道頓堀御好燒專門店 (K11購物藝術館) (已結業)

因為怕星期五多人，故意五點鐘就去排隊。結果排了兩個鐘才入座，無錯係兩個鐘對於本身極度討厭排隊食嘢嘅人，兩個鐘係好誇張，但實在因為聽過太多朋友嘅好評，所以搏一搏試一試排。入到去兩個人可以坐四人枱，好寬敞好舒服。極度鍾意食芝士嘅我，叫咗最勁嘅芝士四重奏。 $88基本上就係俾啲材料你，整法好簡單，撈勻晒，倒落個鐵板到，用個鏟整一整返好個厚度同大細形狀(可以自己衡量)，然後俾個timer你，每邊燒3分鐘就食得。燒好就落醬汁，成果靚到好似人地師傅整咁唔識整既都唔緊要，可以叫師傅幫你，俾你從頭望一次點做，但我覺得浪費左一次自己玩嘅機會いただきます！每食一啖都扯住芝士拉絲好香又有口感叫了兩杯生啤兩個人食一份仲有d未夠喉，見到menu有個富士山，多肉又大份，於是叫第二輪。富士山 $108真係好高身好大份，但食落無芝士四重奏咁香，反而覺得差少少咁，無辦法芝士真係無得輸。

啱啱去完日本，好懷念當地嘅美食😞返港發覺好少大阪燒專門店，見到報道居然響K11開咗一間新餐廳，吃貨如我即刻走去試食😋超級多人排隊！五點去到結果等到7點半先入得去，等咁耐梗係充滿期望啦～好彩佢冇令我失望！可能日本餐廳服務質素嚴謹，唔夠店員處理訂單寧願提供限量服務，所以見到店內有空位都未有安排人客入坐，所以入座座位非常寬鬆寫意！兩個人叫咗一份大阪燒同廣島燒，因為係廚藝白痴，所以要職員協助先至完成左一份日式燒餅，但自己有得落手整同調味，覺得又好食又好玩😆到第二份廣島燒開始得心應手～不過店內提供嘅麵質較硬同粗，跟我響日本食嘅比同燒餅配合起來唔太夾，不過因為份量太多，食到第二個燒餅已經漲都食唔落去，食淨咁多有啲內疚🙈建議四個人食，可以帶三份燒餅share

我地5點幾到K11 拎飛新開果然係好多人黎潮聖今次真係破記錄...等左3個鐘先有得入座🙄因為鋪頭唔大 全場大約得15張枱而且d 枱冇分係2人定4人所以d 枱去得好慢叫左2份大阪燒 3份肉 仲有炒面，沙律同雜菇一個大阪燒既分量應該係一人份第一次整都算係咁有得玩有得食唔錯～估唔到d 肉都好正🤤🤤🤤最後食埋pancake 就大功告成啦唔知係咪新開既關係 所以服務都好好 我地叫waiter 幫我地摌個鐵板好多次都冇黑我地面抵讚！聽waiter 講booking 已經full 到去9月(超誇張！！)短期內應該都唔會再去等熱潮過左少人d 會再考慮下

E 隻生意模式其實唔啱香港太少枱 就算個客肯等3個鐘但一定唔會再回頭食物都係好普通雪藏野靠d 汁如果你整得唔好食又或者燶左仲有 入到去D 野油立立 餐牌 格 櫈 都好多油好核突御好燒（日語：お好み焼き／おこのみやき Okonomiyaki），又稱為大阪燒、什錦燒或隨意燒，是源自日本的一種鐵板燒小吃。製作方法是將水加入小麥粉攪伴形成粉漿，再加上蔬菜、肉類、魚類和貝類等材料，於鐵板上煎，最後加上調味料進食。不同地方的御好燒在做法和材料上各具特色，其中最具代表性的有兩大派系，即關西風御好燒（大阪燒）和廣島風御好燒（廣島燒），實際上兩者發展的起源也不同。關西風御好燒的基礎上，將高麗菜改為綠蔥，加上牛蹄筋，改為醬油味的蔥燒現在也大受歡迎。由於廣受歡迎，因而風靡全球，進一步成為各地熱門美食。

