30
17
5
港鐵荃灣西站 D 出口, 步行約8分鐘 繼續閱讀
所有分店 (7)
電話號碼
23326030
23326036
營業時間
今日營業
12:00 - 23:00
星期一至五
12:00 - 23:00
星期六至日
11:30 - 23:00
付款方式
Visa Master AE 現金 銀聯 JCB
食評 (63)
等級3 2018-12-06
189 瀏覽
友人話食嚟食去都係個啲 有啲悶有冇新搞作?既然係咁 不如比你做大廚啦😎佢有二人餐提供 唔想諗既情況下所以叫咗而且最近主題係Melody中意Melody既朋友更加不要錯過🤣御好燒同鐵板燒就係自己落手落腳化身大廚既好時候但顯然地感覺都係食緊一堆嘢加大量菜🙈因為佢提供既汁料其實都係一樣而佢亦都有提供每款整法示意圖一步步教你點整出嚟 所以都唔洗太擔心會整唔到 賣相另計😂御好燒成品鐵板燒成品而且有得玩又有得食 其實都唔算貴不過有時等位時間會較長 同埋必須有定心理準備食完個人 會一身油煙味🙊 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-05
89 瀏覽
又是每月一餐的時候,今次是4人,友人推介去大阪燒,平時經過尖沙咀分店都好多人下,友人選了荃灣分店,因為新店同似乎冇咁多人,thank友人訂了位~來自日本的dohton bori , 說到大阪燒,去大阪時都冇試到,今次係香港可一試了。平日的晚上,不算太多人,因有限時90分鐘,我們等齊人先入去呀。 期間限定的my melody x kuromi,好可愛呀。 內堂面積頗大,裝潢甚有日本風,暖色的燈光,感覺好wram。 坐的尚算位子寛敞,每枱設有長煙囪抽氣管及鐵板燒,小心熱呀。 四人分享套餐(全11品),$638。 前菜-和風蕃茄沙律。 御好燒 廣島燒 肉類雜錦炒麵 鐵板燒-野菜盛合(檸檬牛油醬油) 上級牛肋肉 鐵板泡菜魷魚 牛油帶子 雞肉 甜品-雪糕(雲尼拿/柚子/抹茶)X4 飲料(+$10可點主餐牌內各款飲品)X4 有大阪燒的教學,圖文並茂,仲要有埋QR code 可睇影片教學,好窩心呀。 大阪燒用的醬汁、調味料及油。 跟餐+$10的飲品。 鮮果燒酎梳打,真係要鮮榨呀。 跟餐+$10轉的飲品。 桃味骨膠原活乳酸燒酎梳打,桃味唔太算好出,少許乳酸及酒味,甜甜地,都不俗呀。 友人的梅酒梳打。 前菜-和風蕃茄沙律,蕃茄新鮮,配上日式芝麻醬味道更清新。 野菜盛合。 最初好整齊,之後起勢咁炒菜。 雞肉,都幾香口。 上級牛肋肉,味道不俗。 鐵板泡菜魷魚,又係起勢咁炒,好快熟,味道幾好。 牛油帶子,正常水準。 係時候整御好燒,等田會長同Paul 表演(有田會長大家食得好安心)。 1,以打團方式混合好麵糊及材料。2.將混合後的材料放在已塗油的鐵板上。3.調成直徑10cm的圓形,5分鐘後將其翻轉(翻果個最難)。4.用鏟子調整一下形狀再放置5分鐘。 最後再翻一次再等5分鐘,燒好後隨個人喜好加上醬汁、蛋黃醬、海苔及鰹魚碎即成。 田會長佢地整得幾靚。因為有帶子、蝦、豚肉、野菜、魷魚及雞肉等,好多材料同醬汁之下味道幾好。 廣島燒,我同Phyllis 整(有我之下大家開始不安@0@)。 1.將油塗在已熱的鐵板上,用2匙的麵糊推開做成薄底,接近碗的大小(我隨意整了) 2.