達順辣蟹火鍋 (已易手) 新餐廳

達順辣蟹火鍋天氣開始凍啦，係時間要打下邊爐儲定脂肪過冬啦，所以今次小編就決定同朋友黎到銅鑼灣食好西食海鮮粥底火鍋🤩，呢度食價錢好抵，$198位，限時2.5小時，免收加一/茶芥👍🏻。海鮮可以6款揀5款，小編就揀左肉蟹、蝦、花甲、多寶魚 同鮑魚，海鮮非常新鮮。而最驚喜既係蝦，食落去好甜，又大又好食，而d蟹大大隻，花甲完全無沙，魚亦都好嫩滑👍🏻。店員仲好細心甘比左個計時器我地，而且同我地講每一款海鮮分別要煮既耐。食晒甘多款，最好食既始終都係蟹，每一只都好大隻，煮13分鐘後成個蟹鮮味出晒黎，啖啖都係肉，配上醬料簡直完美。食完海鮮，就係時候食海鮮粥啦。之前既海鮮精華溶入晒去個粥度，勁鮮甜。而且另外仲可以加入其他素菜，例如南瓜、芋頭、粟米等等，煮到溶爛之後再食粥，簡直人生一大享受😍。食完粥之後仲可以打邊爐，有8款火鍋配料可以選擇😋，食完好飽好滿足，冇得彈。另外小編叫左玉米汁，冰冰涼涼好開胃，與玉米原本香味一樣，極度推薦。

前兩日，收工同班同事去左銅鑼灣食好西😋，今日我地清清地食海鮮粥底火鍋😍，小編已經期待左哩餐好耐啦，到底有咩好食 ？🐚海鮮可以揀5款，有肉蟹🦀、蝦🦐、蜆、多寶魚、鮑魚，海鮮非常新鮮，食落去好甜，肉蟹大大隻，啖啖肉呀，蝦肉結實新鮮爽彈，蜆肉吾算大，但好鮮甜，多寶鮮好嫩滑清甜。。店員仲比左張海鮮要煮既時間同計時器，蟹每一只都好大隻，要煮左13分鐘，店員好窩心，一路上照顧我地，態度我10分滿分俾夠10分佢地😋👍🏻配上醬料簡直完美。。食完海鮮，到食海鮮粥，加入南瓜、芋頭、粟米，煮淋佢，有海鮮既鮮甜味，味道剛好，吾會太甜太淡，好滿足呀。。之後就有8款火鍋配料😋，有炸魚皮、蘿蔔，雞肉，豬紅，丸，竹苼，肥牛，金菇，食完好飽好滿足😍，暖笠笠，食完海鮮又食粥又火鍋，一次滿足多個願望。。 另外玉米汁都非常好飲，與玉米原本香甜味一樣 唔會飲落去特別假，極度推薦 員工態度特別好 客氣又有禮貌 食得開心，價錢好抵 $198位 限時2.5鐘，免收加一/茶芥👍🏻。地址：達順辣蟹火鍋 (銅鑼灣)銅鑼灣駱克道391號金禧大廈地下及一樓。最高為（5/5）味道⭐⭐⭐⭐⭐️價錢⭐⭐⭐⭐⭐️環境⭐⭐⭐⭐服務⭐⭐⭐⭐⭐️推薦星數⭐⭐⭐

由於近來好少去酒家吃小菜，朋友就帶我去呢間位於銅鑼灣嘅酒家，呢度除咗有打邊爐之外，仲有小菜🥬呢度啲小菜好大碟👏價錢相宜，個餐牌有好多款小菜，侍應都會介紹下啲菜式。😄整體食物都唔錯。

