道頓堀御好燒專門店 (K11購物藝術館) (已結業)

hehe, 知道香港開左分店即係同朋友黎潮聖, 避開人潮選左下午四點鐘非繁忙時段, 唔駛等位立刻可入座👏🏻有說明書教導製法. 亦可選擇由職員代燒.由於要放鐵板關係所以座位好濶落😆但開著鐵板時真係好熱.order 左炒麵, 燒餅同泡菜魷魚😋職員都會簡單講解放煮食物既先後次序😆炒麵份量夠二人 share, 有大量椰菜, 炒過後爽甜, 配有炒麵豉油好好味. 桌面有大量調味醬料提供.哇, 完成品超美美, 睇見都想食😂泡菜都幾辣, 魷魚新鮮好味. 有得玩又有得食, 岩晒貪新鮮既香港人😆😆

尖沙咀K11呢間道頓堀御好燒專門店自開張以來一直人氣高企, 電話訂枱長企滿座, 今晚因為成班朋友都可以7點前到, 所以約定先到先攞位試下呢間晚晚都排滿人嘅人氣大阪燒。😁我18:45到攞飛號碼已經係40, 要等30幾張枱😰, 打算whatsapp俾其他朋友改地方, 好彩原來有朋友18:23已到, 只需等10幾張就有位。👍我地一行5人, 到我地籌號時, 店員話大枱要一小時之後先有, 問我地坐唔坐4人枱, 我地唯有坐迫少少啦。😞餐廳抽風都唔錯, 每一枱都用緊DIY嘅鐵板都唔覺好煙。我地點左1個6人餐, 份量都唔少, 不過我地張枱實在太細唔夠擺, 隔離枱走左之後, 店員安排埋隔離張枱俾我地用, 可惜兩張枱不能拍埋, 只可用來放食物。前菜有3款, 味道唔算突出, 凱撒沙律偏咸左少少。御好燒有4款, 以第一次燒來說, 我覺得我地都燒得唔錯, 不過4款都係用相同調味, 味道差唔多, 食得多有少少膩, 不過自己DIY燒, 感覺幾得意, 而且燒好都幾有滿足感。😝6人餐鐵板燒有豬腩肉, 牛肋肉同帶子, 味道正常。跟餐飲品加$10可任選餐牌飲品, 我轉左飲燒酌桃味骨膠原活乳酸梳打, 味道都唔錯。甜品可選抹茶

等 。又繼續等， 寂寞到夜深， 再繼續等。 自言自語地等。。。。 玩住手機等 。。。。自己煮自己食 ，大阪燒專門店， 排隊的人龍， 係真心長喎 我排了三小時才可內進， 六時已經取籌， 9時先有得食。混你個帳啦炒炒炒快趣炒 食食食食它吧由麵糊到製成品 ，我好像見證了一個 美麗 傳奇的 誕生 。沒有了do姐 神聖的一票 ，我的 含笑 大阪燒。。。 總算見得人 。至於味道就 。。不過不失啦！食完其實都幾口乾 早知 當初唔落咁多沙律醬同七味粉對於貪新鮮貪好玩貪新奇刺激的香港人來說， 這個也是一個難忘的體驗啊 ，仲可以俾相機食先 ，或者玩 facebook live 現場直播。試過了一次之後心滿意足， 但應該沒下次了。。。 除非 你幫我排隊。。。

近距離地坐在鐵板前，食客可以選擇由自己來操控，或是由餐廳職員來主理。因為不是太懂，只有請餐廳職員幫忙吧。點了經典版的，食材有木魚、魷魚和一些蔬菜。先放食材在鐵板上，慢慢讓食物煮熟。到差不多時候就在中間留一個孔。原來在食材的下面有一些麵粉醬。就是把這些麵粉醬倒進孔中，再攪拌。慢慢地食物便準備得七七八八了。最後就是用小型的剷把食物剷起來吃。口感是軟軟，味道有點淡，所以要加上白白的沙律醬來吃，會更加惹味。

所有嘢都自己嚟嘅日本燒 今晚試咗什錦廣島燒+芝士蕃茄燒廣島燒 - 味道尚可 個炒麵底最好味 海鮮只有指甲咁細 ，唔熟procedure 過程中可能會造錯芝士燒食唔出有芝士味，材料唔夠多 沒一絲絲的芝士 芝士控表示失望⋯⋯未食過可以試一次 因為幾好玩 不過食完預咗成身味#onetimeonly #restaurant

