逸東軒

營業中

休息中

我同老公結婚後訂了這間點心，之前去過了無數次，喜歡這邊的環境、服務及食物質素，當然也是有良知的餐廳好大好寬廣的位置，我們今次被安排坐在房中，感覺一樣好，好舒適又休閑的感覺茶的質素好有保證，點了鐵觀音，好清香去油，茶葉質素好，唔好苦澀我們必點的金沙脆豆腐，熱辣辣又外脆內滑，豆腐好滑溜，加上一粒粒炸香蒜粒，老公必點逸東小籠包是我們第一次食，好精緻！一籠4粒，包中的湯汁多而香，皮薄肉香嫩，配上香醋薑絲老公最愛入味爽口的薑蔥牛柏葉、我喜歡的多菜皮薄的瑤柱菜苗餃老公話食過最好的大大粒爽口蝦餃，皮薄煙韌又摺得好靚；叉燒腸粉都好食，話哂叉燒是這裡出名的，豉油是自行加的帶子蒸燒賣是出名又必點的，帶子好大粒，燒賣蝦爽又脹卜卜，我喜歡配上辣椒醬一齊食紅油抄手是用沙嗲醬，抄手幾多又足料，但醬汁咸了點一定會再去，大家都可以試試❤️

一直都只係聽朋友講逸東軒好好食，但我本身無話特別鍾意食中菜，同埋佢既價錢都真係唔平，所以一直都無去過。但而家因為疫情關係，以七折價錢就可以試到，所以就預早一個月上網預約就去試下。由於聽聞佢既烤鴨同埋叉燒好受歡迎，所以前一日就專登打左個電話去預留左一隻鴨同一份叉燒。當日去到的時候氣氛好好，座位都坐得好舒適，枱與枱之間都有一定既距離，令人感到安心。首先推介返今次係呢度食既菜式 話梅車厘茄 (HK$108)我本身其實唔係咁鍾意食車厘茄，但就好鍾意食話梅。但食左第一啖之後，酸酸甜甜既口感，令到我食完一啖又一啖，真係十分之推介。加上我係出面既餐廳都唔係好發現到有呢個相似的菜式，我十分推薦大家一定要叫!!!  明爐蜜汁叉燒 (HK$238)我食完之後終於明白到點解呢度既叉燒咁出名，件件半肥瘦同埋唔老，食落又唔肥膩。  脆皮逸東烤鴨 (二食) (HK$768)終於黎到重頭戲的脆皮逸東烤鴨，份量比我想像中少，但係都好多汁。同埋佢既傳統春餅真係好薄，加上醬料真係只可以用好好味黎形容。另外個二食我地就揀左生菜包鴨崧生菜包鴨崧就普普通通，無咩特別。  野菌魚湯浸時蔬 (HK$218)魚湯好濃，就菜一碟咁~ 

之前一直想試逸東軒，所就訂咗位食午餐~ 因為限聚令，每兩個人可以坐喺張四人枱，而且枱同枱之間係保持一個非常遠嘅距離，食得好安心~ 同媽咪兩個人叫咗六個點心，全部點心質素都係中上脆皮流沙酥流沙酥雖然細細件，但其實非常之飽，上枱嘅時候仲暖，一咬奶黃就流出嚟，非常好食😋Xo醬煎蘿蔔糕蘿蔔糕外脆內軟， xo醬唔係得辣味， 鹹鹹香香，食唔停口， 都值得推介👍叉燒腸粉腸粉皮薄身，入面嘅叉燒幾好食，肥瘦適中，咬落去唔會太un口，而且有少少脆脆地，不過又未到非常好食🙉帶子燒賣 帶子好大粒，而且入面嘅蝦好爽， 整體嚟講水準不錯沙嗲金錢肚金錢肚炆得好冧，但係沙嗲味過重，所以食唔到金錢肚本身嘅味道，少少失望🙈筍尖蝦餃🦐呢個食完都冇乜太大感想，係大粒，入面嘅蝦都大粒，蝦餃皮就一般厚度啦～茶價每人28蚊，六個點心最後食咗三百零蚊埋單，我覺得都幾抵

