道頓堀御好燒專門店 (荃灣廣場) (已結業)

道頓堀剛在尖沙咀開業時見識過它門外等位的人龍，一直沒有機會試，等到今時今日它開了多間分店，窩夫與蝦子餅才第一次光顧。點了一客二人分享套餐($388)。落單後先學習怎樣製作美味的御好燒。前菜是燒煙肉凱撒沙律，上面的燒煙肉要自己燒的，沙律菜新鮮爽脆。燒牛油帶子相對簡單，由窩夫主理吧。帶子味道鮮甜，沒有燒得太乾。上級牛肋肉也由窩夫負責，肉質和肉味都不錯，燒得較熟也不韌。道頓堀御好燒的材料看來很豐富。道頓堀御好燒由蝦子餅操刀，他的手勢很好，很有做大廚的天份呢。完美一翻。最後一步是按個人喜好加上醬汁、蛋黃醬、鰹魚碎和海苔。這些是廣島燒的材料。廣島燒的製作比較繁複，但也難不到蝦子餅，賣相很專業，味道一流。套餐的甜品是單球雪糕，點了一球綠茶，一球芝麻，各有特色。

早排兩個女仔去食飯，揀左哩間食鐵板燒，去日本時就食過，香港未試過，咁去試食下有冇分別，我叫左富士山御好燒，又有得玩又好味，其實唔會比日本差，係價錢比較貴左d，不過始終鐘意在日本食。

平日到荃灣廣場分店吃DIY大阪燒，不用等位，非常之好。我們點了二人餐，以為不夠飽，怎料吃飽、玩飽後原來會好飽。二人餐內有牛肋肉、帶子，用鐵板燒的肉和海鮮特別好吃。另外，每張枱也有一張教學menu ，menu上有一個 QR code，我們可以先連接荃灣廣場的 free Wi-Fi 然後才播放教學YouTube 片。片中每個步驟也會仔細教授，但我們看過後，最終也沒有跟著做😂真真正正的DIY。每張枱也有炒麵汁、沙律醬、燒餅醬汁和調味料，讓我和朋友都大展身手🤭。最後埋單時，職員主動提醒還有二人餐的兩個雪糕球，有三種味選擇。我們選了柚子，雲呢拿。我吃的是柚子，雪糕裏是有少少果肉的，很有水準。

道頓堀御好燒，對於食物尚算滿意，但食法同環境都很好首先，雖然限時九十分鐘，但唔洗擔心唔夠時間，因為其實佢塊鐵板有一百九十度。御好燒一塊完全煮熟只需十五分鐘左右，而牛肉就五分鐘內搞掂。今次個人覺得最好食反而係佢既牛肋肉，味道濃郁，食到牛肉鮮味加上佢本身既醬汁一流。而御好燒味道唔錯，但只限於佢既燒餅汁同沙律醬，佢本身果塊餅味道就有d薄弱。最後仲嗌埋佢屬於甜品類既班戟，就咁睇圖以為隔離果兜係雪糕，但其實係一大篤cream黎既，d cream加左朱古力粉，都好味既不過想嗌既朋友留意返，個班戟既粉漿係可以煎到六塊出黎，睇下自己仲有無胃口食到咁多啦。最後，燒餅本身係粉漿黎既，班戟又係粉漿黎既，整體感覺似乎單調，可以話成晚都係食緊殿粉質，再加上班戟果堆cream，真係飽到..不過食法幾有趣成個燒餅班戟都係自己燒自己整，雖然全部都自己燒，但都係收你加一架😉

朋友誠意推介呢間DIY大阪燒，所以就過左黎試下。環境方面都尚算可以接受，因為始終都會有少少油煙，但失望嘅係地板油嘅程度會高過普通韓燒嘅地方。而食物方面當然試左DIY大阪燒，味道都唔錯，但試左兩款，兩款個味道都係一式一樣咁，唔知係咪自己黑仔點左兩款都差不多味道呢 但真係幾過癮，而且唔算難整，雖然整得唔靚另外都試左佢地少少燒肉，都勸大家唔好點，因為真係無乜特別得黎又偏貴，相信大家都係因為想DIY大阪燒先會黎就無謂洗多幾十蚊食燒肉。總括黎講，係值得一試嘅餐廳，而且都會再光顧，但希望環境清潔程度可以再做得好啲

