道頓堀御好燒專門店 (荃灣廣場) (已結業)

每次去到不同分店的道頓堀，晚上時間都必定會大排長龍。所以今日行完街無咩做，5點幾就去食啦。本身打算只係去玩下，食少少就遲少少再去食東西。點知佢有最低消費。每人燒一款大板燒係唔足夠到達最低消費。結果我們再選了兩個燒肉才湊夠數！大板燒材料來到，店員都有好詳細講解要點做。我地因爲有兩份大板燒，做完一份已經忘記點做另一份，好彩店員都樂意再講一次。味道方面，我只食到一堆粉團，兩款都好似一樣味（可能係我煮得差）玩是不錯的，可惜會好熱，又會弄到很油。味道方面不太合我口味。試過一次就不再來了。