二人限眾令下，兩個人都坐咁大張枱。龍井茶 28/位開頭味淡甘香，之後越黎越濃有少少苦。前菜 有四季豆、豆乾、辣椒同燒肉，少少辣同有豆瓣醬味，幾好食。明爐蜜汁叉燒 238見餐牌有推薦，叫咗份試下有12件，件件半肥瘦，食落唔肥膩，有咬口好大朕豬味，完全無蜜糖味。花雕蟹 時價588一上枱就聞到好香花雕味，食落就無乜花雕味，有啲鹹。都幾多蟹膏蟹黃，蟹黃硬到癡實隻碟。生拆蟹粉小籠包 38無咩蟹味，皮薄多汁，有蟹殼籠仔荷葉陳皮生煎雞飯 298雞用咗唔同香料煎香，雞肉嫩滑，啲沙薑味幾好食。飯有雞油同荷葉味，粒粒分明。蟹粉扒豆苗 298好多醬，有少少蟹膏蟹肉。菜新鮮，新鮮到菜味蓋過蟹粉味。蜂巢荔茸鴨 280芋酥鬆脆香口，芋泥棉滑，鴨肉幼嫩鴨皮炸到金黃色，但唔係每件都有鴨肉，食中有件得鴨皮同肥膏。凍左芋酥無咁脆，要趁熱食！蛋白杏仁茶湯圓 48有兩粒芝麻湯圓，杏仁味濃郁，唔甜

一向聽聞逸東酒店無論buffet或中菜廳都非常出色，逸東軒近來推出點心優惠，$38就可以享用米芝連點心，當然唔可以錯過呢個優惠咁抵，記得早d 打去book位，午市分3輪時間11am, 12.45pm, 2.30pm, 限時90分鐘，我大約2星期前book定位，咁就可以同屋企人一齊歎靚點心。點心選擇多，上菜時間亦好快，熱辣辣點心好快送到。必點帶子蒸燒賣，原粒帶子配鮮蝦燒賣仲有推介脆皮流沙包，外脆內軟，流出熱熱奶皇$38點心優惠最近都有，仲定期改餐牌選擇，值得再三幫襯

因為要清假.  所以決定嚟好多好評但平日限既逸東軒點心. 長話短說點心樣樣出色, 以樣樣38蚊嚟講真係超值. 只係人手有DD不足. 不過係而家既形勢嚟講都算可以接受. 最有印象係帶子賣, 蝦餃, 菜苗餃, 個皮做得好好, 餡料亦真材實料. 所以佢D腸粉都唔錯. 唯一可惜既係我得一個胃, 如果唔係我應該樣樣都想encore一次. 

午餐價位合理，大多點心都$38/$48，當然有貴小小，但絕對是比得起的價錢，不會太多人，不太嘈，有小小服務。食物方便，水準正常 灌湯餃出色（比半島嘉麟樓還好食）👍🏻叉燒 （例牌）正常，沒什麼太特別餃 - 皮做得好薄好soft👍🏻小籠包- 皮有點厚，仲穿埋..好彩佢用細匙放著 彌補一下😂煎糯米雞 （比半島嘉麟樓差很遠）好淋，冇燒焦香味

八道菜蟹宴係有誠意嘅，成個餐都食得出大廚嘅心思，全部手功菜，值得一試。今次幫襯順便睇埋其他單點菜式嘅餐牌，好多都好有興趣，有機會一定再試埋單點嘅晚餐。前菜好味嘅，但就咁食個人覺得個脆蟮同叉燒都有點咸，少少啫，有碗白飯一齊食就一流喇。8道菜全部都好好味，但全餐最精彩嘅係個花雕雞油蒸膏蟹。蟹鮮甜多膏（膏比較實似係蟹乸），花雕嘅香味滲咗入蟹度，更加帶出蟹嘅鮮甜味。我試咗一啖佢個汁，就咁入口都唔會咸，好清香有蟹嘅鮮甜，雞油嘅甘香同花雕嘅醇厚..... 兩位食一隻蟹，蟹唔算太大；但佢好貼心咁跟個米粉俾你，可以撈埋個汁嚟食..... 係超完美嘅配搭...... 絶對唔會唔夠飽嘅。餐廳環境同服務質素都好好；唯獨是車位得十個，如果揸車去嘅話訂枱時記住要訂埋車位。仲有，如要食8道菜蟹宴訂位時要講明嘅。我原本唔知，好在職員打嚟confirm booking時有同佢講食蟹宴，佢即時幫我哋訂返，唔係去到無得食就慘喇。題外話，見到餐廳做緊午市點心優惠，有興趣都可以睇睇。我試完再分享。

