均做得不錯，是美好的終結。謝謝JJ的安排，整餐

繼去年尾於紅花會品嚐過既神秘又好玩的晚餐後，甜魔媽媽對私房泰菜有了莫名的好感，所以當食友jj一吹雞再搞泰式素食私房菜，就馬上報名了!! 雖然上週實在是忙得要緊，不過收工回元朗餵了妹妹後，也照樣出來與大家聚餐，結果，都算是滿意的~~鄭​師姐泰式素食私房菜位於尖沙咀半島大廈，要留意不是半島酒店也不是半島中心，而是位於K11對面的半島大廈。第一次來這裡大廈，真估不到還有十分古舊的電梯!! 媽媽還要帶著Chloe妹妹同來，搭時既有點心驚，又覺得頗為刺激好玩，心情幾矛盾的，哈哈!乘搭這款電梯時，乘客需自行開閘關閘，亦可以見到電梯逐層上升的；其實上升時感覺還算平穩，速度挺快，不一會就抵達餐廳所在的8樓了。終於來到餐廳 (住宿)，裡面分為客廳 (兩張檯)，以及房間 (一張大檯)，收費是十道菜每位$150元；由於我們訂得比較早，還可以享用舊價錢$130/位，取價相宜，曾經一度令甜魔媽媽擔心這樣的私房齋會吃不飽人，結果證明是多慮了!!這裡所有菜式都是事先不知名，所以特別有驚喜。第一道菜是湯，帶點冬蔭公的香料味，但酸度與辣度都調低了，有特色得來較為清怡。湯中的配料包括蕃茄、秀珍菇及素魚蛋，口感較爽脆，是多

星期二（10/12）相約了4位朋友到鄭​師姐泰式素食私房菜吃晚飯。卻攪胡塗了！看到地址有「半島」二字，便直覺是尖東的半島中心。（當然不會是半島酒店……其實我也只認識半島中心而已。）最後才知道是半島大廈。為甚麼尖沙咀有那麼多「半島」的啊？！半島大廈原來在K11背後，我花了大約20分鐘時間才找得到。半島大廈的門口隱身在數間店舖的中間。（鐘錶珠寶店的左面。）離開時才知道是後門……那電梯是大門和鐵閘那種類型。鐵閘佈滿了鐵銹，電梯內的牆壁亦佈滿了塗鴉。正門在轉角處。離開時，店主說後門已關閉，才驚悉有前、後門的存在……當離開家用式單位的店子時，更讓我們驚訝的是那地方似曾相識。便是拍攝警匪題材的電視劇、電影的熱門場地！中間像天井，走廊是開放式的，並面向天井。我們想像上一樓層的警察發現了斜下方、下一樓層在逃的匪徒的畫面……可惜太晚了，沒有留步拍照留念。正門有兩部與後門相同的電梯。我們使用的那一部鐵閘和牆壁都比較清潔。好了，說回那晚的主角 — 泰式素食。私房菜是由店主決定菜式，食客只需坐著等候食物便可。所以，我們事前是不知道有甚麼菜式和有多少道菜的。結果，讓我們愈吃愈困惑。因為總共有11道菜之多！（包括