在麵糊面上加材料(紅薑、青蔥),再放上椰菜及豚肉。 3.表面加一匙麵糊,翻轉燒2分鐘(剛好有麵糊加到) 4.旁邊將拉麵加入炒麵汁拌炒。 因為整梗冇影相,其後友人幫影,thank~! 5.將3(燒餅)放在麵上。(倒塌的一刻) 6.旁邊打蛋﹐將蛋黃推開,將4(拉麵及燒餅)放蛋上面。 7.翻轉令煎蛋在上,隨喜好加上醬汁、蛋黃醬、海苔及鰹魚碎即成。(忘了翻蛋@_@) 賣相好似異形⋯證明教學要認真睇呀XD。 有拉麵、豚肉、及野菜等,好飽肚呀。 肉類雜錦炒麵。 食埋就堅好飽了。 跟餐付送甜品-柚子雪糕,(可選雲尼拿、柚子及抹茶),柚子味清香,口感似雪葩呀,友人的雲尼拿,好似大點呀。 夏威夷風朱古力班戟,$68,一樣都係自己整呀。 配上cream食幾好味呀。 御好燒自己整都幾好玩,食左好多澱粉~價格尚算合理。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-11-20
561 瀏覽
本身想自己本大板燒好耐,之前經過次次都排哂隊,今次咁岩經過竟然見無咩人於是就入左去食喇。佢有二人餐,不過我同個朋友都係志在想食大板燒於是無叫餐,叫左一個雜錦廣島燒同芝士四重奏文字燒。其實燒完我地都分別唔係好到佢地既唔同..因為..落左同樣既醬呀嘛😂有哂說明書教點整,初初都驚唔成形、但原來都幾易整,同朋友一人整一個,都好順利!好好玩添賣相睇落都唔錯呀,食落都幾好味!食完我地都覺得唔叫餐係岩架!食左兩個燒無論個肚定開心既程度都非常滿足!極力推薦想試整大板燒的你快點黎試啦!又唔駛自己預備材料又唔駛洗..一人百幾蚊有得玩有得食的晚餐,抵到爛呀! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-11-16
415 瀏覽
間餐廳開咗咁耐,終於去第一次去試 。見係自己燒嘅好似幾吸引,覺得好好玩,每次煮都要每一個step都望一望個餐牌個。第一份分別係廣島燒$98店員會準備好晒食材,雖然有一張食譜教你點煮,不過最後都只係倒晒啲材料落去炒,再加啲調味料落去,希望味道都唔會太差🤣呢款廣島燒入面材料包括有大量椰菜絲,煙肉、炒麵、加上粉漿,整起來有成功感。怕咸嘅朋友就唔好加太多醬 ,因為醬就幾咸之後再黎左個御好燒和炒麵。少了新鮮感加上呢個有D難道,又怕中間唔熟,而且醬汁味道差不多跟餐還有每人一杯飲品、一份泡菜燒魷魚、燒牛舌和雪糕,食得勁飽,套餐份量太大,岩哂大食既人。下次會試下散叫,食唔同既野。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-11-08
533 瀏覽
一班人一齊燒下玩下笑下傾下計,時間過得好快,不經不覺坐左好耐。平時都好鐘意食大板燒,而呢間餐廳嘅賣點就係有得比你自己燒。比埋教學你睇,scan QR code 仲可以睇埋片,唔會怕失手得出邊! 咁岩有期間限定有melody做主題,幾得意!應該吸引到唔少fans! 如果你有食過平時food court 連鎖個間大板燒,有對比之下就知有幾好味。連鎖個間非常非常咸,而且粉漿好厚,食完會好滯。呢間唔會好咸,貼近真大板口味!其實呢間餐廳連廚師都唔洗請真係好聰明,慳唔少,難怪愈開愈多分店。 繼續閱讀
(以上食評乃用戶個人意見 , 並不代表OpenRice之觀點。)