去好彩一開張頭兩日已經即刻去Try~。唔使好似宜家咁要左排右排，排成2個鐘先入到位！坐底好似日本果啲餐廳咁，會準備好晒紙圍巾比你，預防唔會彈到啲油上身6個女仔食叫咗3個大阪燒、一個炒麵、一個燒肉、一個炒尤魚 、2個煎cake甜品份量剛好！。但係可能係因為全部都係高澱粉質，所以都有點飽店員服務好好，細心講解點樣去自己整呢個大阪燒仲因爲有啲雞手鴨腳，店員忍唔住過黎幫我地整但最強差人意既係抽風系統真心覺得好差喔唔知係咪商場抽風無咁好一出門口已嗅到自己成身油煙味 歷久不散

這裡只適合年輕人和情侶。有老有嫩的，最好唔好去。老實講，比錢仲要自己煮，這並非似韓燒般容易做，味道並非一般人接受。無返d煮飯㡳都有難度，可能好玩，好唔好食就好個人口味了。排隊時有個電視不停教如何煮，但沒有太明確指出如何處理不同的order,d伙記又好是旦咁講。

是日跟好友打破另一記錄, 所說的就是排隊等候吃美食的時間. 為了一試道頓堀大阪燒, 等待了四小時, 大概只有這位好友願意跟筆者這樣瘋癲, 真的很感激! 好友週末下午四時半到達, 取了票, 下午六時已截龍, 最終八時半入座. 店內地方不大, 加上不能搭枱, 難怪等候這麼久. 餐廳走著和風, 燈光帶點昏暗, 通風ok, 不會煙霧迷漫, 感覺不錯. 看看menu, 點選了道頓堀雜錦(HK$88), 廣島燒(HK$78). 不消一會侍應送上食材. 筆者只好說製作過程絕不容易, 但卻是很好的體驗. 試一口道頓堀雜錦, 熱騰騰, 口感豐富, 全因材料也豐富, 有蝦, 豬肉, 魷魚, 椰菜, 配上醬汁和沙律醬, 酸甜中又帶蛋香, 很美味啊! 廣島燒, 跟道頓堀雜錦差不多, 差別就是多了炒麵, 試一口, 炒麵很有咬口, 頗彈牙的, 每一條麵條也帶有醬汁的味道, 也很不錯! 很滿足的一晚!

我同朋友點半去攞飛(84)，當時叫到43號，要等40張飛，睇黎有排等，所以去食其他野頂頂肚啦。點知3點返去叫到108，當唐打個突，估唔到叫得咁快，應該係d人攞完飛就走左啦.......即刻攞過張131號飛，最後4點半先食，午餐變晚餐...大家等位都係唔好行開，乖乖地企定定罷啦！幾經辛苦終於等到，我地叫左一個廣島燒同御好燒，自己落手整幾好玩既，過程係有d雞手鴨腳，不過搞唔掂既話，職員都會出手幫忙既！之前係大阪食過，對比返依間既餡料同味道都相似，證明都好正宗，好唔好食？如果煮得岩就幾好食架，視乎自己煮成點啦，同埋落燒汁等調味料既分量啦！個人比較喜歡御好燒既味道，d餡料撈得均勻d。廣島燒個麵好似車仔麵個d油麵咁，同埋餡料唔均勻，所以差少少。下次會再食，不過一定會企定定等！

同男朋友講左要試呢間大阪燒好耐，因為我地兩個都未試過親手自己整大阪燒。係日本反而無咁神心要自己整黎食，店舖開到黎香港，反而係星期日決心足足排左兩個半鐘，誓要食到佢。星期日大概五點半拎飛，要等四十幾張枱，於是我地就行遍尖沙咀，反轉K11，終於係夜晚八點既時間入到去食。排到好肚餓，叫左個廣島燒，即係有炒麵既。的確好好玩，一齊研究下，拍下片，都整左幾耐，味道亦唔錯。最中意最後加既燒汁同沙律醬，再撒埋木魚碎、海苔粉，同餡料易常地夾。再叫多個甜品 - 厚身pancake。呢個就有啲伏，因為食落去既味道有啲怪，好似係化學物。而且我地嘗試過燒左好耐，都唔會燒焦。呢間餐廳性價比十分高，又平，味道又唔錯，又有得玩。但如果係最旺既晚飯時間，就要付出長時間既等待，就睇下大家覺得值唔值，又或者等熱潮減退一啲先再戰啦。

