影片
以上資料只供參考, 請與餐廳確認詳情
有關獎賞計劃
一直都好鐘意日本既達摩，原來最近旺角開咗間達摩主題既餐廳，當然即刻約朋友一齊去食飯打卡啦！淡雪の莓（士多啤梨、鮮奶、蝶豆花、奶蓋）馬卡龍色調再配上一粒新鮮士多啤梨，睇落好靚！奶蓋入口順滑味道甜甜地，杯面有粒新鮮士多啤梨果肉，味道香甜！芥末左口魚邊魚肉嫩滑，芥末辛辣味濃郁，啱晒鐘意食wasabi既朋友仔！醬漬螢光魷魚魷魚口感脆口，醬漬味道深入魷魚入面，味道濃郁！南蠻炸雞金黃色既外皮酥脆皮薄，入面雞肉鮮嫩多汁，咬落口唔會覺得油膩！表面淋上酸甜醬汁，食落更好食！旁邊仲有沙律菜，一齊食仲可以去除油膩感！達摩天丼賣相超吸睛，大大個龍蝦放上丼飯上面！龍蝦肉天婦羅拎係第一次食！龍蝦肉大大件，口感新鮮彈牙！丼飯表面鋪滿大量蟹肉同帶子，全部都好新鮮，鮮味十足！丼飯份量超多，夠晒兩個人一齊share!達摩牛肉盛合上菜方式非常有儀式感，服務員會首先送上一本古書樣既盒，打開之後就會點火燃燒盒中表面既紙，燒完之後出現係眼前既係一碟三品靚牛，旁邊仲要有好幾隻達摩做裝飾添！ 之後再放上岩鹽板上燒肉，就會自帶少少鹽味，食起尼更能帶出濃郁牛味！我見隔離枱有人點左蛋糕，仲有好特別既日式生日畫碟添，不過好似係要提前預訂！諗緊下次同朋友尼慶祝生日都唔錯！最後消費滿400元仲有開張抽獎添！頭獎仲要係單人來回日本機票添！我就抽中左達摩小匙扣。之後店員仲提我地寫埋達摩許願紙牌先走！
繼續閱讀
由曾任米芝蓮餐廳星級主廚主理，全港首推日式生日祝福寫字服務❤️ 餐廳仲有大抽獎，消費滿$400就可以抽獎一次，有達摩公仔/優惠，大獎係日本機票‼️門口仲有得寫許願卡許願再掛係餐廳。環境日系風格裝修，達摩主題日式餐廳好啱打卡!🇯🇵達摩二人前定食 $3381. 蜆肉蛋花味增湯 味增湯超級足料，有好多大粒蜆肉，仲有蛋花，味道好鮮甜。🌟評分7/102. 醬漬螢光魷魚有4隻，每一隻都脹卜卜，每一隻食落去都爆汁，好惹味，而且口感好爽口。🌟評分: 8.5/103. 芥末左口魚邊左口魚邊份量非常之多，每一件好醃製得非常之入味，好香芥末味，但係都冇遮擋到左口魚邊既鮮味，芥末中和咗左口魚既油脂感。🌟評分: 8.5/104. 招牌玉子燒（半條） +$18表面舖滿芝士海苔同埋沙律醬，非常之香口，玉手仲有水份係入面，口感香滑鬆軟，味道亦唔係太甜。🌟評分: 7/105. 達摩牛肉盛合 +$108上枱嘅時候好有儀式感，由店員燒咗表面張紙揭曉入面有乜牛肉，用咗一個盲盒形式公布，每星期都會唔一樣，今次有澳洲M5和牛西冷、和牛舌芯和最貴既鹿兒島A4和牛肉眼，而神石用咗岩鹽板代替，令到每一件牛燒嘅時候都有岩鹽調味；鹿兒島A4和牛肉眼非常肥美，入口即化；和牛舌芯油脂四溢，入口爽口，而且一啲都唔會韌；澳洲M5和牛西冷牛味香濃。🌟評分: 7.5/106. 達摩天丼 +$108呢個招牌之一，用咗原隻澳洲龍蝦，仲要好細心，咁已經剝咗殼，仲有大量火炙帶子粒，仲有啲蟹肉，視覺上已經非常滿足，龍蝦肉鮮甜爽口，配上蘭王蛋一齊拌飯食，仲有啲飯素，味道好豐富。🌟評分: 7.5/107.茉莉綠茶 +$13有淡淡嘅茉莉花味，同埋綠茶嘅甘香，非常之解渴。🌟評分:7/10🎖️整體評分🎖️❤️味道：7/10🧡環境：8.5/10💛服務：8/10💙性價比：7/10📍 達摩堂 (旺角)旺角彌敦道726號17樓
繼續閱讀
