遇見花蓮

營業中

休息中

餐廳：遇見花蓮地點：北角炮台山電氣道菜式：台灣野餐牌：花蓮小鍋，花蓮地道小食，花蓮手工麵，麻辣手工拌麵，古早味薑蔥，家傳滷肉飯，花蓮捲餅，花蓮吐司，甜點，飲品。無加一。古早滷蜜汁排骨配手工麵 $68手工麵好大碗，麵條係煙韌有咬口既白色麵，粗幼度適中。個湯唔油，味道唔錯。配兩條小棠菜，鹹菜同蔥花。古早滷蜜汁排骨另上，超大件，賣相唔錯。慢煮豬軟骨滷肉飯 $68慢煮豬軟骨滷肉飯有三大件慢煮豬軟骨，整得好淋，而味道甜甜地，好開胃。滷肉份量唔少，味道都係甜甜地，撈飯一流。配有糖心蛋半隻，兩條小棠菜，鹹菜同蔥花。跟有一碗紫菜肉丸蔥花湯，味道唔錯，好健康。私房麻辣牛三寶 $68私房麻辣牛三寶好大份，有牛腱心兩大件，食落非常淋，又帶筋，好正。牛肚三件，口感都唔錯。牛筋三件，好有彈性！麻辣味其實唔算太辣，絕對可以接受。仲有糖心蛋一開二同鹹菜，面頭撒上葱花。麻辣鴨血 $28麻辣鴨血一客七件，唔算太辣，面頭灑上蔥花。古早烤台灣香腸 $38古早烤台灣香腸擺盤不俗，香腸一客有8片，伴有香蒜片。香腸食落蜜味濃，甜甜地，好乾身。鮮奶芋泥手工芋圓 加$16鮮奶芋泥手工芋圓用玻璃杯上，大大杯。鮮奶好滑，芋泥完全唔甜，感

太多年冇去花蓮見到餐廳名有種熟悉嘅感覺…好掛住台灣嘅食物🥹🤤就係遇見花蓮都止下癮先台式香濃沙茶鍋濃濃沙茶湯底 配上粉絲 蜆 丸 肉🥩🍲好惹味 凍凍地就岩哂 鹽酥雞滷肉飯大大粒嘅鹽酥雞 份量十足 滷肉飯都有水準 滷肉係要肥肥地先好食😋古早花雕雞卷考功夫嘅花雕雞卷 雞滑又夠花雕味 唔會好少 份量都算多芋香芋泥奶茶重芋頭 配搭上台式奶茶🧋係台灣嘅味道啊鮮奶芋泥手工芋圓最鍾意飲鮮奶嘅我 好鍾意呢款重奶味嘅手工芋圓特飲 粒粒芋圓煙靭有口感 紫薯蕃薯🍠芋圓 揀左少甜 唔會好甜食完小食 主食 甜品當然唔少得 古早芋泥三色芋圓芋圓都幾多 配上椰奶 又有芋泥芋圓大滿足😌QR code order 環境舒適 地點方便 近地鐵站 港島返工幾唔錯嘅選擇

朋友結婚係北角既酒店出門，係附近行一圈見到有間新開既台式餐廳，即刻入去一試---------------花蓮小食拼盤💲889款台式小食，二人份量，每樣試小小，唔會霸左個胃咁多位，大腸，牛肚，鴨血，醉雞卷十分入味，炸物亦唔太油膩---------------大腸麵線（輕量）💲32大腸麵線配埋麻油香味一絕👍雖然係輕量但大腸份量都唔算少---------------紅燒牛肉麵💲72湯底冇得頂，👍牛肉大大舊唔係牛肉碎/片亦夠曬冧易入口---------------古早冬瓜茶💲+8完全唔會太甜，味道啱啱好---------------整體：環境夠闊落，送餐時間都唔會等太耐

🪷🇹🇼【 遇見花蓮 】🇹🇼 🪷⋄ —————⧫♟⧫————— ⋄勁鍾意食台灣菜，「遇見花蓮」都算係我食過之中相當高質的👍🏻睇相都知道好味🤗🐂「麻辣什錦牛肉鍋」(中辣)天氣凍冰冰，叫咗個「麻辣什錦牛肉鍋」(中辣)🔥估唔到辣度真係有返咁上下，又麻又辣，勁正🌶️配料有：娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、鳴門卷、青豆角，超豐富🈵主食揀咗「寬條薯粉」，索晒湯汁，好好味😋🍜「花蓮川味半筋半肉麵」川味湯底麻辣鮮香🥰 配料一半係牛筋，一半係牛肉，一碗可以試晒兩款，勁入味，不得了💯🥪「麻辣鬼椒起司雞腿蛋吐司」吐司比預期中更辣，我地食到鼻涕雪雪聲，麻辣鬼椒果然唔講得笑🌶️🌶️🌶️😆芝士、雞蛋、雞腿肉，餡料極之澎湃，一邊食一邊滴汁，好juicy🤤🫔古早起司芋泥肉鬆捲餅（逢甲名物）濃郁芝士加上芋泥，仲有肉鬆嘅鹹香，勁有飽足感，推薦呀👏🏻⋄ ┄ ┄ ┄ ┄ ❖ ┄ ┄ ┄ ┄ ⋄🌶️麻辣什錦牛肉鍋🐂（中辣）（$118）- 配 薯粉🍜花蓮川味半筋半肉麵（$79）🥪麻辣鬼椒起司雞腿蛋吐司（$58）🫔古早起司芋泥肉鬆捲餅（逢甲名物）（$46）⋄ ┄ ┄ ┄ ┄ ❖ ┄ ┄ ┄ ┄