自從同友人食過粥底火鍋後，令佢愛上左，呢晚佢話要同我黎呢間試下見店名以為係食辣蟹鍋，原來仲有得食粥底火鍋，每位$198，係呢區黎講算價錢吸引侍應送上粥水鍋底，另有粟米，南瓜及芋頭粒，程序要先落粟米一齊滾起而自選5款海鮮，包括鮑魚，蝦，花甲，大尾魷及多寶魚望落賣相新鮮吸引，蟹都有成隻架，仲有我最歡喜嘅鮑魚，成碟份量都好對眼仲有提你每款海鮮的烚煮時間，以防烚過火影響口感想讚下佢嘅貝類，鮮甜之餘，仲要係全部都食唔到有沙粒，非常好呀蝦每人2隻，味道有蝦味之餘仲係彈牙㗎鮮甜蟹肉來得結實，亦帶點蟹膏，無需點醬料，食出原味道睇下個鉗D肉.............哇......澎湃呀.....鮑魚一口吃，又係彈牙，我至愛呀第一次用多寶魚打邊爐，多肉又無細骨，係脆肉脘/鱔片外嘅其他好配搭食完海鮮盤，其實都已經半飽，之後就開始自選配料環節，係多種配料中自選8款，呢個時候可以加埋南瓜及芋頭粒落去我哋選擇肥牛/鷄件/竹笙/花膠/萵荀/蟹柳/墨魚丸/魚蛋，每款大約4-5件邊爐花膠烚幾分鐘就食得，滿滿滑膠質，女士們要多食呢.......哈哈套餐無咩蔬菜，再另叫皇帝菜 ($32)，超級多，好抵食，烚完更加腍甜差不多

近排天氣開始轉涼，心郁郁想去打邊爐，今日就決定和家人在銅鑼灣試一試這間粥底火鍋。看到餐牌的價錢很有驚喜，每人只需$200的價錢，已經包括有海鮮拼盤，和自選的八款火鍋料，非常抵食！先來了一鍋粥底，侍應很細心地教導要先落蔬菜再食海鮮，海鮮的質素以價錢來說，性價比很高，因為每一樣平均都很新鮮，而且非常足料！另外自選火鍋料也絕不馬虎，有好幾款特色的丸類，牛肉新鮮，雞肉嫩滑！按人頭計算的份量來說，十分足料！吃完所有火鍋了之後，其實已有九成飽，但最後吃的粥底非常鮮甜，令人吃了一碗又一碗，欲罷不能！總體今晚的服務和食物質素都令人非常滿意，可以encore之選！

這店就在鵝頸橋附近，很容易找到的。店員服務態度很好，又有糖水和水果送，只是我們吃得太飽，所以心領了。海鮮份量很足夠，好吃，蟹有很多糕，鮑魚也好吃，然後還可以再叫八樣菜，超飽。$198一位👍🏻

夜晚天氣開始涼喇，日頭有太陽就好熱，一放工就好涼！開始食粥底邊爐既時候喇$198 就有19樣野食喇。超抵7款海鮮1. 肉蟹送既- 大大隻2. 沙白送既 - 新鮮無沙自選5樣海鮮； 3. 鮑魚- 新得好乾淨 ，肉質新鮮，易咬口4. 蝦 - 每人2隻，5. 油貝 - 新鮮無沙6. 花甲 - 3款蜆，最愛衣款7. 多寶魚 - 新鮮滑身再選8款配料；我哋㨂左1. 雞件 - 大大件。每人2件2. 墨魚丸 - 真材實料有墨魚粒。彈牙3. 花膠仔 - 打邊爐點可以唔可黎淆湯4. 萵荀 - 爽口5. 鮮淮山 - 新鮮健脾 6. 竹笙 7. 鮮什菌 - 雞脾菇大大份8. 津白 - 點可以唔叫菜粟米湯 - 待應推介 - 自家製。好香粟米最後重埋送甜品

感謝達順辣蟹火鍋，等我有機會試食粥底火鍋🍲原來達順辣蟹火鍋係好出名既橋底辣蟹分店黎😱果然好高質！叫咗個特色粥底火鍋套餐🥰第一次試粥底火鍋呢！揀完配料，首先有火鍋上，湯底好甜❤️之後就上海鮮拼盤同8款自選配菜，海鮮好新鮮！好正🤪配菜我揀咗有: 美國肥牛、雞件、花膠仔、鮮淮山、竹笙、豬頸肉、鮮雜菌同鮮番茄🍅每樣分量啱啱好~姐姐服務態度都唔錯🤗可以再食！📍達順辣蟹火鍋 (銅鑼灣)銅鑼灣駱克道391號金禧大廈地下及一樓