位於旺角嘅🆕新餐廳🌟達摩堂🌟，係一家以日本達摩為主題嘅🇯🇵日式料理店，由曾任米芝蓮餐廳嘅星級主廚掌舵👨🏻🍳！🏮日系風格裝修嘅餐廳，滿滿都係達摩！設達摩打卡許願牆🎋、神台、裝飾等，餐廳免費供應達摩許願紙條，仲有埋吉卜力風嘅許願教學🙏🏻！🌟二人前 $388/2位包含2前菜、2湯、1小食、1明爐燒、1丼飯/烏冬，可隨意upgrade選項！🦑醬漬螢光魷魚｜芥末左口魚邊日式漬刺身，另可選韓式泡菜！♨️麵豉湯加入蜆嘅湯，多咗一重鮮味！🍗南蠻炸雞無骨炸雞，有他他醬同檸檬帶來酸味，幾解膩！🥩達摩牛肉盛合 ＋$108包含三款肉品嘅盛合，上菜有儀式感！以厚身嘅岩鹽板燒，配搭溫和嘅火力，輕煎至三分熟，即索滿岩鹽嘅精華！🍚宮崎A4和牛丼 ＋$68餐廳嘅所有飯，均使用「鰹魚昆布湯」製作，大量海苔粉、飯素，同埋蘭王蛋黃，味道豐富！🍹沖繩海鹽菠蘿梳打｜特調巨峰提子梳打＋$34套餐可以優惠價加購飲品！🍀開張大抽獎 - 頭獎係單人日本來回機票！細獎都有達摩小精品！消費滿$400即可抽獎一次，$800兩次，如此類推！🎂慶生預早訂座，仲有全港首推嘅日式生日祝福寫字服務，詳情可聯絡餐廳！
繼續閱讀
近排都去唔到日本，唯有食住日本野頂住先原來係旺角新開一間以達摩為主題嘅餐廳，店內以日系風格裝修為主每一個角落都充滿達摩元素，由門口嘅達摩神台、達摩許願牆到達摩擺設，都非常打卡able店內設有大量梳化卡位，可以望到牆外街景，欣賞到日落晚霞，打卡一流近排新店開獎仲有大抽獎，另要消費滿 $400 就可以抽獎一次，100%中獎，仲有機會贏取單人來回日本機票，真係非常吸引食物方面:達摩天丼 : 賣相非常吸睛，放上原隻龍蝦天婦羅，炸得香口，肉裡又鮮甜彈牙，再配埋大量帶子粒及蟹肉，撈埋丼飯一齊食，味道豐富，餐廳必叫之選蘭王雙重挽肉丼 : 近排熱潮係食挽肉，今次仲可以有雙種享受，挽肉非常厚身，肉質嫩滑，食落 juicy ，再加上蔥粒、蛋絲及日本蘭王蛋撈埋一齊食，真係惹味到不得了慢煮牛舌芯 : 用上炭鹽做燒盤，牛舌芯可以吸收到鹽味，牛舌芯厚切，口感豐富，肉質軟淋，再沾少少蘭王蛋汁去食，夠曬惹味招牌明太子玉子燒（半條）: 玉子燒燒到金黃嘅脆皮焦糖，香甜嫩滑，再加上蟹籽及櫻花蝦一齊食，口感豐富，味道有層次
繼續閱讀
終於都嚟到呢間達摩主題日式餐廳啦🇯🇵一出電梯🛗就俾達摩神台、打卡牆📸吸引咗🤩仲有滿滿嘅達摩紙條許願牌🎋由曾任米芝蓮餐廳的星級主廚掌舵👨🏻🍳食物質素非常高質，餐廳做緊開張大抽獎，設立不同獎項，good luck everyone ‼️最特別係全港首推日式生日祝福寫字服務❤️需提前預訂📱 慢煮和牛肉眼丼🐮🍚和牛用慢煮嘅方式，肉質嫩滑到不得了，加入夢王蛋🥚，再攪勻後，飯底係用鰹魚昆布湯烹煮，特別香濃，飯粒粒飽滿多汁。 櫻花虎蝦天婦羅🍤配稻庭烏冬🍜炸到超香脆，舖滿櫻花虎蝦，食嘅時候仲聞到蝦嘅獨特香味，選用嘅虎蝦都幾大隻，肉質彈牙。稻庭烏冬湯底清甜，啱晒小朋友食🥰升級套餐 🆙夢王蜆肉麵豉湯➕漬物麵豉湯味道濃郁，漬物開胃爽口。富士云魅 🗻富士山造型，打卡必備📸味道都唔錯呀，上面係濃厚嘅芝士，杯底加咗燈，透亮感十足！恋人と桜 🍹呢杯都係打卡必備📸粉紅帶俾人浪漫嘅感覺，味道清新。秘製玉子燒（海苔芝士味）🧈滿滿的海苔，玉子燒加咗芝士，味道香濃。黑蜜水信玄餅🍨水晶般嘅視覺，入口清涼，筆少少黃豆粉同黑糖一齊食，口感又唔同咗。
繼續閱讀