2人，叫左御好燒同廣島燒味道普通，兩舊野都係得個醬嘅味價錢唔係平又唔飽，餐牌相牛肉鋪滿個餅面但係真實只有兩片薄薄的，好可憐去返普通日本餐廳食大阪燒好過，本來仲想試下佢個pancake但係試左個御好燒之後，覺得好麻麻唔想再比機會佢，唔方會好食食完之後覺得好頹，唔想就咁比呢間野毀左我個friday night，唯有去第二間再食過！見到鄰台對男女睇住個教學都錯哂，個男嘅又係咁用個鏟壓啲肉，擠哂啲肉汁出來，感覺很災難。唔識煮野又想喺對象面前出糗的朋友們不防一試👌🏼

每次去到不同分店的道頓堀，晚上時間都必定會大排長龍。所以今日行完街無咩做，5點幾就去食啦。本身打算只係去玩下，食少少就遲少少再去食東西。點知佢有最低消費。每人燒一款大板燒係唔足夠到達最低消費。結果我們再選了兩個燒肉才湊夠數！大板燒材料來到，店員都有好詳細講解要點做。我地因爲有兩份大板燒，做完一份已經忘記點做另一份，好彩店員都樂意再講一次。味道方面，我只食到一堆粉團，兩款都好似一樣味（可能係我煮得差）玩是不錯的，可惜會好熱，又會弄到很油。味道方面不太合我口味。試過一次就不再來了。

環境：2人坐卡位幾舒服，吾洗枱迫枱。食物：点左兒童歺(menu 有2款kid meals, 我点左menu 内上圖個歺) 話明兒童歺，点解可以有辣野，就算有，menu点可以吾寫明？？小朋友煎完，食食下話辣，原來有紅ginger成份我試個餅一啖真係好ginger味！！生氣！兒童歺份量好夠飽。除左煎蛋餅外，仲有炒麵。炒面係難食的，得2片豬肉，有薯仔粒，D薯仔粒吾明点可做炒麵一起炒，又冇蓋焗下D薯仔，就甘炒根本吾熟。包ice cream一球。vanilla味好味。另叫了set lunch 既炒面，(以上既menu第3款) D餸全部得好少，蝦和octopus又細粒。豬肉片也很少。只有芽菜多。另包$20以下既飲品和沙津。沙津source 份量剛好，有海帶，幾好食。waitress上菜時需有解釋個歺個step点炒，但你留左話我知要用桌上提供既炒面汁炒！！怪不知甘難食，一味跟你Dsteps,冇留意原來桌上有支炒面汁！！set lunch 既沙津服務：OK上圖係每桌也有一支水樽，我好肯定冇日日洗，更加好耐冇洗。dirty到爆。做歺飲業哩D起碼要日日浸洗！！玩一次夠

星期日下午2點15分入場， 到大約2點20分落order, 等到3點10分都無食物到， 當中已追單兩次， 更離譜的是同職員講唔等要走， 個職員反應係戇居居擘大眼睇住我哋走, 完全無解釋或挽留， 真係明唔想做生意

六點幾黎到，無乜人！間鋪都算好闊落，都幾多位！安排左窗口位，我就一般般有炒麵的，所以叫左道頓堀雜錦其實都唔難整，只要反幾轉就搞掂好好食牛肋肉就比我相像中無甘美味，不過還可以啦豬五花配有牛油，煎左出黎幾香的，泡菜魷魚，份量都算多炒出黎，少少辣甘，好惹味好食！朱古力班戟，好多Cream!仲整左個米奇Pancake好玩！都幾好味喎兩杯野飲就麻麻地，燒酎柚子蜜梳打水，好淡呀埋單$459，都抵呀！幾好玩幾好食