好彩朋友早到拎到飛 6點去到 唔使等好耐就有得食😋😋一入到去兩個人都坐四人檯 好大空間可以自己整大阪燒！我地兩個人叫左一個廣島燒同兩個芝士味噌飯團整廣島燒都幾複雜 要用麵糊煎左一層先 之後再放上蔬菜同兩片肉 之後就要反起佢 呢步真係好難 所以要餐廳員工教我地 佢地都好nice!!! 我地整穿左個底 佢地仲幫我地補穫 哈哈 製成品都見得下人，仲要幾好食！自己整可以調較味道，尤其係廣島燒個麵真係好好食！同朋友嚟玩下食下 又唔貴！

由於去尖沙咀行街就openrice 下有咩正野，搵到一間自己做既大板燒。去過日本好鍾意食小丸子個麵皮而且都想試下玩，所以決定去食佢。一早叫愛人去拎位，3張飛都等左1個鐘。入到去，唔太大油煙味但坐位唔多，所以要等咁耐～2個人都會俾4人台，因為個鐵板燒好大，所以俾左張4人台。叫了2個叫廣島燒同御好燒。分別用左一個大碗同一盤碟送上，另外佢有教學教點燒，但如果睇黎睇去都唔識可以叫職員幫幫手，以免整得唔好食，浪費哂。食完之後，我覺得廣島燒好食過御好燒，可能御好燒個麵炒到有點乾，所以影響左個質感。走既時候仲有超過30張飛等緊，我深信有一批人會入唔到去食，因為每次時間1.5小時，位又唔多既情況下，有人會選擇放棄。總括，成班朋友或情侶可以去玩下食下。自己整會特別好食。

雜錦廣島燒 ($118)-話明雜錦，配料有齊海鮮🦐🐙同肉，炒麵汁超級濃郁，係靈魂重點。燒汁，沙律醬，海苔粉都係無限量供應，鐘意落幾多就幾多。GM覺得自己整得好好食😋，你地都快d黎試下，挑戰下自己廚藝啦👨🏻‍🍳👩🏻‍🍳-除左廣島燒，仲有御好燒，文字燒，連厚班戟都有得自己整，超級好玩！大家可以放心，店舖提供哂計時器，步驟卡，跟住step逐步逐步整，一定唔會失敗。不過通風系統唔多好，建議大家唔好着冷衫，太吸味既衫。-好味指數: 8/10

位於K11內 地點易揾 但拎完飛 起碼都要等一個鐘以上先入得 大家要睇時間呢係等位期間 外面有屏幕教大家點整大阪燒睇到更想快點動手自己整入到去店員已講限時90分鐘 餐牌都都非常多選擇 除左DIY的御滿燒外 仲有肉類可以燒 甜品都有👍🏻我地叫左個雜錦燒 首先落d油個板到 之後倒d料落去 5分鐘 期間可以整自己喜歡的形狀 之後再反轉5分鐘 再反5分鐘 就可以落沙律醬吖 海苔粉等 好正 中意食咩 就自己加多d 而且個料都好足 唔洗去日本 自己都可以整到 下次要整埋炒面先得！

廣島好燒，一種於我來說著重好玩多過好食的食物。偏偏這種可以DIY的做法，就深受愛新鮮愛玩嘢的港人歡迎。每一次路過此店時，都喵到門前面有一條人龍在等候進場....今天店未開前就來到，所以就可輕而易舉地找到位坐....獨沽一味只點好燒。喵餐牌，發現花款配料選擇蠻多的。在沒有特別偏好底下，就點了號稱經典熱賣的雜錦....桌上有一張印有如何自家弄好燒的圖解指示，一目了然。基本上就連小友亦應可輕易烹調出來....將材料加粉漿搗勻再塗上加了油的鐵板上，之後每隔數分鐘就翻一翻，上檯前再來個"大混醬"就成了....切一件入口，八味紛陳，又甜又酸又帶鹹，極其古怪。最重要是口感黏黏粉粉的，絕不是我那杯茶，而且用的海鮮鮮度亦非常一般，連最後有機會吸引小弟的地方都欠奉了....正所謂"好玩多過好食"，這便是最典型的例子....