這店有198元一位的特色鮮味海鮮粥底火鍋，除了肉蟹和沙白外，還可自選5款海鮮和8款其他食材。店員先上海鮮，份量不少，而且全部海鮮都很新鮮，很有鮮味，可說鮮甜美味。老公最愛吃的是蟹，而我最喜歡的就是海蝦，其他海鮮如多寶魚、鮑魚和各款貝殼類也很好吃，大尾魷則較一般。吃罷海鮮，其他食材一併送上。相對海鮮來說，其他食材質素比較一般，不過以這價錢來說，其實已十分超值。最後，店員把米飯加入火鍋中，就成了火鍋粥。由於粥中融合了各種食材的味道，所以這粥味道極佳。這店環境不錯，店員招呼周到，最重要的是我覺得這粥底火鍋價錢合理，海鮮質素高，份量也不少，有機會定會再去光顧。

打邊爐我不嬲都特別講究！有分任食同單點。 任食一定食得飽， 但質素來來去去都差唔多， 最多新唔新鮮。 單點就最起碼要性價比高， 食得飽，有返咁上下質素更好。 我地今次試左間新開野。 （通常新c坑都香一排）點都會抵食當賣廣告。我地要左個粥底海鮮火煱套餐， 因為個人覺得有返個粥底實飽肚。 海鮮有兩隻大肉蟹， 大蝦， 飽魚，油貝花甲，魷魚。 但印像最深都係隻大肉蟹， 好大隻， 新鮮， 上枱個陣d蟹膏多到漏晒出黎。 想像到下一陣個粥底有幾好食。D肉蟹仲以為拆完得殼冇乜肉 ，點知真係啖啖肉。 d海鮮都冇乜雪味， 份量都唔少， 好夠食。 打邊爐材料來來去去都係個d差唔多。係個牛牛（唔係任食）， 份量都還好， 但好好食， 靚牛肉黎。最後去到個粥底， 可能因為d蟹膏落晒去， 再加埋打邊爐既精華， 個粥底好好味又夠晒眠， 食落好舒服勁鮮甜。 最後我地就算飽到傻， 都唔想食剩野清晒佢。 遲下一定返黎返黎食多次！下次試佢象拔蚌！

前幾晚跟在加拿大回港渡假的同學行經銅鑼灣揾食,見到這食店的推廣$198粥底海鮮火鍋,二話不說,一齊上楼共享晚餐！楼上地方很寬敞,店員安排我哋坐卡位,很濶落的枱面！枱的旁邊有提示客人各類海鮮烹調時間.很方便和温馨啊！我們叫了海鮮粥底火鍋套餐,店員隨即端上粥水鍋爐上枱！掛住調配自己喜愛的醬料,忘了影那大盤自助醬料！你睇多豐富的海鮮！及配上粥底配料放入鍋內先放烹煮時時間較長的蟹,嘩很鮮味喎！除主打的海鮮外,跟套餐還有任選8款火鍋配料添！掛住食,冇影其它配料的相,继有肥牛,雞件,炸魚皮,花膠仔, 魚蓉燒賣, 什菌,....店員還端上配粥的薄脆,葱花,菜脯,大頭菜等待一會兒煑好的粥放落一起品嚐！店員加上稀粥在鍋內混和剛才火鍋食物的精華一起烹調一會兒！又香又濃濃的海鮮粥就有得食啦！美味！原來成人每位$198 ,不用加10%,我們额外叫了2瓶啤酒才加一服務,好抵食喎！