雖然依家可以去旅行，但我都好耐冇去過台灣，其實一路都好鍾意食台灣野，所以今次就約fd黎食下🇹🇼佢地出名好多經典台灣美食花蓮小食拼盤（$88）個拼盤有齊曬鹽酥雞，牛肚,豬大腸,雞卷,滷蛋,香腸,地瓜酥,脆魚塊,麻辣鴨血，有選擇困難症既話，呢個拼盤就岩曬，所有小食都有最少兩件以上，整體都好好食，其中我覺得比較驚喜嘅係鹽酥雞同雞卷，鹽酥雞熱辣辣，炸得好鬆脆，雞卷有醉雞味道，仲要有兩大舊，作為小食咁岩曬，牛肚同豬大腸都非常入味 $88 黎講，真係好抵食，已經食曬佢咁多個招牌小食，推介大家都要叫呢個拼盤👍🏻主食就叫左兩個薑蔥滷蜜汁排骨飯（$62）排骨大大塊，加埋薑蔥嚟送飯就一流，連啲酸菜都好好食🍚川味牛三寶手工麵（$85）牛筋，牛肚，腱心，一次過滿足晒三個願望，每一件都好淋好入味，川味少少辣，加埋手工麵唔覺唔覺已經食曬成碗🍜淡水滷肉刈包（$22）滷肉已經切細左，加埋酸菜芫茜配合得好好，仲要好細心咁有埋手套同濕紙巾，要加分!🥰珍珠奶茶 加配（+$12）黎到台式餐廳一定要試下珍珠奶茶，叫咗少甜，都真係唔會太甜，珍珠彈牙，好飲🧋鮮奶芋泥手工芋圓 加配（+$16）佢有大大粒芋泥係杯飲野入邊，加上粒粒芋圓

之前食過呢間遇見花蓮，聽到名字就覺得好可愛😂於是今次再約朋友重遊花蓮古早起司芋泥肉鬆蛋 $46芝士鹹鹹的再加上芋泥甜甜的，一甜一鹹，有點像是甜品一樣🤣花雕雞卷 $42甜甜的杞子，花雕酒味十分濃郁，值得一食的小菜🤤台式香濃沙茶鍋 $118沙茶鍋配料好多，除咗有肥牛同埋蔬菜之外仲有牛丸同埋墨丸，好似食緊譚仔咁😋薑蔥慢煮豬軟骨飯 $66平時薑蔥豬扒或者雞翼就食得多，薑蔥加豬軟骨呢個配搭都係第一次食，雖然話係豬軟骨，不過又冇乜骨，幾得意🤗紅棗桂圓茶 & 黑糖薑母茶 +$8x2最後點了兩杯飲品，養生為主哈哈好味指數：8/10性價比指數：9/10餐廳名稱：遇見花蓮餐廳地址：北角炮台山電氣道183號友邦廣場地下14-15號舖電話：28897799

難得想食焢肉飯，就算多人都選擇等位。其實呢個區域超級多選擇。自問同個收銀講野都算有禮貌，借廁所過左張飛，咪好平靜地同佢講聲囉。咁佢又唔俾反應又剩，咪望住佢囉。個收銀一臉不耐煩咁「等陣」，我心諗我都無催你嗯。由個一刻已經好似得罪佢咁。算，終於入到座。好啦，舉手叫寫嘢。唔知做咩又得個收銀得閒，來到就指住個飯啦，俾佢鬧「即係幾多號啊」，啊生，會唔會你清楚個餐牌多過我？其實係咪幫襯你係食客既錯？好啦，下次唔黎啦哈。好認真問過其他職員，唔係老闆黎。噢，係一個有性格的職員。佢同事話佢對其他人都係態度差。相信唔係針對我，好安慰。其他無嘢，但咁多餐廳，無必要貼錢買難受。講完。

第二次黎到呢間台灣餐廳，上次食左牛肉麵同鹽酥雞滷肉飯，味道大至都唔錯。今次點左其他食物，睇下係咪又咁好。花蓮小食拼盤 ($88）：- 總共有9款小食- 鹽酥雞：炸粉適中, 肉質夠嫩- 豬大腸, 牛肚:微辣,淋身,野味- 雞卷:有花雕味和少許藥材,肉質嫩滑- 滷蛋蛋黃:試少流心- 台式香腸:甜甜地,加埋蒜片- 地瓜酥:煙煙韌韌,些少番薯味- 脆魚塊:肉質軟- 麻辣鴨血:唔會太辣, 野味蜜汁滷排骨滷肉飯 ($66）：- 排骨好大塊- 浸過蜜汁- 炸衣脆口花蓮半筋半肉麻辣拌麵 ($82）：- 牛筋、牛肉各兩大件- 麻辣味夠哂濃- 麵量好足，大大碗台式香濃沙茶鍋自選粉麵：粉絲（$118）：- 材料豐富，有牛肉片，牛丸，花枝丸，沙白，娃娃菜，粟米，金菇，韭菜，番茄，冬菇，加左粉絲。整體食物質素都唔錯。會encore!!!!!