試新野，服務態度差，味道一般，食完一身油煙味！冇下次！90mins 限時，上菜慢，已經要自己煮，趕頭趕命！60mins 已經催你準備30mins後埋單！friend night 6:15pm 攞飛，7pm 入座。入坐前已經受氣，坐在餐廳門外等，人多聽吾到叫號碼，個服務員話已經叫左2次，好～唯有等補枱。入坐後、落order , d餸唔洗煮-執出黎都要等15mins ！喂～計時㗎！正式開始自已煮已經用左30mins. 一路煮冇服務人員會埋你、幫你，行埋一邊吹水講笑！枱上所有醬料樽上沒有任何label , 得一張說明書教你點煮。以第一次去玩的我，真有點手忙腳亂！好彩亂煮一下後都可以食。

道頓堀御好燒專門店由於星期六日客人爆滿,接電店員指訂位已去到9月頭了,那時真的驚訝,等了4個月,終於可以食到自己一手一腳燒的廣島燒。一行二人,6點半到達,不用等位直入餐廳,見到默默在門外等待的客人,真的自覺有種自豪感.侍應叮囑鐵板爐很熱,嘩192度,由於餅材料都頗多,擔心浪費,落了一份雜錦廣島燒($118)加黑毛和牛肉眼扒($299).等了20分鐘,還未有食物到, 怒追之下,牛扒先到,望著雪花牛扒在煎pan裡慢慢煎熟,反一反再煎更金香.放入口,嘩,牛肉入口即融,油及牛肉汁交集,美味極了,吞後口還留下肉香.真的值得一試,無落錯單,價錢唔貴,質素跟日本相差不遠.接著開始廣島燒,配料蔥粒,炸魚塊,酸薑,2隻蛋,1碗米漿,豬腩肉2片,魷魚及蝦粒,一大碟椰菜絲及炒面.過程都複雜,對於初次自己落手落腳玩鐵板燒,燒完的確有一頭煙的感覺,因為當中又涉及幾下反轉燒餅,又怕火太大,燒焦餅,中間那片豬腩肉又唔知熟未,米漿好少,因為好似唔夠覆蓋整塊餅.我們跟著圖示步驟,一個讀一個炒,順利完成一塊似模似樣的燒餅.然後再加無限量供應自選醬汁(燒餅汁,蛋黃醬汁,海苔粉,炒面汁)在燒餅上,點綴後,一切就散晒,食落覺得

這家店真有點難以理喻，想訂座的時候，發現訂座已到數個月後了，後來才發現原來每晚可供訂座的只有數張台，也許是製造好受歡迎的感覺吧。這晚我跟朋友們拿了票，吃畢晚飯後再來碰碰運氣，剛巧便到我們了。這樣難訂位的地方，即使吃飽了也坐坐看看吧。我們也算試了它的招牌大阪燒。奇怪地，即使餐牌上可選食物不是那麼多，而且店員基本上只需給我們拿好材料讓我們煮著，而我們晚上大約9:45入座時其他食客基本上大都吃完了，我們下單後仍然足足等了二十分鐘，才有大阪燒的材料來到。這顯然是另一個製造受歡迎假象的習慣吧？ Pancake說實的，食物真的無甚特別啦（也沒有想過會怎樣的，反正也是那些普通食材），亦沒有在日本看著師傅表演的滿足感，但如果喜歡烹飪的朋友，來這裡還是挺好玩的。只是真的很難服氣要為這食物等整整數小時，加上服務員的散漫，其實要等超過十五分鐘我已經覺得很不值得。

最近睇youtuber介紹呢個自己動手燒既大阪燒，睇落幾好玩，仲要佢介紹到唔算太貴，更加有興趣。上網睇睇，先發覺間野都開左好一陣子，深信而加去食，應該唔會太多人潮。約左朋友去試呢間餐廳，朋友睇到網民表示要排2-3個鐘等位，所以我地當日(公眾假期)下晝4點左右就衝定過去攞位，點知個號碼一拎5點就入得，高估左佢既潛力。一入到去就order左個雜錦廣島燒，因為貪佢有烏冬，2個人食實夠飽。如果唔夠，可以有借口叫多個pancake黎燒下，幾歡欣話說個位置都幾寬幾舒服，2個人坐的話，心諗咁大個爐，唔知洗唔洗同人搭枱，點知又唔洗，幾抵讚當d材料黎到，個職員一連串講解要先落乜再落乜，之後就話有咩唔明再搵職員幫手啦，跟住我就同我個朋友對望左眼呆晒，原來唔知做咩先聽完一大輪野。可能見我地都呆呆地，附近有個女職員就即刻衝埋黎，好主動咁幫我地，教我地先落咩，佢又幫手整一整理，因為個廣島燒都算複雜做法，整個過程佢有6成幫手，之後其餘都我地自己搞掂，都算可以自己享受下製作過程，而又唔洗失敗。咁最後食落成舊野係唔差既，因為醬都係一般果隻，而係自己做既，係好食d既，只係略厭個餅底煮得有d硬，加上佢又無比大碟我地，得個

半年前訂定先有位 果然名不虛傳 黎到外面已經好多人等位 我地叫左2個大板燒 過程係幾好位同其實都唔難整 而且味道仲要ok 價錢又合理 仲覺得好底 可以再黎 不過聽聞訂位要下年先有啦😝