米芝蓮一星餐廳果然係唔同啲，餐廳環境十分舒適，枱夠大之餘，枱與枱之間嘅距離都好充足，而且服務態度非常之好👍🏻👍🏻👍🏻💛脆皮逸東烤鴨（二食）$768新鮮熱辣攞上枱，上枱時都仲出緊煙，佢會首先原隻上枱比你望下同影相打卡🤣，之後佢就會攞開去旁邊片皮。鴨皮好脆好香，超正二食揀左炒飯，本身冇乜期待，但食左幾啖又幾好味喎，啲鴨肉超淋，入口又香，有驚喜👍🏻💛砂窩薑蔥乳香鱈魚 $288一開煲蓋啲香味擁晒出嚟，鱈魚個皮炸過，落汁炒完啲皮都仲好脆，啲肉又淋又香滑，一啖有晒唔同口感好好味 💛馳名燒味雙輝 燒腩叉燒 $368逸東嘅叉燒一向都好出名，難得黎到緊係唔可以錯過，叉燒好正，肥瘦適中，燒得好香口，唔太油膩又唔會過份乾身，岩岩好比起叉燒，燒腩就比較普通，感覺出面都可以食到差唔多質素💛溫公粗齋煲 $198食左咁多肉，都要叫返個菜煲中和下，都幾多料，中規中矩，冇話特別出色咁啦🙈🙈💛家鄉甜薄撐 $58甜品方面，叫左呢個出面比較少見嘅家鄉甜薄撐，皮唔會太厚，花生餡料又超足大推👍🏻👍🏻👍🏻

想試逸東軒好耐，難得成功訂位，同屋企人請半日假都嚟食。訂左當日2:30pm，入座前都知4:00pm要還枱。餐廳內部裝潢精細有品味，並非一般酒樓格局，枱上的茶壺杯具都用心配襯，突顯風格。話明係點心下午茶，我地就主力試唔同點心既。最好味我認為係流心奶黃酥，忍唔住前後叫了２碟。叉燒腸粉都唔錯，另外鮮嫩唔「鞋」口的牛肉球都係有驚喜，不過食得太快所以影唔切相壓軸嗌左兩道貴菜，係屋企長輩指明要試，雖然稍貴，但係味道絕對值回票價。ＸＯ醬牛筋腩非常腍甜又咬口，調味亦好夠唔會過咸。荷葉飯香味四溢，份量十足，一行６人都食到半碗以上。６人用餐埋單大概1500元，我覺得非常值得，有機會想試埋佢既晚食呢

早已聽聞連續4年獲得米芝連1星🌟逸東軒既厲害，今次襯住去住，就起身去飲個茶試下😙話時話，我地打左幾日電話都冇人聽既逸東軒，當日check in既時候，職員好好咁幫我地book，仲要原來住客係有7折架😆(不過我地都係埋單果刻先知，如果唔係會食多d，記得要比房號餐廳)-⭐️春風得意脆皮腸粉 $68薄薄既腸粉皮，包住炸得岩岩好既春卷皮，再包住蝦🦐，春卷皮仍然可以保持香脆，好有層次，有驚喜👍🏻-⭐️筍尖鮮蝦餃 $68蝦餃皮包住原隻蝦仁，非常足料，係比正常既蝦餃好食dd，但就冇乜驚喜-⭐️瑤柱帶子菜苗餃 $65平時我地飲茶都鍾意食菜苗餃，但咁足料既，就真係比較少見😄首先個皮非常煙韌，包住爆料既瑤柱、帶子同菜苗，清得黎又好夠味，正👍🏻-⭐️酥皮叉燒焗餐包 $52熱辣辣既叉燒焗餐包，上枱時仲出緊煙，包上既皮仲脆，叉燒亦好多，充滿蜜汁，甜甜地，好好味😋-⭐️帶子蒸燒賣 $65充滿鮮蝦既燒賣面頭放左一片帶子，望落去即刻靚左又高級左，係一籠充滿鮮味既燒賣，高質😎-⭐️原個馬拉糕 $58其實我地本身冇叫馬拉糕，但食食下見到前面果枱叫左，賣相好靚，好吸引，就忍唔住叫黎試下😝結果，冇令我地失望，淡淡既黃色，原個上軟綿綿既馬