今日朋友相聚去東岸公園遊玩，到晚餐時間，朋友提議去附近炮台山友邦廣場遇見花連食台灣美料理。入到座無虛席，環境乾淨舒適。掃碼點送幾方便。招牌紅燒牛三寶手工面：有牛筋、牛肚、牛腩、菜等真材實料非常入味，手工面彈牙，值得一試。鹵肉A菜：爽口健康配搭。士林夜市蟹蓋：口感豐富而有層次。台式香濃沙茶鍋：有香菇、牛肉、番茄、娃娃菜、粟米、丸類、花蛤和鵪鶉蛋等鮮甜美味。飲品鮮奶紅豆手工芋圓和芋泥鮮奶：甜度適中，珍珠煙煙靭靭好贊。服務員也非常熱情，賓至如歸。以後想吃台灣料理會再次光臨！

今晚同朋友去位於北角嘅遇見花蓮餐廳，回味吓台灣美食。肉鬆榨菜蛋餅酥脆的蛋餅包裹著香濃的肉鬆和爽脆的榨菜，口感豐富，每一口都帶來滿滿的滿足感。紅燒半筋半肉麵麵條彈牙有嚼勁，湯汁濃郁，筋道的肉和軟嫩的肉片相互融合，十分推介。香濃沙茶鍋配薯粉香氣四溢的沙茶醬，薯粉吸收了湯汁的精華，未吃已經令人垂涎欲滴。火鍋內裏有豐富的火鍋材料，性價比高。芋香珍珠奶茶口味恰到好處，不會過甜，帶有濃郁的芋頭香氣，珍珠Q彈可口。夜市鳳梨水果茶清新爽口，有豐富的水果茶香。

係北角AIA個頭勁多特色小店今次要為大家介紹既係 - 遇見花蓮遇見花蓮係位於北角炮台山電氣道183號友邦廣場地下14-15號舖餐廳主打食台灣菜為主佢地成個環境都好舒適個人大愛佢地個起司培根蛋餅食落真係拉絲而且佢芝味好香濃遇見花蓮Location: Fortress HillPrice : $100-$200/p.pEnvironment (10 is chill): 6.5/10Yummy (10 is delicious): 7/10

遇見花蓮地址：北角電氣道183號友邦廣場14-15號舖香港凍到10度以下唔常出現，一月降至7度，有得食打邊爐會地方會旺場！$118 ，有主食麵條類包含，更加$10升級滷肉飯，4款鍋有豬或牛，涉底可自選辣度！試了泡菜豚肉，入容物豐富，有娃娃菜，丸類、沙白、豆腐、菇、豬血糕、豆角，蕃茄、椰菜等（打食材都打到手軟）大雜鍋乜都有d ! $8 跟主食有熱紅棗茶，岩曬寒流下暖身滋潤。$42 6件花鵰酒雞卷，酒味有淡淡甜香！$36 鹹蛋黃芋泥酥，搓成球狀炸至金黃，個芋泥好滑，中間仲有鹹蛋黃碎，極之美味！大腸麵線好滑，落些醋，令人回味$28肉燥油麥菜，台灣a菜，面上淋上大量半肥瘦肉燥特別香。#

遇見花連聽到餐廳嘅名字，已經知道係食台灣食品啦😋店內提供了台灣小食、卷餅、吐司、手工麵、火鍋及甜品。中午時都幾多人，需要等位。今次叫咗：✅花蓮小食拼盤$88有九款小食👏👏可以一次過品嚐所有台灣小食嘅味道。😋✅起司肉鬆蛋餅煙韌有口感，芝士+肉鬆，口感豐富。✅台式香濃沙茶鍋闊條薯粉鍋內好多料，粉絲同薯粉加上湯汁，好味😋✅士林蟹蓋面層炸得香脆，唔會太油膩。✅芋香珍珠奶茶+12元餐廳環境都幾新及餐廳食品多，價錢合理。

食個新竹米粉下午茶，加珍珠奶茶，$47 不錯。但其中一位女侍應，應該係我在香港見過所有服務行業以來態度最差嘅一位. 唔知有邊位激嬲咗佢心情唔靚，好聲好氣落單，佢話: 叫你講慢啲呀。好啦，慢慢講啦，佢又話：快啲啦你。阿姐如果你心情唔靚，可以唔使做. 簡簡單單食個下午茶，唔係嚟受你氣㗎。

難食 服務態度差 豬扒黑蚊蚊 又鹹 牛筋有韌牛展又韌 嗰個臭臭鍋 成間臭氣沖天 都唔知點解咁多人去食 奶茶冇奶茶味 嗰晚去到 仲見到啲poker喺度寫食評 根本喺度吹水 我同我啲朋友都講 冇下次呀