日本過江龍既大阪燒，食飯時間門口長期爆滿等位既人。其實自己動手做大阪燒在日本都很常見，通常店員會幫下手、你又可以自己試下玩。當然在香港是比較少人做，因為租金貴，與其等你慢慢整，不如等師傅快快手整比你食，食完拿拿臨番枱到下位。難得有間比你玩，一定要試下。餐牌有圖畫很多選擇，點了一個御好燒和廣島燒，分別在於廣島燒是有炒麵在底。材料很快奉上。每個都有秩序咁放在碗裏。枱面上已經有一張制作方法說明，只要唔好緊張慢慢黎應該不會失敗的。店員亦會在製作過程中協助及提供意見，當然有佢在場就唔會差得去邊喇，枱上各種醬料一應俱全。好勝心強的他仲要學人畫花，都可以喇90分鐘好快就過，不過絕對夠時間慢慢玩，味道當然好喇，自己整架嘛

近排睇日劇見D人食文字燒又心旭旭想食，行行下見到有間可以自製就入去試下。3點幾店內唔算多人，但店內人手明顯不足， 我哋入咗店企咗陣都冇人理(又冇得攞飛外面等)，而落左order後，大約20分鐘先上到菜，講緊所有嘢都係生要自己煮嘅情況下，等候時間未免太耐。 因為唔想兩份都叫曬乜乜燒嘅關係，我地叫左個炒麵，但個炒麵一上黎就知大鑊了，因為真係好多芽菜(我地平時食米線都會走芽菜嘅)，芽菜同麵嘅比例差唔多1比1，唔想落啲芽菜呢，但個麵份量好少，又冇咩其他配料得幾舊肉唔抗拒芽菜嘅話個麵應該唔錯，但個人口味問題，我地就覺得麻麻地。另外叫左牛油薯仔，燒落好香，佢有個汁加埋落去咸咸地幾好食。 燒餅方面，因為第一次整，所以叫咗個難度簡單Ｄ嘅御好燒，撈埋一齊放落去先再翻一次就ok。我地落得太多汁不過都好好食，同其他會整埋俾你嘅餐廳味道差唔多。埋單2人$270唔算貴，但叫左埋單又要等成10幾分鐘先埋到，店員服務態度ok，但人手唔夠問題真係要多改善。

為左迎接廣島之旅，所以去旅行之前決定去整一次廣島燒。平時要大排長龍，今次我地5點幾就去到，唔洗排隊即刻入座。我地揀左一個御好燒，一個廣島燒。因為御好燒易整啲，所以我地整左御好燒先。餐廳都預備左每枱一個計時器，方便食客計時，唔會煎到燶哂!首先放個麵漿去煎，之後攪好啲材料放哂落去煎，反一反，加埋紫菜粉木魚粉勉勉強強都叫做成功! 味道都ok 喎!之後煎埋廣島燒，唔係太靚，不過都好食。今餐都幾好玩呀，90分鐘唔夠我地玩呀！

取票後，等左40分鐘，就入坐，星期五比較多人。原本叫咗三道菜，小食主菜同甜品。等左10分鐘後，上第一道菜。食完第一道菜後，同侍應講，可以上第二道菜，一等就等左30分鐘。期間有問過佢有冇漏單，佢好Hea咁答你，廚房整緊。之後等得太耐，決定埋單。同一個侍應聽到埋單即刻沖入廚房拎第二道菜出嚟。(有留意隔離左右兩張枱上菜時間都正常, 落單後約5分鐘就上菜)禮貌問侍應點樣煮，佢好Hea嘅態度回覆你。原本嘅，甜品最後都取消，怕又要等多30分鐘。整體來說，食物質素不錯，餐廳嘅環境都唔錯，可惜侍應嘅態度散漫，比快餐店仲差🤬，漏單情況嚴重。

因為朋友食過返尋味，而我又未食過，所以就決定黎食個晏晝～呢間餐廳岩岩到香港個陣好多人排隊，成日經過門口都見到好多人等。不過唔知係咩我地係星期一晏晝去，餐廳差唔多只得四五台客，頗冷清。午餐款式算多，唔一定要叫文字燒或者大阪燒，可以叫普通既燒肉餐。三個人分別叫左兩個文字燒同一個牛舌餐。包前菜同飲品。朋友個牛舌餐仲有得任添飯。野食好快到，不過張台放曬所有野食會比較迫，我地快手食完前菜就準備燒喇！餐廳提供左一張牌教大家點燒，第一次去都唔怕唔識整。燒左大概十分鐘就開始成形準備上碟，雖然坐係個爐隔離係有d熱，但係自己燒的確幾得意，值得一試。