前排係尖沙咀食到文字燒真係好令人興奮，之前係日本食過幾次已經深深愛上了此店跟足日本可以自己(客人)整 對於新手可能會看不明指示圖 你也可以問店員幫你做 而即使我懂整 店員也會簡單地説明 服務不錯 可惜人手不太夠不過總算又好玩又好食蕃茄沙津明太子芝士年糕文字燒 超級推薦年糕芝士御好燒座位的其中一角有個充電位 設計非常貼心 可以留意下如果中午去食要注意16：00會有一個中場休息 如果晚上去就盡量20：00前去 等位的票會見多人等候就隨時停派 一定不要太遲去

上openrice見到呢間係今期no. 1. 於是決定黎試食。想尋回聖誕在大阪食燒餅嘅味道。事前，我睇晒食評，若要食晚飯時間7点，就要等2-3個鐘。於是4點幾已來取飛。可惜，4點幾太早了，取左都無用，於是4.40又再取一張，5點正又取一張，之後5.15再取多張。最後5點正嗰張先用得著，7.25分入座，食90分鐘。我地3人，叫左一個文字燒，一個廣島燒和2個御好燒餅，好飽。過程係要自己燒，但可請教嗰度D職員。有個職員Vivien超好. 敎敎下，見我地雞手鴨腳，幫我地燒埋。成餐飯，有得玩，有得吃，好多回憶返左黎。五佰蚊超值。

經歷左昨晚果餐之後， 我地一行三人， 再試另一間大阪燒， 最後就揀左尖沙咀道頓堀御好燒專門店,今次果然冇令我失望， 今次係客人自己操刀炒， 好有風味， 同好有特色， 除左有廣島燒，重有其中唔同嘅鐵板燒嘅， 真係要去多幾次先試得晒， 另外佢嘅醬汁好香， 雖則自己炒，可能賣相差 d, 但係好好味， 雖然食到一身都係油煙味， 同埋等左好耐先有位， 但係， 我一定會再次幫襯， 希望會有電話訂座啦， 咁就唔駛拎完飛仔， 等成兩個鐘先有得入去座。

終於的起心肝學人寫食評！🎊知道大家都好鐘意貪新鮮，已經等開業一段時間先黎試，點知彈閘收工，黎到都只係6:15pm，都要等到9:00pm先有得入座😭😭😭一心黎試廣島燒，見價錢都唔洗💰100一份，心諗份量應該唔會好大 (完全無留意其他人既食物份量)，三個女仔最後分別點左廣島燒，奄列蛋包炒麵同御好燒，另外各人都點左杯飲品🍹雖然已經係晚上9點幾🕘，但餐廳內仍然座無虛席，不過都好快上餐，服務員知道我地想自己整，好細心咁解釋做法之後，我地就馬上開動。開始時都幾🐔手鴨腳關係，所以只可以逐個逐個整。一路整一路要憶述服務員既說話，一時又要望下枱上面張「說明書」，真係好忙😅，最後攪左大約廿零分鐘終於有得食🎉🎉🎉其實食完第一份時已經半飽，最後一份要整份打包🙈 走前先發現隔離枱玩緊煎pancakes😨 omg ！ 下次一定要再黎玩多幾款😌以咁既價錢又不限時咁比你玩，食物質素又唔差，值得推薦👍🏼 不過係等得耐左d咁啦 😪

之前男朋友已經嘈住想要試下御好燒，可惜去台灣個一轉時間不足最後都無去到，點知返到香港就見到FB有人介紹尖沙咀k11開左立即打去book位啦～點知要去到5月先有book位，只得返walkin！！！！當日去到排我後面的情侶都無位啦所以想去既朋友要快手d book定位啦有每一種類的烹調方式手殘都可以做得到哦～（食物的外相就不保證啦～）碳酸類飲品有兩款， 一款係巨峰提子一款係白桃兩款都好飲中間夾住芝士~好肥啊整個過程都很好，最後我落醬時好像有點手殘了不過味道最緊要，好味最後緊係要食個甜品收尾啦~以上食物兩個人食完呈現飽到嘔狀態但價錢都抵，總共200原左右， 過足手癮的一餐~

好好味既一餐我地未夠6點已經去左拎飛，當時叫到171，我地排259，好啦，咁我地行陣先返去，點知行到九點返去先叫到234號，個姐姐叫我地唔好行開行係度等，好快就到，再等半個鐘就入得！我地叫左個芝士四重奏同海鮮廣島燒，一坐底個姐姐又教我地又幫我地燒，好好服務，但太大火，彈到周身都係，不過真係幾好食，可以自己任加醬汁，正絕對會再返去食，下次自己整