逸東軒一路都是經濟的一星米芝蓮中菜廳，適逢現有7折優惠更加不能錯過二弄玻璃蝦球：一道菜有兩款口味，油泡新鮮清甜，咕嚕煎得爽脆，再配上酸甜汁非常醒胃，不愧為得獎菜式片皮雞：片皮鴨就食得多，片皮雞就第一次食，春餅配上吊燒雞皮，再加上海鮮醬及青瓜大蔥，非常惹味。 另外值得一提就算不是用嚟做片皮雞，齋食的燒雞都非常嫩滑及香脆兩食另一煮法生菜包雞鬆就比較有點失色， 味道比較普通，不過亦值得一讚炒得非常乾身逸東軒嘅名爐蜜汁叉燒真係不用多說，簡直係number one 該肥的位置有肥，非常軟淋最後甜品有香芒糯米卷及川貝陳皮燉津梨~香芒糯米卷芒果香甜，糯米皮非常煙韌，非常出色的配搭川貝陳皮燉津梨非常潤喉，配料份量十足，沒有偷工減料總括而言在逸東軒用膳係一個非常之好嘅體驗 ，因有良好嘅服務,高質的食品以及舒服嘅環境， 再加上優惠嘅價錢，真係encore再encore

一間連續4年榮獲米芝連一星的中菜廳🤩.這間中菜廳一直想試很久，在6月網上訂位已經排到7月😧證明這間中菜廳相當多食客支持🧐.脆皮流沙包是新鮮炸的，外脆內軟，奶黃鹹香味濃😋.酥皮叉燒焗餐包，身邊有朋友推薦本人必試😛酥皮非常酥脆，口感不錯👍🏼.賽螃蟹餃，皮滑煙韌，內裡滿滿的蛋白蟹肉，感覺還不錯👌🏼.帶子蒸燒賣，頂上的帶子再配上豬肉和蝦肉製作的燒賣，好好吃😋.春風得意脆皮腸，腸粉皮薄而且夾起不會碎，內裡還包著新鮮炸的春卷，另外可以用甜醬、麻醬、豉油等醬料調味😋.逸東小籠包，雖然皮不是很薄，但夾起時並不會穿😁

中同中女聚會💛💛💛次次都係食西餐今次提議飲杯茶食個包 慢慢傾之前都想訂晚飯Booking要一個月好彩今次飲茶早兩星期訂位都有位訂位時講明用餐時間90分鐘個人覺得有少少趕既👉🏽👈🏽去到拎位帶位入座都好好招待同侍應反應張枱對住風口位好凍侍應即時較細冷氣欣賞茶壺有明火座住 飲極都係暖茶👍🏾點心選擇唔係話真係好多 但都足夠～我哋三個中女嗌左四五樣點心樣樣都好食喎又真係特別係個馬拉糕唔會好甜 又好軟熟咁熱辣辣食 超正到埋單先知某信用卡有88折中女即刻開心哂🤣🤣🤣

本來6月訂好位試晚市7折，林鄭政府即刻宣佈晚市禁堂食。恢復晚市一輪時間後，終於BOOK到位。雖然客人不少，但店員們的服務仍非常貼心、周到。由點餐到埋單都很妥貼。三蔥爆龍蝦球 $480龍蝦球蠻大粒，肉嫩、彈牙。大蔥、洋蔥 + 蔥，看似普通但很鮮甜。尤其大蔥，夠juicy。脆皮逸東烤鴨 (二食) $768FINALLY! 終於有幸吃到傳說中的片皮鴨～原鴨打完卡，店員便幫忙切鴨。不消一會，兩碟鴨便上枱。麼麼皮厚薄剛剛好，口感軟中帶Ｑ彈，不漿口又不易爆開。主角烤鴨皮脅帶點油脂，非常香口。加上自家甜面醬更加惹味。我們二人忍不住吃光全鴨，果然是招牌菜！生菜包鴨菘生菜超甜，每一塊都經過悉心挑選，很爽嫩。鴨菘味道較淡，要加點海鮮醬才調出鮮味。砍個人食一隻鴨是不可能的，最後鴨菘還是打包了。見隔離枱食脆皮片皮雞 $598，也蠻大隻。下次可以試~餐廳資料：逸東軒地址: 佐敦彌敦道380號香港逸東酒店B2樓層電話: 27101093