位位$198，免加一。一上枱，立即好精神！自選五款海鮮🦞包兩款精選海鮮。整體質素不錯，大蝦好新鮮！肉很爽！旁邊有指引，教您煮幾耐，照顧有地獄廚神之稱的我地！無浪費到d海鮮！食完海鮮，仲可以自選八款火鍋配料牛肉雖然每人得兩片，但重質不重量，牛味濃！！最後，其實已飽到上心口，但因為粥底先係精華既所在，甘係要試試！雖然五算好綿，個勝左夠鮮甜！另外，叫左一勺粟米汁，第一次飲！又不錯woo!有小小粟米渣！食完仲有水果or糖水送！

嚟到呢度梗係食蟹啦，佢哋喺海鮮嘅食材上面有一定嘅品質，因為可能係每日都供應嘅原因，所以啲海鮮都比較新鮮，佢哋個打邊爐真係好抵，湯底亦都好好味，我哋揀咗辣蟹鍋湯底，一嚟到個鍋就見到有一隻都夠大嘅蟹喺裏面，二湯底亦都望得出好濃郁有啲辣椒絲，等佢滾左一段時間之後我哋先食蟹，即係都幾多肉，肉質都幾鮮嫩，辣辣哋好惹味，湯底裏面亦都有少少配菜，例如冬瓜，枝竹，估唔到原來冬瓜咁樣食都幾好食，幾入味，枝竹就要煲耐少少等佢比較軟身入口就會好啲，食完隻蟹之後就可以叫啲打邊爐嘅餸，首先當然要個手切肥牛啦，牛肉好鮮嫩，肉質好有口感，幾好味，之後不得不讚就係個墨魚滑，應該係佢哋自家製，因為裏便清晰見到好多一粒粒嘅墨魚肉喺裏面，入口亦都好好味，同出邊嘅鋪頭完全唔同，呢個墨魚滑值得一讚，然後就係金菇菜，滑豆腐，個豆腐真係滑到不得了，亦都好香豆腐味，份量都多，之後就係叫多個海鮮海蝦，佢哋係新鮮鬧啲下出嚟再預備好後就俾我哋，所以食落去肉質好彈牙，好新鮮，整體講到佢嘅打邊爐，呢間都算係好抵同埋好好食，可以encore，不錯不錯。

之前已經介紹過銅鑼灣橋底辣蟹呢間粥底火鍋，裝修唔單止古色古香同埋真係CP值好鬼高！你哋除咗膏蟹之外，仲可以額外其他五種海鮮。小編今次都係點咗多寶魚、蝦、大尾魷、油貝，鮑魚。但提提大家佢哋真係即叫即整嘅海鮮，所以可能上菜真係要等耐小小。小編今次等咗差唔多足足二十分鐘，不過海鮮呢啲嘢新鮮真係好重要！只可以講每一款都好好味，真係無乜可以批評呢個價錢呢個水準！食完所有海鮮之後你哋就可以揀8款火鍋配料，但就唔可以重複！美國肥牛、農場雞件、竹笙、蒿筍、魚皮餃、花膠、芝士腸，肉眼根。大家一定要嗌佢哋嘅美國肥牛真係好好味！花膠我友人都話好味到不得知大了，小編真係頂唔緊！食到最後加埋啲芋頭粒、南瓜粒、粟米件同埋粥底，真係超級幸福！

媽媽生日 指定要吃火鍋 找了這間火鍋店幫媽媽慶生😄中國風的擺設 我們點了海鮮拼盤有海蝦 鮮蟹 這裡的海鮮非常新鮮👍🏻而且份量十足！蟹肉鮮甜之餘，肉質彈牙！每集蠔都有手掌般大肥美可口！令粥底更加鮮，我們點了蜆還有鮑魚和水魷魚牛肉也是火鍋不可缺少的食物！這裡的牛肉 脂肪不多 但肉質絕對滑溜 ！個個吃完一片立刻又再淥另一片非常搶手😆最為期待的粥因為湯底已有很多海鮮的精華粥底鮮味十足加上南瓜和芋頭粒 鮮上加甜！本來只吃海鮮已經很飽但我都吃了3碗粥🤗 非常美味